शारदा परमेश्वरी सुप्रभातम् Shri Sharada Parameshvari Suprabhatam

ॐ श्रीशारदे जगन्मातः पूर्वा संध्या प्रवर्तते ।उत्तिष्ठ करुणापाङ्गैः कर्तव्यं विश्वमङ्गलम् ॥श्रीशृङ्गाद्रिपुरी रत्नसिंहासननिवासिनी ।उत्तिष्ठ शारदाम्ब श्री शङ्कराचार्य सन्नुते ॥उत्तिष्ठोत्तिष्ठ भगवत्पादशङ्करमूर्तिभिः ।जगद्गुरुभिराराध्ये जगज्जननि शारदे ॥ब्रह्मर्षयोऽम्ब सनकादय एत्य भक्त्याब्राह्मीमनन्य मनसो हृदि ब्रह्मविद्याम् ।त्वामामनन्त्युपनिषत्सरसीज हंसीम्श्रीशारदाम्ब वरदे तव सुप्रभातम् ॥फुल्लानि पङ्कजवनानि सतां मनाम्सिधीवृत्तयश्च सरितश्च दिशः प्रसान्नाः ।अज्ञानमाशु तिमिरं च विलीयतेऽम्बश्री शारदे विजयते तव सुप्रभातम् ॥हंसः प्रयात्युदयमम्बुज काननेषुहंसाः प्रसन्नमनसो मुदिता रमन्ते ।हंसात्मना परमहंसकुलं मुदास्तेश्री शारदे विजयते तव सुप्रभातम् ॥श्रद्धाघनाश्शमदमादियुता विनेयाःशुद्धाशया विदलिताखिलकर्मबन्धाः ।आज्ञाविमुक्ति पदभाज इमे ब्रुवन्तिश्री शारदाम्ब विमलं तव सुप्रभातम् ॥गीर्वाणवृन्दमखिलं पुरतो विधायगीर्वाणवन्द्यमुपयात्युचितोपहारैः ।शर्वादिसन्नुतपदामिह सेवितुं त्वाम्श्री शारदाम्ब शिवदं तव सुप्रभातम् ॥सर्वार्तिहारिणि समस्त सुखप्रदात्रिदुर्वादिगर्वशमयित्रि जगज्जनित्रि ।निर्वाणदात्रि निगमान्त विबोधयित्रिश्री शारदे शिवस्वरूपिणि सुप्रभातम् ॥सद्वेदशास्त्र निगमान्त रहस्य विज्ञाःप्राज्ञास्त्वदङ्घ्रि सरसीज परागगन्धम् ।आघ्राय दिव्यमभवन्निखिलाः कृतार्थाःश्री शारदे सुमनसस्तव सुप्रभातम् ॥मुक्तिस्थिता करतले हृदये प्रमोदःजिह्वाग्रगाश्च सहसैव समस्तविद्याः ।त्वद्दर्शनं भवति यस्य हि तस्य पुंसःश्री शारदाम्ब शुभदं तव सुप्रभातम् ॥त्वत्संस्मृतेऽरपि नरं विजहात्यलक्ष्मीःलक्ष्मीः समाश्रयति नूनमचञ्चलाम्ब ।श्रद्धावतां त्वयि विमुक्तिरयत्नसिद्धाश्री शारदे जगदधीश्वरि सुप्रभातम् ॥ब्रह्मात्मभावमधिगम्य हृदा सदात्मारामा अपि त्वदमलाङ्घ्रि सरोजरेणून् ।वाञ्छत्यमी परमहंसकुलावतंसाःशी शारदाम्ब हृदये तव सुप्रभातम् ॥तुङ्गासरिद्विमलवारि तरङ्गरङ्गरिङ्गत्सरोजवनदिव्य सुगन्धवाहः ।अङ्गीकुरुष्व पवनः प्रकरोति सेवाम्श्री शारदाम्ब कृपया तव सुप्रभातम् ॥प्राक् सिन्धु पाथसि त्रयीतनुरेषभक्त्यास्नातस्तथोदय गिरावुदितस्तपस्वी ।त्वत्पादपद्मभजनाय सहस्रभानुःश्री शारदाम्ब समुदेति च सुप्रभातम् ॥ब्रह्माच्युतत्रिनयना विनयेन भक्त्यासिंहासने स्थितवतीं प्रणवस्वरूपाम् ।वाचा हृदा च वपुषा च समाश्रयन्तिश्री शारदाम्ब परमेश्वरि सुप्रभातम् ॥इन्द्रानलादय इमे दिगधीश्वराश्चसूर्येन्दुभौमबुधगीष्पति शुक्रमुख्याः ।सर्वे ग्रहाश्च भयभक्तियुता नमन्तिश्री शारदे तव महेश्वरि सुप्रभातम् ॥देवाङ्गनामणिगणश्च शचीमुखोऽयम्त्वामीश्वरीं त्रिजगदेक समर्चनीयाम् ।संसेवितुं सुसमये समुपागतेऽस्मिन्श्री शारदाम्ब विहिते तव सुप्रभातम् ॥वाचा सुधा मधुरया रमणीय सप्ततन्त्रीप्रकर्श मधुरस्वनया महत्या ।देवर्षिवर्य इह गायति भक्तिनम्रःश्री शारदाम्ब मधुरं तव सुप्रभातम् ॥त्वत्पादपङ्कज पराग सुगन्धलेशम्आघ्राय सत्कविमदभ्रमरा प्रहृष्टाः ।गायन्ति कोमलमनोहरवृत्तपद्यैःश्री शारदाम्ब ललितैस्तव सुप्रभातम् ॥श्री व्यासशङ्करसुरेश्वरपद्मपादाद्याचार्यवर्यपरिपूजित पादपद्मे ।लीलाशुकाक्षवलयोज्वल पाणिपद्मेश्री शारदाम्ब परमे तव सुप्रभातम् ॥पद्माक्षि पद्ममुखि पद्मभवादिवन्द्येपद्मालयेऽखिलवराभय पाणिपद्मे ।हृत्पद्मपीठमधितिष्ठ ममापि मातःश्री शारदे करुणया तव सुप्रभातम् ॥यः पुस्तकाक्षवलयाञ्चित पाणिपद्माम्वागीश्वरीं हृदयपद्मगतां स्मरेत्वाम् ।वागीशतां समुपयाति स सद्य एवश्री शारदाम्ब भुवने तव सुप्रभातम् ॥संसारसागरमपारमनन्तलोलकल्लोल दुर्ललितमेतमतीत्यतूर्णम् ।तीर्णः स्वयं स खलु तारयति श्रिताम्श्चश्री शारदे स्मरति यस्तव सुप्रभातम् ॥राकाशशाङ्करमणीय मनोज्ञकान्तिम्सोमावतम्समकुटां सुमकोमलाङ्गीम् ।त्वां संस्मरामि कृपयैव विलोकयन्तीम्श्री शारदाम्ब हृदि मां तव सुप्रभातम् ॥दातुं त्रिवर्गमपवर्गमपि त्रिलोक्याःनूनं निजस्मरणतोऽपि समेधमाने ।त्वद्वक्त्र चन्द्रमसि चन्द्रमसापयातम्श्री शारदाम्ब शशिना तव सुप्रभातम् ॥पूर्णे कलङ्करहिते भुवनार्तिहारि-ण्यज्ञानसन्तमसभेदिनि त्वन्मुखेन्दौ ।नित्योदिते जगति भक्तचकोरलोकःश्री शारदाम्ब मुदितस्तव सुप्रभातम् ॥पुण्याः स्त्रियाश्च पुरुषाश्च कलावपि त्वाम्मातर्यदा कृतयुगे परयाम्ब भक्त्या ।संसेव्य शृङ्गगिरिपीठगतां कृतार्थाःश्री शारदे कृतधियस्तव सुप्रभातम् ॥त्वत्सेवनाय भवबन्धविमुक्तिकामाःकारुण्यकल्पलतिके कतिचिन्महान्तः ।आयान्ति शुद्धचरितास्सुधियश्च भक्ताःश्री शारदे प्रमुदितास्तव सुप्रभातम् ॥श्री चन्द्रशेखर जगद्गुरु सार्वभौमश्री पाणि पद्मज जगद्गुरुसार्वभौमैः ।तत्पाणिपङ्कज समुत्थ गुरूत्तमैश्चश्री शारदाम्ब विनुते तव सुप्रभातम् ॥ये सज्जना अनुदिनं मुदिताः प्रभातेभक्त्या पठन्ति परया भुवि शारदायाः ।श्रीसुप्रभात विनुतिं सकलैर्विमुक्ताःक्लेशैः प्रयान्ति पुरुषार्थ चतुष्टयं द्राक् ॥ये सुप्रभातमिदमाश्रितवत्सलायाःश्रद्धायुता अनुदिनं हृदि शारदायाः ।प्रातः पठन्ति मनुजा जगदम्बिकायाःते प्राप्नुवन्ति सुजनास्सकालानभीष्टान् ॥श्री शारदा सुप्रभात स्मरणात्करुणानिधिः ।पारदा स्यात् क्षणेनैवापारसंसार वारिधेः ॥

oṃ śrīśārade jaganmātaḥ pūrvā saṃdhyā pravartate |uttiṣṭha karuṇāpāṅgaiḥ kartavyaṃ viśvamaṅgalam ||śrīśṛṅgādripurī ratnasiṃhāsananivāsinī |uttiṣṭha śāradāmba śrī śaṅkarācārya sannute ||uttiṣṭhottiṣṭha bhagavatpādaśaṅkaramūrtibhiḥ |jagadgurubhirārādhye jagajjanani śārade ||brahmarṣayo'mba sanakādaya etya bhaktyābrāhmīmananya manaso hṛdi brahmavidyām |tvāmāmanantyupaniṣatsarasīja haṃsīmśrīśāradāmba varade tava suprabhātam ||phullāni paṅkajavanāni satāṃ manāmsidhīvṛttayaśca saritaśca diśaḥ prasānnāḥ |ajñānamāśu timiraṃ ca vilīyate'mbaśrī śārade vijayate tava suprabhātam ||haṃsaḥ prayātyudayamambuja kānaneṣuhaṃsāḥ prasannamanaso muditā ramante |haṃsātmanā paramahaṃsakulaṃ mudāsteśrī śārade vijayate tava suprabhātam ||śraddhāghanāśśamadamādiyutā vineyāḥśuddhāśayā vidalitākhilakarmabandhāḥ |ājñāvimukti padabhāja ime bruvantiśrī śāradāmba vimalaṃ tava suprabhātam ||gīrvāṇavṛndamakhilaṃ purato vidhāyagīrvāṇavandyamupayātyucitopahāraiḥ |śarvādisannutapadāmiha sevituṃ tvāmśrī śāradāmba śivadaṃ tava suprabhātam ||sarvārtihāriṇi samasta sukhapradātridurvādigarvaśamayitri jagajjanitri |nirvāṇadātri nigamānta vibodhayitriśrī śārade śivasvarūpiṇi suprabhātam ||sadvedaśāstra nigamānta rahasya vijñāḥprājñāstvadaṅghri sarasīja parāgagandham |āghrāya divyamabhavannikhilāḥ kṛtārthāḥśrī śārade sumanasastava suprabhātam ||muktisthitā karatale hṛdaye pramodaḥjihvāgragāśca sahasaiva samastavidyāḥ |tvaddarśanaṃ bhavati yasya hi tasya puṃsaḥśrī śāradāmba śubhadaṃ tava suprabhātam ||tvatsaṃsmṛte'rapi naraṃ vijahātyalakṣmīḥlakṣmīḥ samāśrayati nūnamacañcalāmba |śraddhāvatāṃ tvayi vimuktirayatnasiddhāśrī śārade jagadadhīśvari suprabhātam ||brahmātmabhāvamadhigamya hṛdā sadātmārāmā api tvadamalāṅghri sarojareṇūn |vāñchatyamī paramahaṃsakulāvataṃsāḥśī śāradāmba hṛdaye tava suprabhātam ||tuṅgāsaridvimalavāri taraṅgaraṅgariṅgatsarojavanadivya sugandhavāhaḥ |aṅgīkuruṣva pavanaḥ prakaroti sevāmśrī śāradāmba kṛpayā tava suprabhātam ||prāk sindhu pāthasi trayītanureṣabhaktyāsnātastathodaya girāvuditastapasvī |tvatpādapadmabhajanāya sahasrabhānuḥśrī śāradāmba samudeti ca suprabhātam ||brahmācyutatrinayanā vinayena bhaktyāsiṃhāsane sthitavatīṃ praṇavasvarūpām |vācā hṛdā ca vapuṣā ca samāśrayantiśrī śāradāmba parameśvari suprabhātam ||indrānalādaya ime digadhīśvarāścasūryendubhaumabudhagīṣpati śukramukhyāḥ |sarve grahāśca bhayabhaktiyutā namantiśrī śārade tava maheśvari suprabhātam ||devāṅganāmaṇigaṇaśca śacīmukho'yamtvāmīśvarīṃ trijagadeka samarcanīyām |saṃsevituṃ susamaye samupāgate'sminśrī śāradāmba vihite tava suprabhātam ||vācā sudhā madhurayā ramaṇīya saptatantrīprakarśa madhurasvanayā mahatyā |devarṣivarya iha gāyati bhaktinamraḥśrī śāradāmba madhuraṃ tava suprabhātam ||tvatpādapaṅkaja parāga sugandhaleśamāghrāya satkavimadabhramarā prahṛṣṭāḥ |gāyanti komalamanoharavṛttapadyaiḥśrī śāradāmba lalitaistava suprabhātam ||śrī vyāsaśaṅkarasureśvarapadmapādādyācāryavaryaparipūjita pādapadme |līlāśukākṣavalayojvala pāṇipadmeśrī śāradāmba parame tava suprabhātam ||padmākṣi padmamukhi padmabhavādivandyepadmālaye'khilavarābhaya pāṇipadme |hṛtpadmapīṭhamadhitiṣṭha mamāpi mātaḥśrī śārade karuṇayā tava suprabhātam ||yaḥ pustakākṣavalayāñcita pāṇipadmāmvāgīśvarīṃ hṛdayapadmagatāṃ smaretvām |vāgīśatāṃ samupayāti sa sadya evaśrī śāradāmba bhuvane tava suprabhātam ||saṃsārasāgaramapāramanantalolakallola durlalitametamatītyatūrṇam |tīrṇaḥ svayaṃ sa khalu tārayati śritāmścaśrī śārade smarati yastava suprabhātam ||rākāśaśāṅkaramaṇīya manojñakāntimsomāvatamsamakuṭāṃ sumakomalāṅgīm |tvāṃ saṃsmarāmi kṛpayaiva vilokayantīmśrī śāradāmba hṛdi māṃ tava suprabhātam ||dātuṃ trivargamapavargamapi trilokyāḥnūnaṃ nijasmaraṇato'pi samedhamāne |tvadvaktra candramasi candramasāpayātamśrī śāradāmba śaśinā tava suprabhātam ||pūrṇe kalaṅkarahite bhuvanārtihāri-ṇyajñānasantamasabhedini tvanmukhendau |nityodite jagati bhaktacakoralokaḥśrī śāradāmba muditastava suprabhātam ||puṇyāḥ striyāśca puruṣāśca kalāvapi tvāmmātaryadā kṛtayuge parayāmba bhaktyā |saṃsevya śṛṅgagiripīṭhagatāṃ kṛtārthāḥśrī śārade kṛtadhiyastava suprabhātam ||tvatsevanāya bhavabandhavimuktikāmāḥkāruṇyakalpalatike katicinmahāntaḥ |āyānti śuddhacaritāssudhiyaśca bhaktāḥśrī śārade pramuditāstava suprabhātam ||śrī candraśekhara jagadguru sārvabhaumaśrī pāṇi padmaja jagadgurusārvabhaumaiḥ |tatpāṇipaṅkaja samuttha gurūttamaiścaśrī śāradāmba vinute tava suprabhātam ||ye sajjanā anudinaṃ muditāḥ prabhātebhaktyā paṭhanti parayā bhuvi śāradāyāḥ |śrīsuprabhāta vinutiṃ sakalairvimuktāḥkleśaiḥ prayānti puruṣārtha catuṣṭayaṃ drāk ||ye suprabhātamidamāśritavatsalāyāḥśraddhāyutā anudinaṃ hṛdi śāradāyāḥ |prātaḥ paṭhanti manujā jagadambikāyāḥte prāpnuvanti sujanāssakālānabhīṣṭān ||śrī śāradā suprabhāta smaraṇātkaruṇānidhiḥ |pāradā syāt kṣaṇenaivāpārasaṃsāra vāridheḥ ||