चतुष्पदी Chatushpadi

त्वदीया या कान्तिर्जनकपुरवामाभिलषिताजगद्वन्द्याऽनिन्द्या जनकतनयाया हृदि मता ।यतीनां सर्वस्वं नवनवघनाभातिललिता,सकृद्रामस्वामिन् ! जगदधिपते गोचरयताम् ॥ १॥

tvadīyā yā kāntirjanakapuravāmābhilaṣitājagadvandyā'nindyā janakatanayāyā hṛdi matā |yatīnāṃ sarvasvaṃ navanavaghanābhātilalitā,sakṛdrāmasvāmin ! jagadadhipate gocarayatām || 1||

स्वकीयैः पापौघैर्भवभयमहामो हरजनीतमः पारावारे शरणरहितं हन्त ! पतितम् ।महीजाश्रीस्वामिन् ! सपदि समवेक्ष्यार्तशरण !ग्रहीतुं मां बाहुं द्रुतमिह समुत्थापय विभो ॥ २॥

svakīyaiḥ pāpaughairbhavabhayamahāmo harajanītamaḥ pārāvāre śaraṇarahitaṃ hanta ! patitam |mahījāśrīsvāmin ! sapadi samavekṣyārtaśaraṇa !grahītuṃ māṃ bāhuṃ drutamiha samutthāpaya vibho || 2||

गजत्राणे याऽऽसीद् द्रुततमगतिस्तेऽतिसुखदा,तथा रक्षाकाले जनकतनयाया रघुपते ।अनाथानां नाथ ! स्थितिमिह महागम्यजलधौ,ममीक्ष्य त्रातुं मामपि सपदि तां धारय विभो ॥ ३॥

gajatrāṇe yā''sīd drutatamagatiste'tisukhadā,tathā rakṣākāle janakatanayāyā raghupate |anāthānāṃ nātha ! sthitimiha mahāgamyajaladhau,mamīkṣya trātuṃ māmapi sapadi tāṃ dhāraya vibho || 3||

यमाप्तुं प्राचीना मुनय ऋषयश्चापि सकला,जगद्भावैः खिन्ना वनतरुषु वासं विदधिरे ।अहं रामस्वामिन् ! भवभयहर ! प्रार्थय इदम्,तमेवाद्य प्रेक्षे चरणविमलालोकमधुना ॥ ४॥

yamāptuṃ prācīnā munaya ṛṣayaścāpi sakalā,jagadbhāvaiḥ khinnā vanataruṣu vāsaṃ vidadhire |ahaṃ rāmasvāmin ! bhavabhayahara ! prārthaya idam,tamevādya prekṣe caraṇavimalālokamadhunā || 4||

॥ इति श्री परमहंसपरिव्राजक जगद्गुरु रामानन्दाचार्यस्वामि श्रीभगवदाचार्य महाराजैः १९७६ तमे विक्रम सम्वत्सरे प्रणीता चतुष्पदी समाप्ता ॥

|| iti śrī paramahaṃsaparivrājaka jagadguru rāmānandācāryasvāmi śrībhagavadācārya mahārājaiḥ 1976 tame vikrama samvatsare praṇītā catuṣpadī samāptā ||