shivastutiH (5) Jyeshthamasakrite Shiva Stuti Masa3

(शिवरहस्यान्तर्गते महादेवाख्ये)शिवगौरीसंवादेशम्भो भूमिशताङ्ग सङ्गरहितानङ्गाङ्गभालानलज्वालाऽपाङ्गपतङ्गवत्कृतमहानेत्रेश नागप्रभो ।भस्माभ्यङ्ग कुरङ्ग सङ्गसुकर स्फारस्फुरद्गाङ्गसल्लीलालोलमहोत्तमाङ्ग भगवञ्छङागाव मां सर्वदा ॥ ६६॥

(śivarahasyāntargate mahādevākhye)śivagaurīsaṃvādeśambho bhūmiśatāṅga saṅgarahitānaṅgāṅgabhālānalajvālā'pāṅgapataṅgavatkṛtamahānetreśa nāgaprabho |bhasmābhyaṅga kuraṅga saṅgasukara sphārasphuradgāṅgasallīlālolamahottamāṅga bhagavañchaṅāgāva māṃ sarvadā || 66||

विश्वेशान दयानिधान भगवन् पाहीश पञ्चाननस्वामिन् पैतृककाननप्रिय शिव व्याघ्राजिनालङ्कृत ।दीनानामवनाय कालकलनाहीनापदानादिकदानाय स्तुवतेऽस्तु ते दृशि सदा कारुण्यवारान्निधिः ॥ ६७॥

viśveśāna dayānidhāna bhagavan pāhīśa pañcānanasvāmin paitṛkakānanapriya śiva vyāghrājinālaṅkṛta |dīnānāmavanāya kālakalanāhīnāpadānādikadānāya stuvate'stu te dṛśi sadā kāruṇyavārānnidhiḥ || 67||

मयस्कर सुतस्करप्रवर पाहि विश्वेश्वरप्रसीद परमेश्वर त्रिपुरमारदेहोद्धर ।जलन्धरगरन्धरप्रमथ देव शम्भो हरप्रसीद दययाऽधुना शिवद पाहि गङ्गाधर ॥ ६८॥

mayaskara sutaskarapravara pāhi viśveśvaraprasīda parameśvara tripuramāradehoddhara |jalandharagarandharapramatha deva śambho haraprasīda dayayā'dhunā śivada pāhi gaṅgādhara || 68||

शर्व सर्वद सुपूर्वपूजितपर्वतेशतनयाप्रिय प्रभो ।कालगर्वहर खर्वविष्णुहृत्कञ्जवास भगवन् प्रसीद माम् ॥ ६९॥

śarva sarvada supūrvapūjitaparvateśatanayāpriya prabho |kālagarvahara kharvaviṣṇuhṛtkañjavāsa bhagavan prasīda mām || 69||

भव भवभयहर भीम भवात्मकभावहृदन्तरसुन्दरविग्रह ।पाहि शिवाव्यय देव दयाकरशङ्कर सुखकर शं कुरु मे सदा ॥ ७०॥

bhava bhavabhayahara bhīma bhavātmakabhāvahṛdantarasundaravigraha |pāhi śivāvyaya deva dayākaraśaṅkara sukhakara śaṃ kuru me sadā || 70||

स्तवेनानेन देवेशि स्तुवीत परमेश्वरम् ।ज्येष्ठे मासि विशेषेण नक्तभक्तोऽथ हव्यभुक् ॥ ७१॥

stavenānena deveśi stuvīta parameśvaram |jyeṣṭhe māsi viśeṣeṇa naktabhakto'tha havyabhuk || 71||

एकवारं द्विवारं वा त्रिवारं वा यजेच्छिवम् ।ज्येष्ठायामथ पौर्णम्यां होमः कार्यो यथाविधि ॥ ७२॥

ekavāraṃ dvivāraṃ vā trivāraṃ vā yajecchivam |jyeṣṭhāyāmatha paurṇamyāṃ homaḥ kāryo yathāvidhi || 72||

दद्याद्गोमिथुनं तेभ्यः सवत्सं च सदक्षिणम् ।दीनानाथान् भोजयित्वा स्वयं भुञ्जीत बन्धुभिः ॥ ७३॥

dadyādgomithunaṃ tebhyaḥ savatsaṃ ca sadakṣiṇam |dīnānāthān bhojayitvā svayaṃ bhuñjīta bandhubhiḥ || 73||

ज्येष्ठमासार्चनं देवि कथितं ते समासतः ।यत्कृत्वा मनुजः सद्यो लभेत्फलमनुत्तमम् ॥ ७४॥

jyeṣṭhamāsārcanaṃ devi kathitaṃ te samāsataḥ |yatkṛtvā manujaḥ sadyo labhetphalamanuttamam || 74||

शिवालये लिङ्गमौलौ ग्रीष्मे हृद्यां गलन्तिकाम् ।मासद्वयं तु शीतेन गन्धितेन जलेन च ॥ ७५॥

śivālaye liṅgamaulau grīṣme hṛdyāṃ galantikām |māsadvayaṃ tu śītena gandhitena jalena ca || 75||

सच्छिद्रं कारयेत्कुम्भं धारयेत्तदहर्निशम् ।कृत्वैवं याति सदनं मदनान्तस्य मे शिवे ॥ ७६॥

sacchidraṃ kārayetkumbhaṃ dhārayettadaharniśam |kṛtvaivaṃ yāti sadanaṃ madanāntasya me śive || 76||

वंशसाहस्रसहितो विमानेनार्करोचिषा ॥ ७७॥

vaṃśasāhasrasahito vimānenārkarociṣā || 77||

॥ इति शिवरहस्यान्तर्गते ईश्वरप्रोक्तं ज्येष्ठमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः १६ ज्येष्ठमासार्चनम् । ६६७७॥

|| iti śivarahasyāntargate īśvaraproktaṃ jyeṣṭhamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 16 jyeṣṭhamāsārcanam | 6677||

– ॥ श्रीशिवरहस्यम् ।महादेवाख्यः एकादशमांशः ।अध्यायः १६ ज्येष्ठमासार्चनम् ।६६-७७॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 16 jyeṣṭhamāsārcanam | 66-77||