गौरीदशकम् अथवा गौरी स्तुतिः Gauridashakam

॥ श्रीः ॥लीलालब्धस्थापितलुप्ताखिललोकांलोकातीतैर्योगिभिरन्तश्चिरमृग्याम् ।बालादित्यश्रेणिसमानद्युतिपुञ्जांगौरीममम्बामम्बुरुहाक्षीमहमीडे ॥ १॥

|| śrīḥ ||līlālabdhasthāpitaluptākhilalokāṃlokātītairyogibhirantaściramṛgyām |bālādityaśreṇisamānadyutipuñjāṃgaurīmamambāmamburuhākṣīmahamīḍe || 1||

प्रत्याहारध्यानसमाधिस्थितिभाजांनित्यं चित्ते निर्वृतिकाष्ठां कलयन्तीम् ।सत्यज्ञानानन्दमयीं तां तनुरूपांगौरीमम्बामम्बुरुहाक्षीमहमीडे ॥ २॥

pratyāhāradhyānasamādhisthitibhājāṃnityaṃ citte nirvṛtikāṣṭhāṃ kalayantīm |satyajñānānandamayīṃ tāṃ tanurūpāṃgaurīmambāmamburuhākṣīmahamīḍe || 2||

चन्द्रापीडानन्दितमन्दस्मितवक्त्रांचन्द्रापीडालंकृतनीलालकभाराम् ।इन्द्रोपेन्द्राद्यर्चितपादाम्बुजयुग्मांगौरीमम्बामम्बुरुहाक्षीमहमीडे ॥ ३॥

candrāpīḍānanditamandasmitavaktrāṃcandrāpīḍālaṃkṛtanīlālakabhārām |indropendrādyarcitapādāmbujayugmāṃgaurīmambāmamburuhākṣīmahamīḍe || 3||

आदिक्षान्तामक्षरमूर्त्या विलसन्तींभूते भूते भूतकदम्बप्रसवित्रीम् ।शब्दब्रह्मानन्दमयीं तां तटिदाभांगौरीमम्बामम्बुरुहाक्षीमहमीडे ॥ ४॥

ādikṣāntāmakṣaramūrtyā vilasantīṃbhūte bhūte bhūtakadambaprasavitrīm |śabdabrahmānandamayīṃ tāṃ taṭidābhāṃgaurīmambāmamburuhākṣīmahamīḍe || 4||

मूलाधारादुत्थितवीथ्या विधिरन्ध्रंसौरं चान्द्रं व्याप्य विहारज्वलिताङ्गीम् ।येयं सूक्ष्मात्सूक्ष्मतनुस्तां सुखरूपांगौरीमम्बामम्बुरुहाक्षीमहमीडे ॥ ५॥

mūlādhārādutthitavīthyā vidhirandhraṃsauraṃ cāndraṃ vyāpya vihārajvalitāṅgīm |yeyaṃ sūkṣmātsūkṣmatanustāṃ sukharūpāṃgaurīmambāmamburuhākṣīmahamīḍe || 5||

नित्यः शुद्धो निष्कल एको जगदीशःसाक्षी यस्याः सर्गविधौ संहरणे च ।विश्वत्राणक्रीडनलोलां शिवपत्नींगौरीमम्बामम्बुरुहाक्षीमहमीडे ॥ ६॥

nityaḥ śuddho niṣkala eko jagadīśaḥsākṣī yasyāḥ sargavidhau saṃharaṇe ca |viśvatrāṇakrīḍanalolāṃ śivapatnīṃgaurīmambāmamburuhākṣīmahamīḍe || 6||

यस्याः कुक्षौ लीनमखण्डं जगदण्डंभूयो भूयः प्रादुरभूदुत्थितमेव ।पत्या सार्धं तां रजताद्रौ विहरन्तींगौरीमम्बामम्बुरुहाक्षीमहमीडे ॥ ७॥

yasyāḥ kukṣau līnamakhaṇḍaṃ jagadaṇḍaṃbhūyo bhūyaḥ prādurabhūdutthitameva |patyā sārdhaṃ tāṃ rajatādrau viharantīṃgaurīmambāmamburuhākṣīmahamīḍe || 7||

यस्यामोतं प्रोतमशेषं मणिमालासूत्रे यद्वत्क्कापि चरं चाप्यचरं च ।तामध्यात्मज्ञानपदव्या गमनीयांगौरीमम्बामम्बुरुहाक्षीमहमीडे ॥ ८॥

yasyāmotaṃ protamaśeṣaṃ maṇimālāsūtre yadvatkkāpi caraṃ cāpyacaraṃ ca |tāmadhyātmajñānapadavyā gamanīyāṃgaurīmambāmamburuhākṣīmahamīḍe || 8||

नानाकारैः शक्तिकदम्बैर्भुवनानिव्याप्य स्वैरं क्रीडति येयं स्वयमेका ।कल्याणीं तां कल्पलतामानतिभाजांगौरीमम्बामम्बुरुहाक्षीमहमीडे ॥ ९॥

nānākāraiḥ śaktikadambairbhuvanānivyāpya svairaṃ krīḍati yeyaṃ svayamekā |kalyāṇīṃ tāṃ kalpalatāmānatibhājāṃgaurīmambāmamburuhākṣīmahamīḍe || 9||

आशापाशक्लेशविनाशं विदधानांपादाम्भोजध्यानपराणां पुरुषाणाम् ।ईशामीशार्धाङ्गहरां तामभिरामांगौरीमम्बामम्बुरुहाक्षीमहमीडे ॥ १०॥

āśāpāśakleśavināśaṃ vidadhānāṃpādāmbhojadhyānaparāṇāṃ puruṣāṇām |īśāmīśārdhāṅgaharāṃ tāmabhirāmāṃgaurīmambāmamburuhākṣīmahamīḍe || 10||

प्रातःकाले भावविशुद्धः प्रणिधानाद्भक्त्या नित्यं जल्पति गौरिदशकं यः ।वाचां सिद्धिं सम्पदमग्र्यां शिवभक्तिं (सम्पदं उच्चैः)तस्यावश्यं पर्वतपुत्री विदधाति ॥ ११॥

prātaḥkāle bhāvaviśuddhaḥ praṇidhānādbhaktyā nityaṃ jalpati gauridaśakaṃ yaḥ |vācāṃ siddhiṃ sampadamagryāṃ śivabhaktiṃ (sampadaṃ uccaiḥ)tasyāvaśyaṃ parvataputrī vidadhāti || 11||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छंकरभगवतः कृतौगौरीदशकं सम्पूर्णम् ॥

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṃkarabhagavataḥ kṛtaugaurīdaśakaṃ sampūrṇam ||