महेश्वरस्तोत्रम् अथवा रुद्रस्तोत्रम् Maheshvara or Rudra Stotram

श्रीविष्णुरुवाचएकाक्षराय रुद्राय अकारायात्मरूपिणे ।उकारायादिदेवाय विद्यादेहाय वै नमः ॥ १॥

śrīviṣṇuruvācaekākṣarāya rudrāya akārāyātmarūpiṇe |ukārāyādidevāya vidyādehāya vai namaḥ || 1||

तृतीयाय मकाराय शिवाय परमात्मने ।सूर्याग्निसोमवर्णाय यजमानाय वै नमः ॥ २॥

tṛtīyāya makārāya śivāya paramātmane |sūryāgnisomavarṇāya yajamānāya vai namaḥ || 2||

अग्नये रुद्ररूपाय रुद्राणां पतये नमः ।शिवाय शिवमन्त्राय सद्योजाताय वेधसे ॥ ३॥

agnaye rudrarūpāya rudrāṇāṃ pataye namaḥ |śivāya śivamantrāya sadyojātāya vedhase || 3||

वामाय वामदेवाय वरदायामृताय ते ।अघोरायातिघोराय सद्योजाताय रंहसे ॥ ४॥

vāmāya vāmadevāya varadāyāmṛtāya te |aghorāyātighorāya sadyojātāya raṃhase || 4||

ईशानाय श्मशानाय अतिवेगाय वेगिने ।नमोऽस्तु श्रुतिपादाय ऊर्ध्वलिङ्गाय लिङ्गिने ॥ ५॥

īśānāya śmaśānāya ativegāya vegine |namo'stu śrutipādāya ūrdhvaliṅgāya liṅgine || 5||

हेमलिङ्गाय हेमाय वारिलिङ्गाय चाम्भसे ।शिवाय शिवलिङ्गाय व्यापिने व्योमव्यापिने ॥ ६॥

hemaliṅgāya hemāya vāriliṅgāya cāmbhase |śivāya śivaliṅgāya vyāpine vyomavyāpine || 6||

वायवे वायुवेगाय नमस्ते वायुव्यापिने ।तेजसे तेजसाम्भर्त्रे नमस्तेजोऽधिव्यापिने ॥ ७॥

vāyave vāyuvegāya namaste vāyuvyāpine |tejase tejasāmbhartre namastejo'dhivyāpine || 7||

जलाय जलभूताय नमस्ते जलव्यापिने ।पृथिव्यै चान्तरिक्षाय पृथिवीव्यापिने नमः ॥ ८॥

jalāya jalabhūtāya namaste jalavyāpine |pṛthivyai cāntarikṣāya pṛthivīvyāpine namaḥ || 8||

शब्दस्पर्शस्वरूपाय रसगन्धाय गन्धिने ।गणाधिपतये तुभ्यं गुह्यद्गुह्यतमाय ते ॥ ९॥

śabdasparśasvarūpāya rasagandhāya gandhine |gaṇādhipataye tubhyaṃ guhyadguhyatamāya te || 9||

अनन्ताय विरुपाय अनन्तानामयाय च ।शाश्वताय वरिष्ठाय वारिगर्भाय योगिने ॥ १०॥

anantāya virupāya anantānāmayāya ca |śāśvatāya variṣṭhāya vārigarbhāya yogine || 10||

संस्थितायाम्भसां मध्ये आवयोर्मध्यवर्चसे ।गोप्त्रे हर्त्रे सदा कर्त्रे निधनायेश्वराय च ॥ ११॥

saṃsthitāyāmbhasāṃ madhye āvayormadhyavarcase |goptre hartre sadā kartre nidhanāyeśvarāya ca || 11||

अचेतनाय चिन्त्याय चेतनायासहारिणे ।अरूपाय सुरूपाय अनङ्गगायाङ्गहारिणे ॥ १२॥

acetanāya cintyāya cetanāyāsahāriṇe |arūpāya surūpāya anaṅgagāyāṅgahāriṇe || 12||

भस्मदिग्धशरीराय भानुसोमाग्निहेतवे ।श्वेताय श्वेतवर्णाय तुहिनाद्रिचराय च ॥ १३॥

bhasmadigdhaśarīrāya bhānusomāgnihetave |śvetāya śvetavarṇāya tuhinādricarāya ca || 13||

सुश्वेताय सुवक्त्राय नमः श्वेतशिखाय च ।श्वेतास्याय महास्याय नमस्ते श्वेतलोहित ॥ १४॥

suśvetāya suvaktrāya namaḥ śvetaśikhāya ca |śvetāsyāya mahāsyāya namaste śvetalohita || 14||

सुताराय विशिष्टाय नमो दुन्दुभिने हर ।शतरूप विरुपाय नमः केतुमते सदा ॥ १५॥

sutārāya viśiṣṭāya namo dundubhine hara |śatarūpa virupāya namaḥ ketumate sadā || 15||

ऋद्धिशोकविशोकाय पिनाकाय कपर्दिने ।विपाशाय सुपाशाय नमस्ते पाशनाशिने ॥ १६॥

ṛddhiśokaviśokāya pinākāya kapardine |vipāśāya supāśāya namaste pāśanāśine || 16||

सुहोत्राय हविष्याय सुब्रह्मण्याय सूरिणे ।सुमुखाय सुवक्त्राय दुर्दमाय दमाय च ॥ १७॥

suhotrāya haviṣyāya subrahmaṇyāya sūriṇe |sumukhāya suvaktrāya durdamāya damāya ca || 17||

कङ्काय कङ्करूपाय कङ्कणीकृतपन्नग ।सनकाय नमस्तुभ्यं सनातन सनन्दन ॥ १८॥

kaṅkāya kaṅkarūpāya kaṅkaṇīkṛtapannaga |sanakāya namastubhyaṃ sanātana sanandana || 18||

सनत्कुमार सारङ्गमारणाय महात्मने ।लोकाक्षिणे त्रिधामाय नमो विरजसे सदा ॥ १९॥

sanatkumāra sāraṅgamāraṇāya mahātmane |lokākṣiṇe tridhāmāya namo virajase sadā || 19||

शङ्खपालाय शङ्खाय रजसे तमसे नमः ।सारस्वताय मेघाय मेघवाहन ते नमः ॥ २०॥

śaṅkhapālāya śaṅkhāya rajase tamase namaḥ |sārasvatāya meghāya meghavāhana te namaḥ || 20||

सुवाहाय विवाहाय विवादवरदाय च ।नमः शिवाय रुद्राय प्रधानाय नमोनमः ॥ २१॥

suvāhāya vivāhāya vivādavaradāya ca |namaḥ śivāya rudrāya pradhānāya namonamaḥ || 21||

त्रिगुणाय नमस्तुभ्यं चतुर्व्यूहात्मने नमः ।संसाराय नमस्तुभ्यं नमः संसारहेतवे ॥ २२॥

triguṇāya namastubhyaṃ caturvyūhātmane namaḥ |saṃsārāya namastubhyaṃ namaḥ saṃsārahetave || 22||

मोक्षाय मोक्षरूपाय मोक्षकर्त्रे नमोनमः ।आत्मने ऋषये तुभ्यं स्वामिने विष्णवे नमः ॥ २३॥

mokṣāya mokṣarūpāya mokṣakartre namonamaḥ |ātmane ṛṣaye tubhyaṃ svāmine viṣṇave namaḥ || 23||

नमो भगवते तुभ्यं नागानां पतये नमः ।ओङ्काराय नमस्तुभ्यं सर्वज्ञाय नमो नमः ॥ २४॥

namo bhagavate tubhyaṃ nāgānāṃ pataye namaḥ |oṅkārāya namastubhyaṃ sarvajñāya namo namaḥ || 24||

सर्वाय च नमस्तुभ्यं नमो नारायणाय च ।नमो हिरण्यगर्भाय आदिदेवाय ते नमः ॥ २५॥

sarvāya ca namastubhyaṃ namo nārāyaṇāya ca |namo hiraṇyagarbhāya ādidevāya te namaḥ || 25||

नमोस्त्वजाय पतये प्रजानां व्यूहहेतवे ।महादेवाय देवानामीश्वराय नमो नमः ॥ २६॥

namostvajāya pataye prajānāṃ vyūhahetave |mahādevāya devānāmīśvarāya namo namaḥ || 26||

शर्वाय च नमस्तुभ्यं सत्याय शमनाय च ।ब्रह्मणे चैव भूतानां सर्वज्ञाय नमो नमः ॥ २७॥

śarvāya ca namastubhyaṃ satyāya śamanāya ca |brahmaṇe caiva bhūtānāṃ sarvajñāya namo namaḥ || 27||

महात्मने नमस्तुभ्यं प्रज्ञारूपाय वै नमः ।चितये चितिरूपाय स्मृतिरूपाय वै नमः ॥ २८॥

mahātmane namastubhyaṃ prajñārūpāya vai namaḥ |citaye citirūpāya smṛtirūpāya vai namaḥ || 28||

ज्ञानाय ज्ञानगम्याय नमस्ते संविदे सदा ।शिखराय नमस्तुभ्यं नीलकण्ठाय वै नमः ॥ २९॥

jñānāya jñānagamyāya namaste saṃvide sadā |śikharāya namastubhyaṃ nīlakaṇṭhāya vai namaḥ || 29||

अर्धनारीशरीराय अव्यक्ताय नमो नमः ।एकादशविभेदाय स्थाणवे ते नमः सदा ॥ ३०॥

ardhanārīśarīrāya avyaktāya namo namaḥ |ekādaśavibhedāya sthāṇave te namaḥ sadā || 30||

नमः सोमाय सूर्याय भवाय भवहारिणे ।यशस्कराय देवाय शङ्करायेश्वराय च ॥ ३१॥

namaḥ somāya sūryāya bhavāya bhavahāriṇe |yaśaskarāya devāya śaṅkarāyeśvarāya ca || 31||

नमोऽम्बिकाधिपतये उमायाः पतये नमः ।हिरण्यबाहवे तुभ्यं नमस्ते हेमरेतसे ॥ ३२॥

namo'mbikādhipataye umāyāḥ pataye namaḥ |hiraṇyabāhave tubhyaṃ namaste hemaretase || 32||

नीलकेशाय वित्ताय शितिकण्ठाय वै नमः ।कपर्दिने नमस्तुभ्यं नागाङ्गाभरणाय च ॥ ३३॥

nīlakeśāya vittāya śitikaṇṭhāya vai namaḥ |kapardine namastubhyaṃ nāgāṅgābharaṇāya ca || 33||

वृषारूढाय सर्वस्य हर्त्रे कर्त्रे नमो नमः ।वीररामातिरामाय रामनाथाय ते विभो ॥ ३४॥

vṛṣārūḍhāya sarvasya hartre kartre namo namaḥ |vīrarāmātirāmāya rāmanāthāya te vibho || 34||

नमो राजाधिराजाय राज्ञामधिगताय ते ।नमः पालाधिपतये पालाशाकृन्तते नमः ॥ ३५॥

namo rājādhirājāya rājñāmadhigatāya te |namaḥ pālādhipataye pālāśākṛntate namaḥ || 35||

नमः केयूरभूषाय गोपते ते नमो नमः ।नमः श्रीकण्ठनाथाय नमो लिकुचपाणये ॥ ३६॥

namaḥ keyūrabhūṣāya gopate te namo namaḥ |namaḥ śrīkaṇṭhanāthāya namo likucapāṇaye || 36||

भुवनेशाय देवाय वेदशास्त्र नमोऽस्तु ते ।सारङ्गाय नमस्तुभ्यं राजहंसाय ते नमः ॥ ३७॥

bhuvaneśāya devāya vedaśāstra namo'stu te |sāraṅgāya namastubhyaṃ rājahaṃsāya te namaḥ || 37||

कनकाङ्गदहाराय नमः सर्पोपवीतिने ।सर्पकुण्डलमालाय कटिसूत्रीकृताहिने ॥ ३८॥

kanakāṅgadahārāya namaḥ sarpopavītine |sarpakuṇḍalamālāya kaṭisūtrīkṛtāhine || 38||

वेदगर्भाय गर्भाय विश्वगर्भाय ते शिव । (३९)इति श्रीलिङ्गमहापुराणे पूर्वभागे अष्टादशाध्यायान्तर्गतंश्रीविष्णुकृतं महेश्वरस्तोत्रं अथवा रुद्रस्तोत्रं सम्पूर्णम् ।॥ लिङ्गपुराणं ॥ पूर्वभागः । अध्यायः १८। १३८॥

vedagarbhāya garbhāya viśvagarbhāya te śiva | (39)iti śrīliṅgamahāpurāṇe pūrvabhāge aṣṭādaśādhyāyāntargataṃśrīviṣṇukṛtaṃ maheśvarastotraṃ athavā rudrastotraṃ sampūrṇam ||| liṅgapurāṇaṃ || pūrvabhāgaḥ | adhyāyaḥ 18| 138||