बिल्वाष्टकम् २ Bilvashtakam 2

त्रिदलं त्रिगुणाकारं त्रिणेत्रं च त्रियायुधम् ।त्रिजन्मपापसंहारं एकबिल्वं शिवार्पणम् ॥ १॥त्रिशाकैर्बिल्वपत्रैश्च अच्छिद्रैः कोमलैश्शुभैः ।तव पूजां करिष्यामि एकबिल्वं शिवार्पणम् ॥ २॥दर्शनं बिल्ववृक्षस्य स्पर्शनं पापनाशनम् ।अघोरपापसंहारं एकबिल्वं शिवार्पणम् ॥ ३॥काशीक्षेत्रनिवासं च कालभैरवदर्शनम् ।प्रयागे माधवं दृष्ट्वा एकबिल्वं शिवार्पणम् ॥ ४॥तुलसी बिल्वनिर्गुण्डी जंबीरामलकं तथा ।पञ्चबिल्वमिति ख्याता एकबिल्वं शिवार्पणम् ॥ ५॥तटाकं धननिक्षेपं ब्रह्मस्थाप्यं शिवालयम् ।कोटिकन्यामहादानं एकबिल्वं शिवार्पणम् ॥ ६॥दन्त्यश्वकोटिदानानि अश्वमेधशतानि च ।कोटिकन्यामहादानं एकबिल्वं शिवार्पणम् ॥ ७॥सालग्रामसहस्राणि विप्रान्नं शतकोटिकम् ।यज्ञकोटिसहस्राणि एकबिल्वं शिवार्पणम् ॥ ८॥अज्ञानेन कृतं पापं ज्ञानेनापि कृतं च यत् ।तत्सर्वं नाशमायातु एकबिल्वं शिवार्पणम् ॥ ९॥एकैकबिल्वपत्रेण कोटियज्ञफलं लभेत् ।महादेवस्य पूजार्थं एकबिल्वं शिवार्पणम् ॥ १०॥अमृतोद्भववृक्षस्य महादेवप्रियस्य च ।मुच्यन्ते कण्टकाघाता कण्टकेभ्यो हि मानवाः ॥ ११॥॥ ॐ तत्सत् ॥

tridalaṃ triguṇākāraṃ triṇetraṃ ca triyāyudham |trijanmapāpasaṃhāraṃ ekabilvaṃ śivārpaṇam || 1||triśākairbilvapatraiśca acchidraiḥ komalaiśśubhaiḥ |tava pūjāṃ kariṣyāmi ekabilvaṃ śivārpaṇam || 2||darśanaṃ bilvavṛkṣasya sparśanaṃ pāpanāśanam |aghorapāpasaṃhāraṃ ekabilvaṃ śivārpaṇam || 3||kāśīkṣetranivāsaṃ ca kālabhairavadarśanam |prayāge mādhavaṃ dṛṣṭvā ekabilvaṃ śivārpaṇam || 4||tulasī bilvanirguṇḍī jaṃbīrāmalakaṃ tathā |pañcabilvamiti khyātā ekabilvaṃ śivārpaṇam || 5||taṭākaṃ dhananikṣepaṃ brahmasthāpyaṃ śivālayam |koṭikanyāmahādānaṃ ekabilvaṃ śivārpaṇam || 6||dantyaśvakoṭidānāni aśvamedhaśatāni ca |koṭikanyāmahādānaṃ ekabilvaṃ śivārpaṇam || 7||sālagrāmasahasrāṇi viprānnaṃ śatakoṭikam |yajñakoṭisahasrāṇi ekabilvaṃ śivārpaṇam || 8||ajñānena kṛtaṃ pāpaṃ jñānenāpi kṛtaṃ ca yat |tatsarvaṃ nāśamāyātu ekabilvaṃ śivārpaṇam || 9||ekaikabilvapatreṇa koṭiyajñaphalaṃ labhet |mahādevasya pūjārthaṃ ekabilvaṃ śivārpaṇam || 10||amṛtodbhavavṛkṣasya mahādevapriyasya ca |mucyante kaṇṭakāghātā kaṇṭakebhyo hi mānavāḥ || 11|||| oṃ tatsat ||