हाकिनीपरनाथस्तोत्रम् Hakini Paranatha Stotram

अथ त्र्यशीतितमः पटलःश्रीआनन्दभैरव उवाचकथयस्व वरारोहे हाकिनीस्तोत्रमुत्तमम् ।यस्य प्रपाठनाद् वाग्मी कृपायासे दयामयि ॥ ८३१॥

atha tryaśītitamaḥ paṭalaḥśrīānandabhairava uvācakathayasva varārohe hākinīstotramuttamam |yasya prapāṭhanād vāgmī kṛpāyāse dayāmayi || 831||

श्रीआनन्दभैरवी उवाचअत्यद्भुतं स्तोत्रवरं शृणु प्रभो सर्वेश्वरैर्भावितमादिगुह्यम् ।यैः पठ्यते साधकचक्रनाथैस्तैरेव सिद्धैरतिधर्मविद्भिः ॥ ८३२॥

śrīānandabhairavī uvācaatyadbhutaṃ stotravaraṃ śṛṇu prabho sarveśvarairbhāvitamādiguhyam |yaiḥ paṭhyate sādhakacakranāthaistaireva siddhairatidharmavidbhiḥ || 832||

ब्रह्माख्यां कामविद्यां नरहरिजननीं कामकूटस्वरूपाम् ।हाकिन्याख्यां शम्भुजायां त्रिवधुमदनशां तारिणीं स्तौमि सिद्धाम् ।हेरम्बानन्दविद्यां त्रिसमनदमनीं दीर्घकेशीं त्रिनेत्राम् ।मन्दारारण्यमध्ये विकसितवदनाम्भोजहासप्रकाशाम् ॥ ८३३॥

brahmākhyāṃ kāmavidyāṃ naraharijananīṃ kāmakūṭasvarūpām |hākinyākhyāṃ śambhujāyāṃ trivadhumadanaśāṃ tāriṇīṃ staumi siddhām |herambānandavidyāṃ trisamanadamanīṃ dīrghakeśīṃ trinetrām |mandārāraṇyamadhye vikasitavadanāmbhojahāsaprakāśām || 833||

हिरण्यालङ्कारां त्रितयनयनां पट्टवसनांमहास्निग्धां शुद्धां कुलजनवरामिन्दुवदनाम् ।सदा स्तौति श्रीदां भुवनकरुणां भावतरुणांत्रिवेणीश्वेताभां वसमयतनुं भ्रूयुगदले ॥ ८३४॥

hiraṇyālaṅkārāṃ tritayanayanāṃ paṭṭavasanāṃmahāsnigdhāṃ śuddhāṃ kulajanavarāminduvadanām |sadā stauti śrīdāṃ bhuvanakaruṇāṃ bhāvataruṇāṃtriveṇīśvetābhāṃ vasamayatanuṃ bhrūyugadale || 834||

महापद्मवनोद्रेकरम्यस्थाननिवासिनि ।हाकिनि त्वां मुदा स्तौमि तद्धर्मकुरुपागताम् ॥ ८३५॥

mahāpadmavanodrekaramyasthānanivāsini |hākini tvāṃ mudā staumi taddharmakurupāgatām || 835||

संसारार्णवतारिणीं नरहरिप्रेमाभिलाषोन्मनींभावारम्भविसर्जनैकनिलया मायां महासुन्दरीम् ।भास्वत्कोटिसुरत्नसिंहवसतिं श्रीहाकिनीं द्राविणींस्तौमि क्षेत्रनिरीक्षणाय नियतां श्रीभारतीभाविताम् ॥ ८३६॥

saṃsārārṇavatāriṇīṃ naraharipremābhilāṣonmanīṃbhāvārambhavisarjanaikanilayā māyāṃ mahāsundarīm |bhāsvatkoṭisuratnasiṃhavasatiṃ śrīhākinīṃ drāviṇīṃstaumi kṣetranirīkṣaṇāya niyatāṃ śrībhāratībhāvitām || 836||

संस्कारश्रियमातनोति सहसा श्रीपार्वतीवल्लभे ।नानारत्नकलापदर्शनमहाज्ञानं निदानं धनम् ।सा साक्षादखिलेश्वरी परशिवानन्दैकबिन्दूज्ज्वला ।मामादौ परिरक्षतु प्रियकरी संस्तौमि पीठान्तरे ॥ ८३७॥

saṃskāraśriyamātanoti sahasā śrīpārvatīvallabhe |nānāratnakalāpadarśanamahājñānaṃ nidānaṃ dhanam |sā sākṣādakhileśvarī paraśivānandaikabindūjjvalā |māmādau parirakṣatu priyakarī saṃstaumi pīṭhāntare || 837||

आकाशवेदलिङ्गे स्थितिपथिमिलिते भाति सा रक्तबर्हासा मां पात्वम्ब काली कुलपथभविका क्रोधनिःक्रोधकर्त्री ।तस्याः श्रीपादपद्मत्रिभुवनभक्तकेशालिमालायुक्तं सर्वेन्द्रपूज्यं निरवधिकमले द्वे दले स्तौमि विद्याम् ॥ ८३८॥

ākāśavedaliṅge sthitipathimilite bhāti sā raktabarhāsā māṃ pātvamba kālī kulapathabhavikā krodhaniḥkrodhakartrī |tasyāḥ śrīpādapadmatribhuvanabhaktakeśālimālāyuktaṃ sarvendrapūjyaṃ niravadhikamale dve dale staumi vidyām || 838||

साङ्गं द्वयं त्वत्प्रियं पदयुगं पत्रद्वयश्रेयसंमञ्जीराद्भुतहारपादकमलं सम्भाव्य संस्तौम्यहम् ।यद् ध्यात्वा हरिरीश्वरो गुणधरो जेता महारेःक्षणादाशापाशविसर्जनैकनिलयं त्रैलोक्यसंरक्षकः ॥ ८३९॥

sāṅgaṃ dvayaṃ tvatpriyaṃ padayugaṃ patradvayaśreyasaṃmañjīrādbhutahārapādakamalaṃ sambhāvya saṃstaumyaham |yad dhyātvā harirīśvaro guṇadharo jetā mahāreḥkṣaṇādāśāpāśavisarjanaikanilayaṃ trailokyasaṃrakṣakaḥ || 839||

या यात्रा व्रतवासिनी शशिमुखी छागादिमांसप्रिया ।मामेकं परिपालय त्वमखिले त्वामेकरूपां शिवाम् ।स्तौमीन्द्रावनतिप्रियां वाङ्मोक्षसहितानन्दैकहेतुप्रदाम् ॥ ८३१०॥

yā yātrā vratavāsinī śaśimukhī chāgādimāṃsapriyā |māmekaṃ paripālaya tvamakhile tvāmekarūpāṃ śivām |staumīndrāvanatipriyāṃ vāṅmokṣasahitānandaikahetupradām || 8310||

शिवस्तुतिःवरं परं नमाम्यहं गिरीन्द्ररूपगर्वहंमहेश्वरं परेश्वरं श्मशानबीजगह्वरम् ।हिरण्यरत्नभूषणं शतेन्दुतेजसं तथाशिवं तनुं पुनः परप्रभाप्रभाकरम् ॥ ८३११॥

śivastutiḥvaraṃ paraṃ namāmyahaṃ girīndrarūpagarvahaṃmaheśvaraṃ pareśvaraṃ śmaśānabījagahvaram |hiraṇyaratnabhūṣaṇaṃ śatendutejasaṃ tathāśivaṃ tanuṃ punaḥ paraprabhāprabhākaram || 8311||

शरेण्यं वरेण्यं महाकामधन्यंमहादेवदेवं त्रिकालादिजन्यम् ।श्मशानोग्रधूलिप्रियाङ्गानुलेपंसदा स्तौमि संसारसारं निषेकम् ॥ ८३१२॥

śareṇyaṃ vareṇyaṃ mahākāmadhanyaṃmahādevadevaṃ trikālādijanyam |śmaśānogradhūlipriyāṅgānulepaṃsadā staumi saṃsārasāraṃ niṣekam || 8312||

परशिवं मनसा सहसा निशिप्रतिदिनं प्रणमाम्यहमादिमम् ।शशिमुखीशतचन्द्रिकयान्वितंभजनसाधक सत्फलदायकम् ॥ ८३१३॥

paraśivaṃ manasā sahasā niśipratidinaṃ praṇamāmyahamādimam |śaśimukhīśatacandrikayānvitaṃbhajanasādhaka satphaladāyakam || 8313||

परशिवचरणाब्जं हाकिनीशक्तिसेव्यंत्रिभुवनसुखदानं ध्यानमात्रप्रकाशम् ।अतिसुललितहस्ताम्भोजशोभां वहन्तंभुवि निजकुलसारं स्तौमि योगीन्द्रगम्यम् ॥ ८३१४॥

paraśivacaraṇābjaṃ hākinīśaktisevyaṃtribhuvanasukhadānaṃ dhyānamātraprakāśam |atisulalitahastāmbhojaśobhāṃ vahantaṃbhuvi nijakulasāraṃ staumi yogīndragamyam || 8314||

शोक्कशोकावलीलामति हि कलयति प्राणदेहाभिलाषंहाकिन्याः प्राणनाथो भवशमनकरो हीरकास्रग्धरो वा ।सोऽसौ भ्रूपद्मसारे रचयित कलिकां चित्तदीपस्य नित्यांतस्य श्रीपादपद्मं गुणगणयजितं पूजितं स्तौमि भाले ॥ ८३१५॥

śokkaśokāvalīlāmati hi kalayati prāṇadehābhilāṣaṃhākinyāḥ prāṇanātho bhavaśamanakaro hīrakāsragdharo vā |so'sau bhrūpadmasāre racayita kalikāṃ cittadīpasya nityāṃtasya śrīpādapadmaṃ guṇagaṇayajitaṃ pūjitaṃ staumi bhāle || 8315||

मेरुशृङ्गनिकेतनैकवसनं गोलोकसंसेवितंयज्ञानन्दनिषेवितं परिशवं योगीन्द्रचित्तस्थलम् ।हालापाननिराकुलं पशुसमां सामोदनाचर्वणांवन्दे नन्दिमहादिभैरववरैर्वन्द्यं जगत्कारणम् ॥ ८३१६॥

meruśṛṅganiketanaikavasanaṃ golokasaṃsevitaṃyajñānandaniṣevitaṃ pariśavaṃ yogīndracittasthalam |hālāpānanirākulaṃ paśusamāṃ sāmodanācarvaṇāṃvande nandimahādibhairavavarairvandyaṃ jagatkāraṇam || 8316||

मायापथच्छलकलाकपिलापतिस्त्वंत्वं भूरविपतिरूपापतिरेकचक्रः ।आपोऽनलत्वमखिले गगनप्रकाशावायुस्थमावसिमुखं शरणं प्रपद्ये ॥ ८३१७॥

māyāpathacchalakalākapilāpatistvaṃtvaṃ bhūravipatirūpāpatirekacakraḥ |āpo'nalatvamakhile gaganaprakāśāvāyusthamāvasimukhaṃ śaraṇaṃ prapadye || 8317||

वाञ्छाकल्पद्रुमतलगतं हेमसिंहासनस्थंश्रीहाकिन्या रमणनिरतं कामकेलिप्रकाशम् ।मायामोहं क्षयमतिसुखं विन्ध्यशैलाग्रसंस्थंवन्दे नाथं हरपरशिवं रूपजालप्रकाशम् ॥ ८३१८॥

vāñchākalpadrumatalagataṃ hemasiṃhāsanasthaṃśrīhākinyā ramaṇanirataṃ kāmakeliprakāśam |māyāmohaṃ kṣayamatisukhaṃ vindhyaśailāgrasaṃsthaṃvande nāthaṃ haraparaśivaṃ rūpajālaprakāśam || 8318||

फलश्रुतिकथनंपठेद् यः स्तोत्रार्थं भवति स सुखी योगनिपुणःक्षुधातृष्णानाशः श्रवणधृतयशोवासिसरसः ।स योगीन्द्रो मासादतिशयपरानन्दघटकःपरीतः प्राणाख्ये रचयति सुधासिन्धुसुरसम् ॥ ८३१९॥

phalaśrutikathanaṃpaṭhed yaḥ stotrārthaṃ bhavati sa sukhī yoganipuṇaḥkṣudhātṛṣṇānāśaḥ śravaṇadhṛtayaśovāsisarasaḥ |sa yogīndro māsādatiśayaparānandaghaṭakaḥparītaḥ prāṇākhye racayati sudhāsindhusurasam || 8319||

एतत् स्तोत्रं पठेद्विद्वान् ध्यान न्यास समन्वितम् ।शुक्लं रक्तं तथा पीतं नीलं कृष्णं विभाव्य च ॥ ८३२०॥

etat stotraṃ paṭhedvidvān dhyāna nyāsa samanvitam |śuklaṃ raktaṃ tathā pītaṃ nīlaṃ kṛṣṇaṃ vibhāvya ca || 8320||

कालचतुष्टये नित्यं पठित्वा सिद्धिमाप्नुयात् ।आकाशे भूतले नाथ पाताले विघ्नकोटयः ॥ ८३२१॥

kālacatuṣṭaye nityaṃ paṭhitvā siddhimāpnuyāt |ākāśe bhūtale nātha pātāle vighnakoṭayaḥ || 8321||

योगिनां पठनादेव नश्यन्ति तत्क्षणादिह ।सर्वत्र गामी स भवेदतिभाग्यफलोदयम् ॥ ८३२२॥

yogināṃ paṭhanādeva naśyanti tatkṣaṇādiha |sarvatra gāmī sa bhavedatibhāgyaphalodayam || 8322||

महापापहरं स्तोत्रं हाकिनीहृदयोद्भवम् ।सदाशिवप्रियं योगसिद्धिदं देवसेवितम् ॥ ८३२३॥

mahāpāpaharaṃ stotraṃ hākinīhṛdayodbhavam |sadāśivapriyaṃ yogasiddhidaṃ devasevitam || 8323||

सहस्रवारपाठेन पुरश्चर्याफलं लभेत् ।पठित्वा स्तोत्रराजं तु श्मशाने निर्जने वने ॥ ८३२४॥

sahasravārapāṭhena puraścaryāphalaṃ labhet |paṭhitvā stotrarājaṃ tu śmaśāne nirjane vane || 8324||

अन्तरिक्षेऽथवा नाथ योगी स्यादमरो महान् ।अस्य प्रपठनाद्वाग्मी ज्ञानवान् विजितेन्द्रियः ॥ ८३२५॥

antarikṣe'thavā nātha yogī syādamaro mahān |asya prapaṭhanādvāgmī jñānavān vijitendriyaḥ || 8325||

ध्यानात्मा सम्भवेत् क्षिप्रं परिवारगणैः सह ।प्रातःकाले निशायां तु मध्याह्ने शेषकालके ॥ ८३२६॥

dhyānātmā sambhavet kṣipraṃ parivāragaṇaiḥ saha |prātaḥkāle niśāyāṃ tu madhyāhne śeṣakālake || 8326||

प्रपठेत् स्तोत्रसारं तु भावात्मा साधकोत्तमः ।अनायासेन भ्रूपद्मे स्थिरो भवति निश्चितम् ॥ ८३२७॥

prapaṭhet stotrasāraṃ tu bhāvātmā sādhakottamaḥ |anāyāsena bhrūpadme sthiro bhavati niścitam || 8327||

श्रीगुरोश्चरणाम्भोजं हृदये ध्याननिर्णयम् ।यो ध्यात्वा पठ्यते स्तोत्रं स भवेत् कल्पपादपः ॥ ८३२८॥

śrīguroścaraṇāmbhojaṃ hṛdaye dhyānanirṇayam |yo dhyātvā paṭhyate stotraṃ sa bhavet kalpapādapaḥ || 8328||

इदानीं कथये नाथ कवचं पटलान्तरे ॥ ८३२९॥

idānīṃ kathaye nātha kavacaṃ paṭalāntare || 8329||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेभैरवीभैरवसंवादे हाकिनीपरनाथस्तोत्रविन्यासो नामत्र्यशीतितमः पटलः ॥ ८३॥

iti śrīrudrayāmale uttaratantre mahātantroddīpane siddhamantraprakaraṇebhairavībhairavasaṃvāde hākinīparanāthastotravinyāso nāmatryaśītitamaḥ paṭalaḥ || 83||

ऱुद्रयमल उत्तरतन्त्र।

rudrayamala uttaratantra|