शिवास्तुतिः Shri Shivastutih

(शिष्याशीर्वचनात्मकस्तवाः)कालाहङ्कारनिर्वापणचणहृदयाम्भोजबालारुणाभेकायक्लेशादिहीनैरपि सुखसुलभैः सेवनैः प्रीयमाणे ।काणादाक्षाङ्घ्रिशेषप्रमुखबुधवरैश्चिन्त्यमानाङ्घ्रिपद्मेसर्वज्ञं श्रीनृसिंहं कुरु शिवदयिते सत्वरं मद्विनम्रम् ॥यत्पादाम्भःप्रभूतप्रणतिरतिजवात्कर्तुमीष्टे जगत्यांकादाचित्कापि मूकं सुरगुरुजयिनं वाग्भिरन्यादृशाभिः ।सा त्वं वेलाविहीनप्रसृमरकरुणापूरपूर्णैः कटाक्षैःसर्वज्ञं श्रीनृसिंहं कुरु शिवदयिते सत्वरं मद्विनम्रम् ॥ २॥

(śiṣyāśīrvacanātmakastavāḥ)kālāhaṅkāranirvāpaṇacaṇahṛdayāmbhojabālāruṇābhekāyakleśādihīnairapi sukhasulabhaiḥ sevanaiḥ prīyamāṇe |kāṇādākṣāṅghriśeṣapramukhabudhavaraiścintyamānāṅghripadmesarvajñaṃ śrīnṛsiṃhaṃ kuru śivadayite satvaraṃ madvinamram ||yatpādāmbhaḥprabhūtapraṇatiratijavātkartumīṣṭe jagatyāṃkādācitkāpi mūkaṃ suragurujayinaṃ vāgbhiranyādṛśābhiḥ |sā tvaṃ velāvihīnaprasṛmarakaruṇāpūrapūrṇaiḥ kaṭākṣaiḥsarvajñaṃ śrīnṛsiṃhaṃ kuru śivadayite satvaraṃ madvinamram || 2||

यां बोद्धुं शान्तिदान्तिप्रमुखगुणवरैः संयतन्ते यतीन्द्राःयस्याः कारुण्यलेशाज्जगति जनततिर्जन्ममृत्यू जहाति ।सा त्वं सच्चित्स्वरूपा शुकमुखमुनिभिश्विन्त्यमाना नितान्तंसर्वज्ञं श्रीनृसिंहं कुरु शिवदयिते सत्वरं मद्विनम्रम् ॥ ३॥

yāṃ boddhuṃ śāntidāntipramukhaguṇavaraiḥ saṃyatante yatīndrāḥyasyāḥ kāruṇyaleśājjagati janatatirjanmamṛtyū jahāti |sā tvaṃ saccitsvarūpā śukamukhamunibhiśvintyamānā nitāntaṃsarvajñaṃ śrīnṛsiṃhaṃ kuru śivadayite satvaraṃ madvinamram || 3||

विद्यानाथाब्जनेत्रप्रमुखसुरवराराध्यपादारविन्देविद्यादानप्रवीणे प्रणतजनमनोबोधदानव्रताढ्ये ।कायश्रीधिक्कृतोद्यद्दिनकरनिकरे चक्रराजासनस्थेसर्वज्ञं श्रीनृसिंहं कुरु शिवदयिते सत्वरं मद्विनम्रम् ॥ ४॥

vidyānāthābjanetrapramukhasuravarārādhyapādāravindevidyādānapravīṇe praṇatajanamanobodhadānavratāḍhye |kāyaśrīdhikkṛtodyaddinakaranikare cakrarājāsanasthesarvajñaṃ śrīnṛsiṃhaṃ kuru śivadayite satvaraṃ madvinamram || 4||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीशिवास्तुतिः समाप्ता ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīśivāstutiḥ samāptā |