श्रीरामचरितमानस ७ उत्तरकाण्ड Shri Ram Charit Manas (7)

श्री गणेशाय नमः

śrī gaṇeśāya namaḥ

श्रीजानकीवल्लभो विजयतेश्रीरामचरितमानससप्तम सोपान(उत्तरकाण्ड)श्लोककेकीकण्ठाभनीलं सुरवरविलसद्विप्रपादाब्जचिह्नंशोभाढ्यं पीतवस्त्रं सरसिजनयनं सर्वदा सुप्रसन्नम्।पाणौ नाराचचापं कपिनिकरयुतं बन्धुना सेव्यमानंनौमीड्यं जानकीशं रघुवरमनिशं पुष्पकारूढरामम् ॥ १ ॥

śrījānakīvallabho vijayateśrīrāmacaritamānasasaptama sopāna(uttarakāṇḍa)ślokakekīkaṇṭhābhanīlaṃ suravaravilasadviprapādābjacihnaṃśobhāḍhyaṃ pītavastraṃ sarasijanayanaṃ sarvadā suprasannam|pāṇau nārācacāpaṃ kapinikarayutaṃ bandhunā sevyamānaṃnaumīḍyaṃ jānakīśaṃ raghuvaramaniśaṃ puṣpakārūḍharāmam || 1 ||

कोसलेन्द्रपदकञ्जमञ्जुलौ कोमलावजमहेशवन्दितौ।जानकीकरसरोजलालितौ चिन्तकस्य मनभृङ्गसड्गिनौ ॥ २ ॥

kosalendrapadakañjamañjulau komalāvajamaheśavanditau|jānakīkarasarojalālitau cintakasya manabhṛṅgasaḍginau || 2 ||

कुन्दइन्दुदरगौरसुन्दरं अम्बिकापतिमभीष्टसिद्धिदम्।कारुणीककलकञ्जलोचनं नौमि शंकरमनंगमोचनम् ॥ ३ ॥

kundaindudaragaurasundaraṃ ambikāpatimabhīṣṭasiddhidam|kāruṇīkakalakañjalocanaṃ naumi śaṃkaramanaṃgamocanam || 3 ||

दो\। रहा एक दिन अवधि कर अति आरत पुर लोग।जहँ तहँ सोचहिं नारि नर कृस तन राम बियोग ॥सगुन होहिं सुंदर सकल मन प्रसन्न सब केर।प्रभु आगवन जनाव जनु नगर रम्य चहुँ फेर ॥कौसल्यादि मातु सब मन अनंद अस होइ।आयउ प्रभु श्री अनुज जुत कहन चहत अब कोइ ॥भरत नयन भुज दच्छिन फरकत बारहिं बार।जानि सगुन मन हरष अति लागे करन बिचार ॥रहेउ एक दिन अवधि अधारा। समुझत मन दुख भयउ अपारा ॥कारन कवन नाथ नहिं आयउ। जानि कुटिल किधौं मोहि बिसरायउ ॥अहह धन्य लछिमन बड़भागी। राम पदारबिंदु अनुरागी ॥कपटी कुटिल मोहि प्रभु चीन्हा। ताते नाथ संग नहिं लीन्हा ॥जौं करनी समुझै प्रभु मोरी। नहिं निस्तार कलप सत कोरी ॥जन अवगुन प्रभु मान न काऊ। दीन बंधु अति मृदुल सुभाऊ ॥मोरि जियँ भरोस दृढ़ सोई। मिलिहहिं राम सगुन सुभ होई ॥बीतें अवधि रहहि जौं प्राना। अधम कवन जग मोहि समाना ॥

do\| rahā eka dina avadhi kara ati ārata pura loga|jaham̐ taham̐ socahiṃ nāri nara kṛsa tana rāma biyoga ||saguna hohiṃ suṃdara sakala mana prasanna saba kera|prabhu āgavana janāva janu nagara ramya cahum̐ phera ||kausalyādi mātu saba mana anaṃda asa hoi|āyau prabhu śrī anuja juta kahana cahata aba koi ||bharata nayana bhuja dacchina pharakata bārahiṃ bāra|jāni saguna mana haraṣa ati lāge karana bicāra ||raheu eka dina avadhi adhārā| samujhata mana dukha bhayau apārā ||kārana kavana nātha nahiṃ āyau| jāni kuṭila kidhauṃ mohi bisarāyau ||ahaha dhanya lachimana baड़bhāgī| rāma padārabiṃdu anurāgī ||kapaṭī kuṭila mohi prabhu cīnhā| tāte nātha saṃga nahiṃ līnhā ||jauṃ karanī samujhai prabhu morī| nahiṃ nistāra kalapa sata korī ||jana avaguna prabhu māna na kāū| dīna baṃdhu ati mṛdula subhāū ||mori jiyam̐ bharosa dṛṛha soī| milihahiṃ rāma saguna subha hoī ||bīteṃ avadhi rahahi jauṃ prānā| adhama kavana jaga mohi samānā ||

दो\। राम बिरह सागर महँ भरत मगन मन होत।बिप्र रूप धरि पवन सुत आइ गयउ जनु पोत ॥ १(क) ॥

do\| rāma biraha sāgara maham̐ bharata magana mana hota|bipra rūpa dhari pavana suta āi gayau janu pota || 1(ka) ||

बैठि देखि कुसासन जटा मुकुट कृस गात।राम राम रघुपति जपत स्त्रवत नयन जलजात ॥ १(ख) ॥

baiṭhi dekhi kusāsana jaṭā mukuṭa kṛsa gāta|rāma rāma raghupati japata stravata nayana jalajāta || 1(kha) ||

देखत हनूमान अति हरषेउ। पुलक गात लोचन जल बरषेउ ॥मन महँ बहुत भाँति सुख मानी। बोलेउ श्रवन सुधा सम बानी ॥जासु बिरहँ सोचहु दिन राती। रटहु निरंतर गुन गन पाँती ॥रघुकुल तिलक सुजन सुखदाता। आयउ कुसल देव मुनि त्राता ॥रिपु रन जीति सुजस सुर गावत। सीता सहित अनुज प्रभु आवत ॥सुनत बचन बिसरे सब दूखा। तृषावंत जिमि पाइ पियूषा ॥को तुम्ह तात कहाँ ते आए। मोहि परम प्रिय बचन सुनाए ॥मारुत सुत मैं कपि हनुमाना। नामु मोर सुनु कृपानिधाना ॥दीनबंधु रघुपति कर किंकर। सुनत भरत भेंटेउ उठि सादर ॥मिलत प्रेम नहिं हृदयँ समाता। नयन स्त्रवत जल पुलकित गाता ॥कपि तव दरस सकल दुख बीते। मिले आजु मोहि राम पिरीते ॥एहि संदेस सरिस जग माहीं। करि बिचार देखेउँ कछु नाहीं ॥नाहिन तात उरिन मैं तोही। अब प्रभु चरित सुनावहु मोही ॥तब हनुमंत नाइ पद माथा। कहे सकल रघुपति गुन गाथा ॥कहु कपि कबहुँ कृपाल गोसाईं। सुमिरहिं मोहि दास की नाईं ॥

dekhata hanūmāna ati haraṣeu| pulaka gāta locana jala baraṣeu ||mana maham̐ bahuta bhām̐ti sukha mānī| boleu śravana sudhā sama bānī ||jāsu biraham̐ socahu dina rātī| raṭahu niraṃtara guna gana pām̐tī ||raghukula tilaka sujana sukhadātā| āyau kusala deva muni trātā ||ripu rana jīti sujasa sura gāvata| sītā sahita anuja prabhu āvata ||sunata bacana bisare saba dūkhā| tṛṣāvaṃta jimi pāi piyūṣā ||ko tumha tāta kahām̐ te āe| mohi parama priya bacana sunāe ||māruta suta maiṃ kapi hanumānā| nāmu mora sunu kṛpānidhānā ||dīnabaṃdhu raghupati kara kiṃkara| sunata bharata bheṃṭeu uṭhi sādara ||milata prema nahiṃ hṛdayam̐ samātā| nayana stravata jala pulakita gātā ||kapi tava darasa sakala dukha bīte| mile āju mohi rāma pirīte ||ehi saṃdesa sarisa jaga māhīṃ| kari bicāra dekheum̐ kachu nāhīṃ ||nāhina tāta urina maiṃ tohī| aba prabhu carita sunāvahu mohī ||taba hanumaṃta nāi pada māthā| kahe sakala raghupati guna gāthā ||kahu kapi kabahum̐ kṛpāla gosāīṃ| sumirahiṃ mohi dāsa kī nāīṃ ||

छं\। निज दास ज्यों रघुबंसभूषन कबहुँ मम सुमिरन कर् यो।सुनि भरत बचन बिनीत अति कपि पुलकित तन चरनन्हि पर् यो ॥रघुबीर निज मुख जासु गुन गन कहत अग जग नाथ जो।काहे न होइ बिनीत परम पुनीत सदगुन सिंधु सो ॥

chaṃ\| nija dāsa jyoṃ raghubaṃsabhūṣana kabahum̐ mama sumirana kar yo|suni bharata bacana binīta ati kapi pulakita tana carananhi par yo ||raghubīra nija mukha jāsu guna gana kahata aga jaga nātha jo|kāhe na hoi binīta parama punīta sadaguna siṃdhu so ||

दो\। राम प्रान प्रिय नाथ तुम्ह सत्य बचन मम तात।पुनि पुनि मिलत भरत सुनि हरष न हृदयँ समात ॥ २(क) ॥

do\| rāma prāna priya nātha tumha satya bacana mama tāta|puni puni milata bharata suni haraṣa na hṛdayam̐ samāta || 2(ka) ||

सो\। भरत चरन सिरु नाइ तुरित गयउ कपि राम पहिं।कही कुसल सब जाइ हरषि चलेउ प्रभु जान चढ़ि ॥ २(ख) ॥

so\| bharata carana siru nāi turita gayau kapi rāma pahiṃ|kahī kusala saba jāi haraṣi caleu prabhu jāna caṛhi || 2(kha) ||

हरषि भरत कोसलपुर आए। समाचार सब गुरहि सुनाए ॥पुनि मंदिर महँ बात जनाई। आवत नगर कुसल रघुराई ॥सुनत सकल जननीं उठि धाईं। कहि प्रभु कुसल भरत समुझाई ॥समाचार पुरबासिंह पाए। नर अरु नारि हरषि सब धाए ॥दधि दुर्बा रोचन फल फूला। नव तुलसी दल मंगल मूला ॥भरि भरि हेम थार भामिनी। गावत चलिं सिंधु सिंधुरगामिनी ॥जे जैसेहिं तैसेहिं उटि धावहिं। बाल बृद्ध कहँ संग न लावहिं ॥एक एकन्ह कहँ बूझहिं भाई। तुम्ह देखे दयाल रघुराई ॥अवधपुरी प्रभु आवत जानी। भई सकल सोभा कै खानी ॥बहइ सुहावन त्रिबिध समीरा। भइ सरजू अति निर्मल नीरा ॥

haraṣi bharata kosalapura āe| samācāra saba gurahi sunāe ||puni maṃdira maham̐ bāta janāī| āvata nagara kusala raghurāī ||sunata sakala jananīṃ uṭhi dhāīṃ| kahi prabhu kusala bharata samujhāī ||samācāra purabāsiṃha pāe| nara aru nāri haraṣi saba dhāe ||dadhi durbā rocana phala phūlā| nava tulasī dala maṃgala mūlā ||bhari bhari hema thāra bhāminī| gāvata caliṃ siṃdhu siṃdhuragāminī ||je jaisehiṃ taisehiṃ uṭi dhāvahiṃ| bāla bṛddha kaham̐ saṃga na lāvahiṃ ||eka ekanha kaham̐ būjhahiṃ bhāī| tumha dekhe dayāla raghurāī ||avadhapurī prabhu āvata jānī| bhaī sakala sobhā kai khānī ||bahai suhāvana tribidha samīrā| bhai sarajū ati nirmala nīrā ||

दो\। हरषित गुर परिजन अनुज भूसुर बृंद समेत।चले भरत मन प्रेम अति सन्मुख कृपानिकेत ॥ ३(क) ॥

do\| haraṣita gura parijana anuja bhūsura bṛṃda sameta|cale bharata mana prema ati sanmukha kṛpāniketa || 3(ka) ||

बहुतक चढ़ी अटारिन्ह निरखहिं गगन बिमान।देखि मधुर सुर हरषित करहिं सुमंगल गान ॥ ३(ख) ॥

bahutaka caṛhī aṭārinha nirakhahiṃ gagana bimāna|dekhi madhura sura haraṣita karahiṃ sumaṃgala gāna || 3(kha) ||

राका ससि रघुपति पुर सिंधु देखि हरषान।बढ़यो कोलाहल करत जनु नारि तरंग समान ॥ ३(ग) ॥

rākā sasi raghupati pura siṃdhu dekhi haraṣāna|baṛhayo kolāhala karata janu nāri taraṃga samāna || 3(ga) ||

इहाँ भानुकुल कमल दिवाकर। कपिन्ह देखावत नगर मनोहर ॥सुनु कपीस अंगद लंकेसा। पावन पुरी रुचिर यह देसा ॥जद्यपि सब बैकुंठ बखाना। बेद पुरान बिदित जगु जाना ॥अवधपुरी सम प्रिय नहिं सोऊ। यह प्रसंग जानइ कोउ कोऊ ॥जन्मभूमि मम पुरी सुहावनि। उत्तर दिसि बह सरजू पावनि ॥जा मज्जन ते बिनहिं प्रयासा। मम समीप नर पावहिं बासा ॥अति प्रिय मोहि इहाँ के बासी। मम धामदा पुरी सुख रासी ॥हरषे सब कपि सुनि प्रभु बानी। धन्य अवध जो राम बखानी ॥

ihām̐ bhānukula kamala divākara| kapinha dekhāvata nagara manohara ||sunu kapīsa aṃgada laṃkesā| pāvana purī rucira yaha desā ||jadyapi saba baikuṃṭha bakhānā| beda purāna bidita jagu jānā ||avadhapurī sama priya nahiṃ soū| yaha prasaṃga jānai kou koū ||janmabhūmi mama purī suhāvani| uttara disi baha sarajū pāvani ||jā majjana te binahiṃ prayāsā| mama samīpa nara pāvahiṃ bāsā ||ati priya mohi ihām̐ ke bāsī| mama dhāmadā purī sukha rāsī ||haraṣe saba kapi suni prabhu bānī| dhanya avadha jo rāma bakhānī ||

दो\। आवत देखि लोग सब कृपासिंधु भगवान।नगर निकट प्रभु प्रेरेउ उतरेउ भूमि बिमान ॥ ४(क) ॥

do\| āvata dekhi loga saba kṛpāsiṃdhu bhagavāna|nagara nikaṭa prabhu prereu utareu bhūmi bimāna || 4(ka) ||

उतरि कहेउ प्रभु पुष्पकहि तुम्ह कुबेर पहिं जाहु।प्रेरित राम चलेउ सो हरषु बिरहु अति ताहु ॥ ४(ख) ॥

utari kaheu prabhu puṣpakahi tumha kubera pahiṃ jāhu|prerita rāma caleu so haraṣu birahu ati tāhu || 4(kha) ||

आए भरत संग सब लोगा। कृस तन श्रीरघुबीर बियोगा ॥बामदेव बसिष्ठ मुनिनायक। देखे प्रभु महि धरि धनु सायक ॥धाइ धरे गुर चरन सरोरुह। अनुज सहित अति पुलक तनोरुह ॥भेंटि कुसल बूझी मुनिराया। हमरें कुसल तुम्हारिहिं दाया ॥सकल द्विजन्ह मिलि नायउ माथा। धर्म धुरंधर रघुकुलनाथा ॥गहे भरत पुनि प्रभु पद पंकज। नमत जिन्हहि सुर मुनि संकर अज ॥परे भूमि नहिं उठत उठाए। बर करि कृपासिंधु उर लाए ॥स्यामल गात रोम भए ठाढ़े। नव राजीव नयन जल बाढ़े ॥

āe bharata saṃga saba logā| kṛsa tana śrīraghubīra biyogā ||bāmadeva basiṣṭha munināyaka| dekhe prabhu mahi dhari dhanu sāyaka ||dhāi dhare gura carana saroruha| anuja sahita ati pulaka tanoruha ||bheṃṭi kusala būjhī munirāyā| hamareṃ kusala tumhārihiṃ dāyā ||sakala dvijanha mili nāyau māthā| dharma dhuraṃdhara raghukulanāthā ||gahe bharata puni prabhu pada paṃkaja| namata jinhahi sura muni saṃkara aja ||pare bhūmi nahiṃ uṭhata uṭhāe| bara kari kṛpāsiṃdhu ura lāe ||syāmala gāta roma bhae ṭhāṛhe| nava rājīva nayana jala bāṛhe ||

छं\। राजीव लोचन स्त्रवत जल तन ललित पुलकावलि बनी।अति प्रेम हृदयँ लगाइ अनुजहि मिले प्रभु त्रिभुअन धनी ॥प्रभु मिलत अनुजहि सोह मो पहिं जाति नहिं उपमा कही।जनु प्रेम अरु सिंगार तनु धरि मिले बर सुषमा लही ॥ १ ॥

chaṃ\| rājīva locana stravata jala tana lalita pulakāvali banī|ati prema hṛdayam̐ lagāi anujahi mile prabhu tribhuana dhanī ||prabhu milata anujahi soha mo pahiṃ jāti nahiṃ upamā kahī|janu prema aru siṃgāra tanu dhari mile bara suṣamā lahī || 1 ||

बूझत कृपानिधि कुसल भरतहि बचन बेगि न आवई।सुनु सिवा सो सुख बचन मन ते भिन्न जान जो पावई ॥अब कुसल कौसलनाथ आरत जानि जन दरसन दियो।बूड़त बिरह बारीस कृपानिधान मोहि कर गहि लियो ॥ २ ॥

būjhata kṛpānidhi kusala bharatahi bacana begi na āvaī|sunu sivā so sukha bacana mana te bhinna jāna jo pāvaī ||aba kusala kausalanātha ārata jāni jana darasana diyo|būड़ta biraha bārīsa kṛpānidhāna mohi kara gahi liyo || 2 ||

दो\। पुनि प्रभु हरषि सत्रुहन भेंटे हृदयँ लगाइ।लछिमन भरत मिले तब परम प्रेम दोउ भाइ ॥ ५ ॥

do\| puni prabhu haraṣi satruhana bheṃṭe hṛdayam̐ lagāi|lachimana bharata mile taba parama prema dou bhāi || 5 ||

भरतानुज लछिमन पुनि भेंटे। दुसह बिरह संभव दुख मेटे ॥सीता चरन भरत सिरु नावा। अनुज समेत परम सुख पावा ॥प्रभु बिलोकि हरषे पुरबासी। जनित बियोग बिपति सब नासी ॥प्रेमातुर सब लोग निहारी। कौतुक कीन्ह कृपाल खरारी ॥अमित रूप प्रगटे तेहि काला। जथाजोग मिले सबहि कृपाला ॥कृपादृष्टि रघुबीर बिलोकी। किए सकल नर नारि बिसोकी ॥छन महिं सबहि मिले भगवाना। उमा मरम यह काहुँ न जाना ॥एहि बिधि सबहि सुखी करि रामा। आगें चले सील गुन धामा ॥कौसल्यादि मातु सब धाई। निरखि बच्छ जनु धेनु लवाई ॥

bharatānuja lachimana puni bheṃṭe| dusaha biraha saṃbhava dukha meṭe ||sītā carana bharata siru nāvā| anuja sameta parama sukha pāvā ||prabhu biloki haraṣe purabāsī| janita biyoga bipati saba nāsī ||premātura saba loga nihārī| kautuka kīnha kṛpāla kharārī ||amita rūpa pragaṭe tehi kālā| jathājoga mile sabahi kṛpālā ||kṛpādṛṣṭi raghubīra bilokī| kie sakala nara nāri bisokī ||chana mahiṃ sabahi mile bhagavānā| umā marama yaha kāhum̐ na jānā ||ehi bidhi sabahi sukhī kari rāmā| āgeṃ cale sīla guna dhāmā ||kausalyādi mātu saba dhāī| nirakhi baccha janu dhenu lavāī ||

छं\। जनु धेनु बालक बच्छ तजि गृहँ चरन बन परबस गईं।दिन अंत पुर रुख स्त्रवत थन हुंकार करि धावत भई ॥अति प्रेम सब मातु भेटीं बचन मृदु बहुबिधि कहे।गइ बिषम बियोग भव तिन्ह हरष सुख अगनित लहे ॥

chaṃ\| janu dhenu bālaka baccha taji gṛham̐ carana bana parabasa gaīṃ|dina aṃta pura rukha stravata thana huṃkāra kari dhāvata bhaī ||ati prema saba mātu bheṭīṃ bacana mṛdu bahubidhi kahe|gai biṣama biyoga bhava tinha haraṣa sukha aganita lahe ||

दो\। भेटेउ तनय सुमित्राँ राम चरन रति जानि।रामहि मिलत कैकेई हृदयँ बहुत सकुचानि ॥ ६(क) ॥

do\| bheṭeu tanaya sumitrām̐ rāma carana rati jāni|rāmahi milata kaikeī hṛdayam̐ bahuta sakucāni || 6(ka) ||

लछिमन सब मातन्ह मिलि हरषे आसिष पाइ।कैकेइ कहँ पुनि पुनि मिले मन कर छोभु न जाइ ॥ ६ ॥

lachimana saba mātanha mili haraṣe āsiṣa pāi|kaikei kaham̐ puni puni mile mana kara chobhu na jāi || 6 ||

सासुन्ह सबनि मिली बैदेही। चरनन्हि लागि हरषु अति तेही ॥देहिं असीस बूझि कुसलाता। होइ अचल तुम्हार अहिवाता ॥सब रघुपति मुख कमल बिलोकहिं। मंगल जानि नयन जल रोकहिं ॥कनक थार आरति उतारहिं। बार बार प्रभु गात निहारहिं ॥नाना भाँति निछावरि करहीं। परमानंद हरष उर भरहीं ॥कौसल्या पुनि पुनि रघुबीरहि। चितवति कृपासिंधु रनधीरहि ॥हृदयँ बिचारति बारहिं बारा। कवन भाँति लंकापति मारा ॥अति सुकुमार जुगल मेरे बारे। निसिचर सुभट महाबल भारे ॥

sāsunha sabani milī baidehī| carananhi lāgi haraṣu ati tehī ||dehiṃ asīsa būjhi kusalātā| hoi acala tumhāra ahivātā ||saba raghupati mukha kamala bilokahiṃ| maṃgala jāni nayana jala rokahiṃ ||kanaka thāra ārati utārahiṃ| bāra bāra prabhu gāta nihārahiṃ ||nānā bhām̐ti nichāvari karahīṃ| paramānaṃda haraṣa ura bharahīṃ ||kausalyā puni puni raghubīrahi| citavati kṛpāsiṃdhu ranadhīrahi ||hṛdayam̐ bicārati bārahiṃ bārā| kavana bhām̐ti laṃkāpati mārā ||ati sukumāra jugala mere bāre| nisicara subhaṭa mahābala bhāre ||

दो\। लछिमन अरु सीता सहित प्रभुहि बिलोकति मातु।परमानंद मगन मन पुनि पुनि पुलकित गातु ॥ ७ ॥

do\| lachimana aru sītā sahita prabhuhi bilokati mātu|paramānaṃda magana mana puni puni pulakita gātu || 7 ||

लंकापति कपीस नल नीला। जामवंत अंगद सुभसीला ॥हनुमदादि सब बानर बीरा। धरे मनोहर मनुज सरीरा ॥भरत सनेह सील ब्रत नेमा। सादर सब बरनहिं अति प्रेमा ॥देखि नगरबासिंह कै रीती। सकल सराहहि प्रभु पद प्रीती ॥पुनि रघुपति सब सखा बोलाए। मुनि पद लागहु सकल सिखाए ॥गुर बसिष्ट कुलपूज्य हमारे। इन्ह की कृपाँ दनुज रन मारे ॥ए सब सखा सुनहु मुनि मेरे। भए समर सागर कहँ बेरे ॥मम हित लागि जन्म इन्ह हारे। भरतहु ते मोहि अधिक पिआरे ॥सुनि प्रभु बचन मगन सब भए। निमिष निमिष उपजत सुख नए ॥

laṃkāpati kapīsa nala nīlā| jāmavaṃta aṃgada subhasīlā ||hanumadādi saba bānara bīrā| dhare manohara manuja sarīrā ||bharata saneha sīla brata nemā| sādara saba baranahiṃ ati premā ||dekhi nagarabāsiṃha kai rītī| sakala sarāhahi prabhu pada prītī ||puni raghupati saba sakhā bolāe| muni pada lāgahu sakala sikhāe ||gura basiṣṭa kulapūjya hamāre| inha kī kṛpām̐ danuja rana māre ||e saba sakhā sunahu muni mere| bhae samara sāgara kaham̐ bere ||mama hita lāgi janma inha hāre| bharatahu te mohi adhika piāre ||suni prabhu bacana magana saba bhae| nimiṣa nimiṣa upajata sukha nae ||

दो\। कौसल्या के चरनन्हि पुनि तिन्ह नायउ माथ ॥आसिष दीन्हे हरषि तुम्ह प्रिय मम जिमि रघुनाथ ॥ ८(क) ॥

do\| kausalyā ke carananhi puni tinha nāyau mātha ||āsiṣa dīnhe haraṣi tumha priya mama jimi raghunātha || 8(ka) ||

सुमन बृष्टि नभ संकुल भवन चले सुखकंद।चढ़ी अटारिन्ह देखहिं नगर नारि नर बृंद ॥ ८(ख) ॥

sumana bṛṣṭi nabha saṃkula bhavana cale sukhakaṃda|caṛhī aṭārinha dekhahiṃ nagara nāri nara bṛṃda || 8(kha) ||

कंचन कलस बिचित्र सँवारे। सबहिं धरे सजि निज निज द्वारे ॥बंदनवार पताका केतू। सबन्हि बनाए मंगल हेतू ॥बीथीं सकल सुगंध सिंचाई। गजमनि रचि बहु चौक पुराई ॥नाना भाँति सुमंगल साजे। हरषि नगर निसान बहु बाजे ॥जहँ तहँ नारि निछावर करहीं। देहिं असीस हरष उर भरहीं ॥कंचन थार आरती नाना। जुबती सजें करहिं सुभ गाना ॥करहिं आरती आरतिहर कें। रघुकुल कमल बिपिन दिनकर कें ॥पुर सोभा संपति कल्याना। निगम सेष सारदा बखाना ॥तेउ यह चरित देखि ठगि रहहीं। उमा तासु गुन नर किमि कहहीं ॥

kaṃcana kalasa bicitra sam̐vāre| sabahiṃ dhare saji nija nija dvāre ||baṃdanavāra patākā ketū| sabanhi banāe maṃgala hetū ||bīthīṃ sakala sugaṃdha siṃcāī| gajamani raci bahu cauka purāī ||nānā bhām̐ti sumaṃgala sāje| haraṣi nagara nisāna bahu bāje ||jaham̐ taham̐ nāri nichāvara karahīṃ| dehiṃ asīsa haraṣa ura bharahīṃ ||kaṃcana thāra āratī nānā| jubatī sajeṃ karahiṃ subha gānā ||karahiṃ āratī āratihara keṃ| raghukula kamala bipina dinakara keṃ ||pura sobhā saṃpati kalyānā| nigama seṣa sāradā bakhānā ||teu yaha carita dekhi ṭhagi rahahīṃ| umā tāsu guna nara kimi kahahīṃ ||

दो\। नारि कुमुदिनीं अवध सर रघुपति बिरह दिनेस।अस्त भएँ बिगसत भईं निरखि राम राकेस ॥ ९(क) ॥

do\| nāri kumudinīṃ avadha sara raghupati biraha dinesa|asta bhaem̐ bigasata bhaīṃ nirakhi rāma rākesa || 9(ka) ||

होहिं सगुन सुभ बिबिध बिधि बाजहिं गगन निसान।पुर नर नारि सनाथ करि भवन चले भगवान ॥ ९(ख) ॥

hohiṃ saguna subha bibidha bidhi bājahiṃ gagana nisāna|pura nara nāri sanātha kari bhavana cale bhagavāna || 9(kha) ||

प्रभु जानी कैकेई लजानी। प्रथम तासु गृह गए भवानी ॥ताहि प्रबोधि बहुत सुख दीन्हा। पुनि निज भवन गवन हरि कीन्हा ॥कृपासिंधु जब मंदिर गए। पुर नर नारि सुखी सब भए ॥गुर बसिष्ट द्विज लिए बुलाई। आजु सुघरी सुदिन समुदाई ॥सब द्विज देहु हरषि अनुसासन। रामचंद्र बैठहिं सिंघासन ॥मुनि बसिष्ट के बचन सुहाए। सुनत सकल बिप्रन्ह अति भाए ॥कहहिं बचन मृदु बिप्र अनेका। जग अभिराम राम अभिषेका ॥अब मुनिबर बिलंब नहिं कीजे। महाराज कहँ तिलक करीजै ॥

prabhu jānī kaikeī lajānī| prathama tāsu gṛha gae bhavānī ||tāhi prabodhi bahuta sukha dīnhā| puni nija bhavana gavana hari kīnhā ||kṛpāsiṃdhu jaba maṃdira gae| pura nara nāri sukhī saba bhae ||gura basiṣṭa dvija lie bulāī| āju sugharī sudina samudāī ||saba dvija dehu haraṣi anusāsana| rāmacaṃdra baiṭhahiṃ siṃghāsana ||muni basiṣṭa ke bacana suhāe| sunata sakala bipranha ati bhāe ||kahahiṃ bacana mṛdu bipra anekā| jaga abhirāma rāma abhiṣekā ||aba munibara bilaṃba nahiṃ kīje| mahārāja kaham̐ tilaka karījai ||

दो\। तब मुनि कहेउ सुमंत्र सन सुनत चलेउ हरषाइ।रथ अनेक बहु बाजि गज तुरत सँवारे जाइ ॥ १०(क) ॥

do\| taba muni kaheu sumaṃtra sana sunata caleu haraṣāi|ratha aneka bahu bāji gaja turata sam̐vāre jāi || 10(ka) ||

जहँ तहँ धावन पठइ पुनि मंगल द्रब्य मगाइ।हरष समेत बसिष्ट पद पुनि सिरु नायउ आइ ॥ १०(ख) ॥

jaham̐ taham̐ dhāvana paṭhai puni maṃgala drabya magāi|haraṣa sameta basiṣṭa pada puni siru nāyau āi || 10(kha) ||

नवान्हपारायण, आठवाँ विश्रामअवधपुरी अति रुचिर बनाई। देवन्ह सुमन बृष्टि झरि लाई ॥राम कहा सेवकन्ह बुलाई। प्रथम सखन्ह अन्हवावहु जाई ॥सुनत बचन जहँ तहँ जन धाए। सुग्रीवादि तुरत अन्हवाए ॥पुनि करुनानिधि भरतु हँकारे। निज कर राम जटा निरुआरे ॥अन्हवाए प्रभु तीनिउ भाई। भगत बछल कृपाल रघुराई ॥भरत भाग्य प्रभु कोमलताई। सेष कोटि सत सकहिं न गाई ॥पुनि निज जटा राम बिबराए। गुर अनुसासन मागि नहाए ॥करि मज्जन प्रभु भूषन साजे। अंग अनंग देखि सत लाजे ॥

navānhapārāyaṇa, āṭhavām̐ viśrāmaavadhapurī ati rucira banāī| devanha sumana bṛṣṭi jhari lāī ||rāma kahā sevakanha bulāī| prathama sakhanha anhavāvahu jāī ||sunata bacana jaham̐ taham̐ jana dhāe| sugrīvādi turata anhavāe ||puni karunānidhi bharatu ham̐kāre| nija kara rāma jaṭā niruāre ||anhavāe prabhu tīniu bhāī| bhagata bachala kṛpāla raghurāī ||bharata bhāgya prabhu komalatāī| seṣa koṭi sata sakahiṃ na gāī ||puni nija jaṭā rāma bibarāe| gura anusāsana māgi nahāe ||kari majjana prabhu bhūṣana sāje| aṃga anaṃga dekhi sata lāje ||

दो\। सासुन्ह सादर जानकिहि मज्जन तुरत कराइ।दिब्य बसन बर भूषन अँग अँग सजे बनाइ ॥ ११(क) ॥

do\| sāsunha sādara jānakihi majjana turata karāi|dibya basana bara bhūṣana am̐ga am̐ga saje banāi || 11(ka) ||

राम बाम दिसि सोभति रमा रूप गुन खानि।देखि मातु सब हरषीं जन्म सुफल निज जानि ॥ ११(ख) ॥

rāma bāma disi sobhati ramā rūpa guna khāni|dekhi mātu saba haraṣīṃ janma suphala nija jāni || 11(kha) ||

सुनु खगेस तेहि अवसर ब्रह्मा सिव मुनि बृंद।चढ़ि बिमान आए सब सुर देखन सुखकंद ॥ ११(ग) ॥

sunu khagesa tehi avasara brahmā siva muni bṛṃda|caṛhi bimāna āe saba sura dekhana sukhakaṃda || 11(ga) ||

प्रभु बिलोकि मुनि मन अनुरागा। तुरत दिब्य सिंघासन मागा ॥रबि सम तेज सो बरनि न जाई। बैठे राम द्विजन्ह सिरु नाई ॥जनकसुता समेत रघुराई। पेखि प्रहरषे मुनि समुदाई ॥बेद मंत्र तब द्विजन्ह उचारे। नभ सुर मुनि जय जयति पुकारे ॥प्रथम तिलक बसिष्ट मुनि कीन्हा। पुनि सब बिप्रन्ह आयसु दीन्हा ॥सुत बिलोकि हरषीं महतारी। बार बार आरती उतारी ॥बिप्रन्ह दान बिबिध बिधि दीन्हे। जाचक सकल अजाचक कीन्हे ॥सिंघासन पर त्रिभुअन साई। देखि सुरन्ह दुंदुभीं बजाईं ॥

prabhu biloki muni mana anurāgā| turata dibya siṃghāsana māgā ||rabi sama teja so barani na jāī| baiṭhe rāma dvijanha siru nāī ||janakasutā sameta raghurāī| pekhi praharaṣe muni samudāī ||beda maṃtra taba dvijanha ucāre| nabha sura muni jaya jayati pukāre ||prathama tilaka basiṣṭa muni kīnhā| puni saba bipranha āyasu dīnhā ||suta biloki haraṣīṃ mahatārī| bāra bāra āratī utārī ||bipranha dāna bibidha bidhi dīnhe| jācaka sakala ajācaka kīnhe ||siṃghāsana para tribhuana sāī| dekhi suranha duṃdubhīṃ bajāīṃ ||

छं\। नभ दुंदुभीं बाजहिं बिपुल गंधर्ब किंनर गावहीं।नाचहिं अपछरा बृंद परमानंद सुर मुनि पावहीं ॥भरतादि अनुज बिभीषनांगद हनुमदादि समेत ते।गहें छत्र चामर ब्यजन धनु असि चर्म सक्ति बिराजते ॥ १ ॥

chaṃ\| nabha duṃdubhīṃ bājahiṃ bipula gaṃdharba kiṃnara gāvahīṃ|nācahiṃ apacharā bṛṃda paramānaṃda sura muni pāvahīṃ ||bharatādi anuja bibhīṣanāṃgada hanumadādi sameta te|gaheṃ chatra cāmara byajana dhanu asi carma sakti birājate || 1 ||

श्री सहित दिनकर बंस बूषन काम बहु छबि सोहई।नव अंबुधर बर गात अंबर पीत सुर मन मोहई ॥मुकुटांगदादि बिचित्र भूषन अंग अंगन्हि प्रति सजे।अंभोज नयन बिसाल उर भुज धन्य नर निरखंति जे ॥ २ ॥

śrī sahita dinakara baṃsa būṣana kāma bahu chabi sohaī|nava aṃbudhara bara gāta aṃbara pīta sura mana mohaī ||mukuṭāṃgadādi bicitra bhūṣana aṃga aṃganhi prati saje|aṃbhoja nayana bisāla ura bhuja dhanya nara nirakhaṃti je || 2 ||

दो\। वह सोभा समाज सुख कहत न बनइ खगेस।बरनहिं सारद सेष श्रुति सो रस जान महेस ॥ १२(क) ॥

do\| vaha sobhā samāja sukha kahata na banai khagesa|baranahiṃ sārada seṣa śruti so rasa jāna mahesa || 12(ka) ||

भिन्न भिन्न अस्तुति करि गए सुर निज निज धाम।बंदी बेष बेद तब आए जहँ श्रीराम ॥ १२(ख) ॥

bhinna bhinna astuti kari gae sura nija nija dhāma|baṃdī beṣa beda taba āe jaham̐ śrīrāma || 12(kha) ||

प्रभु सर्बग्य कीन्ह अति आदर कृपानिधान।लखेउ न काहूँ मरम कछु लगे करन गुन गान ॥ १२(ग) ॥

prabhu sarbagya kīnha ati ādara kṛpānidhāna|lakheu na kāhūm̐ marama kachu lage karana guna gāna || 12(ga) ||

छं\। जय सगुन निर्गुन रूप अनूप भूप सिरोमने।दसकंधरादि प्रचंड निसिचर प्रबल खल भुज बल हने ॥अवतार नर संसार भार बिभंजि दारुन दुख दहे।जय प्रनतपाल दयाल प्रभु संजुक्त सक्ति नमामहे ॥ १ ॥

chaṃ\| jaya saguna nirguna rūpa anūpa bhūpa siromane|dasakaṃdharādi pracaṃḍa nisicara prabala khala bhuja bala hane ||avatāra nara saṃsāra bhāra bibhaṃji dāruna dukha dahe|jaya pranatapāla dayāla prabhu saṃjukta sakti namāmahe || 1 ||

तव बिषम माया बस सुरासुर नाग नर अग जग हरे।भव पंथ भ्रमत अमित दिवस निसि काल कर्म गुननि भरे ॥जे नाथ करि करुना बिलोके त्रिबिधि दुख ते निर्बहे।भव खेद छेदन दच्छ हम कहुँ रच्छ राम नमामहे ॥ २ ॥

tava biṣama māyā basa surāsura nāga nara aga jaga hare|bhava paṃtha bhramata amita divasa nisi kāla karma gunani bhare ||je nātha kari karunā biloke tribidhi dukha te nirbahe|bhava kheda chedana daccha hama kahum̐ raccha rāma namāmahe || 2 ||

जे ग्यान मान बिमत्त तव भव हरनि भक्ति न आदरी।ते पाइ सुर दुर्लभ पदादपि परत हम देखत हरी ॥बिस्वास करि सब आस परिहरि दास तव जे होइ रहे।जपि नाम तव बिनु श्रम तरहिं भव नाथ सो समरामहे ॥ ३ ॥

je gyāna māna bimatta tava bhava harani bhakti na ādarī|te pāi sura durlabha padādapi parata hama dekhata harī ||bisvāsa kari saba āsa parihari dāsa tava je hoi rahe|japi nāma tava binu śrama tarahiṃ bhava nātha so samarāmahe || 3 ||