शारदागीतम् १ Shri Sharada Gitam

कल्याणानि तनोतु काऽपि तरुणी शृङ्गाद्रिभूषायिताश्रीमच्छङ्करदेशिकेन्द्रकलितं चक्रं सदाधिष्ठिता ।दूरस्थामपि पादनम्रजनतां विद्यायुरारोग्य सत्सन्तत्यादिमनोरथाप्तिसहितां सन्तन्वती सत्वरम् ॥

kalyāṇāni tanotu kā'pi taruṇī śṛṅgādribhūṣāyitāśrīmacchaṅkaradeśikendrakalitaṃ cakraṃ sadādhiṣṭhitā |dūrasthāmapi pādanamrajanatāṃ vidyāyurārogya satsantatyādimanorathāptisahitāṃ santanvatī satvaram ||

शारदाम्ब शरदिन्दुनिभानन भासित निखिल दिगन्ते ।पारदे भवमहाजलराशेः पावयमां विधिकान्ते ॥

śāradāmba śaradindunibhānana bhāsita nikhila digante |pārade bhavamahājalarāśeḥ pāvayamāṃ vidhikānte ||

दन्तकान्तिजित कुन्दसुमे वरकुन्तल निर्धुतभृङ्गे ।शान्तचित्तजन सन्तत चिन्तित कोटिचन्द्रसदृशाङ्गे ॥

dantakāntijita kundasume varakuntala nirdhutabhṛṅge |śāntacittajana santata cintita koṭicandrasadṛśāṅge ||

पादनम्रजन वाञ्छितपूरण निर्जित नन्दनवल्लिके ।मादनेष्वसन गर्व निबर्हण दक्ष मनोहर चिल्लिके ॥

pādanamrajana vāñchitapūraṇa nirjita nandanavallike |mādaneṣvasana garva nibarhaṇa dakṣa manohara cillike ||

ऋष्यशृङ्गपुर वासविलोले वश्ययन्त्र सदृशास्ये ।पश्वदङ्घ्रि शुकदेवहूतिसुत कश्यपादि समुपास्ये ॥ ॐ ॥

ṛṣyaśṛṅgapura vāsavilole vaśyayantra sadṛśāsye |paśvadaṅghri śukadevahūtisuta kaśyapādi samupāsye || oṃ ||

॥ इति दक्षिणाम्नाय शृङ्गेरी श्रीशारदापीठाधिपतिशङ्कराचार्य जगद्गुरुवर्यो श्री चन्द्रशेखर भारतीमहास्वामिभिः विरचितम् श्री शारदा गीतं सम्पूर्णम् ॥

|| iti dakṣiṇāmnāya śṛṅgerī śrīśāradāpīṭhādhipatiśaṅkarācārya jagadguruvaryo śrī candraśekhara bhāratīmahāsvāmibhiḥ viracitam śrī śāradā gītaṃ sampūrṇam ||