साधननिर्णयः Shri Bhringidevacharyapranitah Sadhananirnayah

नत्त्वा गुरं च श्रीरामानन्दं भाष्यविधायकम् ।सत्साधनप्रबोधाय कुर्वे साधननिर्णयम् ॥ १॥

nattvā guraṃ ca śrīrāmānandaṃ bhāṣyavidhāyakam |satsādhanaprabodhāya kurve sādhananirṇayam || 1||

शरारीत्माभिमानं हिं पुंसोऽविद्या मता बुधैः ।स्वकीयत्वाभिमानं चाप्यस्वकीयेषुः वस्तुषु ॥ २॥

śarārītmābhimānaṃ hiṃ puṃso'vidyā matā budhaiḥ |svakīyatvābhimānaṃ cāpyasvakīyeṣuḥ vastuṣu || 2||

ततो देहप्रवेशश्च ततोऽविद्या प्रजायते ।प्रवृत्तं वर्तते चेदं चक्रमनादिकालतः ॥ ३॥

tato dehapraveśaśca tato'vidyā prajāyate |pravṛttaṃ vartate cedaṃ cakramanādikālataḥ || 3||

अपारस्य भयस्यात्र स्मृता हेतुर्मता च या ।तापत्रयानुभूतिः सा जीवस्य तत एव हि ॥ ४॥

apārasya bhayasyātra smṛtā heturmatā ca yā |tāpatrayānubhūtiḥ sā jīvasya tata eva hi || 4||

अदृष्टोपायतश्चैव तस्य नाशो न चान्यथा ।श्रीरामानुग्रहः शास्त्रे स चोपायः प्रकीर्त्तितः ॥ ५॥

adṛṣṭopāyataścaiva tasya nāśo na cānyathā |śrīrāmānugrahaḥ śāstre sa copāyaḥ prakīrttitaḥ || 5||

कर्मज्ञानाङ्गिनी भक्तिस्तद्धेतुत्वेन निश्चिता ।वर्णाश्रमधर्मरूपं तत्र कर्म मतं बुधैः ॥ ६॥

karmajñānāṅginī bhaktistaddhetutvena niścitā |varṇāśramadharmarūpaṃ tatra karma mataṃ budhaiḥ || 6||

स्वभावयोस्तथैवात्र जीवेशयोः स्वरूपयोः ।ज्ञानं मतं च भक्त्यङ्गं सम्पाद्यं तद्धि सद्गुरोः ॥ ७॥

svabhāvayostathaivātra jīveśayoḥ svarūpayoḥ |jñānaṃ mataṃ ca bhaktyaṅgaṃ sampādyaṃ taddhi sadguroḥ || 7||

शेषो देहादिभिन्नश्च जीवोऽणुश्चेतनो मतः ।शेषी देही च सर्वस्य चेतनो विभुरीश्वरः ॥ ८॥

śeṣo dehādibhinnaśca jīvo'ṇuścetano mataḥ |śeṣī dehī ca sarvasya cetano vibhurīśvaraḥ || 8||

साधनसप्तकाद् रामे प्रीतिः सर्वाधिका च या ।सा हि भक्तितया प्रोक्ता रामानुग्रहकारणम् ॥ ९॥

sādhanasaptakād rāme prītiḥ sarvādhikā ca yā |sā hi bhaktitayā proktā rāmānugrahakāraṇam || 9||

रामस्य कृपया जीवः सायुज्यं लभते ध्रुवम् ।पुनरावर्त्तते नैव यल्लब्ध्वाऽत्र भवाम्बुधौ ॥ १०॥

rāmasya kṛpayā jīvaḥ sāyujyaṃ labhate dhruvam |punarāvarttate naiva yallabdhvā'tra bhavāmbudhau || 10||

श्रीमद्भडङ्गिदेवार्यद्वारपीठेशनिर्मितः ।साधनबोधको भूयादेष साधननिर्णयः ॥ ११॥

śrīmadbhaḍaṅgidevāryadvārapīṭheśanirmitaḥ |sādhanabodhako bhūyādeṣa sādhananirṇayaḥ || 11||

इति श्रीभृङ्गिदेवाचार्यप्रणीतः साधननिर्णयः सम्पूर्णः ।

iti śrībhṛṅgidevācāryapraṇītaḥ sādhananirṇayaḥ sampūrṇaḥ |