शिवस्तुतिः रावणकृता Ravanakrita Shiva Stuti

ईश्वरःसुराणां गर्वनाशार्थ सृष्टो विश्रवसस्सुतः ।विष्णुश्च भृगुशापेन मानुषेषु जनिष्यति ॥ ६०॥

īśvaraḥsurāṇāṃ garvanāśārtha sṛṣṭo viśravasassutaḥ |viṣṇuśca bhṛguśāpena mānuṣeṣu janiṣyati || 60||

तस्य भार्यापहरणान्मुनिसम्पीडनादपि ।कदाचिदागाद्धर्षेण कैलासं मम रावणः ॥ ६१॥

tasya bhāryāpaharaṇānmunisampīḍanādapi |kadācidāgāddharṣeṇa kailāsaṃ mama rāvaṇaḥ || 61||

अखर्वगर्वसङ्क्रान्तः कैलासस्यापि गर्वहृत् ।तोलयामास बाहुभ्यां कैलासं ममशैलजे ॥ ६२॥

akharvagarvasaṅkrāntaḥ kailāsasyāpi garvahṛt |tolayāmāsa bāhubhyāṃ kailāsaṃ mamaśailaje || 62||

कैलासश्चालितस्तेन नानालिङ्गसमाश्रयः ।महामन्योर्मम तदा मन्युनासोऽधरीकृतः ॥ ६३॥

kailāsaścālitastena nānāliṅgasamāśrayaḥ |mahāmanyormama tadā manyunāso'dharīkṛtaḥ || 63||

तेन स्तुतोऽस्मिवेदैश्च वेदवेद्योऽहमीश्वरि ।साम्ना सहस्रं शरदां तुष्टावाष्टाकृतिं हिमाम् ॥ ६४॥

tena stuto'smivedaiśca vedavedyo'hamīśvari |sāmnā sahasraṃ śaradāṃ tuṣṭāvāṣṭākṛtiṃ himām || 64||

मदङ्गुष्ठाग्रनिर्मग्नधरणीधरमूलगैः ।बाहुभिः पीडितो देवि दशास्यैर्मामरोरवीत् ॥ ६५॥

madaṅguṣṭhāgranirmagnadharaṇīdharamūlagaiḥ |bāhubhiḥ pīḍito devi daśāsyairmāmaroravīt || 65||

दयया मोचितंरक्षस्तदास्तोत्रेणमांस्तुवत् ।स्तुत्वानत्वानिर्जगामदिशम्मेनावलोकयन् ॥ ६६॥

dayayā mocitaṃrakṣastadāstotreṇamāṃstuvat |stutvānatvānirjagāmadiśammenāvalokayan || 66||

कैलासोऽपि महादेवि त्यक्तगर्यो बभूव ह ॥ ६७॥

kailāso'pi mahādevi tyaktagaryo babhūva ha || 67||

देवीकथं तेन महादेव संस्तुतोऽसि वदाद्य तम् ।किं वा तेन तपस्तप्तं श्रोतुमिछास्ति मे प्रभो ॥ ६८॥

devīkathaṃ tena mahādeva saṃstuto'si vadādya tam |kiṃ vā tena tapastaptaṃ śrotumichāsti me prabho || 68||

ईश्वरःतत्स्तुतिं सावधानेन पार्वति शृणु ते वदे ।रावणो रोरवीद्देवि मच्छैलवरमूलगः ॥ ६९॥

īśvaraḥtatstutiṃ sāvadhānena pārvati śṛṇu te vade |rāvaṇo roravīddevi macchailavaramūlagaḥ || 69||

दीनस्वरोऽतिविकृतं साम्ना(सास्रा)विलविलोचनः ॥ ७०॥

dīnasvaro'tivikṛtaṃ sāmnā(sāsrā)vilavilocanaḥ || 70||

रावणःताराराजविराजमानमकुटं काकोदराकल्पकंकर्पूराभशरीरकान्तिविलसन्माराङ्गभस्मादरम् ।कैलासाचलतोलनेन कुपिताङ्गुष्ठाग्रसम्पीडितः ॥शैलाघातस्यबाहुभग्नजरठद्वैराजसामश्रवादुन्मुक्ताखिलरावणं पुरहरं देवं भजे शङ्करम् ॥ ७१॥

rāvaṇaḥtārārājavirājamānamakuṭaṃ kākodarākalpakaṃkarpūrābhaśarīrakāntivilasanmārāṅgabhasmādaram |kailāsācalatolanena kupitāṅguṣṭhāgrasampīḍitaḥ ||śailāghātasyabāhubhagnajaraṭhadvairājasāmaśravādunmuktākhilarāvaṇaṃ puraharaṃ devaṃ bhaje śaṅkaram || 71||

वैराजराजनगहिङ्कृतिकातितुष्टं राजच्छशाङ्कन्धवलं ललितोत्तमाङ्गम् ।यक्षाधिराजकृतसख्यमुमासहायं देवं नमामि सुरराजकृतप्रणामम् ॥ ७२॥

vairājarājanagahiṅkṛtikātituṣṭaṃ rājacchaśāṅkandhavalaṃ lalitottamāṅgam |yakṣādhirājakṛtasakhyamumāsahāyaṃ devaṃ namāmi surarājakṛtapraṇāmam || 72||

इलाधरताभियं वरमुनन्दिवाहप्रियं सुरेन्द्रवरसुप्रियं प्रभवकुन्दमालाप्रियम् ।मुकुन्दनयनार्चितं भवहरं सुमेरुस्थितं रमारमणसुन्दराक्षियुगपूजितं शङ्करम् ॥ ७३॥

ilādharatābhiyaṃ varamunandivāhapriyaṃ surendravarasupriyaṃ prabhavakundamālāpriyam |mukundanayanārcitaṃ bhavaharaṃ sumerusthitaṃ ramāramaṇasundarākṣiyugapūjitaṃ śaṅkaram || 73||

गन्धबन्धमधुरालकलोलं रुद्रनेत्रसुचरित्रमपारम् ।दयानिधानाखिलमित्रशक्ते कृपाम्बुधे कामद कामवैरिन् ॥ ७४॥

gandhabandhamadhurālakalolaṃ rudranetrasucaritramapāram |dayānidhānākhilamitraśakte kṛpāmbudhe kāmada kāmavairin || 74||

स्तौमि प्रकृष्टवचसा परमेश मित्र सामैर्भवन्तमगतः परिमोचयाशु ॥ ७५॥

staumi prakṛṣṭavacasā parameśa mitra sāmairbhavantamagataḥ parimocayāśu || 75||

पर्वानन्दितशर्वरीरमणवत्कान्तेन्दुधामाननगात्रार्धाधिकृतस्वकान्तिवदने नेत्रे च मौलौ तथा ।देवेशेन सदैव शोभितकलायुक्तेन बालाङ्कधृक्तादृक्षंजगतां गुरुं त्रिजगतां पापापहं तम्भजे ॥ ७६॥

parvānanditaśarvarīramaṇavatkāntendudhāmānanagātrārdhādhikṛtasvakāntivadane netre ca maulau tathā |deveśena sadaiva śobhitakalāyuktena bālāṅkadhṛktādṛkṣaṃjagatāṃ guruṃ trijagatāṃ pāpāpahaṃ tambhaje || 76||

ईश्वरःएवं तुष्टाव चाष्टाकृतिमखिलतनूद्भासिकोशैककाशंमामीशं जगदार्तिनाशनमुमे चार्तस्तदा रावणः ।कैलासाचलतो विमुक्तभुजधृङ्मत्वा ययौ धामकंलङ्कामूलनिकेतनं मम सदा लिङ्गार्चकश्शङ्करि ॥ ७७॥

īśvaraḥevaṃ tuṣṭāva cāṣṭākṛtimakhilatanūdbhāsikośaikakāśaṃmāmīśaṃ jagadārtināśanamume cārtastadā rāvaṇaḥ |kailāsācalato vimuktabhujadhṛṅmatvā yayau dhāmakaṃlaṅkāmūlaniketanaṃ mama sadā liṅgārcakaśśaṅkari || 77||

सुरशरगजजोरुसद्विषाणैः परिधृतकिणतः किणाक्तवक्षाः ।(सुरशरगजजोरुसद्विषाणैः परिधृष्टःप्रणतः किणत्सुवक्षाः ।)रणभुवि रावितदेवराजसङ्घः पणितप्राणगणस्तरावणेशः ॥ ७८॥

suraśaragajajorusadviṣāṇaiḥ paridhṛtakiṇataḥ kiṇāktavakṣāḥ |(suraśaragajajorusadviṣāṇaiḥ paridhṛṣṭaḥpraṇataḥ kiṇatsuvakṣāḥ |)raṇabhuvi rāvitadevarājasaṅghaḥ paṇitaprāṇagaṇastarāvaṇeśaḥ || 78||

(रणभुवि रावितदेवराजसङ्घः पणितप्राणगणेशरावणोऽद्रिकन्ये) ॥ ७८॥

(raṇabhuvi rāvitadevarājasaṅghaḥ paṇitaprāṇagaṇeśarāvaṇo'drikanye) || 78||

नालीकासननन्दनोद्भवभवः पौलस्त्य एषोऽम्बिकेमामाराध्य गणेन्द्रतामगसुते प्राप्तो ह्यवध्यस्सुरैः ।येनाकारि तपस्स्वकीयमनलेचोत्कृत्य मांसञ्जहौ ॥ ७९॥

nālīkāsananandanodbhavabhavaḥ paulastya eṣo'mbikemāmārādhya gaṇendratāmagasute prāpto hyavadhyassuraiḥ |yenākāri tapassvakīyamanalecotkṛtya māṃsañjahau || 79||

मल्लिङ्गे विवादयं स्वशिरसः पद्मालिमालां पुराभ्रातृभ्यां निजवीर्यनिर्जितमहासीमैकभूमायशः ॥ ८०॥

malliṅge vivādayaṃ svaśirasaḥ padmālimālāṃ purābhrātṛbhyāṃ nijavīryanirjitamahāsīmaikabhūmāyaśaḥ || 80||

वैरूपवैराजबृहद्रथन्तरैश्श्रीवामदेव्यैर्वररुद्रशाङ्करैः ।श्रीरैवतेलाधरकैर्महेन्द्रैर्महाष्टदंष्ट्रावरवैश्चमित्रैः ॥ ८१॥

vairūpavairājabṛhadrathantaraiśśrīvāmadevyairvararudraśāṅkaraiḥ |śrīraivatelādharakairmahendrairmahāṣṭadaṃṣṭrāvaravaiścamitraiḥ || 81||

तुष्टाव सामैश्शशिमौलिमम्बिके ।सरावणोरावितसर्वलोको रवैस्तदा सामसुगानतोषितम् ॥ ८२॥

tuṣṭāva sāmaiśśaśimaulimambike |sarāvaṇorāvitasarvaloko ravaistadā sāmasugānatoṣitam || 82||

धीरोदारपयोजजापतिकृतापारारविन्दार्चनात्तुष्टं कष्टहरं प्रकृष्टवचसा स्रष्ट्रा पुनस्संस्तुतम् ।त्वष्ट्रा शातकराब्जगन्धसहनासक्तैरवी ॥ ८३॥

dhīrodārapayojajāpatikṛtāpārāravindārcanāttuṣṭaṃ kaṣṭaharaṃ prakṛṣṭavacasā sraṣṭrā punassaṃstutam |tvaṣṭrā śātakarābjagandhasahanāsaktairavī || 83||

मित्रायेऽद्य शिवस्य नेत्रनिवहाः पान्त्वद्यदृष्ट्यादिमांतेनैवामितगन्धपर्वतमहापापादपायाच्छिवः ॥ ८४॥

mitrāye'dya śivasya netranivahāḥ pāntvadyadṛṣṭyādimāṃtenaivāmitagandhaparvatamahāpāpādapāyācchivaḥ || 84||

॥ इति शिवरहस्यान्तर्गते माहेश्वराख्ये रावणकृता शिवस्तुतिः ॥॥ श्रीशिवरहस्यम् । माहेश्वराख्यः प्रथमांशः । अध्यायः ४६ रावणकृतस्तुति । ६०८४॥

|| iti śivarahasyāntargate māheśvarākhye rāvaṇakṛtā śivastutiḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 46 rāvaṇakṛtastuti | 6084||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ४६ – रावणकृतस्तुति ।६०-८४॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 46 – rāvaṇakṛtastuti | 60-84||