बिल्वाष्टकम् Bilvashtaka

त्रिदलं त्रिगुणाकारं त्रिनेत्रं च त्रियायुधम् ।त्रिजन्मपापसंहारं एकबिल्वं शिवार्पणम् ॥ १॥त्रिशाखैः बिल्वपत्रैश्च ह्यच्छिद्रैः कोमलैः शुभैः ।शिवपूजां करिष्यामि ह्येकबिल्वं शिवार्पणम् ॥ २॥अखण्ड बिल्व पत्रेण पूजिते नन्दिकेश्वरे ।शुद्ध्यन्ति सर्वपापेभ्यो ह्येकबिल्वं शिवार्पणम् ॥ ३॥शालिग्राम शिलामेकां विप्राणां जातु चार्पयेत् ।सोमयज्ञ महापुण्यं एकबिल्वं शिवार्पणम् ॥ ४॥दन्तिकोटि सहस्राणि वाजपेय शतानि च ।कोटिकन्या महादानं एकबिल्वं शिवार्पणम् ॥ ५॥लक्ष्म्यास्तनुत उत्पन्नं महादेवस्य च प्रियम् ।बिल्ववृक्षं प्रयच्छामि ह्येकबिल्वं शिवार्पणम् ॥ ६॥दर्शनं बिल्ववृक्षस्य स्पर्शनं पापनाशनम् ।अघोरपापसंहारं एकबिल्वं शिवार्पणम् ॥ ७॥काशीक्षेत्रनिवासं च कालभैरवदर्शनम् ।प्रयागमाधवं दृष्ट्वा ह्येकबिल्वं शिवार्पणम् ॥मूलतो ब्रह्मरूपाय मध्यतो विष्णुरूपिणे ।अग्रतः शिवरूपाय ह्येकबिल्वं शिवार्पणम् ॥ ८॥बिल्वाष्टकमिदं पुण्यं यः पठेत् शिवसन्निधौ ।सर्वपाप विनिर्मुक्तः शिवलोकमवाप्नुयात् ॥॥ इति बिल्वाष्टकम् ॥

tridalaṃ triguṇākāraṃ trinetraṃ ca triyāyudham |trijanmapāpasaṃhāraṃ ekabilvaṃ śivārpaṇam || 1||triśākhaiḥ bilvapatraiśca hyacchidraiḥ komalaiḥ śubhaiḥ |śivapūjāṃ kariṣyāmi hyekabilvaṃ śivārpaṇam || 2||akhaṇḍa bilva patreṇa pūjite nandikeśvare |śuddhyanti sarvapāpebhyo hyekabilvaṃ śivārpaṇam || 3||śāligrāma śilāmekāṃ viprāṇāṃ jātu cārpayet |somayajña mahāpuṇyaṃ ekabilvaṃ śivārpaṇam || 4||dantikoṭi sahasrāṇi vājapeya śatāni ca |koṭikanyā mahādānaṃ ekabilvaṃ śivārpaṇam || 5||lakṣmyāstanuta utpannaṃ mahādevasya ca priyam |bilvavṛkṣaṃ prayacchāmi hyekabilvaṃ śivārpaṇam || 6||darśanaṃ bilvavṛkṣasya sparśanaṃ pāpanāśanam |aghorapāpasaṃhāraṃ ekabilvaṃ śivārpaṇam || 7||kāśīkṣetranivāsaṃ ca kālabhairavadarśanam |prayāgamādhavaṃ dṛṣṭvā hyekabilvaṃ śivārpaṇam ||mūlato brahmarūpāya madhyato viṣṇurūpiṇe |agrataḥ śivarūpāya hyekabilvaṃ śivārpaṇam || 8||bilvāṣṭakamidaṃ puṇyaṃ yaḥ paṭhet śivasannidhau |sarvapāpa vinirmuktaḥ śivalokamavāpnuyāt |||| iti bilvāṣṭakam ||