महेश्वरस्तुतिः देवैः कृता Maheshvara Stuti by Devas

जय जय जगदीश दीनबन्धो जय जय सर्वसुरासुराधिनाथ ।जय जय तुहिनांशुखण्डमौले जय जय विश्वविधानबद्धदीक्ष ॥ १॥

jaya jaya jagadīśa dīnabandho jaya jaya sarvasurāsurādhinātha |jaya jaya tuhināṃśukhaṇḍamaule jaya jaya viśvavidhānabaddhadīkṣa || 1||

जय जय पुरहर भवाब्धिपार जय जय कामहर प्रसीद शम्भो ।जय जय दक्षमखान्तकेश देव जय जय शूलकराव्ययेश पाहि ॥ २॥

jaya jaya purahara bhavābdhipāra jaya jaya kāmahara prasīda śambho |jaya jaya dakṣamakhāntakeśa deva jaya jaya śūlakarāvyayeśa pāhi || 2||

जय जय नीलसुकन्धराम्बिकेश जय जय गाङ्गतरङ्गशोभिमौले ।जय जय विधिजातमुण्डमाल जय जय त्र्यम्बक सुन्दरामरेश ॥ ३॥

jaya jaya nīlasukandharāmbikeśa jaya jaya gāṅgataraṅgaśobhimaule |jaya jaya vidhijātamuṇḍamāla jaya jaya tryambaka sundarāmareśa || 3||

जय जय विष्णुसुपूजिताङ्घ्रिपद्म जय जय सुन्दर ताण्डवेश शम्भो ।जय जय गणनाथनाथ देव जय जय सूर्यशशाङ्कवह्निनेत्र ॥ ४॥

jaya jaya viṣṇusupūjitāṅghripadma jaya jaya sundara tāṇḍaveśa śambho |jaya jaya gaṇanāthanātha deva jaya jaya sūryaśaśāṅkavahninetra || 4||

जय जय भूतपते भवोद्भवाद्य ।जय जय कालकलादिहीन शम्भो ॥ ५॥

jaya jaya bhūtapate bhavodbhavādya |jaya jaya kālakalādihīna śambho || 5||

प्रसीद विश्वेश्वर वेदगीत प्रसीद देवेश दयानिधान ।प्रसीद सर्वेश्वर विश्वनाथ प्रसीद विश्वाधिक पाहि नः सदा ॥ ६॥

prasīda viśveśvara vedagīta prasīda deveśa dayānidhāna |prasīda sarveśvara viśvanātha prasīda viśvādhika pāhi naḥ sadā || 6||

भगवंस्तव सुन्दराङ्घ्रिपद्मं सततं ध्यायति विप्रवर्यबालः ।तपसः स तु वार्यतां महेश यदयं मनसेहतेऽस्तु तत्तदस्य ॥ ७॥

bhagavaṃstava sundarāṅghripadmaṃ satataṃ dhyāyati vipravaryabālaḥ |tapasaḥ sa tu vāryatāṃ maheśa yadayaṃ manasehate'stu tattadasya || 7||

॥ इति शिवरहस्यान्तर्गते देवैः कृता महेश्वरस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः ६। १७॥

|| iti śivarahasyāntargate devaiḥ kṛtā maheśvarastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 6| 17||

– ॥ श्रीशिवरहस्यम् ।भर्गाख्यः पन्चमांशः ।अध्यायः ६। १-७॥

– || śrīśivarahasyam |bhargākhyaḥ pancamāṃśaḥ |adhyāyaḥ 6| 1-7||