शिवास्तोत्रम् Shivastotram

शिवारूपधरे देवि कामकालि नमोऽस्तु ते ।उल्कामुखि ललज्जिह्वे घोररावे शृगालिनि ॥ १॥

śivārūpadhare devi kāmakāli namo'stu te |ulkāmukhi lalajjihve ghorarāve śṛgālini || 1||

श्मशानवासिनि प्रेते शवमांसप्रियेऽनघे ।अरण्यचारिणि शिवे फेरो जम्बूकरूपिणि ॥ २॥

śmaśānavāsini prete śavamāṃsapriye'naghe |araṇyacāriṇi śive phero jambūkarūpiṇi || 2||

नमोऽस्तु ते महामाये जगत्तारिणि कालिके ।मातङ्गि कुक्कुटे रौद्रि कालकालि नमोऽस्तु ते ॥ ३॥ वर् कालिकालि

namo'stu te mahāmāye jagattāriṇi kālike |mātaṅgi kukkuṭe raudri kālakāli namo'stu te || 3|| var kālikāli

सर्वसिद्धिप्रदे देवि भयङ्करि भयावहे । वर् सर्वसिद्धिप्रदे भीमेप्रसन्ना भव देवेशि मम भक्तस्य कालिके ॥ ४॥

sarvasiddhiprade devi bhayaṅkari bhayāvahe | var sarvasiddhiprade bhīmeprasannā bhava deveśi mama bhaktasya kālike || 4||

संसारतारिणि जये जय सर्वशुभङ्करि ।विस्रस्तचिकुरे चण्डे चामुण्डे मुण्डमालिनि ॥ ५॥

saṃsāratāriṇi jaye jaya sarvaśubhaṅkari |visrastacikure caṇḍe cāmuṇḍe muṇḍamālini || 5||

संहारकारिणि क्रुद्धे सर्वसिद्धिं प्रयच्छ मे ।दुर्गे किराति शवरि प्रेतासनगतेऽभये ॥ ६॥

saṃhārakāriṇi kruddhe sarvasiddhiṃ prayaccha me |durge kirāti śavari pretāsanagate'bhaye || 6||

अनुग्रहं कुरु सदा कृपया मां विलोकय ।राज्यं प्रयच्छ विकटे वित्तमायुः सुतान् स्त्रियम् ॥ ७॥

anugrahaṃ kuru sadā kṛpayā māṃ vilokaya |rājyaṃ prayaccha vikaṭe vittamāyuḥ sutān striyam || 7||

शिवाबलिविधानेन प्रसन्ना भव फेरवे ।नमस्तेऽस्तु नमस्तेऽस्तु नमस्तेऽस्तु नमो नमः ॥ ८॥

śivābalividhānena prasannā bhava pherave |namaste'stu namaste'stu namaste'stu namo namaḥ || 8||

इत्येतैरष्टभिः श्लोकैः शिवास्तोत्रमुदीरयेत् ।इत्यादिनाथविरचितायां महाकालसंहितायां कामकलाखण्ड्यांउत्तरीभागे शिवाबलिप्रयोगो नामे चतुर्थपटलान्तर्गतंशिवास्तोत्रं सम्पूर्णम् ।णा

ityetairaṣṭabhiḥ ślokaiḥ śivāstotramudīrayet |ityādināthaviracitāyāṃ mahākālasaṃhitāyāṃ kāmakalākhaṇḍyāṃuttarībhāge śivābaliprayogo nāme caturthapaṭalāntargataṃśivāstotraṃ sampūrṇam |ṇā