सदाशिवस्तोत्रम् ३ Sadashivastotram

ब्राह्मणी उवाचततः किं तैः कृतं देवैर्ब्रह्मविष्णुशिवादिभिः ।तन्मे कथय तत्त्वज्ञः श्रौतुं कौतूहलं मम ॥ १॥

brāhmaṇī uvācatataḥ kiṃ taiḥ kṛtaṃ devairbrahmaviṣṇuśivādibhiḥ |tanme kathaya tattvajñaḥ śrautuṃ kautūhalaṃ mama || 1||

ब्राह्मण उवाचशृणु तुभ्यं महाभागे कथयिष्यामि तत्त्वतः ।महाविष्णुवचः श्रुत्वा यच्चक्रुर्जगदीश्वराः ॥ २॥

brāhmaṇa uvācaśṛṇu tubhyaṃ mahābhāge kathayiṣyāmi tattvataḥ |mahāviṣṇuvacaḥ śrutvā yaccakrurjagadīśvarāḥ || 2||

ब्रह्माद्या ऊचुःभगवन् सर्वभूतात्मन् कोटिब्रह्माण्डविग्रह ।त्वयोद्दिष्टो ह्ययं पन्था दुर्दर्शो दुर्गमो हि नः ॥ ३॥

brahmādyā ūcuḥbhagavan sarvabhūtātman koṭibrahmāṇḍavigraha |tvayoddiṣṭo hyayaṃ panthā durdarśo durgamo hi naḥ || 3||

पथिप्रज्ञो यदा कश्चिदग्रगामी भवेद्विभो ।तदा वा शक्यते गन्तुं श्रीमद्वृन्दावनं वनम् ॥ ४॥

pathiprajño yadā kaścidagragāmī bhavedvibho |tadā vā śakyate gantuṃ śrīmadvṛndāvanaṃ vanam || 4||

चक्षर्नस्तादृशं भूयाद्यथा द्रक्ष्याम तां पुरीम् ।इत्थं श्रुत्वा वचस्तेषां जहास पुरुषोत्तमः ॥ ५॥

cakṣarnastādṛśaṃ bhūyādyathā drakṣyāma tāṃ purīm |itthaṃ śrutvā vacasteṣāṃ jahāsa puruṣottamaḥ || 5||

हसतस्तस्य वदनोदको नीलघनच्छविः ।अष्टबाहुः पीतवासा नीलेन्दीवरलोचनः ॥ ६॥

hasatastasya vadanodako nīlaghanacchaviḥ |aṣṭabāhuḥ pītavāsā nīlendīvaralocanaḥ || 6||

वनमालाधरः कण्ठे कोटिकन्दर्पमोहनः ।विनिर्गत्य स तानाह ब्रह्मविष्णुमहेश्वरान् ॥ ७॥

vanamālādharaḥ kaṇṭhe koṭikandarpamohanaḥ |vinirgatya sa tānāha brahmaviṣṇumaheśvarān || 7||

गच्छध्वं भो मया सार्द्धं दर्शयिष्यामि तां पुरीम् ।महाविष्णोः प्रसादेन यूयं वै दिव्यचक्षुषः ॥ ८॥

gacchadhvaṃ bho mayā sārddhaṃ darśayiṣyāmi tāṃ purīm |mahāviṣṇoḥ prasādena yūyaṃ vai divyacakṣuṣaḥ || 8||

भूत्वा द्रक्ष्यथ तद्राज्यं वृन्दावनवनं महत् ।अहं पुरःसरो भूत्वा यास्यामि तु सहायताम् ॥ ९॥

bhūtvā drakṣyatha tadrājyaṃ vṛndāvanavanaṃ mahat |ahaṃ puraḥsaro bhūtvā yāsyāmi tu sahāyatām || 9||

ततः सर्वे तेन साकं गच्छन्तस्त्रिदशेश्वराः ।दुर्गालोकं च ददृशुः सर्वभूतमनोहरम् ॥ १०॥

tataḥ sarve tena sākaṃ gacchantastridaśeśvarāḥ |durgālokaṃ ca dadṛśuḥ sarvabhūtamanoharam || 10||

तद्गत्वा भुवनं देव्याः कल्पवृक्षोपशोभितम् ।पारिजातवनामोदमधुमत्तमधुव्रतम् ॥ ११॥

tadgatvā bhuvanaṃ devyāḥ kalpavṛkṣopaśobhitam |pārijātavanāmodamadhumattamadhuvratam || 11||

नानामृगगणाकीर्णं सिंहशार्दूलगर्जितम् ।ब्रह्मविष्णुमहेशाद्यैरपरैः परिसेवितम् ॥ १२॥

nānāmṛgagaṇākīrṇaṃ siṃhaśārdūlagarjitam |brahmaviṣṇumaheśādyairaparaiḥ parisevitam || 12||

तन्मध्ये रत्नरचितं दिव्यं सिंहासनोत्तमम् ।तस्य मध्ये महाचक्रं कोटिसूर्यसमप्रभम् ॥ १३॥

tanmadhye ratnaracitaṃ divyaṃ siṃhāsanottamam |tasya madhye mahācakraṃ koṭisūryasamaprabham || 13||

साष्टवक्त्रं सत्रिवृत्तं षोडशाष्टदलान्वितम् ।शक्रकोणयुतं श्रीमद् द्विर्दशारसमन्वितम् ॥ १४॥

sāṣṭavaktraṃ satrivṛttaṃ ṣoḍaśāṣṭadalānvitam |śakrakoṇayutaṃ śrīmad dvirdaśārasamanvitam || 14||

साष्टकोणं सत्रिकोणं बिन्दुयुक्तं मनोहरम् ।स(श)र्वप्रभृतिसंयुक्तं भैरवीभैरवावृतम् ॥ १५॥

sāṣṭakoṇaṃ satrikoṇaṃ binduyuktaṃ manoharam |sa(śa)rvaprabhṛtisaṃyuktaṃ bhairavībhairavāvṛtam || 15||

तन्मध्ये च महादेवीं कोटिसूर्य समप्रभाम् ।चतुर्भुजां त्रिनेत्रां च पञ्चबाणधनुर्धराम् ॥ १६॥

tanmadhye ca mahādevīṃ koṭisūrya samaprabhām |caturbhujāṃ trinetrāṃ ca pañcabāṇadhanurdharām || 16||

पाशाङ्कुशधरां देवीं रक्ताभरणभूषिताम् ।रक्तवस्त्रपरीधानां पीनोन्नतपयोधराम् ॥ १७॥

pāśāṅkuśadharāṃ devīṃ raktābharaṇabhūṣitām |raktavastraparīdhānāṃ pīnonnatapayodharām || 17||

नवयौवनसम्पन्नां परमानन्दरूपिणीम् ।प्रणेमु दण्डवत् तां च श्रीमत्त्रिपुरसुन्दरीम् ॥ १८॥

navayauvanasampannāṃ paramānandarūpiṇīm |praṇemu daṇḍavat tāṃ ca śrīmattripurasundarīm || 18||

ततस्तान् प्रणतान् प्राह देवी त्रिभुवनेश्वरी ।तत्सिध्यतु देवेन्द्रा यदर्थं गन्तुमिच्छथ ॥ १९॥

tatastān praṇatān prāha devī tribhuvaneśvarī |tatsidhyatu devendrā yadarthaṃ gantumicchatha || 19||

एवं देव्याशिषं देवा गृहीत्वा गन्तुमुद्यताः ।ततस्तां त्रिजगद्धात्रीं नमस्कृत्य पुरःसरः ॥ २०॥

evaṃ devyāśiṣaṃ devā gṛhītvā gantumudyatāḥ |tatastāṃ trijagaddhātrīṃ namaskṛtya puraḥsaraḥ || 20||

प्रतिमूर्तिर्महाविष्णोराह तान् मेघनिस्वनः ।आगच्छध्वं महाभागा नात्र कार्या विचारणा ॥ २१॥

pratimūrtirmahāviṣṇorāha tān meghanisvanaḥ |āgacchadhvaṃ mahābhāgā nātra kāryā vicāraṇā || 21||

ततस्तद्वचनं श्रुत्वा ब्रह्माद्यास्त्रिदशेश्वराः ।निर्गत्य देव्या पुरतः शिवलोकपथं गताः ॥ २२॥

tatastadvacanaṃ śrutvā brahmādyāstridaśeśvarāḥ |nirgatya devyā purataḥ śivalokapathaṃ gatāḥ || 22||

तत्र ज्योतिर्मयं लिङ्गं ददर्श परमाद्भुतम् ।सर्वव्यापि जगद्रूपं सच्चिदानन्दविग्रहम् ॥ २३॥

tatra jyotirmayaṃ liṅgaṃ dadarśa paramādbhutam |sarvavyāpi jagadrūpaṃ saccidānandavigraham || 23||

महायोनियोगपीठमारूढं परमं पदम् ।नानाकार निर्विकारं निराकारं निरञ्जनम् ॥ २४॥

mahāyoniyogapīṭhamārūḍhaṃ paramaṃ padam |nānākāra nirvikāraṃ nirākāraṃ nirañjanam || 24||

निश्चलं निर्मलं शान्तं नितान्तं तद् गुणागुणम् ।ओङ्कारात्मकमाकारमशेषगुणरूपकम् ॥ २५॥

niścalaṃ nirmalaṃ śāntaṃ nitāntaṃ tad guṇāguṇam |oṅkārātmakamākāramaśeṣaguṇarūpakam || 25||

दृष्ट्वा तदद्भुतं ते च महाविष्णुतनुश्च सः ।प्रणिपत्य महादेवं तुष्टुवुस्वं सदाशिवम् ॥ २६॥

dṛṣṭvā tadadbhutaṃ te ca mahāviṣṇutanuśca saḥ |praṇipatya mahādevaṃ tuṣṭuvusvaṃ sadāśivam || 26||

ब्रह्माद्या ऊचुःॐ जय देव निरञ्जन निर्विकार जय तेजोमयतनु दुर्निवार ।जय लिङ्गरूप जय योनिरूप जय जय तिरस्कृतसर्वरूप ॥ २७॥

brahmādyā ūcuḥoṃ jaya deva nirañjana nirvikāra jaya tejomayatanu durnivāra |jaya liṅgarūpa jaya yonirūpa jaya jaya tiraskṛtasarvarūpa || 27||

जय शङ्कर सर्वदशाग्रमते जय किङ्करवत्सल सिद्धिगते ।जय कान्तिविडम्बितचन्द्ररुचे रुचिरां वरप्रद सर्वशुभे ॥ २८॥

jaya śaṅkara sarvadaśāgramate jaya kiṅkaravatsala siddhigate |jaya kāntiviḍambitacandraruce rucirāṃ varaprada sarvaśubhe || 28||

जय वेदागोचरचारुचरित्र भवसागरतारणवाहित्र ।ज्ञानानन्दपरमपदकारण नित्यानन्ददुःखनिवारज ॥ २९॥

jaya vedāgocaracārucaritra bhavasāgaratāraṇavāhitra |jñānānandaparamapadakāraṇa nityānandaduḥkhanivāraja || 29||

जय शुद्धसत्त्वमयनिर्मलनिश्चल निर्गुणनित्यनिरामयनिष्कल ।जय ब्रह्मविष्णुशिवजुष्टपाद जय नामनिराकृतदेववाद ॥ ३०॥

jaya śuddhasattvamayanirmalaniścala nirguṇanityanirāmayaniṣkala |jaya brahmaviṣṇuśivajuṣṭapāda jaya nāmanirākṛtadevavāda || 30||

जय जय मङ्गलदायकनायक निजभक्तोत्कटतापविनाशक ।जय निर्जय जयद जगन्मय सदयहृदय दक्ष मखक्षय ॥ ३१॥

jaya jaya maṅgaladāyakanāyaka nijabhaktotkaṭatāpavināśaka |jaya nirjaya jayada jaganmaya sadayahṛdaya dakṣa makhakṣaya || 31||

लोकातीतसकलरससागर गङ्गाधर जय रजनीनागर ।सर्वभूतहितकारणतारण जय परमेश निखिलजनपावन ॥ ३२॥

lokātītasakalarasasāgara gaṅgādhara jaya rajanīnāgara |sarvabhūtahitakāraṇatāraṇa jaya parameśa nikhilajanapāvana || 32||

जय बहुरूप निरूप निरञ्जन शूलहस्त पशुपाशविनाशन ।जय जय परम परापरवन्दित वामदेव सकलजनरञ्जित ॥ ३३॥

jaya bahurūpa nirūpa nirañjana śūlahasta paśupāśavināśana |jaya jaya parama parāparavandita vāmadeva sakalajanarañjita || 33||

उत्पत्तिस्थितिविनाशहेतो परमेशान परमवृषकेतो ।जय निष्काङ्क्ष निरामय निर्भय जय दुर्जय जय विजय जगत्त्रय ॥ ३४॥

utpattisthitivināśaheto parameśāna paramavṛṣaketo |jaya niṣkāṅkṣa nirāmaya nirbhaya jaya durjaya jaya vijaya jagattraya || 34||

जय चन्द्रचूड विमद विमत्सर गौरीवदनसरोरुहमधुकर ।सर्वदेवहृदयान्तनिवास भूतिविभूषणकृत्तिवास ।जय राधेश्वर सकलाराधित जय विश्वेश्वर विश्वविबोधित ॥ ३५॥

jaya candracūḍa vimada vimatsara gaurīvadanasaroruhamadhukara |sarvadevahṛdayāntanivāsa bhūtivibhūṣaṇakṛttivāsa |jaya rādheśvara sakalārādhita jaya viśveśvara viśvavibodhita || 35||

हे विश्वनाथ सकलेश्वर लिङ्गरूपसर्वान्तरस्थ परमेश परावरेश ।भूताधिनाथ भुवनानि बिभर्षि पासित्वं कृपामयजनान् परिपाह्यनाथान् ॥ ३६॥

he viśvanātha sakaleśvara liṅgarūpasarvāntarastha parameśa parāvareśa |bhūtādhinātha bhuvanāni bibharṣi pāsitvaṃ kṛpāmayajanān paripāhyanāthān || 36||

हे चन्द्रचूड पुरुषेश्वर शङ्कराद्यगौरीपते सकलनिष्कलशूलपाणे ।वेदाद्यगोचरसुगोचरभक्तिभाजांशन्नः कुरु श्रवणमङ्गलमङ्गलेश ॥ ३७॥

he candracūḍa puruṣeśvara śaṅkarādyagaurīpate sakalaniṣkalaśūlapāṇe |vedādyagocarasugocarabhaktibhājāṃśannaḥ kuru śravaṇamaṅgalamaṅgaleśa || 37||

सर्वज्ञ सर्वभूतेश सर्वभूतेश्वरेश्वरः ।सर्वभूतात्मन् सर्वसिद्धीश विश्वेश्वर नमोऽस्तु ते ॥ ३८॥

sarvajña sarvabhūteśa sarvabhūteśvareśvaraḥ |sarvabhūtātman sarvasiddhīśa viśveśvara namo'stu te || 38||

त्वं ब्रह्म परमं सूक्ष्म कृष्णस्त्वं पुरुषः परः ।प्रकृतिस्त्वं परा सूक्ष्मा प्रधानपुरुषेश्वराः ॥ ३९॥

tvaṃ brahma paramaṃ sūkṣma kṛṣṇastvaṃ puruṣaḥ paraḥ |prakṛtistvaṃ parā sūkṣmā pradhānapuruṣeśvarāḥ || 39||

महाविष्णुस्तु विष्णुस्त्वं ब्रह्मेशानपुरन्दराः ।देवाः सर्वे जगन्नाथ त्वमेव सर्वदृक् शिवः ॥ ४०॥

mahāviṣṇustu viṣṇustvaṃ brahmeśānapurandarāḥ |devāḥ sarve jagannātha tvameva sarvadṛk śivaḥ || 40||

त्वं भूमिस्त्वं जलं वह्निर्वायुराकाशमेव च ।त्वमेव सर्वभूतानि स्थावराणि चराणि च ॥ ४१॥

tvaṃ bhūmistvaṃ jalaṃ vahnirvāyurākāśameva ca |tvameva sarvabhūtāni sthāvarāṇi carāṇi ca || 41||

भूतं भवद् भविष्यच्च त्वमेव परमेश्वरः ।प्रसीद देवदेवेश परात्पर नमोऽस्तु ते ॥ ४२॥

bhūtaṃ bhavad bhaviṣyacca tvameva parameśvaraḥ |prasīda devadeveśa parātpara namo'stu te || 42||

श्रीनारद उवाचय इमं पठते स्तोत्रं ब्रह्मादिमुखनिर्गतम् ।आयुर्विद्या यशो लक्ष्मीर्मुक्तिस्तस्य करस्थिता ॥ ४३॥

śrīnārada uvācaya imaṃ paṭhate stotraṃ brahmādimukhanirgatam |āyurvidyā yaśo lakṣmīrmuktistasya karasthitā || 43||

॥ इति श्रीकृष्णजा(या)मले महाशिवदर्शनं सदाशिवस्तोत्रं नाम पञ्चमोऽध्यायः ॥ ५॥

|| iti śrīkṛṣṇajā(yā)male mahāśivadarśanaṃ sadāśivastotraṃ nāma pañcamo'dhyāyaḥ || 5||

परिशिष्ट १

pariśiṣṭa 1