shivastutiH (7) Kartikamasakrite Shiva Stuti Masa8

(शिवरहस्यान्तर्गते महादेवाख्ये)शिवगौरीसंवादेविवासनजनावनऽऽवसितभूधरोमापतेविवासनिगमान्तिमप्रथिमधाम सीमाय ते ।अहीनमुखभूषणप्रियवराय वार्यायतेहराय पुरभेदिने गजहराय तुभ्यं नमः ॥ ५८॥

(śivarahasyāntargate mahādevākhye)śivagaurīsaṃvādevivāsanajanāvana''vasitabhūdharomāpatevivāsanigamāntimaprathimadhāma sīmāya te |ahīnamukhabhūṣaṇapriyavarāya vāryāyateharāya purabhedine gajaharāya tubhyaṃ namaḥ || 58||

गवामधिप शङ्कर त्रिणयनाव पाहीश्वरप्रसीद परमेश्वर प्रमथनाथ सोमाङ्कधृक् ।शरावरकृताब्धिसद्धरिशरोरुगर्वोन्नतत्रिषुस्थितपुरावर प्रकटहारिनेत्रोज्ज्वल ॥ ५९॥

gavāmadhipa śaṅkara triṇayanāva pāhīśvaraprasīda parameśvara pramathanātha somāṅkadhṛk |śarāvarakṛtābdhisaddhariśarorugarvonnatatriṣusthitapurāvara prakaṭahārinetrojjvala || 59||

मृगाजिनधरान्धकासुरनिबर्हणाऽऽशावससमीकृतसुरासुरप्रसरणोरुवीर्याय ते ।भवार्णवनिवासिनोद्धृतकरावलम्बाय(भवार्णव निमग्नसज्जनकृतावलम्बाय)वृषाङ्गवरचारिणे वासितचीरिणे (? ) ते नमः ॥ ६०॥

mṛgājinadharāndhakāsuranibarhaṇā''śāvasasamīkṛtasurāsuraprasaraṇoruvīryāya te |bhavārṇavanivāsinoddhṛtakarāvalambāya(bhavārṇava nimagnasajjanakṛtāvalambāya)vṛṣāṅgavaracāriṇe vāsitacīriṇe (? ) te namaḥ || 60||

समीरणसुपारणप्रवरधारिणे वीरिणेधराधिपसुतामितप्रकटसामिसद्वर्ष्मणे ।गुणातिगगजाननप्रथमसामगण्याय तेशरण्यपदपङ्कजानतसुपर्वशर्वाय ते ॥ ६१॥

samīraṇasupāraṇapravaradhāriṇe vīriṇedharādhipasutāmitaprakaṭasāmisadvarṣmaṇe |guṇātigagajānanaprathamasāmagaṇyāya teśaraṇyapadapaṅkajānatasuparvaśarvāya te || 61||

उगणस्त्वं भगणाधिपोरुमौलिर्गणनाथोरुगुरुः पितासि शम्भो ।शरणागतपालको महात्मावरुणार्च्यो भवहा पुरत्रयारिः ॥ ६२॥

ugaṇastvaṃ bhagaṇādhiporumaulirgaṇanāthoruguruḥ pitāsi śambho |śaraṇāgatapālako mahātmāvaruṇārcyo bhavahā puratrayāriḥ || 62||

पतिरेको भुवनस्य विश्वगस्त्वंमयि दृष्टिं वितराद्य सम्मुखीनाम् ।अधुना मधुनाधिकां महेशविधुना चारुदृशा धुनोतु पापम् ॥ ६३॥

patireko bhuvanasya viśvagastvaṃmayi dṛṣṭiṃ vitarādya sammukhīnām |adhunā madhunādhikāṃ maheśavidhunā cārudṛśā dhunotu pāpam || 63||

इति स्तवेन मां स्तुत्वा नत्वा देवं महेश्वरम् ।कार्तिक्यां पूर्णिमायां तु होमः कार्यो द्विजोत्तमः ॥ ६४॥

iti stavena māṃ stutvā natvā devaṃ maheśvaram |kārtikyāṃ pūrṇimāyāṃ tu homaḥ kāryo dvijottamaḥ || 64||

कपिलागोद्वयं देयं सवत्सं च सदक्षिणम् ।मासं नक्ताशनो भूयात्सोमवारे उपोषितः ॥ ६५॥

kapilāgodvayaṃ deyaṃ savatsaṃ ca sadakṣiṇam |māsaṃ naktāśano bhūyātsomavāre upoṣitaḥ || 65||

कार्तिके सोमवारे तु पूज्येत परमेश्वरः ।चतुर्षु रात्रियामेषु पायसं च निवेदयेत् ॥ ६६॥

kārtike somavāre tu pūjyeta parameśvaraḥ |caturṣu rātriyāmeṣu pāyasaṃ ca nivedayet || 66||

द्रोणधुत्तूरबिल्वैश्च पूजयेत्सोमवासरे ।एकं वापि च धुत्तूरं मयि दत्वा विलीयते ॥ ६७॥

droṇadhuttūrabilvaiśca pūjayetsomavāsare |ekaṃ vāpi ca dhuttūraṃ mayi datvā vilīyate || 67||

सर्वेष्वापि च मासेषु सोमवारो वरो वरः ।तत्रापि श्रावणः पुण्यः कार्तिकस्तच्छतोत्तरः ॥ ६८॥

sarveṣvāpi ca māseṣu somavāro varo varaḥ |tatrāpi śrāvaṇaḥ puṇyaḥ kārtikastacchatottaraḥ || 68||

विशेषात्कार्तिके मासि तस्मिन्पूजा मतोत्तरा ।सोमार्द्रापातयुक्तो यः सोमवारः शिवे तदा ॥ ७४॥

viśeṣātkārtike māsi tasminpūjā matottarā |somārdrāpātayukto yaḥ somavāraḥ śive tadā || 74||

सहस्रार्कग्रहैस्तुल्यः सर्वपापप्रणाशकृत् ।तस्मिन्नभ्यर्चनं पुण्यं प्रशस्तं प्रीतिकृन्मम ॥ ७५॥

sahasrārkagrahaistulyaḥ sarvapāpapraṇāśakṛt |tasminnabhyarcanaṃ puṇyaṃ praśastaṃ prītikṛnmama || 75||

॥ इति शिवरहस्यान्तर्गते ईश्वरप्रोक्तं कार्तिकमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः २१ कार्तिकमासार्चनम् । वावृत्तश्लोकाः ॥– ॥ श्रीशिवरहस्यम् । महादेवाख्यः एकादशमांशः । अध्यायः २१ कार्तिकमासार्चनम् । वावृत्तश्लोकाः ॥

|| iti śivarahasyāntargate īśvaraproktaṃ kārtikamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 21 kārtikamāsārcanam | vāvṛttaślokāḥ ||– || śrīśivarahasyam | mahādevākhyaḥ ekādaśamāṃśaḥ | adhyāyaḥ 21 kārtikamāsārcanam | vāvṛttaślokāḥ ||