सीतानवकस्तोत्रम् Brahmakritam Shri Shita Navaka Shtotram

मङ्गलंरामचन्द्रस्य वामाङ्गे शोभितां जनकात्मजाम् ।जगत्पूज्यां शुभाङ्गीं त्वां नमामि रामवल्लभाम् ॥जनकजात्मजे राघवप्रिये कनकभासुरे भक्तपालिके ।दशरथात्मजप्राणवल्लभे तवपदाम्बुजालिः शिरोऽस्तु मे ॥ १॥

maṅgalaṃrāmacandrasya vāmāṅge śobhitāṃ janakātmajām |jagatpūjyāṃ śubhāṅgīṃ tvāṃ namāmi rāmavallabhām ||janakajātmaje rāghavapriye kanakabhāsure bhaktapālike |daśarathātmajaprāṇavallabhe tavapadāmbujāliḥ śiro'stu me || 1||

मूलकासुरप्राणघातिके रामरक्षिते रामसेविते ।राममोहिनी स्यन्दनस्थिते त्वत्पदाम्बुजालिः शिरोऽस्तु मे ॥ २॥

mūlakāsuraprāṇaghātike rāmarakṣite rāmasevite |rāmamohinī syandanasthite tvatpadāmbujāliḥ śiro'stu me || 2||

राममञ्चकाधिष्ठिते रमे राम वीजिते रामलालिते ।राम संस्तुते रामरञ्जिते त्वत्पदाम्बुजालिः शिरोऽस्तु मे ॥ ३॥

rāmamañcakādhiṣṭhite rame rāma vījite rāmalālite |rāma saṃstute rāmarañjite tvatpadāmbujāliḥ śiro'stu me || 3||

लोकपावनी श्रीरजेवरे भूमिकन्यके लोकपालिके ।पद्मलोचने धरात्मजेपरे त्वत्पदाम्बुजालिः शिरोऽस्तु मे ॥ ४॥

lokapāvanī śrīrajevare bhūmikanyake lokapālike |padmalocane dharātmajepare tvatpadāmbujāliḥ śiro'stu me || 4||

कञ्जलोचने नागगामिनी स्वीयसत्सुखे रम्यरूपिणि ।रुक्मभूषिते मौक्तिकाङ्किन्ते त्वत्पदाम्बुजालिः शिरोऽस्तु मे ॥ ५॥

kañjalocane nāgagāminī svīyasatsukhe ramyarūpiṇi |rukmabhūṣite mauktikāṅkinte tvatpadāmbujāliḥ śiro'stu me || 5||

जलरुहानने चित्रवासिनी त्वमवसिसदा स्वीयसेवकान् ।मुनिरिपून्सदा दुःखदायिके त्वत्पदाम्बुजालिः शिरोऽस्तु मे ॥ ६॥

jalaruhānane citravāsinī tvamavasisadā svīyasevakān |muniripūnsadā duḥkhadāyike tvatpadāmbujāliḥ śiro'stu me || 6||

त्वन्मुखेक्षणाद्राक्षसाम्पति प्राप सङ्क्षयं रामसत्प्रिये ।त्वत्दृगेक्षणाल्लज्जितामृगी त्वत्पदाम्बुजालिः शिरोऽस्तु मे ॥ ७॥

tvanmukhekṣaṇādrākṣasāmpati prāpa saṅkṣayaṃ rāmasatpriye |tvatdṛgekṣaṇāllajjitāmṛgī tvatpadāmbujāliḥ śiro'stu me || 7||

कुशलवाम्बिके जलरुहानने जलरुहेक्षणे पापदाहिके ।मधुरसुस्वने नूपुरसुस्वने त्वत्पदाम्बुजालिः शिरोऽस्तु मे ॥ ८॥

kuśalavāmbike jalaruhānane jalaruhekṣaṇe pāpadāhike |madhurasusvane nūpurasusvane tvatpadāmbujāliḥ śiro'stu me || 8||

घ्राणमुत्तमं तेस्मितानने तेऽधरः शुभोविम्बसन्निभः ।अद्य वै त्वया मूलकासुरो मारितोरणे तारिता वयम् ॥ ९॥

ghrāṇamuttamaṃ tesmitānane te'dharaḥ śubhovimbasannibhaḥ |adya vai tvayā mūlakāsuro māritoraṇe tāritā vayam || 9||

ब्रह्मणेरितं नवकमुत्तमं भास्करोदये पठति यः पुमान् ।सर्व वाञ्छितं लभति सोऽत्र ना प्राप्नुयात्सुखं रामसन्निधिम् ॥ १०॥

brahmaṇeritaṃ navakamuttamaṃ bhāskarodaye paṭhati yaḥ pumān |sarva vāñchitaṃ labhati so'tra nā prāpnuyātsukhaṃ rāmasannidhim || 10||

इति आनन्दरामायणान्तरगतं श्रीसीतानवकं सम्पूर्णम् ।

iti ānandarāmāyaṇāntaragataṃ śrīsītānavakaṃ sampūrṇam |