उमाष्टकम् Uma Ashtakam

ॐॐ नम उमा भगवत्यै ।चामरं दक्षिणे हस्ते कमलं चोत्तरे तथा ।रक्ताम्बरा दयामूर्तिः प्रसन्नोमास्तु सर्वदा ॥ १॥

oṃoṃ nama umā bhagavatyai |cāmaraṃ dakṣiṇe haste kamalaṃ cottare tathā |raktāmbarā dayāmūrtiḥ prasannomāstu sarvadā || 1||

सुवर्णसदृशीं गौरीं भुजद्वयसमन्विताम् ।नीलपद्मं हि वामेन पाणिना बिभ्रतीं सदा ॥ २॥

suvarṇasadṛśīṃ gaurīṃ bhujadvayasamanvitām |nīlapadmaṃ hi vāmena pāṇinā bibhratīṃ sadā || 2||

दिवाकरशतद्युतिं जननीं भुक्तिमुक्तिदाम ।सुमुखीं वरदां देवी सिंहस्थां परिपूजयेत् ॥ ३॥

divākaraśatadyutiṃ jananīṃ bhuktimuktidāma |sumukhīṃ varadāṃ devī siṃhasthāṃ paripūjayet || 3||

भक्ताय शिवरामाय स्नुषा ब्राहस्य सन्निधौ ।स्वप्ने स्वं दर्शयामास रूपं वैराग्यदं शुभम् ॥ ४॥

bhaktāya śivarāmāya snuṣā brāhasya sannidhau |svapne svaṃ darśayāmāsa rūpaṃ vairāgyadaṃ śubham || 4||

काकरूपा ततो देवी भक्तानुग्रहकाम्ययाओङ्काररूपसंभूता पञ्चधाऽभयदायिनी ॥ ५॥

kākarūpā tato devī bhaktānugrahakāmyayāoṅkārarūpasaṃbhūtā pañcadhā'bhayadāyinī || 5||

प्रादुर्भूता नदीरूपा भक्तानां फलदायिनी ।ओङ्काररूपसदृशी पञ्चधा दिव्यकुण्डजा ॥ ६॥

prādurbhūtā nadīrūpā bhaktānāṃ phaladāyinī |oṅkārarūpasadṛśī pañcadhā divyakuṇḍajā || 6||

भक्तः प्रभावयुक्तायाः स्वयमानन्दनामकः ।देव्या भवनं निर्मातुं शिलान्यासं चकार सः ॥ ७॥

bhaktaḥ prabhāvayuktāyāḥ svayamānandanāmakaḥ |devyā bhavanaṃ nirmātuṃ śilānyāsaṃ cakāra saḥ || 7||

ओङ्काररूपेण विराजमाना सा पूजकानां वरदायिनी च ।रक्ताम्बरा दिव्यवपुः उमाख्या सा ब्रह्मरूपा विजयस्य दात्री ॥ ८॥

oṅkārarūpeṇa virājamānā sā pūjakānāṃ varadāyinī ca |raktāmbarā divyavapuḥ umākhyā sā brahmarūpā vijayasya dātrī || 8||

इति उमाष्टकं सम्पूर्णम् ।रचयिता स्वामी स्वयमानन्दजी

iti umāṣṭakaṃ sampūrṇam |racayitā svāmī svayamānandajī