देवीचतुःषष्ट्युपचारपूजास्तोत्रम् अथवा परा मानिसिका पूजा अथवा देवीमानसिकपूजा Devichatuhshashtyupacharapujastotram Athava Para Manisika Puja

देवीमानसिकपूजादेवीमानसपूजाॐ अथ श्री देवीचतुःषष्ट्युपचारपूजास्तोत्रम् ।उषसि मागधमङ्गलगायनैःझटिति जागृहि जागृहि जागृहि ।अतिकृपार्द्रकटाक्षनिऱीक्षणैःजगदिदं जगदम्ब सुखीकुरु ॥ १॥

devīmānasikapūjādevīmānasapūjāoṃ atha śrī devīcatuḥṣaṣṭyupacārapūjāstotram |uṣasi māgadhamaṅgalagāyanaiḥjhaṭiti jāgṛhi jāgṛhi jāgṛhi |atikṛpārdrakaṭākṣanirīkṣaṇaiḥjagadidaṃ jagadamba sukhīkuru || 1||

कनकमयवितर्दिशोभमानंदिशि दिशि पूर्णसुवर्णकुम्भयुक्तम् ।मणिमयमण्टपमध्यमेहि मातःमयि कृपयाशु समर्चनं ग्रहीतुम् ॥ २॥

kanakamayavitardiśobhamānaṃdiśi diśi pūrṇasuvarṇakumbhayuktam |maṇimayamaṇṭapamadhyamehi mātaḥmayi kṛpayāśu samarcanaṃ grahītum || 2||

कनककलशशोभमानशीर्षंजलधरलम्बि समुल्लसत्पताकम् ।भगवति तव संनिवासहेतोःमणिमयमन्दिरमेतदर्पयामि ॥ ३॥

kanakakalaśaśobhamānaśīrṣaṃjaladharalambi samullasatpatākam |bhagavati tava saṃnivāsahetoḥmaṇimayamandirametadarpayāmi || 3||

तपनीयमयी सुतूलिकाकमनीया मृदुलोत्तरच्छदा ।नवरत्नविभूषिता मयाशिबिकेयं जगदम्ब तेऽर्पिता ॥ ४॥

tapanīyamayī sutūlikākamanīyā mṛdulottaracchadā |navaratnavibhūṣitā mayāśibikeyaṃ jagadamba te'rpitā || 4||

कनकमयवितर्दिस्थापिते तूलिकाढयेविविधकुसुमकीर्णे कोटिबालार्कवर्णे ।भगवति रमणीये रत्नसिंहासनेऽस्मिन्उपविश पदयुग्मं हेमपीठे निधाय ॥ ५॥

kanakamayavitardisthāpite tūlikāḍhayevividhakusumakīrṇe koṭibālārkavarṇe |bhagavati ramaṇīye ratnasiṃhāsane'sminupaviśa padayugmaṃ hemapīṭhe nidhāya || 5||

मणिमौक्तिकनिर्मितं महान्तंकनकस्तम्भचतुष्टयेन युक्तम् ।कमनीयतमं भवानि तुभ्यंनवमुल्लोचमहं समर्पयामि ॥ ६॥

maṇimauktikanirmitaṃ mahāntaṃkanakastambhacatuṣṭayena yuktam |kamanīyatamaṃ bhavāni tubhyaṃnavamullocamahaṃ samarpayāmi || 6||

दूर्वया सरसिजान्वितविष्णुक्रान्तया च सहितं कुसुमाढ्यम् ।पद्मयुग्मसदृशे पदयुग्मेपाद्यमेतदुररीकुरु मातः ॥ ७॥

dūrvayā sarasijānvitaviṣṇukrāntayā ca sahitaṃ kusumāḍhyam |padmayugmasadṛśe padayugmepādyametadurarīkuru mātaḥ || 7||

गन्धपुष्पयवसर्षपदूर्वासंयुतं तिलकुशाक्षतमिश्रम् ।हेमपात्रनिहितं सह रत्नैःअध्यर्मेतदुररीकुरु मातः ॥ ८॥

gandhapuṣpayavasarṣapadūrvāsaṃyutaṃ tilakuśākṣatamiśram |hemapātranihitaṃ saha ratnaiḥadhyarmetadurarīkuru mātaḥ || 8||

जलजद्युतिना करेण जातीफलतक्कोललवङ्गगन्धयुक्तैः ।अमृतैरमृतैरिवातिशीतैःभगवत्याचमनं विधीयताम् ॥ ९॥

jalajadyutinā kareṇa jātīphalatakkolalavaṅgagandhayuktaiḥ |amṛtairamṛtairivātiśītaiḥbhagavatyācamanaṃ vidhīyatām || 9||

निहितं कनकस्य सम्पुटेपिहितं रत्नपिधानकेन यत् ।तदिदं जगदम्ब तेऽर्पितंमधुपर्कं जननि प्रगृह्यताम् ॥ १०॥

nihitaṃ kanakasya sampuṭepihitaṃ ratnapidhānakena yat |tadidaṃ jagadamba te'rpitaṃmadhuparkaṃ janani pragṛhyatām || 10||

एतच्चम्पकतैलमम्ब विविधैः पुष्पैः मुहुर्वासितंन्यस्तं रत्नमये सुवर्णचषके भृङ्गैः भ्रमद्भिः वृतम् ।सानन्दं सुरसुन्दरीभिरभितो हस्तैः धृतं ते मयाकेशेषु भ्रमरभ्रमेषु सकलेष्वङ्गेषु चालिप्यते ॥ ११॥

etaccampakatailamamba vividhaiḥ puṣpaiḥ muhurvāsitaṃnyastaṃ ratnamaye suvarṇacaṣake bhṛṅgaiḥ bhramadbhiḥ vṛtam |sānandaṃ surasundarībhirabhito hastaiḥ dhṛtaṃ te mayākeśeṣu bhramarabhrameṣu sakaleṣvaṅgeṣu cālipyate || 11||

मातः कुङ्कुमपङ्कनिर्मितमिदं देहे तवोद्वर्तनंभक्त्याहं कलयामि हेमरजसा संमिश्रितं केसरैः ।केशानामलकैः विशोध्य विशदान्कस्तूरिकोदञ्चितैःस्नानं ते नवरत्नकुम्भसहितैः संवासितोष्णोदकैः ॥ १२॥

mātaḥ kuṅkumapaṅkanirmitamidaṃ dehe tavodvartanaṃbhaktyāhaṃ kalayāmi hemarajasā saṃmiśritaṃ kesaraiḥ |keśānāmalakaiḥ viśodhya viśadānkastūrikodañcitaiḥsnānaṃ te navaratnakumbhasahitaiḥ saṃvāsitoṣṇodakaiḥ || 12||

दधिदुग्धघृतैः समाक्षिकैः सितया शर्करया समन्वितैः ।स्नपयामि तवाहमादराज्जननि त्वां पुनरुष्णवारिभिः ॥ १३॥

dadhidugdhaghṛtaiḥ samākṣikaiḥ sitayā śarkarayā samanvitaiḥ |snapayāmi tavāhamādarājjanani tvāṃ punaruṣṇavāribhiḥ || 13||

एलोशीरसुवासितैः सकुसुमैर्गङ्गादि तीर्थोदकैःमाणिक्यामलमौक्तिकामृतरसैः स्वच्छैः सुवर्णोदकैः ।मन्त्रान्वैदिकतान्त्रिकान्परिपठन्सानन्दमत्यादरात्स्नानं ते परिकल्पयामि जननि स्नेहात्त्वमङ्गीकुरु ॥ १४॥

elośīrasuvāsitaiḥ sakusumairgaṅgādi tīrthodakaiḥmāṇikyāmalamauktikāmṛtarasaiḥ svacchaiḥ suvarṇodakaiḥ |mantrānvaidikatāntrikānparipaṭhansānandamatyādarātsnānaṃ te parikalpayāmi janani snehāttvamaṅgīkuru || 14||

बालार्कद्युति दाडिमीयकुसुमप्रस्पर्धि सर्वोत्तमंमातस्त्वं परिधेहि दिव्यवसनं भक्त्या मया कल्पितम् ।मुक्ताभिः ग्रथितं सुकञ्चुकमिदं स्वीकृत्य पीतप्रभंतप्तस्वर्णसमानवर्णमतुलं प्रावर्णमङ्गीकुरु ॥ १५॥

bālārkadyuti dāḍimīyakusumapraspardhi sarvottamaṃmātastvaṃ paridhehi divyavasanaṃ bhaktyā mayā kalpitam |muktābhiḥ grathitaṃ sukañcukamidaṃ svīkṛtya pītaprabhaṃtaptasvarṇasamānavarṇamatulaṃ prāvarṇamaṅgīkuru || 15||

नवरत्नमये मयार्पितेकमनीये तपनीयपादुके ।सविलासमिदं पदद्वयंकृपया देवि तयोर्निधीयताम् ॥ १६॥

navaratnamaye mayārpitekamanīye tapanīyapāduke |savilāsamidaṃ padadvayaṃkṛpayā devi tayornidhīyatām || 16||

बहुभिरगरुधूपैः सादरं धूपयित्वाभगवति तव केशान्कङ्कतैर्मार्जयित्वा ।सुरभिभिररविन्दैश्चम्पकैश्चार्चयित्वाझटिति कनकसूत्रैर्जूटयन्वेष्टयामि ॥ १७॥

bahubhiragarudhūpaiḥ sādaraṃ dhūpayitvābhagavati tava keśānkaṅkatairmārjayitvā |surabhibhiraravindaiścampakaiścārcayitvājhaṭiti kanakasūtrairjūṭayanveṣṭayāmi || 17||

सौवीराञ्जनमिदमम्ब चक्षुषोस्तेविन्यस्तं कनकशलाकया मया यत् ।तन्न्यूनं मलिनमपि त्वदक्षिसङ्गात्ब्रह्मेन्द्राद्यभिलषणीयतामियाय ॥ १८॥

sauvīrāñjanamidamamba cakṣuṣostevinyastaṃ kanakaśalākayā mayā yat |tannyūnaṃ malinamapi tvadakṣisaṅgātbrahmendrādyabhilaṣaṇīyatāmiyāya || 18||

मञ्जीरे पदयोर्निधाय रुचिरां विन्यस्य काञ्चीं कटौमुक्ताहारमुरोजयोरनुपमां नक्षत्रमालां गले ।केयूराणि भुजेषु रत्नवलयश्रेणीं करेषु क्रमात्ताटङ्के तव कर्णयोर्विनिदधे शीर्षे च चूडामणिम् ॥ १९॥

mañjīre padayornidhāya rucirāṃ vinyasya kāñcīṃ kaṭaumuktāhāramurojayoranupamāṃ nakṣatramālāṃ gale |keyūrāṇi bhujeṣu ratnavalayaśreṇīṃ kareṣu kramāttāṭaṅke tava karṇayorvinidadhe śīrṣe ca cūḍāmaṇim || 19||

धम्मिल्ले तव देवि हेमकुसुमान्याधाय फालस्थलेमुक्ताराजिविराजमानतिलकं नासापुटे मौक्तिकम् ।मातर्मौक्तिकजालिकां च कुचयोः सर्वाङ्गुलीषूर्मिकाःकटयां काञ्चनकिङ्किणीर्विनिदधे रत्नावतंसं श्रुतौ ॥ २०॥

dhammille tava devi hemakusumānyādhāya phālasthalemuktārājivirājamānatilakaṃ nāsāpuṭe mauktikam |mātarmauktikajālikāṃ ca kucayoḥ sarvāṅgulīṣūrmikāḥkaṭayāṃ kāñcanakiṅkiṇīrvinidadhe ratnāvataṃsaṃ śrutau || 20||

मातः फालतले तवातिविमले काश्मीरकस्तूरिकाकर्पूरागरुभिः करोमि तिलकं देहेऽङ्गरागं ततः ।वक्षोजादिषु यक्षकर्दमरसं सिक्त्वा च पुष्पद्रवंपादौ चन्दनलेपनादिभिरहं सम्पूजयामि क्रमात् ॥ २१॥

mātaḥ phālatale tavātivimale kāśmīrakastūrikākarpūrāgarubhiḥ karomi tilakaṃ dehe'ṅgarāgaṃ tataḥ |vakṣojādiṣu yakṣakardamarasaṃ siktvā ca puṣpadravaṃpādau candanalepanādibhirahaṃ sampūjayāmi kramāt || 21||

रत्नाक्षतैस्त्वां परिपूजयामिमुक्ताफलैर्वा रुचिरैरविद्धैः ।अखण्डितैर्देवि यवादिभिर्वाकाश्मीरपङ्काङ्किततण्डुलैर्वा ॥ २२॥

ratnākṣataistvāṃ paripūjayāmimuktāphalairvā rucirairaviddhaiḥ |akhaṇḍitairdevi yavādibhirvākāśmīrapaṅkāṅkitataṇḍulairvā || 22||

जननि चम्पकतैलमिदं पुरोमृगमदोपयुतं पटवासकम् ।सुरभिगन्धमिदं च चतुःसमंसपदि सर्वमिदं परिगृह्यताम् ॥ २३॥

janani campakatailamidaṃ puromṛgamadopayutaṃ paṭavāsakam |surabhigandhamidaṃ ca catuḥsamaṃsapadi sarvamidaṃ parigṛhyatām || 23||

सीमन्ते ते भगवति मया सादरं न्यस्तमेतत्सिन्दूरं मे हृदयकमले हर्षवर्षं तनोति ।बालादित्यद्युतिरिव सदा लोहिता यस्य कान्तीरन्तर्ध्वान्तं हरति सकलं चेतसा चिन्तयैव ॥ २४॥

sīmante te bhagavati mayā sādaraṃ nyastametatsindūraṃ me hṛdayakamale harṣavarṣaṃ tanoti |bālādityadyutiriva sadā lohitā yasya kāntīrantardhvāntaṃ harati sakalaṃ cetasā cintayaiva || 24||

मन्दारकुन्दकरवीरलवङ्गपुष्पैःत्वां देवि सन्ततं अहं परिपूजयामि ।जातीजपावकुलचम्पककेतकादिनानाविधानि कुसुमानि च तेऽर्पयामि ॥ २५॥

mandārakundakaravīralavaṅgapuṣpaiḥtvāṃ devi santataṃ ahaṃ paripūjayāmi |jātījapāvakulacampakaketakādinānāvidhāni kusumāni ca te'rpayāmi || 25||

मालतीवकुलहेमपुष्पिकाकाञ्चनारकरवीरकैतकैः ।कर्णिकारगिरिकर्णिकादिभिःपूजयामि जगदम्ब ते वपुः ॥ २६॥

mālatīvakulahemapuṣpikākāñcanārakaravīrakaitakaiḥ |karṇikāragirikarṇikādibhiḥpūjayāmi jagadamba te vapuḥ || 26||

पारिजातशतपत्रपाटलैःमल्लिकावकुलचम्पकादिभिः ।अम्बुजैः सुकुसुमैश्च सादरंपूजयामि जगदम्ब ते वपुः ॥ २७॥

pārijātaśatapatrapāṭalaiḥmallikāvakulacampakādibhiḥ |ambujaiḥ sukusumaiśca sādaraṃpūjayāmi jagadamba te vapuḥ || 27||

लाक्षासंमिलितैः सिताभ्रसहितैः श्रीवाससंमिश्रितैःकर्पूराकलितैः शिरैर्मधुयुतैर्गोसर्पिषा लोडितैः ।श्रीखण्डागरुगुग्गुलुप्रभृतिभिर्नानाविधैर्वस्तुभिःधूपं ते परिकल्पयामि जननि स्नेहात्त्वमङ्गीकुरु ॥ २८॥

lākṣāsaṃmilitaiḥ sitābhrasahitaiḥ śrīvāsasaṃmiśritaiḥkarpūrākalitaiḥ śirairmadhuyutairgosarpiṣā loḍitaiḥ |śrīkhaṇḍāgarugugguluprabhṛtibhirnānāvidhairvastubhiḥdhūpaṃ te parikalpayāmi janani snehāttvamaṅgīkuru || 28||

रत्नालङ्कृतहेमपात्रनिहितैर्गोसर्पिषा लोडितैःदीपैर्दीर्घतरान्धकारभिदुरैर्बालार्ककोटिप्रभैः ।आताम्रज्वलदुज्ज्वलप्रविलसद्रत्नप्रदीपैस्तथामातस्त्वामहमादरादनुदिनं नीराजयाम्युच्चकैः ॥ २९॥

ratnālaṅkṛtahemapātranihitairgosarpiṣā loḍitaiḥdīpairdīrghatarāndhakārabhidurairbālārkakoṭiprabhaiḥ |ātāmrajvaladujjvalapravilasadratnapradīpaistathāmātastvāmahamādarādanudinaṃ nīrājayāmyuccakaiḥ || 29||

मातस्त्वां दधिदुग्धपायसमहाशाल्यन्नसन्तानिकाःसूपापूपसिताघृतैः सवटकैः सक्षौद्ररम्भाफलैः ।एलाजीरकहिङ्गुनागरनिशाकुस्तुम्भरीसंस्कृतैःशाकैः साकमहं सुधाधिकरसैः सन्तर्पयाम्यर्चयन् ॥ ३०॥

mātastvāṃ dadhidugdhapāyasamahāśālyannasantānikāḥsūpāpūpasitāghṛtaiḥ savaṭakaiḥ sakṣaudrarambhāphalaiḥ |elājīrakahiṅgunāgaraniśākustumbharīsaṃskṛtaiḥśākaiḥ sākamahaṃ sudhādhikarasaiḥ santarpayāmyarcayan || 30||

सापूपसूपदधिदुग्धसिताघृतानिसुस्वादुभक्तपरमान्नपुरःसराणि ।शाकोल्लसन्मरिचिजीरकबाह्निकानिभक्ष्याणि भुङ्क्ष्व जगदम्ब मयार्पितानि ॥ ३१॥

sāpūpasūpadadhidugdhasitāghṛtānisusvādubhaktaparamānnapuraḥsarāṇi |śākollasanmaricijīrakabāhnikānibhakṣyāṇi bhuṅkṣva jagadamba mayārpitāni || 31||

क्षीरमेतदिदंमुत्तमोत्तमंप्राज्यमाज्यमिदमुज्ज्वलं मधु ।मातरेतदमृतोपमं पयःसम्भ्रमेण परिपीयतां मुहुः ॥ ३२॥

kṣīrametadidaṃmuttamottamaṃprājyamājyamidamujjvalaṃ madhu |mātaretadamṛtopamaṃ payaḥsambhrameṇa paripīyatāṃ muhuḥ || 32||

उष्णोदकैः पाणियुगं मुखं चप्रक्षाल्य मातः कलधौतपात्रे ।कर्पूरमिश्रेण सकुङ्कुमेनहस्तौ समुद्वर्तय चन्दनेन ॥ ३३॥

uṣṇodakaiḥ pāṇiyugaṃ mukhaṃ caprakṣālya mātaḥ kaladhautapātre |karpūramiśreṇa sakuṅkumenahastau samudvartaya candanena || 33||

अतिशीतमुशीरवासितंतपनीये कलशे निवेशितम् ।पटपूतमिदं जितामृतंशुचि गङ्गाजलमम्ब पीयताम् ॥ ३४॥

atiśītamuśīravāsitaṃtapanīye kalaśe niveśitam |paṭapūtamidaṃ jitāmṛtaṃśuci gaṅgājalamamba pīyatām || 34||

जम्ब्वाम्ररम्भाफलसंयुतानिद्राक्षाफलक्षौद्रसमन्वितानि ।सनारिकेलानि सदाडिमानिफलानि ते देवि समर्पयामि ॥ ३५॥

jambvāmrarambhāphalasaṃyutānidrākṣāphalakṣaudrasamanvitāni |sanārikelāni sadāḍimāniphalāni te devi samarpayāmi || 35||

कूश्माण्डकोशातकिसंयुतानिजम्बीरनारङ्गसमन्वितानि ।सबीजपूराणि सबादराणिफलानि ते देवि समर्पयामि ॥ ३६॥

kūśmāṇḍakośātakisaṃyutānijambīranāraṅgasamanvitāni |sabījapūrāṇi sabādarāṇiphalāni te devi samarpayāmi || 36||

कर्पूरेण युतैर्लवङ्गसहितैस्तक्कोलचूर्णान्वितैःसुस्वादुक्रमुकैः सगौरखदिरैः सुस्निग्धजातीफलैः ।मातः कैतकपत्रपाण्डुरुचिभिस्ताम्बूलवल्लीदलैःसानन्दं मुखमण्डनार्थमतुलं ताम्बूलमङ्गीकुरु ॥ ३७॥

karpūreṇa yutairlavaṅgasahitaistakkolacūrṇānvitaiḥsusvādukramukaiḥ sagaurakhadiraiḥ susnigdhajātīphalaiḥ |mātaḥ kaitakapatrapāṇḍurucibhistāmbūlavallīdalaiḥsānandaṃ mukhamaṇḍanārthamatulaṃ tāmbūlamaṅgīkuru || 37||

एलालवङ्गादिसमन्वितानितक्कोलकर्पूरविमिश्रितानि ।ताम्बूलवल्लीदलसंयुतानिपूगानि ते देवि समर्पयामि ॥ ३८॥

elālavaṅgādisamanvitānitakkolakarpūravimiśritāni |tāmbūlavallīdalasaṃyutānipūgāni te devi samarpayāmi || 38||

ताम्बूलनिर्जितसुतप्तसुवर्णवर्णंस्वर्णाक्तपूगफलमौक्तिकचूर्णयुक्तम् ।सौवर्णपात्रनिहितं खदिरेन सार्धंताम्बूलमम्ब वदनाम्बुरुहे गृहाण ॥ ३९॥

tāmbūlanirjitasutaptasuvarṇavarṇaṃsvarṇāktapūgaphalamauktikacūrṇayuktam |sauvarṇapātranihitaṃ khadirena sārdhaṃtāmbūlamamba vadanāmburuhe gṛhāṇa || 39||

महति कनकपात्रे स्थापयित्वा विशालान्डमरुसदृशरूपान्बद्धगोधूमदीपान् ।बहुघृतमथ तेषु न्यस्य दीपान्प्रकृष्टान्भुवनजननि कुर्वे नित्यमारार्तिकं ते ॥ ४०॥

mahati kanakapātre sthāpayitvā viśālānḍamarusadṛśarūpānbaddhagodhūmadīpān |bahughṛtamatha teṣu nyasya dīpānprakṛṣṭānbhuvanajanani kurve nityamārārtikaṃ te || 40||

सविनयमथ दत्वा जानुयुग्मं धरण्यांसपदि शिरसि धृत्वा पात्रमारार्तिकस्य ।मुखकमलसमीपे तेऽम्ब सार्थं त्रिवारं वर् सार्धंभ्रमयति मयि भूयात्ते कृपार्द्रः कटाक्षः ॥ ४१॥

savinayamatha datvā jānuyugmaṃ dharaṇyāṃsapadi śirasi dhṛtvā pātramārārtikasya |mukhakamalasamīpe te'mba sārthaṃ trivāraṃ var sārdhaṃbhramayati mayi bhūyātte kṛpārdraḥ kaṭākṣaḥ || 41||

अथ बहुमणिमिश्रैर्मौक्तिकैस्त्वां विकीर्यत्रिभुवनकमनीयैः पूजयित्वा च वस्त्रैः ।मिलितविविधमुक्तां दिव्यमाणिक्ययुक्तांजननि कनकवृष्टिं दक्षिणां तेऽर्पयामि ॥ ४२॥

atha bahumaṇimiśrairmauktikaistvāṃ vikīryatribhuvanakamanīyaiḥ pūjayitvā ca vastraiḥ |militavividhamuktāṃ divyamāṇikyayuktāṃjanani kanakavṛṣṭiṃ dakṣiṇāṃ te'rpayāmi || 42||

मातः काञ्चनदण्डमण्डितमिदं पूर्णेन्दुबिम्बप्रभंनानारत्नविशोभिहेमकलशं लोकत्रयाह्लादकम् ।भास्वन्मौक्तिकजालिकापरिवृतं प्रीत्यात्महस्ते धृतंछत्रं ते परिकल्पयामि शिरसि त्वष्ट्रा स्वयं निर्मितम् ॥ ४३॥

mātaḥ kāñcanadaṇḍamaṇḍitamidaṃ pūrṇendubimbaprabhaṃnānāratnaviśobhihemakalaśaṃ lokatrayāhlādakam |bhāsvanmauktikajālikāparivṛtaṃ prītyātmahaste dhṛtaṃchatraṃ te parikalpayāmi śirasi tvaṣṭrā svayaṃ nirmitam || 43||

शरदिन्दुमरीचिगौरवर्णैर्मणिमुक्ताविलसत्सुवर्णदण्डैः ।जगदम्ब विचित्रचामरैस्त्वामहमानन्दभरेण बीजयामि ॥ ४४॥

śaradindumarīcigauravarṇairmaṇimuktāvilasatsuvarṇadaṇḍaiḥ |jagadamba vicitracāmaraistvāmahamānandabhareṇa bījayāmi || 44||

मार्ताण्डमण्डलनिभो जगदम्ब योऽयंभक्त्या मया मणिमयो मुकुरोऽर्पितस्ते ।पूर्णेन्दुबिम्बरुचिरं वदनं स्वकीयमस्मिन्विलोकय विलोलविलोचने त्वम् ॥ ४५॥

mārtāṇḍamaṇḍalanibho jagadamba yo'yaṃbhaktyā mayā maṇimayo mukuro'rpitaste |pūrṇendubimbaruciraṃ vadanaṃ svakīyamasminvilokaya vilolavilocane tvam || 45||

इन्द्रादयो नतिनतैर्मकुटप्रदीपैर्नीराजयन्ति सततं तव पादपीठम् ।तस्मादहं तव समस्तशरीरमेतन्नीराजयामि जगदम्ब सहस्रदीपैः ॥ ४६॥

indrādayo natinatairmakuṭapradīpairnīrājayanti satataṃ tava pādapīṭham |tasmādahaṃ tava samastaśarīrametannīrājayāmi jagadamba sahasradīpaiḥ || 46||

प्रियगतिरतितुङ्गो रत्नपल्याणयुक्तःकनकमयविभूषः स्निग्धगम्भीरघोषः ।भगवति कलितोऽयं वाहनार्थं मया तेतुरगशतसमेतो वायुवेगस्तुरङ्गः ॥ ४७॥

priyagatiratituṅgo ratnapalyāṇayuktaḥkanakamayavibhūṣaḥ snigdhagambhīraghoṣaḥ |bhagavati kalito'yaṃ vāhanārthaṃ mayā teturagaśatasameto vāyuvegasturaṅgaḥ || 47||

मधुकरवृतकुम्भन्यस्तसिन्दूररेणुःकनककलितघण्टाकिङ्कणीशोभिकण्ठः ।श्रवणयुगलचञ्चच्चामरो मेघतुल्योजननि तव मुदे स्यान्मत्तमातङ्ग एषः ॥ ४८॥

madhukaravṛtakumbhanyastasindūrareṇuḥkanakakalitaghaṇṭākiṅkaṇīśobhikaṇṭhaḥ |śravaṇayugalacañcaccāmaro meghatulyojanani tava mude syānmattamātaṅga eṣaḥ || 48||

द्रुततरतुरगैर्विराजमानंमणिमयचक्रचतुष्टयेन युक्तम् ।कनकमयममुं वितानवन्तंभगवति ते हि रथं समर्पयामि ॥ ४९॥

drutataraturagairvirājamānaṃmaṇimayacakracatuṣṭayena yuktam |kanakamayamamuṃ vitānavantaṃbhagavati te hi rathaṃ samarpayāmi || 49||

हयगजरथपत्तिशोभमानंदिशि दिशि दुन्दुभिमेघनादयुक्तम् ।अतिबहु चतुरङ्गसैन्यमेतद्भगवति भक्तिभरेण तेऽर्पयामि ॥ ५०॥

hayagajarathapattiśobhamānaṃdiśi diśi dundubhimeghanādayuktam |atibahu caturaṅgasainyametadbhagavati bhaktibhareṇa te'rpayāmi || 50||

परिघीकृतसप्तसागरंबहुसम्पत्सहितं मयाम्ब ते विपुलम् ।प्रबलं धरणीतलाभिधंदृढदुर्गं निखिलं समर्पयामि ॥ ५१॥ वर् समर्पितम्

parighīkṛtasaptasāgaraṃbahusampatsahitaṃ mayāmba te vipulam |prabalaṃ dharaṇītalābhidhaṃdṛḍhadurgaṃ nikhilaṃ samarpayāmi || 51|| var samarpitam

शतपत्रयुतैः स्वभावशीतैःअतिसौरभ्ययुतैः परागपीतैः ।भ्रमरीमुखरीकृतैरनन्तैःव्यजनैस्त्वां जगदम्ब वीजयामि ॥ ५२॥

śatapatrayutaiḥ svabhāvaśītaiḥatisaurabhyayutaiḥ parāgapītaiḥ |bhramarīmukharīkṛtairanantaiḥvyajanaistvāṃ jagadamba vījayāmi || 52||

भ्रमरलुलितलोलकुन्तलालीविगलितमाल्यविकीर्णरङ्गभूमिः ।इयमतिरुचिरा नटी नटन्तीतव हृदये मुदमातनोतु मातः ॥ ५३॥

bhramaralulitalolakuntalālīvigalitamālyavikīrṇaraṅgabhūmiḥ |iyamatirucirā naṭī naṭantītava hṛdaye mudamātanotu mātaḥ || 53||

मुखनयनविलासलोलवेणीविलसितनिर्जितलोलभृङ्गमालाः ।युवजनसुखकारिचारुलीलाभगवति ते पुरतो नटन्ति बालाः ॥ ५४॥

mukhanayanavilāsalolaveṇīvilasitanirjitalolabhṛṅgamālāḥ |yuvajanasukhakāricārulīlābhagavati te purato naṭanti bālāḥ || 54||

भ्रमदलिकुलतुल्यालोलधम्मिल्लभाराःस्मितमुखकमलोद्यद्दिव्यलावण्यपूराः ।अनुपमितसुवेषा वारयोषा नटन्तिपरभृतकलकण्ठ्यो देवि दैन्यं धुनोतु ॥ ५५॥

bhramadalikulatulyāloladhammillabhārāḥsmitamukhakamalodyaddivyalāvaṇyapūrāḥ |anupamitasuveṣā vārayoṣā naṭantiparabhṛtakalakaṇṭhyo devi dainyaṃ dhunotu || 55||

डमरुडिण्डिमजर्झरझल्लरीमृदुरवद्रगडद्द्रगडादयः ।झटिति झाङ्कृतझाङ्कृतझाङ्कृतैःबहुदयं हृदयं सुखयन्तु ते ॥ ५६॥

ḍamaruḍiṇḍimajarjharajhallarīmṛduravadragaḍaddragaḍādayaḥ |jhaṭiti jhāṅkṛtajhāṅkṛtajhāṅkṛtaiḥbahudayaṃ hṛdayaṃ sukhayantu te || 56||

विपञ्चीषु सप्तस्वरान्वादयन्त्यस्तव द्वारि गायन्ति गन्धर्वकन्याः ।क्षणं सावधानेन चित्तेन मातःसमाकर्णय त्वं मया प्रार्थितासि ॥ ५७॥

vipañcīṣu saptasvarānvādayantyastava dvāri gāyanti gandharvakanyāḥ |kṣaṇaṃ sāvadhānena cittena mātaḥsamākarṇaya tvaṃ mayā prārthitāsi || 57||

अभिनयकमनीयैर्नर्तनैर्नर्तकीनांक्षनमपि रमयित्वा चेत एतत्त्वदीयम् ।स्वयमहमतिचितैर्नृत्तवादित्रगीतैःभगवति भवदीयं मानसं रञ्जयामि ॥ ५८॥

abhinayakamanīyairnartanairnartakīnāṃkṣanamapi ramayitvā ceta etattvadīyam |svayamahamaticitairnṛttavāditragītaiḥbhagavati bhavadīyaṃ mānasaṃ rañjayāmi || 58||

तव देवि गुणानुवर्णनेचतुरा नो चतुराननादयः ।तदिहैकमुखेषु जन्तुषुस्तवनं कस्तव कर्तुमीश्वरः ॥ ५९॥

tava devi guṇānuvarṇanecaturā no caturānanādayaḥ |tadihaikamukheṣu jantuṣustavanaṃ kastava kartumīśvaraḥ || 59||

पदे पदे यत्परिपूजकेभ्यः सद्योऽश्वमेधादिफलं ददाति ।तत्सर्वपापक्षय हेतुभूतं प्रदक्षिणं ते परितः करोमि ॥ ६०॥

pade pade yatparipūjakebhyaḥ sadyo'śvamedhādiphalaṃ dadāti |tatsarvapāpakṣaya hetubhūtaṃ pradakṣiṇaṃ te paritaḥ karomi || 60||

रक्तोत्पलारक्तलताप्रभाभ्यां ध्वजोर्ध्वरेखाकुलिशाङ्किताभ्याम् ।अशेषवृन्दारकवन्दिताभ्यां नमो भवानीपदपङ्कजाभ्याम् ॥ ६१॥

raktotpalāraktalatāprabhābhyāṃ dhvajordhvarekhākuliśāṅkitābhyām |aśeṣavṛndārakavanditābhyāṃ namo bhavānīpadapaṅkajābhyām || 61||

चरणनलिनयुग्मं पङ्कजैः पूजयित्वाकनककमलमालां कण्ठदेशेऽर्पयित्वा ।शिरसि विनिहितोऽयं रत्नपुष्पाञ्जलिस्तेहृदयकमलमध्ये देवि हर्षं तनोतु ॥ ६२॥

caraṇanalinayugmaṃ paṅkajaiḥ pūjayitvākanakakamalamālāṃ kaṇṭhadeśe'rpayitvā |śirasi vinihito'yaṃ ratnapuṣpāñjalistehṛdayakamalamadhye devi harṣaṃ tanotu || 62||

अथ मणिमयञ्चकाभिरामेकनकमयवितानराजमाने ।प्रसरदगरुधूपधूपितेऽस्मिन्भगवति भवनेऽस्तु ते निवासः ॥ ६३॥

atha maṇimayañcakābhirāmekanakamayavitānarājamāne |prasaradagarudhūpadhūpite'sminbhagavati bhavane'stu te nivāsaḥ || 63||

एतस्मिन्मणिखचिते सुवर्णपीठेत्रैलोक्याभयवरदौ निधाय हस्तौ ।विस्तीर्णे मृदुलतरोत्तरच्छदेऽस्मिन्पर्यङ्के कनकमये निषीद मातः ॥ ६४॥

etasminmaṇikhacite suvarṇapīṭhetrailokyābhayavaradau nidhāya hastau |vistīrṇe mṛdulatarottaracchade'sminparyaṅke kanakamaye niṣīda mātaḥ || 64||

तव देवि सरोजचिह्नयोः पदयोर्निर्जितपद्मरागयोः ।अतिरक्ततरैरलक्तकैः पुनरुक्तां रचयामि रक्तताम् ॥ ६५॥

tava devi sarojacihnayoḥ padayornirjitapadmarāgayoḥ |atiraktatarairalaktakaiḥ punaruktāṃ racayāmi raktatām || 65||

अथ मातरुशीरवासितं निजताम्बूलरसेन रञ्जितम् ।तपनीयमये हि पट्टके मुखगण्डूषजलं विधीयताम् ॥ ६६॥

atha mātaruśīravāsitaṃ nijatāmbūlarasena rañjitam |tapanīyamaye hi paṭṭake mukhagaṇḍūṣajalaṃ vidhīyatām || 66||

क्षणमथ जगदम्ब मञ्चकेऽस्मिन्मृदुतलतूलिकया विराजमाने ।अतिरहसि मुदा शिवेन सार्धंसुखशयनं कुरु तत्र मां स्मरन्ती ॥ ६७॥

kṣaṇamatha jagadamba mañcake'sminmṛdutalatūlikayā virājamāne |atirahasi mudā śivena sārdhaṃsukhaśayanaṃ kuru tatra māṃ smarantī || 67||

मुक्ताकुन्देन्दुगौरां मणिमयकुटां रत्नताटङ्कयुक्तामक्षस्रक्पुष्पहस्तामभयवरकरां चन्द्रचूडां त्रिनेत्राम् ।नानालङ्कारयुक्तां सुरमकुटमणिद्योतितस्वर्णपीठांसानन्दां सुप्रसन्नां त्रिभुवनजननीं चेतसा चिन्तयामि ॥ ६८॥

muktākundendugaurāṃ maṇimayakuṭāṃ ratnatāṭaṅkayuktāmakṣasrakpuṣpahastāmabhayavarakarāṃ candracūḍāṃ trinetrām |nānālaṅkārayuktāṃ suramakuṭamaṇidyotitasvarṇapīṭhāṃsānandāṃ suprasannāṃ tribhuvanajananīṃ cetasā cintayāmi || 68||

एषा भक्त्या तव विरचिता या मया देवि पूजास्वीकृत्यैनां सपदि सकलान्मेऽपराधान्क्षमस्व ।न्यूनं यत्तत्तव करुणया पूर्णतामेतु सद्यःसानन्दं मे हृदयकमले तेऽस्तु नित्यं निवासः ॥ ६९॥

eṣā bhaktyā tava viracitā yā mayā devi pūjāsvīkṛtyaināṃ sapadi sakalānme'parādhānkṣamasva |nyūnaṃ yattattava karuṇayā pūrṇatāmetu sadyaḥsānandaṃ me hṛdayakamale te'stu nityaṃ nivāsaḥ || 69||

पूजामिमां यः पठति प्रभातेमध्याह्नकाले यदि वा प्रदोषे ।ध्रमार्थकामान्पुरुषोऽभ्युपैतिदेहावसाने शिवभावमेति ॥ ७०॥

pūjāmimāṃ yaḥ paṭhati prabhātemadhyāhnakāle yadi vā pradoṣe |dhramārthakāmānpuruṣo'bhyupaitidehāvasāne śivabhāvameti || 70||

पूजामिमां पठेन्नित्यं पूजां कर्तुमनीश्वरः ।पूजाफलमवाप्नोति वाञ्छितार्थं च विन्दति ॥ ७१॥

pūjāmimāṃ paṭhennityaṃ pūjāṃ kartumanīśvaraḥ |pūjāphalamavāpnoti vāñchitārthaṃ ca vindati || 71||

प्रत्यहं भक्तिसंयुक्तो यः पूजनमिदं पठेत् ।वाग्वादिन्याः प्रसादेन वत्सरात्स कविर्भवेत् ॥ ७२॥

pratyahaṃ bhaktisaṃyukto yaḥ pūjanamidaṃ paṭhet |vāgvādinyāḥ prasādena vatsarātsa kavirbhavet || 72||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छङ्करभगवतः कृतौदेवीचतुःषष्ट्युपचारपूजास्तोत्रं सम्पूर्णम् ॥

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṅkarabhagavataḥ kṛtaudevīcatuḥṣaṣṭyupacārapūjāstotraṃ sampūrṇam ||