भरताग्रजाष्टकम् Shri Bharatagraja Ashtakam
bharatāgrajāṣṭakam
Shri Bharatagraja Ashtakam (भरताग्रजाष्टकम्): an eight-verse hymn (aṣṭaka) to Rāma, from the śrībharatāgrajāṣṭakam. 9 verses in Sanskrit with Devanagari and IAST.
- Stotra
- Aṣṭakam
- Rāma
- śrībharatāgrajāṣṭakam
भरताग्रजाष्टकम्
1 / 9
हे जानकीश वरसायकचापधारिन्हे विश्वनाथ रघुनायक देवदेव ।हे राजराज जनपालक धर्मपालत्रायस्व नाथ भरताग्रज दीनबन्धो ॥ १॥
he jānakīśa varasāyakacāpadhārinhe viśvanātha raghunāyaka devadeva |he rājarāja janapālaka dharmapālatrāyasva nātha bharatāgraja dīnabandho || 1||
हे सर्ववित् सकलशक्तिनिधे दयाब्धेहे सर्वजित् परशुरामनुत प्रवीर ।हे पूर्णचन्द्रविमलाननवारिजाक्षत्रायस्व नाथ भरताग्रज दीनबन्धो ॥ २॥
he sarvavit sakalaśaktinidhe dayābdhehe sarvajit paraśurāmanuta pravīra |he pūrṇacandravimalānanavārijākṣatrāyasva nātha bharatāgraja dīnabandho || 2||
हे राम बद्धवरुणालय हे खरारेहे रावणान्तक विभीषणकल्पवृक्ष ।हे पद्मजेन्द्र शिववन्दितपादपद्मत्रायस्व नाथ भरताग्रज दीनबन्धो ॥ ३॥
he rāma baddhavaruṇālaya he kharārehe rāvaṇāntaka vibhīṣaṇakalpavṛkṣa |he padmajendra śivavanditapādapadmatrāyasva nātha bharatāgraja dīnabandho || 3||
हे दोषशून्य सुगुणार्णवदिव्यदेहिन्हे सर्वकृत् सकलहृच्चिदचिद्विशिष्ट ।हे सर्वलोकपरिपालक सर्वमूलत्रायस्व नाथ भरताग्रज दीनबन्धो ॥ ४॥
he doṣaśūnya suguṇārṇavadivyadehinhe sarvakṛt sakalahṛccidacidviśiṣṭa |he sarvalokaparipālaka sarvamūlatrāyasva nātha bharatāgraja dīnabandho || 4||
हे सर्वसेव्य सकलाश्रय शीलबन्धोहे मुक्तिद प्रपदनाद् भजनात्तथा च ।हे पापहृत् पतितपावन राघवेन्द्रत्रायस्व नाथ भरताग्रज दीनबन्धो ॥ ५॥
he sarvasevya sakalāśraya śīlabandhohe muktida prapadanād bhajanāttathā ca |he pāpahṛt patitapāvana rāghavendratrāyasva nātha bharatāgraja dīnabandho || 5||
हे भक्तवत्सल सुखप्रद शान्तमूर्तेहे सर्वकर्मफलदायक सर्वपूज्य ।हे न्यून कर्मपरिपूरक वेदवेद्यत्रायस्व नाथ भरताग्रज दीनबन्धो ॥ ६॥
he bhaktavatsala sukhaprada śāntamūrtehe sarvakarmaphaladāyaka sarvapūjya |he nyūna karmaparipūraka vedavedyatrāyasva nātha bharatāgraja dīnabandho || 6||
हे जानकीरमण हे सकलान्तरात्मन्हे योगिवृन्दरमणास्पदपादपद्म ।हे कुम्भजादिमुनिपूजित हे परेशत्रायस्व नाथ भरताग्रज दीनबन्धो ॥ ७॥
he jānakīramaṇa he sakalāntarātmanhe yogivṛndaramaṇāspadapādapadma |he kumbhajādimunipūjita he pareśatrāyasva nātha bharatāgraja dīnabandho || 7||
हे वायुपुत्रपरितोषित तापहारिन्हे भक्तिलभ्य वरदायक सत्यसन्ध ।हे रामचन्द्र सनकादिमुनीन्द्रवन्द्यत्रायस्व नाथ भरताग्रज दीनबन्धो ॥ ८॥
he vāyuputraparitoṣita tāpahārinhe bhaktilabhya varadāyaka satyasandha |he rāmacandra sanakādimunīndravandyatrāyasva nātha bharatāgraja dīnabandho || 8||
श्रीमद्भरतदासेन मुनिराजेन निर्मितम् ।अष्टकं भवतामेतत् पठतां श्रेयसे सताम् ॥॥ इति श्रीभरताग्रजाष्टकं सम्पूर्णम् ॥
śrīmadbharatadāsena munirājena nirmitam |aṣṭakaṃ bhavatāmetat paṭhatāṃ śreyase satām |||| iti śrībharatāgrajāṣṭakaṃ sampūrṇam ||
॥ इति भरताग्रजाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Bharatagraja Ashtakam?
Shri Bharatagraja Ashtakam has 9 verses on this page, each shown with its number, Devanagari text and transliteration, and meaning where available.
Can I read Shri Bharatagraja Ashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Bharatagraja Ashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
