शिवगिरिजास्तुतिः बृहद्बलकृता Shivagirija Stuti by Brihadbala

सुरेश्वरं निरीश्वरं गिरीश्वरं नटेश्वरंमहेश्वरं मयस्करं शिवं भजेय शङ्करम् ।भुजङ्गराजहारकं सुमारमारहारकंमहाविषाग्निधारकं भजे विमुक्तिदायकम् ॥ १॥

sureśvaraṃ nirīśvaraṃ girīśvaraṃ naṭeśvaraṃmaheśvaraṃ mayaskaraṃ śivaṃ bhajeya śaṅkaram |bhujaṅgarājahārakaṃ sumāramārahārakaṃmahāviṣāgnidhārakaṃ bhaje vimuktidāyakam || 1||

सुरारिवृन्ददुःखदं शुभाङ्गदं शुभास्पदंसुबद्धकर्ममोक्षदं भजे शिवं विमुक्तिदम् ।विधीन्द्रविष्णुसन्मुखं महागिरीन्द्रजासखंधनेशमुख्यसत्सखं भजे शिवं मदुन्मुखम् ॥ २॥

surārivṛndaduḥkhadaṃ śubhāṅgadaṃ śubhāspadaṃsubaddhakarmamokṣadaṃ bhaje śivaṃ vimuktidam |vidhīndraviṣṇusanmukhaṃ mahāgirīndrajāsakhaṃdhaneśamukhyasatsakhaṃ bhaje śivaṃ madunmukham || 2||

उमापतिं सभापतिं दिशाम्पतिं पशोर्पतिंगिराम्पतिं पतेर्पतिं भजे शिवं दिवस्पतिम् ॥ ३॥

umāpatiṃ sabhāpatiṃ diśāmpatiṃ paśorpatiṃgirāmpatiṃ paterpatiṃ bhaje śivaṃ divaspatim || 3||

दन्वित्वक्परिधान शङ्कर महादेवेश मा मा जहिविभ्रन्मेरुशरासनं हरिशरो हस्तेन जिघ्रन् शिरः ।तूर्णं तर्णकमेत्य प्रम्नुतपयः पूरा यथा गौर्भवेत्तद्वत्त्वं गिरिजामनोहर विभो हृत्पद्मसंस्थो मम ॥ ४॥

danvitvakparidhāna śaṅkara mahādeveśa mā mā jahivibhranmeruśarāsanaṃ hariśaro hastena jighran śiraḥ |tūrṇaṃ tarṇakametya pramnutapayaḥ pūrā yathā gaurbhavettadvattvaṃ girijāmanohara vibho hṛtpadmasaṃstho mama || 4||

त्वत्पादभ्रमरस्य भक्तिसुरसामोदाप्तये केवलम् ॥ ५॥

tvatpādabhramarasya bhaktisurasāmodāptaye kevalam || 5||

विष्णुवेदे च गीतस्त्वमसि भगवन् शङ्कर विभोसुधन्वा चापि त्वं त्वमसि भव विश्वाधिक भिषक् ।तमीशानं यक्ष्ये निखिलसुमनस्त्वाय च हरंनमामि त्वत्पादं शरणद शिवं स्तौमि वचसा ॥ ६॥

viṣṇuvede ca gītastvamasi bhagavan śaṅkara vibhosudhanvā cāpi tvaṃ tvamasi bhava viśvādhika bhiṣak |tamīśānaṃ yakṣye nikhilasumanastvāya ca haraṃnamāmi tvatpādaṃ śaraṇada śivaṃ staumi vacasā || 6||

उन्मत्तकुम्भिकरसन्निभकण्ठसंस्थ(उन्मत्तकुम्भिकरसन्निभोकुरु)कुम्भीनसोल्लसविलोलसुभूरिहारम् ।(कुम्भीनसोल्लासविलोलहारम्)कुम्भीन्द्रवक्त्रोज्ज्वलपुत्रवर्यंभजामि कुम्भोद्भवपूजिताङ्घ्रिम् ॥ ७॥

unmattakumbhikarasannibhakaṇṭhasaṃstha(unmattakumbhikarasannibhokuru)kumbhīnasollasavilolasubhūrihāram |(kumbhīnasollāsavilolahāram)kumbhīndravaktrojjvalaputravaryaṃbhajāmi kumbhodbhavapūjitāṅghrim || 7||

विद्रुमाधरनिराकृतबिम्बां वक्त्रनिर्जितसुधाकरबिम्बाम् ।ईश्वरीमनिशमात्तकदम्बां मन्मनः स्पृशतु तां जगदम्बाम् ॥ ८॥

vidrumādharanirākṛtabimbāṃ vaktranirjitasudhākarabimbām |īśvarīmaniśamāttakadambāṃ manmanaḥ spṛśatu tāṃ jagadambām || 8||

पादयोरवनतामरदारान् भक्तलोककलुषाद्विदारान् ।भावुकस्य हृदयाधिविहारान्मन्मनो भज जगत्पतिदारान् ॥ ९॥

pādayoravanatāmaradārān bhaktalokakaluṣādvidārān |bhāvukasya hṛdayādhivihārānmanmano bhaja jagatpatidārān || 9||

पापराशिषु शिखां भृशमौर्वीं विभ्रतीमधिकचं स्मरमौर्वीम् ।नेत्रपद्मजधनेषु सुगुर्वीं मन्मनः स्पृशतु तां हृदि गुर्वीम् ॥ १०॥

pāparāśiṣu śikhāṃ bhṛśamaurvīṃ vibhratīmadhikacaṃ smaramaurvīm |netrapadmajadhaneṣu sugurvīṃ manmanaḥ spṛśatu tāṃ hṛdi gurvīm || 10||

॥ इति शिवरहस्यान्तर्गते बृहद्बलकृता शिवगिरिजास्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः १७। १७२३, २५२७॥

|| iti śivarahasyāntargate bṛhadbalakṛtā śivagirijāstutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 17| 1723, 2527||

– ॥ श्रीशिवरहस्यम् ।भर्गाख्यः पन्चमांशः ।अध्यायः १७। १७-२३, २५-२७॥

– || śrīśivarahasyam |bhargākhyaḥ pancamāṃśaḥ |adhyāyaḥ 17| 17-23, 25-27||