महदेवस्तुतिः ऋषि मङ्कणककृता Mahadevastuti by Rishi Mankanaka
mahadevastutiḥ ṛṣi maṅkaṇakakṛtā
Mahadevastuti by Rishi Mankanaka (महदेवस्तुतिः ऋषि मङ्कणककृता): a hymn of praise (stuti) to Śiva. 11 verses in Sanskrit with Devanagari and IAST.
- Stotra
- Stuti
- Śiva
- Stuti
महदेवस्तुतिः ऋषि मङ्कणककृता
1 / 11
नान्यं देवादहं मन्ये रुद्रात्परतरं महत् ।सुरासुरस्य जगतो गतिस्त्वमसि शूलधृक् ॥ १॥
nānyaṃ devādahaṃ manye rudrātparataraṃ mahat |surāsurasya jagato gatistvamasi śūladhṛk || 1||
त्वया सृष्टमिदं विश्वं वदन्तीह मनीषिणः ।त्वामेव सर्वं विशति पुनरेव युगक्षये ॥ २॥
tvayā sṛṣṭamidaṃ viśvaṃ vadantīha manīṣiṇaḥ |tvāmeva sarvaṃ viśati punareva yugakṣaye || 2||
देवैरपि न शक्यस्त्वं परिज्ञातुं कुतो मया ।त्वयि सर्वे स्म दृश्यन्ते भावा ये जगति स्थिताः ॥ ३॥
devairapi na śakyastvaṃ parijñātuṃ kuto mayā |tvayi sarve sma dṛśyante bhāvā ye jagati sthitāḥ || 3||
त्वामुपासन्त वरदं देवा ब्रह्मादयोऽनघ ।सर्वस्त्वमसि देवानां कर्ता कारयिता च ह ॥ ४॥
tvāmupāsanta varadaṃ devā brahmādayo'nagha |sarvastvamasi devānāṃ kartā kārayitā ca ha || 4||
त्वत्प्रसादात्सुराः सर्वे मोदन्तीहाकुतोभयाः ।त्वं प्रभुः परमैश्वर्यादधिकं भासि शङ्करः ॥ ५॥
tvatprasādātsurāḥ sarve modantīhākutobhayāḥ |tvaṃ prabhuḥ paramaiśvaryādadhikaṃ bhāsi śaṅkaraḥ || 5||
त्वयि ब्रह्मा च विष्णुश्च लोकान्सन्धाय तिष्ठतः ।त्वन्मूलं च जगत्सर्वं भूतस्थावरजङ्गमम् ॥ ६॥
tvayi brahmā ca viṣṇuśca lokānsandhāya tiṣṭhataḥ |tvanmūlaṃ ca jagatsarvaṃ bhūtasthāvarajaṅgamam || 6||
स्वर्गं च परमं स्थानं नृणामभ्युदयार्थिनाम् ।ददासि च प्रसन्नस्त्वं भक्तानां परमेश्वर ॥ ७॥
svargaṃ ca paramaṃ sthānaṃ nṛṇāmabhyudayārthinām |dadāsi ca prasannastvaṃ bhaktānāṃ parameśvara || 7||
अनावृत्तिपदं नॄणां नित्यं निश्रेयसार्थिनाम् ।ददासि कर्मिणां कर्म भावयन्ध्यानयोगतः ॥ ८॥
anāvṛttipadaṃ nṝṇāṃ nityaṃ niśreyasārthinām |dadāsi karmiṇāṃ karma bhāvayandhyānayogataḥ || 8||
न वृथाऽस्ति महादेव प्रसादस्ते महेश्वर ।यस्मात्त्वयोपकरणात्करोमि कमलेक्षण ॥ ९॥
na vṛthā'sti mahādeva prasādaste maheśvara |yasmāttvayopakaraṇātkaromi kamalekṣaṇa || 9||
प्रपद्ये शरणं शम्भुं सर्वदा सर्वतः स्थितम् ।कर्मणा मनसा वाचा तमेवाभिभजाम्यहम् ॥ १०॥
prapadye śaraṇaṃ śambhuṃ sarvadā sarvataḥ sthitam |karmaṇā manasā vācā tamevābhibhajāmyaham || 10||
इति श्रीमन्महाभारते शल्यपर्वणि ह्रदप्रवेशपर्वणिएकोनचत्वारिंशोऽध्याये ऋषि मङ्कणककृतंश्रीमहादेवस्तुतिः समाप्ता । (९\।३९ श्लोकाः ४९५८)आल्सो, पद्मपुराण । स्ऱिष्टिखण्ड । अध्याय १८/१४३-१४६॥
iti śrīmanmahābhārate śalyaparvaṇi hradapraveśaparvaṇiekonacatvāriṃśo'dhyāye ṛṣi maṅkaṇakakṛtaṃśrīmahādevastutiḥ samāptā | (9\|39 ślokāḥ 4958)ālso, padmapurāṇa | sriṣṭikhaṇḍa | adhyāya 18/143-146||
॥ इति महदेवस्तुतिः ऋषि मङ्कणककृता सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Mahadevastuti by Rishi Mankanaka?
Mahadevastuti by Rishi Mankanaka has 11 verses on this page, each shown with its number, Devanagari text and transliteration, and meaning where available.
Can I read Mahadevastuti by Rishi Mankanaka in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Mahadevastuti by Rishi Mankanaka?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
