शिवार्चनमहिमा कपिलप्रचण्डादिप्रोक्ता Kapilaprachandadiprokta Shivarchanamahima

कपिलः(इन्दिरे)शरणं याहि शङ्करं लोकशङ्करम् ।स सर्वमङ्गलाकान्तो मङ्गलानि प्रयच्छति ॥ ४२॥

kapilaḥ(indire)śaraṇaṃ yāhi śaṅkaraṃ lokaśaṅkaram |sa sarvamaṅgalākānto maṅgalāni prayacchati || 42||

स सर्वमङ्गलाकारः सर्वमङ्गलदायकः ।मङ्गलानां स जनकोऽप्यमङ्गलहरो हरः ॥ ४३॥

sa sarvamaṅgalākāraḥ sarvamaṅgaladāyakaḥ |maṅgalānāṃ sa janako'pyamaṅgalaharo haraḥ || 43||

अमङ्गलहरे सति त्रिपुरकाननध्वंसकेप्रचण्डतरपावके मदनमर्दके संस्मृते ।अमङ्गलसरिद्वरप्रलय एव तावद्भवेत्समुद्रतनये सदा शुभनदीसमूहोदये ॥ ४४॥

amaṅgalahare sati tripurakānanadhvaṃsakepracaṇḍatarapāvake madanamardake saṃsmṛte |amaṅgalasaridvarapralaya eva tāvadbhavetsamudratanaye sadā śubhanadīsamūhodaye || 44||

न कोऽपि जानाति शिवप्रभावमतो न तस्य स्मरणे प्रवृत्तः ।अतो विनाशो भवतीति मन्ये सदा महादेवपराङ्मुखानाम् ॥ ४५॥

na ko'pi jānāti śivaprabhāvamato na tasya smaraṇe pravṛttaḥ |ato vināśo bhavatīti manye sadā mahādevaparāṅmukhānām || 45||

केनापि दृष्टं न महेशरूपं शुभप्रवाहात्मकमप्रमेयम् ।स्मृते शिवे चेतसि मङ्गलानि पदे पदे शोभनदानि नित्यम् ॥ ४६॥

kenāpi dṛṣṭaṃ na maheśarūpaṃ śubhapravāhātmakamaprameyam |smṛte śive cetasi maṅgalāni pade pade śobhanadāni nityam || 46||

प्रचण्डःकैलासवासी भगवानेकस्तिष्ठति शङ्करः ।तत्पूजकानामस्माकं भयं सम्भावितं च न ॥ ७१॥

pracaṇḍaḥkailāsavāsī bhagavānekastiṣṭhati śaṅkaraḥ |tatpūjakānāmasmākaṃ bhayaṃ sambhāvitaṃ ca na || 71||

पूजयस्व महादेवं लिङ्गरूपिणमव्ययम् ।अपारैरुपचारैस्तं भयं सन्त्यज सन्त्यज ॥ ७२॥

pūjayasva mahādevaṃ liṅgarūpiṇamavyayam |apārairupacāraistaṃ bhayaṃ santyaja santyaja || 72||

यदा मोहेन नास्माकं शिवे भक्तिर्भविष्यति ।तदा भयं भवत्येव दुःखधारा पदे पदे ॥ ७३॥

yadā mohena nāsmākaṃ śive bhaktirbhaviṣyati |tadā bhayaṃ bhavatyeva duḥkhadhārā pade pade || 73||

येन स्मृतो महादेवः संसारात् स विमुच्यते ।भयानां तत्र का वार्ता भयलेशोऽपि वा कथम् ॥ ७४॥

yena smṛto mahādevaḥ saṃsārāt sa vimucyate |bhayānāṃ tatra kā vārtā bhayaleśo'pi vā katham || 74||

क्रूरःमृत्युञ्जयाभ्यर्चनेन जयः खलु पदे पदे ।अतो जयार्थं यत्नेन यजेन्मृत्युञ्जयं प्रभुम् ॥ १२५॥

krūraḥmṛtyuñjayābhyarcanena jayaḥ khalu pade pade |ato jayārthaṃ yatnena yajenmṛtyuñjayaṃ prabhum || 125||

लक्ष्मीःपुनः पुनरिदं ज्ञातं शङ्कराराधनं विना ।सुखं नेति विशेषेण ज्ञातमत्र न संशयः ॥ १३९॥

lakṣmīḥpunaḥ punaridaṃ jñātaṃ śaṅkarārādhanaṃ vinā |sukhaṃ neti viśeṣeṇa jñātamatra na saṃśayaḥ || 139||

सर्वज्ञेन ज्ञायते धर्मतत्वं योगाभ्यासात् शङ्कराराधनेन ।एतत्सर्वं निश्चयेनाशु तावत् वक्तव्यं मे येन दुःखापहारः ॥ १४२॥

sarvajñena jñāyate dharmatatvaṃ yogābhyāsāt śaṅkarārādhanena |etatsarvaṃ niścayenāśu tāvat vaktavyaṃ me yena duḥkhāpahāraḥ || 142||

न जाने न जाने न जाने न जाने शिवान्यं न जाने न जाने न जाने ।शिवाराधनेनैव सौख्यप्रवृद्धिः शिवाराधनेनैव सम्पत्प्रवृद्धिः ॥ ३२३॥

na jāne na jāne na jāne na jāne śivānyaṃ na jāne na jāne na jāne |śivārādhanenaiva saukhyapravṛddhiḥ śivārādhanenaiva sampatpravṛddhiḥ || 323||

सुराःयत्सामर्थ्यमपारवेदनिकरैर्न ज्ञायते सर्वथायत्पादाम्बुजपूजया जडमतिर्वागीश्वरीवल्लभः ।स्याल्लक्ष्मीरमणः शचीपतिरपि स्वादिन्दुरग्निस्तथाभानुश्चेति तमीश्वरं गिरिसुताकान्तं भजे सन्ततम् ॥ ३८२॥

surāḥyatsāmarthyamapāravedanikarairna jñāyate sarvathāyatpādāmbujapūjayā jaḍamatirvāgīśvarīvallabhaḥ |syāllakṣmīramaṇaḥ śacīpatirapi svādinduragnistathābhānuśceti tamīśvaraṃ girisutākāntaṃ bhaje santatam || 382||

यं भक्तामरभूरुहं सुरकुलाराध्यं च सिद्धार्चितंगन्धर्वादिसमर्थितं च परमं प्राहुस्तमेकं शिवम् ।ध्यात्वा चित्तमनन्तपातककुलापाराटवीकोटरापाराग्निं सुखरूपमेत्य सततं तच्चिन्तनाभ्युद्धृतम् ॥ ३८३॥

yaṃ bhaktāmarabhūruhaṃ surakulārādhyaṃ ca siddhārcitaṃgandharvādisamarthitaṃ ca paramaṃ prāhustamekaṃ śivam |dhyātvā cittamanantapātakakulāpārāṭavīkoṭarāpārāgniṃ sukharūpametya satataṃ taccintanābhyuddhṛtam || 383||

तं वन्दे मुहुरादरेण गिरिजावक्षोजकाश्मीरजापारश्रीरसरञ्जितं प्रविलसत्कस्तूरिकाचित्रितम् ।तत्पाटीररसाभिरूषितमपि व्याप्तं दुकूलोत्तमैःहारापारविराजमानवपुषं जोषं प्रदोषेष्वपि ॥ ३८४॥

taṃ vande muhurādareṇa girijāvakṣojakāśmīrajāpāraśrīrasarañjitaṃ pravilasatkastūrikācitritam |tatpāṭīrarasābhirūṣitamapi vyāptaṃ dukūlottamaiḥhārāpāravirājamānavapuṣaṃ joṣaṃ pradoṣeṣvapi || 384||

यलिङ्गादभवत् समस्तमसकृद्भूमण्डलं कुण्डलीयत्कर्णोत्तमकुण्डलं मणिगणश्रीमण्डलालङ्कृतम् ।तं हारोत्तममानसाम्बुजवसं श्रीकर्णिकाश्रितंश्रीकान्तार्चितपादुकं भज मनः शैलात्मजाकामुकम् ॥ ३८५॥

yaliṅgādabhavat samastamasakṛdbhūmaṇḍalaṃ kuṇḍalīyatkarṇottamakuṇḍalaṃ maṇigaṇaśrīmaṇḍalālaṅkṛtam |taṃ hārottamamānasāmbujavasaṃ śrīkarṇikāśritaṃśrīkāntārcitapādukaṃ bhaja manaḥ śailātmajākāmukam || 385||

॥ इति शिवरहस्यान्तर्गते कपिलप्रचण्डादिप्रोक्ता शिवार्चनमहिमा सम्पूर्णा ॥॥ श्रीशिवरहस्यम् । हराख्यः तृतीयांशः । उत्तरार्धम् । अध्यायः ४०। वावृत्तश्लोकाः ॥– ॥ श्रीशिवरहस्यम् । हराख्यः तृतीयांशः । उत्तरार्धम् । अध्यायः ४०। वावृत्तश्लोकाः ॥

|| iti śivarahasyāntargate kapilapracaṇḍādiproktā śivārcanamahimā sampūrṇā |||| śrīśivarahasyam | harākhyaḥ tṛtīyāṃśaḥ | uttarārdham | adhyāyaḥ 40| vāvṛttaślokāḥ ||– || śrīśivarahasyam | harākhyaḥ tṛtīyāṃśaḥ | uttarārdham | adhyāyaḥ 40| vāvṛttaślokāḥ ||