श्यामलानवरत्नमालिकास्तवम् Shyamala Navaratnamalika Stavam

ध्यानश्लोकौकचाञ्चितविपञ्चिकां कुटिलकुन्तलालङ्कृतांकुशेशयनिवेशिनीं कुटिलचित्तविद्वेषिणीम् ।मदालसगतिप्रियां मनसिजारिराज्यश्रियंमतङ्गकुलकन्यकां मधुरभाषिणीमाश्रये ॥कुन्दमुकुलाग्रदन्तां कुङ्कुमपङ्केन लिप्तकुचभाराम् ।आनीलनीलदेहामम्बामखिलाण्डनायिकां वन्दे ॥अथ स्तोत्रम्ओङ्कारपञ्जरशुकीमुपनिषदुद्यानकेलीकलकण्ठीम् ।आगमविपिनमयूरीमार्यामन्तर्विभावये गौरीम् ॥ १॥

dhyānaślokaukacāñcitavipañcikāṃ kuṭilakuntalālaṅkṛtāṃkuśeśayaniveśinīṃ kuṭilacittavidveṣiṇīm |madālasagatipriyāṃ manasijārirājyaśriyaṃmataṅgakulakanyakāṃ madhurabhāṣiṇīmāśraye ||kundamukulāgradantāṃ kuṅkumapaṅkena liptakucabhārām |ānīlanīladehāmambāmakhilāṇḍanāyikāṃ vande ||atha stotramoṅkārapañjaraśukīmupaniṣadudyānakelīkalakaṇṭhīm |āgamavipinamayūrīmāryāmantarvibhāvaye gaurīm || 1||

दयमानदीर्घनयनां देशिकरूपेण दर्शिताभ्युदयाम् ।वामकुचनिहितवीणां वरदां सङ्गीतमातृकां वन्दे ॥ २॥

dayamānadīrghanayanāṃ deśikarūpeṇa darśitābhyudayām |vāmakucanihitavīṇāṃ varadāṃ saṅgītamātṛkāṃ vande || 2||

श्यामलिमसौकुमार्यां सौन्दर्यानन्दसम्पदुन्मेषांतरुणिमकरुणापूरां मदजलकल्लोललोचनां वन्दे ॥ ३॥

śyāmalimasaukumāryāṃ saundaryānandasampadunmeṣāṃtaruṇimakaruṇāpūrāṃ madajalakallolalocanāṃ vande || 3||

नखमुखमुखरितवीणानादरसास्वादनवनवोल्लासम् ।मुखमम्ब मोदयतु मां मुक्ताताटङ्कमुग्धहसितं ते ॥ ४॥

nakhamukhamukharitavīṇānādarasāsvādanavanavollāsam |mukhamamba modayatu māṃ muktātāṭaṅkamugdhahasitaṃ te || 4||

सरिगमपधनिरतां तां वीणासङ्क्रान्तकान्तहस्तान्ताम् ।शान्तां मृदुलस्वान्तां कुचभरतान्तां नमामि शिवकान्ताम् ॥ ५॥

sarigamapadhaniratāṃ tāṃ vīṇāsaṅkrāntakāntahastāntām |śāntāṃ mṛdulasvāntāṃ kucabharatāntāṃ namāmi śivakāntām || 5||

अवटुतटघटितचूलीताडिततालीपलाशताटङ्काम् ।वीणावादनलेशाकम्पितशीर्षां नमामि मातङ्गीम् ॥ ६॥

avaṭutaṭaghaṭitacūlītāḍitatālīpalāśatāṭaṅkām |vīṇāvādanaleśākampitaśīrṣāṃ namāmi mātaṅgīm || 6||

वीणारवानुषङ्गं विकचमुखाम्भोजमाधुरीभृङ्गम् ।करुणापूरतरङ्गं कलये मातङ्गकन्यकापाङ्गम् ॥ ७॥

vīṇāravānuṣaṅgaṃ vikacamukhāmbhojamādhurībhṛṅgam |karuṇāpūrataraṅgaṃ kalaye mātaṅgakanyakāpāṅgam || 7||

मेचकमासेचनकं मिथ्यादृष्टान्तमध्यभागं ते ।मातस्तव स्वरूपं मङ्गलसङ्गीतसौरभं वन्दे ॥ ८॥

mecakamāsecanakaṃ mithyādṛṣṭāntamadhyabhāgaṃ te |mātastava svarūpaṃ maṅgalasaṅgītasaurabhaṃ vande || 8||

मणिभङ्गमेचकाङ्गीं मातङ्गीं नौमि सिद्धमातङ्गीम् ।यौवनवनसारङ्गीं सङ्गीताम्भोरुहानुभवभृङ्गीम् ॥ ९॥

maṇibhaṅgamecakāṅgīṃ mātaṅgīṃ naumi siddhamātaṅgīm |yauvanavanasāraṅgīṃ saṅgītāmbhoruhānubhavabhṛṅgīm || 9||

नवरत्नमाल्यमेतद्रचितं मातङ्गकन्यकाऽऽभरणम् ।यः पठति भक्तियुक्तस्सफलस्स भवति शिवाकृपापात्रम् ॥ १०॥

navaratnamālyametadracitaṃ mātaṅgakanyakā''bharaṇam |yaḥ paṭhati bhaktiyuktassaphalassa bhavati śivākṛpāpātram || 10||

प्रपञ्चपञ्चीकृतकनिदानपदपांसवे ।वीणावेणुशुकालापप्रवीणमहसे नमः ॥ ११॥

prapañcapañcīkṛtakanidānapadapāṃsave |vīṇāveṇuśukālāpapravīṇamahase namaḥ || 11||

इति श्यामलानवरत्नमालिकास्तवः सम्पूर्णः ।

iti śyāmalānavaratnamālikāstavaḥ sampūrṇaḥ |