शिवस्तुतिः (शक्रकृता शिवरहस्यान्तर्गता) Shakrakrita Shiva Stuti

बलप्रमथनं हरं बहुदबाहुसंशोभितंबलारिबलिनन्दनैः प्रथितवन्दनं शङ्करम् ।बलं धनवरप्रदं बकुलपुष्पमालोज्वलंबलं विलशयाङ्घ्रिकं बडवपूज्यपादाम्बुजम् ॥ २२॥

balapramathanaṃ haraṃ bahudabāhusaṃśobhitaṃbalāribalinandanaiḥ prathitavandanaṃ śaṅkaram |balaṃ dhanavarapradaṃ bakulapuṣpamālojvalaṃbalaṃ vilaśayāṅghrikaṃ baḍavapūjyapādāmbujam || 22||

विनीतजनवत्सलं विगतमानहृत्तापहंविमानवरसञ्चरं प्रथिनवेदगीताशयम् ।विशेषणविवर्जितं विविधबन्धदुःखापहंभवाम्बुधिविशोषकं भवहरं प्रपद्ये शिवम् ॥ २३॥

vinītajanavatsalaṃ vigatamānahṛttāpahaṃvimānavarasañcaraṃ prathinavedagītāśayam |viśeṣaṇavivarjitaṃ vividhabandhaduḥkhāpahaṃbhavāmbudhiviśoṣakaṃ bhavaharaṃ prapadye śivam || 23||

श्रुतिश्रवणभूषणं मदनबाणसंशोषणंत्रिपुण्ड्रपरितोषणमुडुगणेन्द्रसम्भूषणम् ।भजामि अघहारिणं सुकृतराशिसम्पूरणंस्वभक्तपरिपोषणं यमपुरादिसंहारिणम् ॥ २४॥

śrutiśravaṇabhūṣaṇaṃ madanabāṇasaṃśoṣaṇaṃtripuṇḍraparitoṣaṇamuḍugaṇendrasambhūṣaṇam |bhajāmi aghahāriṇaṃ sukṛtarāśisampūraṇaṃsvabhaktaparipoṣaṇaṃ yamapurādisaṃhāriṇam || 24||

उडुराजकलाधरं महेशं वरकाकोदरहारभूषितम् ।सुरराजसमर्चिताङ्घ्रिपद्मं भजतां नास्ति पुनर्भवो भवेषु ॥ २५॥

uḍurājakalādharaṃ maheśaṃ varakākodarahārabhūṣitam |surarājasamarcitāṅghripadmaṃ bhajatāṃ nāsti punarbhavo bhaveṣu || 25||

॥ इति शिवरहस्यान्तर्गते शिवाख्ये शक्रकृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः २९ । २२२५॥

|| iti śivarahasyāntargate śivākhye śakrakṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 29 | 2225||

– ॥ श्रीशिवरहस्यम् ।शिवाख्यः चतुर्थांशः ।अध्यायः २९ ।२२-२५॥

– || śrīśivarahasyam |śivākhyaḥ caturthāṃśaḥ |adhyāyaḥ 29 | 22-25||