शिवस्तुतिः रत्नाकरकृता Ratnakarakrita Shiva Stuti

रत्नाकरःक्व महेश्वरता क शम्भुता क्व कृपासागरता क्व चाज्ञता ।क्व निरन्तरदीनबन्धुता क्व शिवाद्याप्यकृपैव मय्यपि ॥ ७०॥

ratnākaraḥkva maheśvaratā ka śambhutā kva kṛpāsāgaratā kva cājñatā |kva nirantaradīnabandhutā kva śivādyāpyakṛpaiva mayyapi || 70||

क्व चतुर्दशलोकनाथता त्रिदशाधीश्वरता दयार्द्रता ।क्व विलक्षणदक्षतापि ते क्व शिवाद्याप्यकृपैव मय्यपि ॥ ७१॥

kva caturdaśalokanāthatā tridaśādhīśvaratā dayārdratā |kva vilakṣaṇadakṣatāpi te kva śivādyāpyakṛpaiva mayyapi || 71||

क्व ललाटकृपीठयोनिता क्व जटाजूटतटेन्दुखण्डता ।क्व तटित्तटिनीवधूटिता क्व शिवाद्याप्यकृपैव मय्यपि ॥ ७२॥

kva lalāṭakṛpīṭhayonitā kva jaṭājūṭataṭendukhaṇḍatā |kva taṭittaṭinīvadhūṭitā kva śivādyāpyakṛpaiva mayyapi || 72||

क्व तवामितवेदवेद्यता क्व तवापारगुणाम्बुराशिता ।क्व विपद्गणशैलवज्रता क्व शिवाद्याप्यकृपैव मय्यपि ॥ ७३॥

kva tavāmitavedavedyatā kva tavāpāraguṇāmburāśitā |kva vipadgaṇaśailavajratā kva śivādyāpyakṛpaiva mayyapi || 73||

क्व तवाद्भुतभूतिहेतुना क्व विभूतिव्रतपूतता तथा ।क्व तवामितपुण्यकीर्तिता क्व शिवाद्याप्यकृपैव मय्यपि ॥ ७४॥

kva tavādbhutabhūtihetunā kva vibhūtivratapūtatā tathā |kva tavāmitapuṇyakīrtitā kva śivādyāpyakṛpaiva mayyapi || 74||

क्व सुरासुरवर्गवन्द्यता क्व महाशैवमहार्हणार्थता ।क्व महोत्सवदानलोलता क्व शिवाद्याप्यकृपैव मय्यपि ॥ ७५॥

kva surāsuravargavandyatā kva mahāśaivamahārhaṇārthatā |kva mahotsavadānalolatā kva śivādyāpyakṛpaiva mayyapi || 75||

क्व तव त्रिपुरप्रहारिता क्व महाशूलविराजमानता ।क्व सुमेरुपिनाकपाणिता क्व शिवाद्याप्यकृपैव मय्यपि ॥ ७६॥

kva tava tripuraprahāritā kva mahāśūlavirājamānatā |kva sumerupinākapāṇitā kva śivādyāpyakṛpaiva mayyapi || 76||

क्व तवामरसुन्दरीकरप्रकरापारसरोजपूज्यता ।क्व सुमेरुशरासनज्यता क्व शिवाद्याप्यकृपैव मय्यपि ॥ ७७॥

kva tavāmarasundarīkaraprakarāpārasarojapūjyatā |kva sumeruśarāsanajyatā kva śivādyāpyakṛpaiva mayyapi || 77||

क्व भवाम्बुधिकर्णधारता क्व महामृत्युभयापहारिता ।क्व शिवार्चककल्पवृक्षता क्व शिवाद्याप्यकृपैव मय्यपि ॥ ७८॥

kva bhavāmbudhikarṇadhāratā kva mahāmṛtyubhayāpahāritā |kva śivārcakakalpavṛkṣatā kva śivādyāpyakṛpaiva mayyapi || 78||

क्व तवामितकालकालता क हालाहलनीलकण्ठता ।क्व दिगम्बरतापि सांवता क्व शिवाद्याप्यकृपैव मय्यपि ॥ ७९॥

kva tavāmitakālakālatā ka hālāhalanīlakaṇṭhatā |kva digambaratāpi sāṃvatā kva śivādyāpyakṛpaiva mayyapi || 79||

क्व परात्परतापि मित्रता क्व वरोरःसरराजहारता ।क्व तवोन्नतपञ्चवक्त्रता क्व शिवाद्याप्यकृपैव मय्यपि ॥ ८०॥

kva parātparatāpi mitratā kva varoraḥsararājahāratā |kva tavonnatapañcavaktratā kva śivādyāpyakṛpaiva mayyapi || 80||

क्व शिवार्चकजीवनार्थिता क्व महापापवनाग्नितापि ते ।क्व शिवव्रतचित्तसङ्गिता क्व शिवाद्याप्यकृपैव मय्यपि ॥ ८१॥

kva śivārcakajīvanārthitā kva mahāpāpavanāgnitāpi te |kva śivavratacittasaṅgitā kva śivādyāpyakṛpaiva mayyapi || 81||

किं त्वत्कारुणिकत्वमप्यघकुलारण्यानलत्वं च तेकिं तद्भुक्तिदमोक्षदत्वमपि ते नीतं गतं वा स्वतः ।तच्चेदस्ति वशे तवापि किमिति त्वत्पादुकाराधकंमामप्येवमुपेक्ष्य तिष्ठसि कथं श्रीनीलकण्ठाधुना ॥ ८२॥

kiṃ tvatkāruṇikatvamapyaghakulāraṇyānalatvaṃ ca tekiṃ tadbhuktidamokṣadatvamapi te nītaṃ gataṃ vā svataḥ |taccedasti vaśe tavāpi kimiti tvatpādukārādhakaṃmāmapyevamupekṣya tiṣṭhasi kathaṃ śrīnīlakaṇṭhādhunā || 82||

विश्वस्येन्दुकलावतंसमसकृद्बिल्वीदलैः कोमलैःगङ्गातुङ्गतरङ्गशीतलजलैवरेशलिङ्गं मुदा ।प्राणाद्यैरुपहारतामुपगतैरभ्यर्चितं किं मया श्रीविश्वेशन दुर्दशा परिहृता संसारजातार्जिता ॥ ८३॥

viśvasyendukalāvataṃsamasakṛdbilvīdalaiḥ komalaiḥgaṅgātuṅgataraṅgaśītalajalaivareśaliṅgaṃ mudā |prāṇādyairupahāratāmupagatairabhyarcitaṃ kiṃ mayā śrīviśveśana durdaśā parihṛtā saṃsārajātārjitā || 83||

॥ इति शिवरहस्यान्तर्गते रत्नाकरकृता शिवस्तुतिः सम्पूर्णा ॥॥ श्रीशिवरहस्यम् । हराख्यः तृतीयांशः । उत्तरार्धम् । अध्यायः ३७। ७०८३ ॥

|| iti śivarahasyāntargate ratnākarakṛtā śivastutiḥ sampūrṇā |||| śrīśivarahasyam | harākhyaḥ tṛtīyāṃśaḥ | uttarārdham | adhyāyaḥ 37| 7083 ||

– ॥ श्रीशिवरहस्यम् ।हराख्यः तृतीयांशः ।उत्तरार्धम् ।अध्यायः ३७। ७०-८३ ॥

– || śrīśivarahasyam |harākhyaḥ tṛtīyāṃśaḥ |uttarārdham |adhyāyaḥ 37| 70-83 ||