गोकर्णेशमीश्वरं शिवस्तुतिः एवं दक्षिणामूर्तिरूपस्य प्राकट्यं मुनिभिः कृता Gokarneshamishvaram Shiva Stuti by Munis and Dakshinamurtirupa Prakatyam

(शिवगौरीसंवादे)ईश्वरःवसिष्ठाद्याश्च मुनयो वामदेवादियोगिनः ।विश्वामित्रोऽङ्गिरात्रिश्च भरद्वाजोऽथ गौतमः ॥ १॥ (अङ्गिराश्चैव)

(śivagaurīsaṃvāde)īśvaraḥvasiṣṭhādyāśca munayo vāmadevādiyoginaḥ |viśvāmitro'ṅgirātriśca bharadvājo'tha gautamaḥ || 1|| (aṅgirāścaiva)

व्यासः पराशरो धौम्यः उचथ्यो भार्गवो मुनिः ।सुमन्तुर्जैमिनिः पैलः कहोलो जमदग्निजः ॥ २॥

vyāsaḥ parāśaro dhaumyaḥ ucathyo bhārgavo muniḥ |sumanturjaiminiḥ pailaḥ kaholo jamadagnijaḥ || 2||

जैगीषव्यः श्वेतकेतुर्मन्युश्चैव महामुनिः ।दुर्वासोद्दालको योगी सनातनसनन्दनौ ॥ ३॥

jaigīṣavyaḥ śvetaketurmanyuścaiva mahāmuniḥ |durvāsoddālako yogī sanātanasanandanau || 3||

सनत्सुजातः सनकः तथा भृङ्गिरिटिर्मुनिः ।उद्दालको हरीतश्च दत्तात्रेयोऽथ कश्यपः ॥ ४॥

sanatsujātaḥ sanakaḥ tathā bhṛṅgiriṭirmuniḥ |uddālako harītaśca dattātreyo'tha kaśyapaḥ || 4||

मङ्कणः शकणो दाल्भ्यः शौनकस्तण्डवः कृशः ।काशकृत्स्नश्चौडुलोमिः शिलादः पैप्पलायनः ॥ ५॥

maṅkaṇaḥ śakaṇo dālbhyaḥ śaunakastaṇḍavaḥ kṛśaḥ |kāśakṛtsnaścauḍulomiḥ śilādaḥ paippalāyanaḥ || 5||

बोधायनो मरीचश्च तथा चैवाश्वलायनः ।एते चान्ये च मुनयो वेदवेदान्तपारगाः ॥ ६॥

bodhāyano marīcaśca tathā caivāśvalāyanaḥ |ete cānye ca munayo vedavedāntapāragāḥ || 6||

भाष्याणि धर्मशास्त्राणि कल्पसूत्राणि सत्तमे ।कृत्वाऽपि संशयापन्ना मां गोकर्णेशमीश्वरम् ॥ ७॥

bhāṣyāṇi dharmaśāstrāṇi kalpasūtrāṇi sattame |kṛtvā'pi saṃśayāpannā māṃ gokarṇeśamīśvaram || 7||

संशयोच्छेदनं ज्ञानं मत्तो लब्धुं मुनीश्वराः ।तपस्यन्ति महाभागे शुद्।ह्ध्यर्थं तपसः शिवे ॥ ८॥

saṃśayocchedanaṃ jñānaṃ matto labdhuṃ munīśvarāḥ |tapasyanti mahābhāge śud|hdhyarthaṃ tapasaḥ śive || 8||

शुद्धे मनसि च ज्ञानं प्रतिबिम्बति नान्यथा ।पञ्चाग्निनिरताश्चान्ये कटधृमाशनाः परे ॥ ९॥

śuddhe manasi ca jñānaṃ pratibimbati nānyathā |pañcāgniniratāścānye kaṭadhṛmāśanāḥ pare || 9||

पर्णाशिनस्तथा केचिद्वायुवारिफलाशनाः ।निराहारास्तथा केचित्केचित्पक्षोपवासिनः ॥ १०॥

parṇāśinastathā kecidvāyuvāriphalāśanāḥ |nirāhārāstathā kecitkecitpakṣopavāsinaḥ || 10||

कृच्छ्राणि केचित्कुर्वन्ति विविधानि सदाशिवे ।गृहस्था यतयः केचिद्वानप्रस्थाश्च वर्णिनः ॥ ११॥

kṛcchrāṇi kecitkurvanti vividhāni sadāśive |gṛhasthā yatayaḥ kecidvānaprasthāśca varṇinaḥ || 11||

जटाजिनधरा मुण्डा भस्मरुद्राक्षभूषणाः ।अग्निरित्यादिभिर्मन्त्रैः सर्वाङ्गोद्धूलने रताः ॥ १२॥

jaṭājinadharā muṇḍā bhasmarudrākṣabhūṣaṇāḥ |agnirityādibhirmantraiḥ sarvāṅgoddhūlane ratāḥ || 12||

त्रिपुण्ड्ररेखाविलसद्भालभागमनोहराः ।कौपीनाच्छादनैर्हीनाः केचित्कौपीनधारिणः ॥ १३॥

tripuṇḍrarekhāvilasadbhālabhāgamanoharāḥ |kaupīnācchādanairhīnāḥ kecitkaupīnadhāriṇaḥ || 13||

अश्मकुट्टास्तथा केचिद्दन्तोलूखलिनस्तथा ।गोचर्मवसनाः केचित्केचिव्द्याघ्राजिनाम्बराः ॥ १४॥

aśmakuṭṭāstathā keciddantolūkhalinastathā |gocarmavasanāḥ kecitkecivdyāghrājināmbarāḥ || 14||

अलाबुवैणवादीनि वाक्ष्यशृङ्गादिपात्रकैः । (वार्क्षास्यादिकपात्रकैः)प्राणयात्रां प्रकुर्वन्ति मन्नैवेद्यैकभोजिनः ॥ १५॥

alābuvaiṇavādīni vākṣyaśṛṅgādipātrakaiḥ | (vārkṣāsyādikapātrakaiḥ)prāṇayātrāṃ prakurvanti mannaivedyaikabhojinaḥ || 15||

अयाचितास्तथा केचित्सप्तागारचराः परे ।मन्नामनिरताः सर्वे मम लिङ्गार्चनप्रियाः ॥ १६॥

ayācitāstathā kecitsaptāgāracarāḥ pare |mannāmaniratāḥ sarve mama liṅgārcanapriyāḥ || 16||

पञ्चाक्षरजपासक्ताः केचित्प्रणवजापकाः ।भस्मनिष्ठाभस्मशय्यारुद्राध्यायजपादराः ॥ १७॥

pañcākṣarajapāsaktāḥ kecitpraṇavajāpakāḥ |bhasmaniṣṭhābhasmaśayyārudrādhyāyajapādarāḥ || 17||

लिङ्गार्चनपराः केचिद्बिल्वपत्रादिसाधनैः ।केचिल्लिङ्गे नीरधारां कल्पयित्वा च संस्थिताः ॥ १८॥

liṅgārcanaparāḥ kecidbilvapatrādisādhanaiḥ |kecilliṅge nīradhārāṃ kalpayitvā ca saṃsthitāḥ || 18||

रुद्राध्यायावर्तनैस्ते कालकालार्चने रताः ।बिल्वमूलेषु लिङ्गानि पूजयन्त्यथ केचन ॥ १९॥

rudrādhyāyāvartanaiste kālakālārcane ratāḥ |bilvamūleṣu liṅgāni pūjayantyatha kecana || 19||

शिव शम्भो महादेव प्रसीदेति वदन्ति च ।स्थानासनादिभिः केचित्केचिद्देव्यूर्ध्वबाहवः ॥ २०॥

śiva śambho mahādeva prasīdeti vadanti ca |sthānāsanādibhiḥ kecitkeciddevyūrdhvabāhavaḥ || 20||

ग्रीष्मे घर्मांशुसन्तप्ताः वर्षास्वाकाशगोचराः ।शिवशब्दजपध्वस्तपापपञ्जरसुन्दराः ॥ २१॥

grīṣme gharmāṃśusantaptāḥ varṣāsvākāśagocarāḥ |śivaśabdajapadhvastapāpapañjarasundarāḥ || 21||

गोकर्णनिलयं मां हि ध्यायन्तो लिङ्गरूपिणम् ।एवं संवसतां तेषां ज्ञानं दातुं महेश्वरि ॥ २२॥

gokarṇanilayaṃ māṃ hi dhyāyanto liṅgarūpiṇam |evaṃ saṃvasatāṃ teṣāṃ jñānaṃ dātuṃ maheśvari || 22||

तेषां पुरः प्रादुरासं नीलकण्ठोऽम्बिकायुतः ।मां दृष्ट्वा ते मुनिगणाः प्रणम्य भुवि दण्डवत् ॥ २३॥

teṣāṃ puraḥ prādurāsaṃ nīlakaṇṭho'mbikāyutaḥ |māṃ dṛṣṭvā te munigaṇāḥ praṇamya bhuvi daṇḍavat || 23||

तुष्टुवुर्जयशब्दैश्च गोकर्णेशं मुनीश्वराः ।मुनयःजय देव विरूपाक्ष जय भक्तार्तिभञ्जन ।जयानन्त महादेव जय विश्वाधिक प्रभो ॥ २४॥

tuṣṭuvurjayaśabdaiśca gokarṇeśaṃ munīśvarāḥ |munayaḥjaya deva virūpākṣa jaya bhaktārtibhañjana |jayānanta mahādeva jaya viśvādhika prabho || 24||

जयामरेशऽसर्वेश जय प्रमथनायक ।जय शाश्वत सर्वज्ञ जय लिङ्गार्चकप्रिय ॥ २५॥

jayāmareśa'sarveśa jaya pramathanāyaka |jaya śāśvata sarvajña jaya liṅgārcakapriya || 25||

जय कालकलातीत जय शम्भो महेश्वर ।जय शिष्टजनप्रीत जय श्रीकण्ठ शाश्वत ॥ २६॥

jaya kālakalātīta jaya śambho maheśvara |jaya śiṣṭajanaprīta jaya śrīkaṇṭha śāśvata || 26||

जयोग्र भीम कामारे जय लिङ्गस्थ शङ्कर ।जय गङ्गाधराव्यग्र जय चन्द्रकलाधर ॥ २७॥

jayogra bhīma kāmāre jaya liṅgastha śaṅkara |jaya gaṅgādharāvyagra jaya candrakalādhara || 27||

जय बिल्वदळप्रीत जय भीम प्रसीद नः ॥ २८॥

jaya bilvadaḷaprīta jaya bhīma prasīda naḥ || 28||

त्वं ब्राह्मणः सर्वसुरैर्विशिष्टः शिष्टेष्टपूज्यो भगवन्श्रुतिश्रुतः ।वयं मनुष्यप्रवरा हि विप्रास्त्वामाश्रयामोऽखिलबन्धमुक्त्त्यै ॥ २९॥

tvaṃ brāhmaṇaḥ sarvasurairviśiṣṭaḥ śiṣṭeṣṭapūjyo bhagavanśrutiśrutaḥ |vayaṃ manuṣyapravarā hi viprāstvāmāśrayāmo'khilabandhamukttyai || 29||

सुखाभासैर्धर्मैर्जनिमृतिनिदानादिनिवहैरविद्यां तीर्त्त्वैव प्रतिभवशतेषूत्तमधियः ।असारं संसारं निरवधिककष्टैकजनकं मुहुर्निन्द्यं शम्भो विधिरहितबुद्।ह्ध्या गतधियः ॥ ३०॥

sukhābhāsairdharmairjanimṛtinidānādinivahairavidyāṃ tīrttvaiva pratibhavaśateṣūttamadhiyaḥ |asāraṃ saṃsāraṃ niravadhikakaṣṭaikajanakaṃ muhurnindyaṃ śambho vidhirahitabud|hdhyā gatadhiyaḥ || 30||

लुठन्तो मोहान्धाः फलजनितकामाः सुखमये तथा स्वर्गे दुःखे नरकशतवैचित्र्यनिवहे ।महेशं विश्वेशमखिलहृदयाब्जैकवसतिं न जानन्तो मोहाद्भवदभयभक्त्या विरहिताः ॥ ३१॥

luṭhanto mohāndhāḥ phalajanitakāmāḥ sukhamaye tathā svarge duḥkhe narakaśatavaicitryanivahe |maheśaṃ viśveśamakhilahṛdayābjaikavasatiṃ na jānanto mohādbhavadabhayabhaktyā virahitāḥ || 31||

ईश्वरःइत्थं संस्तुत्य ते सर्वे जयस्तुत्या तदाम्बिके ।संसारजनकाज्ञाननिवर्तनकरं तदा ॥ ३२॥

īśvaraḥitthaṃ saṃstutya te sarve jayastutyā tadāmbike |saṃsārajanakājñānanivartanakaraṃ tadā || 32||

विज्ञानं मां तदा प्रोचुर्देहेति परमेश्वरि ॥मुनयःपशुपाशविमोचको भवान्पशवोऽज्ञानविजृम्भिता वयम् ।भगवञ्शरणागतानथास्माञ्छिव तद्वद गुह्यमपि प्रभो मुदा ॥ ३३॥

vijñānaṃ māṃ tadā procurdeheti parameśvari ||munayaḥpaśupāśavimocako bhavānpaśavo'jñānavijṛmbhitā vayam |bhagavañśaraṇāgatānathāsmāñchiva tadvada guhyamapi prabho mudā || 33||

भवपाशविमुक्तये पदं मनसः पारमतीव सौख्यदम् ।यदि त्वत्करुणाकटाक्षलेशैः भवदीयैरभवाय जायते ॥ ३४॥

bhavapāśavimuktaye padaṃ manasaḥ pāramatīva saukhyadam |yadi tvatkaruṇākaṭākṣaleśaiḥ bhavadīyairabhavāya jāyate || 34||

भवसागरतारकं वयं ते पदपद्मं प्रथमं समाश्रिताः ।वद तन्नो दुरवाप्यमप्यवाप्तुं श्रुतिवर्यैर्निखिलं विमुक्तिदायिन् ॥ ३५॥

bhavasāgaratārakaṃ vayaṃ te padapadmaṃ prathamaṃ samāśritāḥ |vada tanno duravāpyamapyavāptuṃ śrutivaryairnikhilaṃ vimuktidāyin || 35||

अतितुच्छमनोविलासितैः प्रथमानैर्जननादिदुःखदैः ।विभवैरसुखाय कल्पितैः सुखबुद्।ह्ध्यैव भ्रमन्ति पामराः ॥ ३६॥

atitucchamanovilāsitaiḥ prathamānairjananādiduḥkhadaiḥ |vibhavairasukhāya kalpitaiḥ sukhabud|hdhyaiva bhramanti pāmarāḥ || 36||

दारापत्यधनैश्च धान्यनिकरैः सद्धेमपट्टाम्बरैरश्वैर्गोमहिषैरजाविकगणैर्दन्त्युत्तमैः स्यन्दनैः ।प्रासादैर्विविधैर्महोन्नततलैर्मञ्चैः परार्ध्यास्तृतैःनानारत्नवरादिभूषणगणैराज्यैर्विमोहस्यहो ॥ ३७॥

dārāpatyadhanaiśca dhānyanikaraiḥ saddhemapaṭṭāmbarairaśvairgomahiṣairajāvikagaṇairdantyuttamaiḥ syandanaiḥ |prāsādairvividhairmahonnatatalairmañcaiḥ parārdhyāstṛtaiḥnānāratnavarādibhūṣaṇagaṇairājyairvimohasyaho || 37||

ईश्वरःएवं प्रार्थयतां तेषां मुनीनां भावितात्मनाम् ।तानब्रवमहं गौरि तद्ज्ञानं परमेश्वरि ॥ ३८॥

īśvaraḥevaṃ prārthayatāṃ teṣāṃ munīnāṃ bhāvitātmanām |tānabravamahaṃ gauri tadjñānaṃ parameśvari || 38||

तल्लिङ्गदक्षिणाद्वक्त्रादघोरान्मूर्तिमान्स्थितः ।तान्मुनीनुपदेष्टुं तद्ज्ञानं परममम्बिके ॥ ३९॥

talliṅgadakṣiṇādvaktrādaghorānmūrtimānsthitaḥ |tānmunīnupadeṣṭuṃ tadjñānaṃ paramamambike || 39||

पिशङ्गितजटाकुटीविधृतचन्द्रगङ्गानलोज्ज्वलन्निटिललोचनं वटतरोरधस्तात्स्थितम् ।कटीतटमृगाजिनं कृतसुयोगपट्टोल्लसत्कराम्बुजमुमासखं गरलनीलकण्ठं शिवम् ॥ ४०॥

piśaṅgitajaṭākuṭīvidhṛtacandragaṅgānalojjvalanniṭilalocanaṃ vaṭataroradhastātsthitam |kaṭītaṭamṛgājinaṃ kṛtasuyogapaṭṭollasatkarāmbujamumāsakhaṃ garalanīlakaṇṭhaṃ śivam || 40||

अपस्मृतिशिरःस्थितप्रकटपादफुल्लाम्बुजं विनिद्रघुसृणारुणोत्पलकरोत्थचिन्मुद्रिकम् ।सुरासुरमुनिव्रजभ्रमदहार्दविध्वंसनं तमोगुणगणारुणप्रभुविदीप्तिविद्योतकम् ॥ ४१॥

apasmṛtiśiraḥsthitaprakaṭapādaphullāmbujaṃ vinidraghusṛṇāruṇotpalakarotthacinmudrikam |surāsuramunivrajabhramadahārdavidhvaṃsanaṃ tamoguṇagaṇāruṇaprabhuvidīptividyotakam || 41||

मां तादृशं तदा देवि दक्षिणामूर्तिरूपिणम् ।स्वाज्ञानविनिवृत्त्यर्थं तुष्टुवुर्मुनयोऽमलाः ॥ ४२॥

māṃ tādṛśaṃ tadā devi dakṣiṇāmūrtirūpiṇam |svājñānavinivṛttyarthaṃ tuṣṭuvurmunayo'malāḥ || 42||

॥ इति शिवरहस्यान्तर्गते शिवगौरीसंवादे मुनिभिः कृता गोकर्णेशमीश्वरं शिवस्तुतिरेवं दक्षिणामूर्तिरूपस्य प्राकट्यम् ॥॥ श्रीशिवरहस्यम् । भर्गाख्यः पञ्चमांशः । अध्यायः २५॥– ॥ श्रीशिवरहस्यम् । भर्गाख्यः पन्चमांशः । अध्यायः २५॥

|| iti śivarahasyāntargate śivagaurīsaṃvāde munibhiḥ kṛtā gokarṇeśamīśvaraṃ śivastutirevaṃ dakṣiṇāmūrtirūpasya prākaṭyam |||| śrīśivarahasyam | bhargākhyaḥ pañcamāṃśaḥ | adhyāyaḥ 25||– || śrīśivarahasyam | bhargākhyaḥ pancamāṃśaḥ | adhyāyaḥ 25||