भावलिङ्गमहिमानुवर्णनं नन्दिकेशप्रोक्तम् Nandikeshaproktam Bhavalinga Mahimanuvarnanam

अलमलमनुवेलं कालकालं सलीलंकलय कलय काले व्यालमूलं सशूलम् ।परिहर गुरुभारं क्रूरसंसारमारात्अनुसर गिरिकन्यास्मेरधारानुरागम् ॥ १॥

alamalamanuvelaṃ kālakālaṃ salīlaṃkalaya kalaya kāle vyālamūlaṃ saśūlam |parihara gurubhāraṃ krūrasaṃsāramārātanusara girikanyāsmeradhārānurāgam || 1||

त्रिपुरहरपदाब्जामन्दमन्दारमालाललितपरिमलश्रीसंश्रयानां प्रभावः ।कथमपि मम शक्यो वक्तुमित्येव मन्येगिरिशचरणसेवापुण्यपुण्यार्णवानाम् ॥ २॥

tripuraharapadābjāmandamandāramālālalitaparimalaśrīsaṃśrayānāṃ prabhāvaḥ |kathamapi mama śakyo vaktumityeva manyegiriśacaraṇasevāpuṇyapuṇyārṇavānām || 2||

अनुदिनमनुमोदैरिन्दुखण्डावतंसंसकृदपि सकलाशापाशनाशावकाशम् ।निटिलतटतडिद्भूभूतभूतानुवेशंगिरिशमनिशमीशं संस्मरामि स्मरामि ॥ ३॥ (स्मरारिम्)

anudinamanumodairindukhaṇḍāvataṃsaṃsakṛdapi sakalāśāpāśanāśāvakāśam |niṭilataṭataḍidbhūbhūtabhūtānuveśaṃgiriśamaniśamīśaṃ saṃsmarāmi smarāmi || 3|| (smarārim)

शिव हर भव शम्भो भर्ग भीम स्मरारेत्रिपुरहर यमारे घोररूपान्धकारे ।परिहर दुरितं मे पाहि पाहीति धन्योजपति मुहुरपारानन्दसन्दोहकन्दम् ॥ ४॥

śiva hara bhava śambho bharga bhīma smarāretripurahara yamāre ghorarūpāndhakāre |parihara duritaṃ me pāhi pāhīti dhanyojapati muhurapārānandasandohakandam || 4||

कमलविमलबिल्वाराधितं शङ्गसङ्गंकरतलकमलश्रीसंश्रितं भावलिङ्गम् ।कलय कलय चेतश्चारुचामीकराङ्गंसकलभयविभङ्गं मङ्गलाङ्गानुषङ्गम् ॥ ५॥

kamalavimalabilvārādhitaṃ śaṅgasaṅgaṃkaratalakamalaśrīsaṃśritaṃ bhāvaliṅgam |kalaya kalaya cetaścārucāmīkarāṅgaṃsakalabhayavibhaṅgaṃ maṅgalāṅgānuṣaṅgam || 5||

हिततरमिदमेकं चिन्तनीयं मनस्तेकिमपि कितववार्तावर्तनं तद्विहाय ।प्रतिपदमभिलापादोषवेषापहारंकुरु कुरु निगमानां भावलिङ्गं शुभाङ्गम् ॥ ६॥

hitataramidamekaṃ cintanīyaṃ manastekimapi kitavavārtāvartanaṃ tadvihāya |pratipadamabhilāpādoṣaveṣāpahāraṃkuru kuru nigamānāṃ bhāvaliṅgaṃ śubhāṅgam || 6||

इदमिह हितवाञ्छातीतमच्छं फलं तेवितरति नवबिल्वाराधितं भावलिङ्गम् ।विमलकमललेशाराधितं वा प्रदोषेकिमपि किमपि कार्यं चिन्तनीय मनो मे ॥ ७॥

idamiha hitavāñchātītamacchaṃ phalaṃ tevitarati navabilvārādhitaṃ bhāvaliṅgam |vimalakamalaleśārādhitaṃ vā pradoṣekimapi kimapi kāryaṃ cintanīya mano me || 7||

मम हितमिदमेकं वाञ्छितार्थप्रदानप्रवणकरणमेतत् भावलिङ्गं सशाङ्गम् ।सकलहितकराङ्गं पापसङ्घातभङ्गंकरकलिततुरङ्गासङ्गतुङ्गं सुखाङ्गम् ॥ ८॥

mama hitamidamekaṃ vāñchitārthapradānapravaṇakaraṇametat bhāvaliṅgaṃ saśāṅgam |sakalahitakarāṅgaṃ pāpasaṅghātabhaṅgaṃkarakalitaturaṅgāsaṅgatuṅgaṃ sukhāṅgam || 8||

इदमिह कमलानां मालया पूजितं चेत्कलयति कमलानां वाससंवादमोदम् ।इदमिह वसतिर्मे तत्तदेतत् तवेदंतव तव तदिति श्रीसंश्रितं भावलिङ्गम् ॥ ९॥

idamiha kamalānāṃ mālayā pūjitaṃ cetkalayati kamalānāṃ vāsasaṃvādamodam |idamiha vasatirme tattadetat tavedaṃtava tava taditi śrīsaṃśritaṃ bhāvaliṅgam || 9||

मम हितमिदमेतत् प्रायशः पूरयिष्यत्यहितममितदैन्यं वारयिष्यत्यमोघम् ।सकृदपि हृदयाब्जारूढमेवास्ति गूढंदृढमिति दृढभक्तिर्भावलिङ्गे शुभाङ्गे ॥ १०॥

mama hitamidametat prāyaśaḥ pūrayiṣyatyahitamamitadainyaṃ vārayiṣyatyamogham |sakṛdapi hṛdayābjārūḍhamevāsti gūḍhaṃdṛḍhamiti dṛḍhabhaktirbhāvaliṅge śubhāṅge || 10||

संसाराब्धिविशोषणाय विविधाघौघान्धकाराचलप्रध्वंसाय विपत्कुलानलकुलापाराम्बुरूपाय ते ।भो शङ्गामलभावलिङ्गनिलयामेयप्रभाव प्रभोशम्भो भर्ग भवाब्धिभावक कृतः कोऽपि प्रणामोऽधुना ॥ ११॥

saṃsārābdhiviśoṣaṇāya vividhāghaughāndhakārācalapradhvaṃsāya vipatkulānalakulāpārāmburūpāya te |bho śaṅgāmalabhāvaliṅganilayāmeyaprabhāva prabhośambho bharga bhavābdhibhāvaka kṛtaḥ ko'pi praṇāmo'dhunā || 11||

आशापारविनाशनाय विविधापारापदाधिव्यथाधाराध्वान्तनिवारणाय निगमश्रेणीप्रमोदाहृतम् ।वन्दे सुन्दरभावलिङ्गनिलयं मृत्युञ्जयं चाव्ययंनित्यानन्दमयं निरामयमहं मोहं विहायाधुना ॥ १२॥

āśāpāravināśanāya vividhāpārāpadādhivyathādhārādhvāntanivāraṇāya nigamaśreṇīpramodāhṛtam |vande sundarabhāvaliṅganilayaṃ mṛtyuñjayaṃ cāvyayaṃnityānandamayaṃ nirāmayamahaṃ mohaṃ vihāyādhunā || 12||

अश्रान्तश्रुतिकोटिकोटिविदितश्रीभावलिङ्गार्चनव्यापारप्रभवं प्रभुत्वमभयं चादृष्टमव्याकुलम् ।तद्भिन्नं सकलं भयाकुलमिति ज्ञेयं ततः सर्वथाकर्तव्यं खलु भावलिङ्गभजनं सौभाग्यसंवर्धनम् ॥ १३॥

aśrāntaśrutikoṭikoṭividitaśrībhāvaliṅgārcanavyāpāraprabhavaṃ prabhutvamabhayaṃ cādṛṣṭamavyākulam |tadbhinnaṃ sakalaṃ bhayākulamiti jñeyaṃ tataḥ sarvathākartavyaṃ khalu bhāvaliṅgabhajanaṃ saubhāgyasaṃvardhanam || 13||

अन्यत् किञ्चिदिहोच्यते मुहुरिदं सङ्गोपनीयं सुरैःसर्वैरप्यनिशं शिवार्चनशिवध्याने निधाने परे ।तेनैवाखिलसिद्धयः प्रतिदिनं संवादमोदैश्चिरंहारं सुन्दरमन्दिरं हरपदाधारं श्रिताः सादरम् ॥ १४॥

anyat kiñcidihocyate muhuridaṃ saṅgopanīyaṃ suraiḥsarvairapyaniśaṃ śivārcanaśivadhyāne nidhāne pare |tenaivākhilasiddhayaḥ pratidinaṃ saṃvādamodaiściraṃhāraṃ sundaramandiraṃ harapadādhāraṃ śritāḥ sādaram || 14||

॥ इति शिवरहस्यान्तर्गते नन्दिकेशप्रोक्तं भावलिङ्गमहिमानुवर्णनं सम्पूर्णम् ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ४२। ८८१०१ ॥

|| iti śivarahasyāntargate nandikeśaproktaṃ bhāvaliṅgamahimānuvarṇanaṃ sampūrṇam |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 42| 88101 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः ४२। ८८-१०१ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 42| 88-101 ||