हाकिनीश्वराष्टोत्तरसहस्रनामस्तोत्रम् परनाथाष्टोत्तरसहस्रनामस्तोत्रम् Hakinishvara Ashtottara Sahasranama Stotra

परनाथाष्टोत्तरसहस्रनामस्तोत्रम्श्रीआनन्दभैरव उवाच ।आनन्दभैरवि प्राणवल्लभे जगदीश्वरि ।तव प्रसादवाक्येन श्रुतं नामसहस्रकम् ॥ १ ॥

paranāthāṣṭottarasahasranāmastotramśrīānandabhairava uvāca |ānandabhairavi prāṇavallabhe jagadīśvari |tava prasādavākyena śrutaṃ nāmasahasrakam || 1 ||

हाकिन्याः कुलयोगिन्याः परमाद्भुतमङ्गलम् ।इदानीं श्रोतुमिच्छामि परनाथस्य वाञ्छितम् ॥ २ ॥

hākinyāḥ kulayoginyāḥ paramādbhutamaṅgalam |idānīṃ śrotumicchāmi paranāthasya vāñchitam || 2 ||

सहस्रनामयोगाङ्गमष्टोत्तरसमाकुलम् ।भ्रूपद्मभेदनार्थाय हाकिनीयोगसिद्धये ॥ ३ ॥

sahasranāmayogāṅgamaṣṭottarasamākulam |bhrūpadmabhedanārthāya hākinīyogasiddhaye || 3 ||

परनाथस्य योगाधिसिद्धये कुलभैरवि ।कृपया वद मे प्रीता धर्मसिद्धिनिबन्धनात् ॥ ४ ॥

paranāthasya yogādhisiddhaye kulabhairavi |kṛpayā vada me prītā dharmasiddhinibandhanāt || 4 ||

मम देहरक्षणाय पातिव्रात्यप्रसिद्धये ।महाविषहरे शीघ्रं वद योगिनि विस्तरात् ॥ ५ ॥

mama deharakṣaṇāya pātivrātyaprasiddhaye |mahāviṣahare śīghraṃ vada yogini vistarāt || 5 ||

त्वत्प्रसादात् खेचराणां भैरवाणां हि योगिनाम् ।नाथोऽहं जगतीखण्डे सुधाखण्डे वद प्रिये ॥ ६ ॥

tvatprasādāt khecarāṇāṃ bhairavāṇāṃ hi yoginām |nātho'haṃ jagatīkhaṇḍe sudhākhaṇḍe vada priye || 6 ||

पुनः पुनः स्तौमि नित्ये त्वमेव सुप्रिया भव ।श्रीआनन्दभैरवी उवाचअथ योगेश्वर प्राणनाथ योगेन्द्र सिद्धिद ॥ ७ ॥

punaḥ punaḥ staumi nitye tvameva supriyā bhava |śrīānandabhairavī uvācaatha yogeśvara prāṇanātha yogendra siddhida || 7 ||

इदानीं कथये तेऽहं निजदेहसुसिद्धये ।सर्वदा हि पठस्व त्वं कालमृत्युं वशं नय ॥ ८ ॥

idānīṃ kathaye te'haṃ nijadehasusiddhaye |sarvadā hi paṭhasva tvaṃ kālamṛtyuṃ vaśaṃ naya || 8 ||

कृपया तव नाथस्य स्नेहपाशनियन्त्रिता ।तवाज्ञापालनार्थाय कालकूटविनाशनात् ॥ ९ ॥

kṛpayā tava nāthasya snehapāśaniyantritā |tavājñāpālanārthāya kālakūṭavināśanāt || 9 ||

भुक्तिमुक्तिक्रियाभक्तिसिद्धये तच्छृणु प्रभो ।नित्यामृतखण्डरसोल्लासनामसहस्रकम् ॥ १० ॥

bhuktimuktikriyābhaktisiddhaye tacchṛṇu prabho |nityāmṛtakhaṇḍarasollāsanāmasahasrakam || 10 ||

अष्टोत्तरं प्रयत्नेन योगिनां हि हिताय च ।कथयामि सिद्धनामज्ञाननिर्णयसाधनम् ॥ ११ ॥

aṣṭottaraṃ prayatnena yogināṃ hi hitāya ca |kathayāmi siddhanāmajñānanirṇayasādhanam || 11 ||

ॐ ह्सौ सां परेशश्च पराशक्तिः प्रियेश्वरः ।शिवः परः पारिभद्रः परेशो निर्मलोऽद्वयः ॥ १२ ॥

oṃ hsau sāṃ pareśaśca parāśaktiḥ priyeśvaraḥ |śivaḥ paraḥ pāribhadraḥ pareśo nirmalo'dvayaḥ || 12 ||

स्वयंज्योतिरनाद्यन्तो निर्वीकारः परात्परः ।परमात्मा पराकाशोऽपरोऽप्यपराजितः ॥ १३ ॥

svayaṃjyotiranādyanto nirvīkāraḥ parātparaḥ |paramātmā parākāśo'paro'pyaparājitaḥ || 13 ||

पार्वतीवल्लभः श्रीमान् दीनबन्धुस्त्रिलोचनः ।योगात्मा योगदः सिद्धेश्वरो वीरः स्वरान्तकः ॥ १४ ॥

pārvatīvallabhaḥ śrīmān dīnabandhustrilocanaḥ |yogātmā yogadaḥ siddheśvaro vīraḥ svarāntakaḥ || 14 ||

कपिलेशो गुरुर्गीतः स्वप्रियो गीतमोहनः ।गभीरो गाधनस्थश्च गीतवाद्यप्रियङ्करः ॥ १५ ॥

kapileśo gururgītaḥ svapriyo gītamohanaḥ |gabhīro gādhanasthaśca gītavādyapriyaṅkaraḥ || 15 ||

गुरुगीतापवित्रश्च गानसम्मानतोज्झितः ।गयानाथो दत्तनाथो दत्तात्रेयपतिः शिवः ॥ १६ ॥

gurugītāpavitraśca gānasammānatojjhitaḥ |gayānātho dattanātho dattātreyapatiḥ śivaḥ || 16 ||

आकाशवाहको नीलो नीलाञ्जनशरीरधृक् ।खगरूपी खेचरश्च गगनात्मा गभीरगः ॥ १७ ॥

ākāśavāhako nīlo nīlāñjanaśarīradhṛk |khagarūpī khecaraśca gaganātmā gabhīragaḥ || 17 ||

गोकोटिदानकर्त्ता च गोकोटिदुग्धभोजनः ।अभयावल्लभः श्रीमान् परमात्मा निराकृतिः ॥ १८ ॥

gokoṭidānakarttā ca gokoṭidugdhabhojanaḥ |abhayāvallabhaḥ śrīmān paramātmā nirākṛtiḥ || 18 ||

सङ्ख्याधारी निराकारी निराकरणवल्लभः ।वाय्वाहारी वायुरूपी वायुगन्ता स्ववायुपाः ॥ १९ ॥

saṅkhyādhārī nirākārī nirākaraṇavallabhaḥ |vāyvāhārī vāyurūpī vāyugantā svavāyupāḥ || 19 ||

वातघ्नो वातसम्पत्तिर्वाताजीर्णो वसन्तवित् ।वासनीशो व्यासनाथो नारदादिमुनीश्वरः ॥ २० ॥

vātaghno vātasampattirvātājīrṇo vasantavit |vāsanīśo vyāsanātho nāradādimunīśvaraḥ || 20 ||

नारायणप्रियानन्दो नारायणनिराकृतिः ।नावमालो नावकर्ता नावसंज्ञानधारकः ॥ २१ ॥

nārāyaṇapriyānando nārāyaṇanirākṛtiḥ |nāvamālo nāvakartā nāvasaṃjñānadhārakaḥ || 21 ||

जलाधारो ज्ञेय इन्द्रो निरिन्द्रियगुणोदयः ।तेजोरूपी चण्डभीमो तेजोमालाधरः कुलः ॥ २२ ॥

jalādhāro jñeya indro nirindriyaguṇodayaḥ |tejorūpī caṇḍabhīmo tejomālādharaḥ kulaḥ || 22 ||

कुलतेजा कुलानन्दः शोभाढ्यो वेदरश्मिधृक् ।किरणात्मा कारणात्मा कल्पच्छायापतिः शशी ॥ २३ ॥

kulatejā kulānandaḥ śobhāḍhyo vedaraśmidhṛk |kiraṇātmā kāraṇātmā kalpacchāyāpatiḥ śaśī || 23 ||

परज्ञानी परानन्ददायको धर्मजित्प्रभुः ।त्रिलोचनाम्भोजराजो दीर्घनेत्रो मनोहरः ॥ २४ ॥

parajñānī parānandadāyako dharmajitprabhuḥ |trilocanāmbhojarājo dīrghanetro manoharaḥ || 24 ||

चामुण्डेशः प्रचण्डेशः पारिभद्रेश्वरो हरः ।गोपिता मोहितो गोप्ता गुप्तिस्थो गोपपूजितः ॥ २५ ॥

cāmuṇḍeśaḥ pracaṇḍeśaḥ pāribhadreśvaro haraḥ |gopitā mohito goptā guptistho gopapūjitaḥ || 25 ||

गोपनाख्यो गोधनेशश्च चारुवक्त्रो दिगम्बरः ।पञ्चाननः पञ्चमीशो विशालो गरुडेश्वरः ॥ २६ ॥

gopanākhyo godhaneśaśca cāruvaktro digambaraḥ |pañcānanaḥ pañcamīśo viśālo garuḍeśvaraḥ || 26 ||

अर्धनारीश्वरेशश्च नायिकेशः कुलान्तकः ।संहारविग्रहः प्रेतभूतकोटिपरायणः ॥ २७ ॥

ardhanārīśvareśaśca nāyikeśaḥ kulāntakaḥ |saṃhāravigrahaḥ pretabhūtakoṭiparāyaṇaḥ || 27 ||

अनन्तेशोऽप्यनन्तात्मा मणिचूडो विभावसुः ।कालानलः कालरूपी वेदधर्मेश्वरः कविः ॥ २८ ॥

ananteśo'pyanantātmā maṇicūḍo vibhāvasuḥ |kālānalaḥ kālarūpī vedadharmeśvaraḥ kaviḥ || 28 ||

भर्गः स्मरहरः शम्भुः स्वयम्भुः पीतकुण्डलः ।जायापतिर्याजजूको विलाशीशः शिखापतिः ॥ २९ ॥

bhargaḥ smaraharaḥ śambhuḥ svayambhuḥ pītakuṇḍalaḥ |jāyāpatiryājajūko vilāśīśaḥ śikhāpatiḥ || 29 ||

पर्वतेशः पार्वणाख्यः क्षेत्रपालो महीश्वरः ।वाराणसीपतिर्मान्यो धन्यो वृषसुवाहनः ॥ ३० ॥

parvateśaḥ pārvaṇākhyaḥ kṣetrapālo mahīśvaraḥ |vārāṇasīpatirmānyo dhanyo vṛṣasuvāhanaḥ || 30 ||

अमृतानन्दितो मुग्धो वनमालीश्वरः प्रियः ।काशीपतिः प्राणपतिः कालकण्ठो महेश्वरः ॥ ३१ ॥

amṛtānandito mugdho vanamālīśvaraḥ priyaḥ |kāśīpatiḥ prāṇapatiḥ kālakaṇṭho maheśvaraḥ || 31 ||

कम्बुकण्ठः क्रान्तिवर्गो वर्गात्मा जलशासनः ।जलबुद्बुदवक्षश्च जलरेखामयः पृथुः ॥ ३२ ॥

kambukaṇṭhaḥ krāntivargo vargātmā jalaśāsanaḥ |jalabudbudavakṣaśca jalarekhāmayaḥ pṛthuḥ || 32 ||

पार्थिवेशो महीकर्ता पृथिवीपरिपालकः ।भूमिस्थो भूमिपूज्यश्च क्षौणीवृन्दारकार्चीतः ॥ ३३ ॥

pārthiveśo mahīkartā pṛthivīparipālakaḥ |bhūmistho bhūmipūjyaśca kṣauṇīvṛndārakārcītaḥ || 33 ||

शूलपाणिः शक्तिहस्तो पद्मगर्भो हिरण्यभृत् ।भूगर्तसंस्थितो योगी योगसम्भवविग्रहः ॥ ३४ ॥

śūlapāṇiḥ śaktihasto padmagarbho hiraṇyabhṛt |bhūgartasaṃsthito yogī yogasambhavavigrahaḥ || 34 ||

पातालमूलकर्ता च पातालकुलपालकः ।पातालनागमालाढ्यो दानकर्ता निराकुलः ॥ ३५ ॥

pātālamūlakartā ca pātālakulapālakaḥ |pātālanāgamālāḍhyo dānakartā nirākulaḥ || 35 ||

भ्रूणहन्ता पापराधिनागकः कालनागकः ।कपिलोग्रतपःप्रीतो लोकोपकारकृन्नृपः ॥ ३६ ॥

bhrūṇahantā pāparādhināgakaḥ kālanāgakaḥ |kapilogratapaḥprīto lokopakārakṛnnṛpaḥ || 36 ||

नृपार्चीतो नृपार्थस्थो नृपार्थकोटिदायकः ।पार्थिवार्चनसन्तुष्टो महावेगी परेश्वरः ॥ ३७ ॥

nṛpārcīto nṛpārthastho nṛpārthakoṭidāyakaḥ |pārthivārcanasantuṣṭo mahāvegī pareśvaraḥ || 37 ||

परापारापारतरो महातरुनिवासकः ।तरुमूलस्थितो रुद्रो रुद्रनामफलोदयः ॥ ३८ ॥

parāpārāpārataro mahātarunivāsakaḥ |tarumūlasthito rudro rudranāmaphalodayaḥ || 38 ||

रौद्रीशक्तिपतिः क्रोधी कोपनष्टो विरोचनः ।असंख्येयाख्ययुक्तश्च परिणामविवर्जितः ॥ ३९ ॥

raudrīśaktipatiḥ krodhī kopanaṣṭo virocanaḥ |asaṃkhyeyākhyayuktaśca pariṇāmavivarjitaḥ || 39 ||

प्रतापी पवनाधारः प्रशंस्यः सर्वनिर्णयः ।वेदजापी मन्त्रजापी देवता गुरुरीश्वरः ॥ ४० ॥

pratāpī pavanādhāraḥ praśaṃsyaḥ sarvanirṇayaḥ |vedajāpī mantrajāpī devatā gururīśvaraḥ || 40 ||

श्रीनाथो गुरुदेवश्च परनाथो गुरुः प्रभुः ।परापरगुरुर्ज्ञानी तन्त्रज्ञोऽर्कशतप्रभाः ॥ ४१ ॥

śrīnātho gurudevaśca paranātho guruḥ prabhuḥ |parāparagururjñānī tantrajño'rkaśataprabhāḥ || 41 ||

तीर्क्ष्यो गमनकारी च कालभावी निरञ्जनः ।कालकूटानलः श्रोतः पुञ्जपानपरायणः ॥ ४२ ॥

tīrkṣyo gamanakārī ca kālabhāvī nirañjanaḥ |kālakūṭānalaḥ śrotaḥ puñjapānaparāyaṇaḥ || 42 ||

परिवारगणाढ्यश्च पाराशाषिसुतस्थितः ।स्थितिस्थापकरूपश्च रूपातीतोऽमलापतिः ॥ ४३ ॥

parivāragaṇāḍhyaśca pārāśāṣisutasthitaḥ |sthitisthāpakarūpaśca rūpātīto'malāpatiḥ || 43 ||

पतीशो भागुरिश्चैव कालश्चैव हरिस्तथा ।वैष्णवः प्रेमसिन्धुश्च तरलो वातवित्तहा ॥ ४४ ॥

patīśo bhāguriścaiva kālaścaiva haristathā |vaiṣṇavaḥ premasindhuśca taralo vātavittahā || 44 ||

भावस्वरूपो भगवान् निराकाशः सनातनः ।अव्ययः पुरुषः साक्षी चाच्युतो मन्दराश्रयः ॥ ४५ ॥

bhāvasvarūpo bhagavān nirākāśaḥ sanātanaḥ |avyayaḥ puruṣaḥ sākṣī cācyuto mandarāśrayaḥ || 45 ||

मन्दराद्रिक्रियानन्दो वृन्दावनतनूद्भवः ।वाच्यावाच्यस्वरूपश्च निर्मलाख्यो विवादहा ॥ ४६ ॥

mandarādrikriyānando vṛndāvanatanūdbhavaḥ |vācyāvācyasvarūpaśca nirmalākhyo vivādahā || 46 ||

वैद्यो वेदपरो ग्रन्थो वेदशास्त्रप्रकाशकः ।स्मृतिमूलो वेदयुक्तिः प्रत्यक्षकुलदेवता ॥ ४७ ॥

vaidyo vedaparo grantho vedaśāstraprakāśakaḥ |smṛtimūlo vedayuktiḥ pratyakṣakuladevatā || 47 ||

परीक्षको वारणाख्यो महाशैलनिषेवितः ।विरिञ्चप्रेमदाता च जन्योल्लासकरः प्रियः ॥ ४८ ॥

parīkṣako vāraṇākhyo mahāśailaniṣevitaḥ |viriñcapremadātā ca janyollāsakaraḥ priyaḥ || 48 ||

प्रयागधारी पयोऽर्थी गाङ्गागङ्गाधरः स्मरः ।गङ्गाबुद्धिप्रियो देवो गङ्गास्नाननिषेवितः ॥ ४९ ॥

prayāgadhārī payo'rthī gāṅgāgaṅgādharaḥ smaraḥ |gaṅgābuddhipriyo devo gaṅgāsnānaniṣevitaḥ || 49 ||

गङ्गासलिलसंस्थो हि गङ्गाप्रत्यक्षसाधकः ।गिरो गङ्गामणिमरो मल्लिकामालधारकः ॥ ५० ॥

gaṅgāsalilasaṃstho hi gaṅgāpratyakṣasādhakaḥ |giro gaṅgāmaṇimaro mallikāmāladhārakaḥ || 50 ||

मल्लिकागन्धसुप्रेमो मल्लिकापुष्पधारकः ।महाद्रुमो महावीरो महाशूरो महोरगः ॥ ५१ ॥

mallikāgandhasupremo mallikāpuṣpadhārakaḥ |mahādrumo mahāvīro mahāśūro mahoragaḥ || 51 ||

महातुष्टिर्महापुष्टिर्महालक्ष्मीशुभङ्करः ।महाश्रमी महाध्यानी महाचण्डेश्वरो महान् ॥ ५२ ॥

mahātuṣṭirmahāpuṣṭirmahālakṣmīśubhaṅkaraḥ |mahāśramī mahādhyānī mahācaṇḍeśvaro mahān || 52 ||

महादेवो महाह्लादो महाबुद्धिप्रकाशकः ।महाभक्तो महाशक्तो महाधूर्तो महामतिः ॥ ५३ ॥

mahādevo mahāhlādo mahābuddhiprakāśakaḥ |mahābhakto mahāśakto mahādhūrto mahāmatiḥ || 53 ||

महाच्छत्रधरो धारोधरकोटिगतप्रभा ।अद्वैतानन्दवादी च मुक्तो भङ्गप्रियोऽप्रियः ॥ ५४ ॥

mahācchatradharo dhārodharakoṭigataprabhā |advaitānandavādī ca mukto bhaṅgapriyo'priyaḥ || 54 ||

अतिगन्धश्चातिमात्रो निणीतान्तः परन्तपः ।निणीतोऽनिलधारी च सूक्ष्मानिलनिरूपकः ॥ ५५ ॥

atigandhaścātimātro niṇītāntaḥ parantapaḥ |niṇīto'niladhārī ca sūkṣmānilanirūpakaḥ || 55 ||

महाभयङ्करो गोलो महाविवेकभूषणः ।सुधानन्दः पीठसंस्थो हिङ्गुलादेश्वरः सुरः ॥ ५६ ॥

mahābhayaṅkaro golo mahāvivekabhūṣaṇaḥ |sudhānandaḥ pīṭhasaṃstho hiṅgulādeśvaraḥ suraḥ || 56 ||

नरो नागपतिः क्रूरो भक्तानां कामदः प्रभुः ।नागमालाधरो धर्मी नित्यकर्मी कुलीनकृत् ॥ ५७ ॥

naro nāgapatiḥ krūro bhaktānāṃ kāmadaḥ prabhuḥ |nāgamālādharo dharmī nityakarmī kulīnakṛt || 57 ||

शिशुपालेश्वरः कीर्तिविकारी लिङ्गधारकः ।तृप्तानन्दो हृषीकेशेश्वरः पाञ्चालवल्लभः ॥ ५८ ॥

śiśupāleśvaraḥ kīrtivikārī liṅgadhārakaḥ |tṛptānando hṛṣīkeśeśvaraḥ pāñcālavallabhaḥ || 58 ||

अक्रूरेशः पतिः प्रीतिवर्धको लोकवर्धकः ।अतिपूज्यो वामदेवो दारुणो रतिसुन्दरः ॥ ५९ ॥

akrūreśaḥ patiḥ prītivardhako lokavardhakaḥ |atipūjyo vāmadevo dāruṇo ratisundaraḥ || 59 ||

महाकालः प्रियाह्लादी विनोदी पञ्चचूडधृक् ।आद्याशक्तिपतिः पान्तो विभाधारी प्रभाकरः ॥ ६० ॥

mahākālaḥ priyāhlādī vinodī pañcacūḍadhṛk |ādyāśaktipatiḥ pānto vibhādhārī prabhākaraḥ || 60 ||

अनायासगतिर्बुद्धिप्रफुल्लो नन्दिपूजितः ।शीलामूर्तीस्थितो रत्नमालामण्डितविग्रहः ॥ ६१ ॥

anāyāsagatirbuddhipraphullo nandipūjitaḥ |śīlāmūrtīsthito ratnamālāmaṇḍitavigrahaḥ || 61 ||

बुधश्रीदो बुधानन्दो विबुधो बोधवर्धनः ।अघोरः कालहर्ता च निष्कलङ्को निराश्रयः ॥ ६२ ॥

budhaśrīdo budhānando vibudho bodhavardhanaḥ |aghoraḥ kālahartā ca niṣkalaṅko nirāśrayaḥ || 62 ||

पीठशक्तिपतिः प्रेमधारको मोहकारकः ।असमो विसमो भावोऽभावो भावो निरिन्द्रियः ॥ ६३ ॥

pīṭhaśaktipatiḥ premadhārako mohakārakaḥ |asamo visamo bhāvo'bhāvo bhāvo nirindriyaḥ || 63 ||

निरालोको बिलानन्दो बिलस्थो विषभुक्पतिः ।दुर्गापतिर्दुर्गहर्ता दीर्घसिद्धान्तपूजितः ॥ ६४ ॥

nirāloko bilānando bilastho viṣabhukpatiḥ |durgāpatirdurgahartā dīrghasiddhāntapūjitaḥ || 64 ||

सर्वो दुर्गापतिवीप्रो विप्रपूजापरायणः ।ब्राह्मणानन्दनिरतो ब्रह्मकर्मसमाधिवित् ॥ ६५ ॥

sarvo durgāpativīpro viprapūjāparāyaṇaḥ |brāhmaṇānandanirato brahmakarmasamādhivit || 65 ||

विश्वात्मा विश्वभर्ता च विश्वविज्ञानपूरकः ।विश्वान्तःकारणस्थश्च विश्वसंज्ञाप्रतिष्ठितः ॥ ६६ ॥

viśvātmā viśvabhartā ca viśvavijñānapūrakaḥ |viśvāntaḥkāraṇasthaśca viśvasaṃjñāpratiṣṭhitaḥ || 66 ||

विश्वाधारो विश्वपूज्यो विश्वस्थोऽचीत इन्द्रहा ।अलाबुभक्षणः क्षान्तिरक्षो रक्षनिवारणः ॥ ६७ ॥

viśvādhāro viśvapūjyo viśvastho'cīta indrahā |alābubhakṣaṇaḥ kṣāntirakṣo rakṣanivāraṇaḥ || 67 ||

तितिक्षारहितो हूतिः पुरुहूतप्रियङ्करः ।पुरुषः पुरुषश्रेष्ठो विलालस्थः कुलालहा ॥ ६८ ॥

titikṣārahito hūtiḥ puruhūtapriyaṅkaraḥ |puruṣaḥ puruṣaśreṣṭho vilālasthaḥ kulālahā || 68 ||

कुटिलस्थो विधिप्राणो विषयानन्दपारगः ।ब्रह्मज्ञानप्रदो ब्रह्मज्ञानी ब्रह्मगुणान्तरः ॥ ६९ ॥

kuṭilastho vidhiprāṇo viṣayānandapāragaḥ |brahmajñānaprado brahmajñānī brahmaguṇāntaraḥ || 69 ||

पालकेशो विराजश्च वज्रदण्डो महास्त्रधृक् ।सर्वास्त्ररक्षकः श्रीदो विधिबुद्धिप्रपूरणः ॥ ७० ॥

pālakeśo virājaśca vajradaṇḍo mahāstradhṛk |sarvāstrarakṣakaḥ śrīdo vidhibuddhiprapūraṇaḥ || 70 ||

आर्यपुत्रो देवराजपूजितो मुनिपूजितः ।गन्धर्वपूजितः पूज्यो दानवज्ञाननाशनः ॥ ७१ ॥

āryaputro devarājapūjito munipūjitaḥ |gandharvapūjitaḥ pūjyo dānavajñānanāśanaḥ || 71 ||

अप्सरोगणपूज्यश्च मर्त्यलोकसुपूजितः ।मृत्युजिद्रिपूजित् प्लक्षो मृत्युञ्जय इषुप्रियः ॥ ७२ ॥

apsarogaṇapūjyaśca martyalokasupūjitaḥ |mṛtyujidripūjit plakṣo mṛtyuñjaya iṣupriyaḥ || 72 ||

त्रिबीजात्मा नीलकण्ठः क्षितीशो रोगनाशनः ।जितारिः प्रेमसेव्यश्च भक्तिगम्यो निरुद्यमः ॥ ७३ ॥

tribījātmā nīlakaṇṭhaḥ kṣitīśo roganāśanaḥ |jitāriḥ premasevyaśca bhaktigamyo nirudyamaḥ || 73 ||

निरीहो निरयाह्लादः कुमारो रिपुपूजितः ।अजो देवात्मजो धर्मोऽसन्तो मन्दमासनः ॥ ७४ ॥

nirīho nirayāhlādaḥ kumāro ripupūjitaḥ |ajo devātmajo dharmo'santo mandamāsanaḥ || 74 ||

मन्दहासो मन्दनष्टो मन्दगन्धसुवासितः ।माणिक्यहारनिलयो मुक्ताहारविभूषितः ॥ ७५ ॥

mandahāso mandanaṣṭo mandagandhasuvāsitaḥ |māṇikyahāranilayo muktāhāravibhūṣitaḥ || 75 ||

मुक्तिदो भक्तिदश्चैव निर्वाणपददानदः ।निर्विकल्पो मोदधारी निरातङ्को महाजनः ॥ ७६ ॥

muktido bhaktidaścaiva nirvāṇapadadānadaḥ |nirvikalpo modadhārī nirātaṅko mahājanaḥ || 76 ||

मुक्ताविद्रुममालाढ्यो मुक्तादामलसत्कटिः ॥ ७७ ॥

muktāvidrumamālāḍhyo muktādāmalasatkaṭiḥ || 77 ||

रत्नेश्वरो धनेशश्च धनेशप्राणवल्लभः ।धनजीवी कर्मजीवी संहारविग्रहोज्ज्वलः ॥ ७८ ॥

ratneśvaro dhaneśaśca dhaneśaprāṇavallabhaḥ |dhanajīvī karmajīvī saṃhāravigrahojjvalaḥ || 78 ||

संङ्केतार्थज्ञानशून्यो महासङ्केतपण्डितः ।सुपण्डितः क्षेमदाता भवदाता भवान्वयः ॥ ७९ ॥

saṃṅketārthajñānaśūnyo mahāsaṅketapaṇḍitaḥ |supaṇḍitaḥ kṣemadātā bhavadātā bhavānvayaḥ || 79 ||

किङ्करेशो विधाता च विधातुः प्रियवल्लभः ।कर्ता हर्ता कारयिता योजनायोजनाश्रयः ॥ ८० ॥

kiṅkareśo vidhātā ca vidhātuḥ priyavallabhaḥ |kartā hartā kārayitā yojanāyojanāśrayaḥ || 80 ||

युक्तो योगपतिः श्रद्धापालको भूतशङ्करः ।भूताध्यक्षो भूतनाथो भूतपालनतत्परः ॥ ८१ ॥

yukto yogapatiḥ śraddhāpālako bhūtaśaṅkaraḥ |bhūtādhyakṣo bhūtanātho bhūtapālanatatparaḥ || 81 ||

विभूतिदाता भूतिश्च महाभूतिविवर्धनः ।महालक्ष्मीश्वरः कान्तः कमनीयः कलाधरः ॥ ८२ ॥

vibhūtidātā bhūtiśca mahābhūtivivardhanaḥ |mahālakṣmīśvaraḥ kāntaḥ kamanīyaḥ kalādharaḥ || 82 ||

कमलाकान्त ईशानो यमोऽमरो मनोजवः ।मनयोगी मानयोगी मानभङ्गो निरूपणः ॥ ८३ ॥

kamalākānta īśāno yamo'maro manojavaḥ |manayogī mānayogī mānabhaṅgo nirūpaṇaḥ || 83 ||

अव्यक्तानन्दनिरतो व्यक्ताव्यक्तनिरूपितः ।आत्मारामपतिः कृष्णपालको रामपालकः ॥ ८४ ॥

avyaktānandanirato vyaktāvyaktanirūpitaḥ |ātmārāmapatiḥ kṛṣṇapālako rāmapālakaḥ || 84 ||

लक्षणेशो लक्षभर्ता भावतीशः प्रजाभवः ।भरताख्यो भारतश्च शत्रुघ्नो हनुमान् कपिः ॥ ८५ ॥

lakṣaṇeśo lakṣabhartā bhāvatīśaḥ prajābhavaḥ |bharatākhyo bhārataśca śatrughno hanumān kapiḥ || 85 ||

कपिचूडामणिः क्षेत्रपालेशो दिक्करान्तरः ।दिशांपतिदीशीशश्च दिक्पालो हि दिगम्बरः ॥ ८६ ॥

kapicūḍāmaṇiḥ kṣetrapāleśo dikkarāntaraḥ |diśāṃpatidīśīśaśca dikpālo hi digambaraḥ || 86 ||

अनन्तरत्नचूडाढ्यो नानारत्नासनस्थितः ।संविदानन्दनिरतो विजयो विजयात्मजः ॥ ८७ ॥

anantaratnacūḍāḍhyo nānāratnāsanasthitaḥ |saṃvidānandanirato vijayo vijayātmajaḥ || 87 ||

जयाजयविचारश्च भावचूडामणीश्वरः ।मुण्डमालाधरस्तन्त्री सारतन्त्रप्रचारकः ॥ ८८ ॥

jayājayavicāraśca bhāvacūḍāmaṇīśvaraḥ |muṇḍamālādharastantrī sāratantrapracārakaḥ || 88 ||

संसाररक्षकः प्राणी पञ्चप्राणो महाशयः ।गरुडध्वजपूज्यश्च गरुडध्वजविग्रहः ॥ ८९ ॥

saṃsārarakṣakaḥ prāṇī pañcaprāṇo mahāśayaḥ |garuḍadhvajapūjyaśca garuḍadhvajavigrahaḥ || 89 ||

गारुडीशो मन्त्रिणीशो मैत्रप्राणहिताकरः ।सिद्धिमित्रो मित्रदेवो जगन्नाथो नरेश्वरः ॥ ९० ॥

gāruḍīśo mantriṇīśo maitraprāṇahitākaraḥ |siddhimitro mitradevo jagannātho nareśvaraḥ || 90 ||

नरेन्द्रेश्वरभावस्थो विद्याभावप्रचारवित् ।कालाग्निरुद्रो भगवान् प्रचण्डेश्वरभूपतिः ॥ ९१ ॥

narendreśvarabhāvastho vidyābhāvapracāravit |kālāgnirudro bhagavān pracaṇḍeśvarabhūpatiḥ || 91 ||

अलक्ष्मीहारकः क्रुद्धो रिपूणां क्षयकारकः ।सदानन्दमयो वृद्धो धर्मसाक्षी सुधांशुधृक् ॥ ९२ ॥

alakṣmīhārakaḥ kruddho ripūṇāṃ kṣayakārakaḥ |sadānandamayo vṛddho dharmasākṣī sudhāṃśudhṛk || 92 ||

साक्षरो रिपुवर्गस्थो दैत्यहा मुण्डधारकः ।कपाली रुण्डमालाढ्यो महाबीजप्रकाशकः ॥ ९३ ॥

sākṣaro ripuvargastho daityahā muṇḍadhārakaḥ |kapālī ruṇḍamālāḍhyo mahābījaprakāśakaḥ || 93 ||

अजेयोग्रपतिः स्वाहावल्लभो हेतुवल्लभः ।हेतुप्रियानन्ददाता हेतुबीजप्रकाशकः ॥ ९४ ॥

ajeyograpatiḥ svāhāvallabho hetuvallabhaḥ |hetupriyānandadātā hetubījaprakāśakaḥ || 94 ||

श्रुतिक्षिप्रमणिरतो ब्रह्मसूत्रप्रबोधकः ।ब्रह्मानन्दो जयानन्दो विजयानन्द एव च ॥ ९५ ॥

śrutikṣipramaṇirato brahmasūtraprabodhakaḥ |brahmānando jayānando vijayānanda eva ca || 95 ||

सुधानन्दो बुधानन्दो विद्यानन्दो बलीपतिः ।ज्ञानानन्दो विभानन्दो भावानन्दो नृपासनः ॥ ९६ ॥

sudhānando budhānando vidyānando balīpatiḥ |jñānānando vibhānando bhāvānando nṛpāsanaḥ || 96 ||

सर्वासनोग्रानन्दश्च जगदानन्ददायकः ।पूर्णानन्दो भवानन्दो ह्यमृतानन्द एव च ॥ ९७ ॥

sarvāsanogrānandaśca jagadānandadāyakaḥ |pūrṇānando bhavānando hyamṛtānanda eva ca || 97 ||

शीतलोऽशीतिवर्षस्थो व्यवस्थापरिचायकः ।शीलाढ्यश्च सुशीलश्च शीलानन्दो पराश्रयः ॥ ९८ ॥

śītalo'śītivarṣastho vyavasthāparicāyakaḥ |śīlāḍhyaśca suśīlaśca śīlānando parāśrayaḥ || 98 ||

सुलभो मधुरानन्दो मधुरामोदमादनः ।अभेद्यो मूत्रसञ्चारी कलहाख्यो विषङ्कटः ॥ ९९ ॥

sulabho madhurānando madhurāmodamādanaḥ |abhedyo mūtrasañcārī kalahākhyo viṣaṅkaṭaḥ || 99 ||

वाशभाढ्यः परानन्दो विसमानन्द उल्बणः ।अधिपो वारुणीमत्तो मत्तगन्धर्वशासनः ॥ १०० ॥

vāśabhāḍhyaḥ parānando visamānanda ulbaṇaḥ |adhipo vāruṇīmatto mattagandharvaśāsanaḥ || 100 ||

शतकोटिशरुश्रीदो वीरकोटिसमप्रभः ।अजाविभावरीनाथो विषमापूष्णिपूजितः ॥ १०१ ॥

śatakoṭiśaruśrīdo vīrakoṭisamaprabhaḥ |ajāvibhāvarīnātho viṣamāpūṣṇipūjitaḥ || 101 ||

विद्यापतिर्वेदपतिरप्रमेयपराक्रमः ।रक्षोपतिर्महावीरपतिः प्रेमोपकारकः ॥ १०२ ॥

vidyāpatirvedapatiraprameyaparākramaḥ |rakṣopatirmahāvīrapatiḥ premopakārakaḥ || 102 ||

वारणाविप्रियानन्दो वारणेशो विभुस्थितः ।रणचण्डो रशेशश्च रणरामप्रियः प्रभुः ॥ १०३ ॥

vāraṇāvipriyānando vāraṇeśo vibhusthitaḥ |raṇacaṇḍo raśeśaśca raṇarāmapriyaḥ prabhuḥ || 103 ||

रणनाथी रणाह्लादः संग्रामप्रेतविग्रहः ।देवीभक्तो देवदेवो दिवि दारुणतत्परः ॥ १०४ ॥

raṇanāthī raṇāhlādaḥ saṃgrāmapretavigrahaḥ |devībhakto devadevo divi dāruṇatatparaḥ || 104 ||

खड्गी च कवची सिद्धः शूली धूलिस्त्रिशूलधृक् ।धनुष्मान् धर्मचित्तेशोऽचिन्ननागसुमाल्यधृक् ॥ १०५ ॥

khaḍgī ca kavacī siddhaḥ śūlī dhūlistriśūladhṛk |dhanuṣmān dharmacitteśo'cinnanāgasumālyadhṛk || 105 ||

अर्थोऽनर्थप्रियोऽप्रायो मलातीतोऽतिसुन्दरः ।काञ्चनाढ्यो हेममाली काञ्चनशृङ्गशासनः ॥ १०६ ॥

artho'narthapriyo'prāyo malātīto'tisundaraḥ |kāñcanāḍhyo hemamālī kāñcanaśṛṅgaśāsanaḥ || 106 ||

कन्दर्पजेता पुरुषः कपित्थेशोऽर्कशेखरः ।पद्मगन्धोऽतिसद्गन्धश्चन्द्रशेखरभृत् सुखी ॥ १०७ ॥

kandarpajetā puruṣaḥ kapittheśo'rkaśekharaḥ |padmagandho'tisadgandhaścandraśekharabhṛt sukhī || 107 ||

पवित्राधारनिलयो विद्यावद्वरबीजभृत् ।कन्दर्पसदृशाकारो मायाजिद् व्याघ्रचर्मधृक् ॥ १०८ ॥

pavitrādhāranilayo vidyāvadvarabījabhṛt |kandarpasadṛśākāro māyājid vyāghracarmadhṛk || 108 ||

अतिसौन्दर्यचूडाढ्यो नागचित्रमणिप्रियः ।अतिगण्डः कुम्भकर्णः कुरुजेता कवीश्वरः ॥ १०९ ॥

atisaundaryacūḍāḍhyo nāgacitramaṇipriyaḥ |atigaṇḍaḥ kumbhakarṇaḥ kurujetā kavīśvaraḥ || 109 ||

एकमुखो द्वितुण्डश्च द्विविधो वेदशासनः ।आत्माश्रयो गुरुमयो गुरुमन्त्रप्रदायकः ॥ ११० ॥

ekamukho dvituṇḍaśca dvividho vedaśāsanaḥ |ātmāśrayo gurumayo gurumantrapradāyakaḥ || 110 ||

शौरीनाथो ज्ञानमार्गी सिद्धमार्गी प्रचण्डगः ।नामगः क्षेत्रगः क्षेत्रो गगनग्रन्थिभेदकः ॥ १११ ॥

śaurīnātho jñānamārgī siddhamārgī pracaṇḍagaḥ |nāmagaḥ kṣetragaḥ kṣetro gaganagranthibhedakaḥ || 111 ||

गाणपत्यवसाच्छन्नो गाणपत्यवसादवः ।गम्भीरोऽतिसुसूक्ष्मश्च गीतवाद्यप्रियंवदः ॥ ११२ ॥

gāṇapatyavasācchanno gāṇapatyavasādavaḥ |gambhīro'tisusūkṣmaśca gītavādyapriyaṃvadaḥ || 112 ||

आह्लादोद्रेककारी च सदाह्लादी मनोगतिः ।शिवशक्तिप्रियः श्यामवर्णः परमबान्धवः ॥ ११३ ॥

āhlādodrekakārī ca sadāhlādī manogatiḥ |śivaśaktipriyaḥ śyāmavarṇaḥ paramabāndhavaḥ || 113 ||

अतिथिप्रियकरो नित्यो गोविन्देशो हरीश्वरः ।सर्वेशो भाविनीनाथो विद्यागर्भो विभाण्डकः ॥ ११४ ॥

atithipriyakaro nityo govindeśo harīśvaraḥ |sarveśo bhāvinīnātho vidyāgarbho vibhāṇḍakaḥ || 114 ||

ब्रह्माण्डरूपकर्ता च ब्रह्माण्डधर्मधारकः ।धर्मार्णवो धर्ममार्गी धर्मचिन्तासुसिद्धिदः ॥ ११५ ॥

brahmāṇḍarūpakartā ca brahmāṇḍadharmadhārakaḥ |dharmārṇavo dharmamārgī dharmacintāsusiddhidaḥ || 115 ||

अस्थास्थितो ह्यास्तिकश्च स्वस्तिस्वच्छन्दवाचकः ।अन्नरूपी अन्नकस्थो मानदाता महामनः ॥ ११६ ॥

asthāsthito hyāstikaśca svastisvacchandavācakaḥ |annarūpī annakastho mānadātā mahāmanaḥ || 116 ||

आद्याशक्तिप्रभुर्मातृवर्णजालप्रचारकः ।मातृकामन्त्रपूज्यश्च मातृकामन्त्रसिद्धिदः ॥ ११७ ॥

ādyāśaktiprabhurmātṛvarṇajālapracārakaḥ |mātṛkāmantrapūjyaśca mātṛkāmantrasiddhidaḥ || 117 ||

मातृप्रियो मातृपूज्यो मातृकामण्डलेश्वरः ।भ्रान्तिहन्ता भ्रान्तिदाता भ्रान्तस्थो भ्रान्तिवल्लभः ॥ ११८ ॥

mātṛpriyo mātṛpūjyo mātṛkāmaṇḍaleśvaraḥ |bhrāntihantā bhrāntidātā bhrāntastho bhrāntivallabhaḥ || 118 ||

इत्येतत् कथितं नाथ सहस्रनाममङ्गलम् ।अष्टोत्तरं महापुण्यं स्वर्गीयं भुवि दुर्लभम् ॥ ११९ ॥

ityetat kathitaṃ nātha sahasranāmamaṅgalam |aṣṭottaraṃ mahāpuṇyaṃ svargīyaṃ bhuvi durlabham || 119 ||

यस्य श्रवणमात्रेण नरो नारायणो भवेत् ।अप्रकाश्यं महागुह्यं देवानामप्यगोचरम् ॥ १२० ॥

yasya śravaṇamātreṇa naro nārāyaṇo bhavet |aprakāśyaṃ mahāguhyaṃ devānāmapyagocaram || 120 ||

फलं कोटिवर्षशतैर्वक्तुं न शक्यते बुधैः ।यस्य स्मरणमाकृत्य योगिनीयोगपारगः ॥ १२१ ॥

phalaṃ koṭivarṣaśatairvaktuṃ na śakyate budhaiḥ |yasya smaraṇamākṛtya yoginīyogapāragaḥ || 121 ||

सोक्षणः सर्वसिद्धिनां त्रैलोक्ये सचराचरे ।देवाश्च बहवः सन्ति योगिनस्तत्त्वचिन्तकाः ॥ १२२ ॥

sokṣaṇaḥ sarvasiddhināṃ trailokye sacarācare |devāśca bahavaḥ santi yoginastattvacintakāḥ || 122 ||

पठनाद्धारणाज्ज्ञानी महापातकनाशकः ।आयुरारोग्यसम्पत्तिबृंहितो भवति ध्रुवम् ॥ १२३ ॥

paṭhanāddhāraṇājjñānī mahāpātakanāśakaḥ |āyurārogyasampattibṛṃhito bhavati dhruvam || 123 ||

संग्रामे ग्रहभीतौ च महारण्ये जले भये ।वारमेकं पठेद्यस्तु स भवेद् देववल्लभः ॥ १२४ ॥

saṃgrāme grahabhītau ca mahāraṇye jale bhaye |vāramekaṃ paṭhedyastu sa bhaved devavallabhaḥ || 124 ||

सर्वेषां मानसम्भङ्गी योगिराड् भवति क्षणात् ।पूजां कृत्वा विशेषेण यः पठेन्नियतः शुचिः ॥ १२५ ॥

sarveṣāṃ mānasambhaṅgī yogirāḍ bhavati kṣaṇāt |pūjāṃ kṛtvā viśeṣeṇa yaḥ paṭhenniyataḥ śuciḥ || 125 ||

स सर्वलोकनाथः स्यात् परमानन्दमाप्नुयात् ।एकपीठे जपेद्यस्तु कामरूपे विशेषतः ॥ १२६ ॥

sa sarvalokanāthaḥ syāt paramānandamāpnuyāt |ekapīṭhe japedyastu kāmarūpe viśeṣataḥ || 126 ||

त्रिकालं वाथ षट्कालं पठित्वा योगिराड् भवेत् ।आकाशगामिनीं सिद्धिं गुटिकासिद्धिमेव च ॥ १२७ ॥

trikālaṃ vātha ṣaṭkālaṃ paṭhitvā yogirāḍ bhavet |ākāśagāminīṃ siddhiṃ guṭikāsiddhimeva ca || 127 ||

प्राप्नोति साधकेन्द्रस्तु राजत्वं हि दिने दिने ।सर्वदा यः पठेन्नित्यं सर्वज्ञः सुकुशाग्रधीः ॥ १२८ ॥

prāpnoti sādhakendrastu rājatvaṃ hi dine dine |sarvadā yaḥ paṭhennityaṃ sarvajñaḥ sukuśāgradhīḥ || 128 ||

अवश्यं योगिनां श्रेष्ठः कामजेता महीतले ।अज्ञानी ज्ञानवान् सद्योऽधनी च धनवान् भवेत् ॥ १२९ ॥

avaśyaṃ yogināṃ śreṣṭhaḥ kāmajetā mahītale |ajñānī jñānavān sadyo'dhanī ca dhanavān bhavet || 129 ||

सर्वदा राजसम्मानं पञ्चत्वं नास्ति तस्य हि ।गले दक्षिणबाहौ च धारयेद्यस्तु भक्तितः ॥ १३० ॥

sarvadā rājasammānaṃ pañcatvaṃ nāsti tasya hi |gale dakṣiṇabāhau ca dhārayedyastu bhaktitaḥ || 130 ||

अचिरात्तस्य सिद्धिः स्यान्नात्र कार्या विचारणा ।अवधूतेश्वरो भूत्त्वा राजते नात्र संशयः ॥ १३१ ॥

acirāttasya siddhiḥ syānnātra kāryā vicāraṇā |avadhūteśvaro bhūttvā rājate nātra saṃśayaḥ || 131 ||

अरक्तचन्दनयुक्तेन हरिद्राकुङ्कुमेन च ।सेफालिकापुष्पदण्डैर्दलसङ्कुलवर्जितैः ॥ १३२ ॥

araktacandanayuktena haridrākuṅkumena ca |sephālikāpuṣpadaṇḍairdalasaṅkulavarjitaiḥ || 132 ||

मिलित्वा यो लिखेत् स्तोत्रं केवलं चन्दनाम्भसा ।स भवेत् पार्वतीपुत्रः क्षणाद्वा द्वादशाहनि ॥ १३३ ॥

militvā yo likhet stotraṃ kevalaṃ candanāmbhasā |sa bhavet pārvatīputraḥ kṣaṇādvā dvādaśāhani || 133 ||

एकमासं द्विमासं वा त्रिमासं वर्षमेव च ।जीवन्मुक्तो धारयित्वा सहस्रनामकीर्तनम् ॥ १३४ ॥

ekamāsaṃ dvimāsaṃ vā trimāsaṃ varṣameva ca |jīvanmukto dhārayitvā sahasranāmakīrtanam || 134 ||

पठित्वा तद् द्विगुणशः पुण्यं कोटिगुणं लभेत् ।किमन्यं कथयिष्यामि सार्वभौमेश्वरो भवेत् ॥ १३५ ॥

paṭhitvā tad dviguṇaśaḥ puṇyaṃ koṭiguṇaṃ labhet |kimanyaṃ kathayiṣyāmi sārvabhaumeśvaro bhavet || 135 ||

त्रिभुवनगणनाथो योगिनीशो धनाढ्योमतिसुविमलभावो दीर्घकालं वसेत् सः ।इह पठति भवानीवल्लभः स्तोत्रसारंदशशतमभिधेयं ज्ञानमष्टोत्तरं च ॥ १३६ ।

tribhuvanagaṇanātho yoginīśo dhanāḍhyomatisuvimalabhāvo dīrghakālaṃ vaset saḥ |iha paṭhati bhavānīvallabhaḥ stotrasāraṃdaśaśatamabhidheyaṃ jñānamaṣṭottaraṃ ca || 136 |

॥ इति श्रीरुद्रयामले उत्तरतन्त्रे भैरवीभैरवसंवादेपरशिवहाकिनीश्वराष्टोत्तरसहस्रनामस्तोत्रं सम्पूर्णम् ॥श्रीरुद्रयामले उत्तरतन्त्रे सप्ताशीतितनः पटलः

|| iti śrīrudrayāmale uttaratantre bhairavībhairavasaṃvādeparaśivahākinīśvarāṣṭottarasahasranāmastotraṃ sampūrṇam ||śrīrudrayāmale uttaratantre saptāśītitanaḥ paṭalaḥ