शङ्करानुग्रहमहिमा नन्दिकेशप्रोक्ता Nandikeshaprokta Shankaranugraha Mahima

सर्वाराध्यतमः शर्वः सर्वदेति प्रमा परम् ।भक्तिरेषा प्रवृद्धाऽस्ति शङ्करानुग्रहात् खलु ॥ १॥

sarvārādhyatamaḥ śarvaḥ sarvadeti pramā param |bhaktireṣā pravṛddhā'sti śaṅkarānugrahāt khalu || 1||

शङ्करानुग्रहान्नास्ति लोके किमपि दुर्लभम् ।अतः सा दुर्लभा भक्तिरस्माकमभिवर्धते ॥ २॥

śaṅkarānugrahānnāsti loke kimapi durlabham |ataḥ sā durlabhā bhaktirasmākamabhivardhate || 2||

शिवभक्तिसुधाधारा भुक्तिधारापरम्परा ।सा तावद्भूरिपुण्यानां हाराणामेव जायते ॥ ३॥

śivabhaktisudhādhārā bhuktidhārāparamparā |sā tāvadbhūripuṇyānāṃ hārāṇāmeva jāyate || 3||

हारोपहारपुष्टाङ्गाः शाङ्गाः शङ्गानुषङ्गिणः ।शङ्गलिङ्गार्चनरताः शङ्गभक्तिपरायणाः ॥ ४॥

hāropahārapuṣṭāṅgāḥ śāṅgāḥ śaṅgānuṣaṅgiṇaḥ |śaṅgaliṅgārcanaratāḥ śaṅgabhaktiparāyaṇāḥ || 4||

शिवभक्तिसुधापानपीनानां चरणाम्बुजम् ।स्मृत्वापि मुक्तः पापेभ्यो भविष्यत्येव मानवः ॥ ५॥

śivabhaktisudhāpānapīnānāṃ caraṇāmbujam |smṛtvāpi muktaḥ pāpebhyo bhaviṣyatyeva mānavaḥ || 5||

सहसा न भवत्येव शिवभक्तिः सुधामयी ।सुधा मर्त्यैः कथं प्राप्या विना यत्नेन केन वा ॥ ६॥

sahasā na bhavatyeva śivabhaktiḥ sudhāmayī |sudhā martyaiḥ kathaṃ prāpyā vinā yatnena kena vā || 6||

न यत्नैर्वापि तपसा शिवभक्तिः परन्तु सा ।शिवानुग्रहमात्रेण भविष्यति न संशयः ॥ ७॥

na yatnairvāpi tapasā śivabhaktiḥ parantu sā |śivānugrahamātreṇa bhaviṣyati na saṃśayaḥ || 7||

॥ इति शिवरहस्यान्तर्गते नन्दिकेशप्रोक्ता शङ्करानुग्रहमहिमा सम्पूर्णा ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ४३। ४६५२ ॥

|| iti śivarahasyāntargate nandikeśaproktā śaṅkarānugrahamahimā sampūrṇā |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 43| 4652 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः ४३। ४६-५२ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 43| 46-52 ||