अर्धनारीश्वर्यष्टोत्तरशतनामस्तोत्रम् Ardhanarishvari Ashtottarashatanama Stotram

श्रीगणेशाय नमः ॥ॐ चामुण्डिकाम्बा श्रीकण्ठः पार्वती परमेश्वरः ।महाराज्ञीमहादेवस्सदाराध्या सदाशिवः ॥ १॥

śrīgaṇeśāya namaḥ ||oṃ cāmuṇḍikāmbā śrīkaṇṭhaḥ pārvatī parameśvaraḥ |mahārājñīmahādevassadārādhyā sadāśivaḥ || 1||

शिवार्धाङ्गी शिवार्धाङ्गो भैरवी कालभैरवः ।शक्तित्रितयरूपाढ्या मूर्तित्रितयरूपवान् ॥ २॥

śivārdhāṅgī śivārdhāṅgo bhairavī kālabhairavaḥ |śaktitritayarūpāḍhyā mūrtitritayarūpavān || 2||

कामकोटिसुपीठस्था काशीक्षेत्रसमाश्रयः ।दाक्षायणी दक्षवैरी शूलिनि शूलधारकः ॥ ३॥

kāmakoṭisupīṭhasthā kāśīkṣetrasamāśrayaḥ |dākṣāyaṇī dakṣavairī śūlini śūladhārakaḥ || 3||

ह्रीङ्कारपञ्जरशुकी हरिशङ्कररूपवान् ।श्रीमदग्नेशजननी षडाननसुजन्मभूः ॥ ४॥

hrīṅkārapañjaraśukī hariśaṅkararūpavān |śrīmadagneśajananī ṣaḍānanasujanmabhūḥ || 4||

पञ्चप्रेतासनारूढा पञ्चब्रह्मस्वरूपभ्रृत् ।चण्डमुण्डशिरश्छेत्री जलन्धरशिरोहरः ॥ ५॥

pañcapretāsanārūḍhā pañcabrahmasvarūpabhrṛt |caṇḍamuṇḍaśiraśchetrī jalandharaśiroharaḥ || 5||

सिंहवाहा वृषारूढः श्यामाभा स्फटिकप्रभः ।महिषासुरसंहर्त्री गजासुरविमर्दनः ॥ ६॥

siṃhavāhā vṛṣārūḍhaḥ śyāmābhā sphaṭikaprabhaḥ |mahiṣāsurasaṃhartrī gajāsuravimardanaḥ || 6||

महाबलाचलावासा महाकैलासवासभूः ।भद्रकाली वीरभद्रो मीनाक्षी सुन्दरेश्वरः ॥ ७॥

mahābalācalāvāsā mahākailāsavāsabhūḥ |bhadrakālī vīrabhadro mīnākṣī sundareśvaraḥ || 7||

भण्डासुरादिसंहर्त्री दुष्टान्धकविमर्दनः ।मधुकैटभसंहर्त्री मधुरापुरनायकः ॥ ८॥

bhaṇḍāsurādisaṃhartrī duṣṭāndhakavimardanaḥ |madhukaiṭabhasaṃhartrī madhurāpuranāyakaḥ || 8||

कालत्रयस्वरूपाढ्या कार्यत्रयविधायकः ।गिरिजाता गिरीशश्च वैष्णवी विष्णुवल्लभः ॥ ९॥

kālatrayasvarūpāḍhyā kāryatrayavidhāyakaḥ |girijātā girīśaśca vaiṣṇavī viṣṇuvallabhaḥ || 9||

विशालाक्षी विश्वनाधः पुष्पास्त्रा विष्णुमार्गणः ।कौसुम्भवसनोपेता व्याघ्रचर्माम्बरावृतः ॥ १०॥

viśālākṣī viśvanādhaḥ puṣpāstrā viṣṇumārgaṇaḥ |kausumbhavasanopetā vyāghracarmāmbarāvṛtaḥ || 10||

मूलप्रकृतिरूपाढ्या परब्रह्मस्वरूपवान् ।रुण्डमालाविभूषाढ्या लसद्रुद्राक्षमालिकः ॥ ११॥

mūlaprakṛtirūpāḍhyā parabrahmasvarūpavān |ruṇḍamālāvibhūṣāḍhyā lasadrudrākṣamālikaḥ || 11||

मनोरूपेक्षुकोदण्ड महामेरुधनुर्धरः ।चन्द्रचूडा चन्द्रमौलिर्महामाया महेश्वरः ॥ १२॥

manorūpekṣukodaṇḍa mahāmerudhanurdharaḥ |candracūḍā candramaulirmahāmāyā maheśvaraḥ || 12||

महाकाली महाकालो दिव्यरूपा दिगम्बरः ।बिन्दुपीठसुखासीना श्रीमदोङ्कारपीठगः ॥ १३॥

mahākālī mahākālo divyarūpā digambaraḥ |bindupīṭhasukhāsīnā śrīmadoṅkārapīṭhagaḥ || 13||

हरिद्राकुङ्कुमालिप्ता भस्मोद्धूलितविग्रहः ।महापद्माटवीलोला महाबिल्वाटवीप्रियः ॥ १४॥

haridrākuṅkumāliptā bhasmoddhūlitavigrahaḥ |mahāpadmāṭavīlolā mahābilvāṭavīpriyaḥ || 14||

सुधामयी विषधरो मातङ्गी मुकुटेश्वरः ।वेदवेद्या वेदवाजी चक्रेशी विष्णुचक्रदः ॥ १५॥

sudhāmayī viṣadharo mātaṅgī mukuṭeśvaraḥ |vedavedyā vedavājī cakreśī viṣṇucakradaḥ || 15||

जगन्मयी जगद्रूपो मृडानी मृत्युनाशनः ।रामार्चितपदाम्भोजा कृष्णपुत्रवरप्रदः ॥ १६॥

jaganmayī jagadrūpo mṛḍānī mṛtyunāśanaḥ |rāmārcitapadāmbhojā kṛṣṇaputravarapradaḥ || 16||

रमावाणीसुसंसेव्या विष्णुब्रह्मसुसेवितः ।सूर्यचन्द्राग्निनयना तेजस्त्रयविलोचनः ॥ १७॥

ramāvāṇīsusaṃsevyā viṣṇubrahmasusevitaḥ |sūryacandrāgninayanā tejastrayavilocanaḥ || 17||

चिदग्निकुण्डसम्भूता महालिङ्गसमुद्भवः ।कम्बुकण्ठी कालकण्ठी वज्रेशी वज्रपूजितः ॥ १८॥

cidagnikuṇḍasambhūtā mahāliṅgasamudbhavaḥ |kambukaṇṭhī kālakaṇṭhī vajreśī vajrapūjitaḥ || 18||

त्रिकण्टकी त्रिभङ्गीशः भस्मरक्षा स्मरान्तकः ।हयग्रीववरोद्धात्री मार्कण्डेयवरप्रदः ॥ १९॥

trikaṇṭakī tribhaṅgīśaḥ bhasmarakṣā smarāntakaḥ |hayagrīvavaroddhātrī mārkaṇḍeyavarapradaḥ || 19||

चिन्तामणिगृहावासा मन्दराचलमन्दिरः ।विन्ध्याचलकृतावासा विन्ध्यशैलार्यपूजितः ॥ २०॥

cintāmaṇigṛhāvāsā mandarācalamandiraḥ |vindhyācalakṛtāvāsā vindhyaśailāryapūjitaḥ || 20||

मनोन्मनी लिङ्गरूपो जगदम्बा जगत्पिता ।योगनिद्रा योगगम्यो भवानी भवमूर्तिमान् ॥ २१॥

manonmanī liṅgarūpo jagadambā jagatpitā |yoganidrā yogagamyo bhavānī bhavamūrtimān || 21||

श्रीचक्रात्मरथारूढा धरणीधरसंस्थितःश्रीविद्यावेद्यमहिमा निगमागमसंश्रयः ॥ २२॥

śrīcakrātmarathārūḍhā dharaṇīdharasaṃsthitaḥśrīvidyāvedyamahimā nigamāgamasaṃśrayaḥ || 22||

दशशीर्षसमायुक्ता पञ्चविंशतिशीर्षवान् ।अष्टादशभुजायुक्ता पञ्चाशत्करमण्डितः ॥ २३॥

daśaśīrṣasamāyuktā pañcaviṃśatiśīrṣavān |aṣṭādaśabhujāyuktā pañcāśatkaramaṇḍitaḥ || 23||

ब्राह्म्यादिमातृकारूपा शताष्टेकादशात्मवान् ।स्थिरा स्थाणुस्तथा बाला सद्योजात उमा मृडः ॥ २४॥

brāhmyādimātṛkārūpā śatāṣṭekādaśātmavān |sthirā sthāṇustathā bālā sadyojāta umā mṛḍaḥ || 24||

शिवा शिवश्च रुद्राणी रुद्रश्छैवेश्वरीश्वरः ।कदम्बकाननावासा दारुकारण्यलोलुपः ॥ २५॥

śivā śivaśca rudrāṇī rudraśchaiveśvarīśvaraḥ |kadambakānanāvāsā dārukāraṇyalolupaḥ || 25||

नवाक्षरीमनुस्तुत्या पञ्चाक्षरमनुप्रियः ।नवावरणसम्पूज्या पञ्चायतनपूजितः ॥ २६॥

navākṣarīmanustutyā pañcākṣaramanupriyaḥ |navāvaraṇasampūjyā pañcāyatanapūjitaḥ || 26||

देहस्थषट्चक्रदेवी दहराकाशमध्यगः ।योगिनीगणसंसेव्या भृङ्ग्यादिप्रमथावृतः ॥ २७॥

dehasthaṣaṭcakradevī daharākāśamadhyagaḥ |yoginīgaṇasaṃsevyā bhṛṅgyādipramathāvṛtaḥ || 27||

उग्रतारा घोररूपश्शर्वाणी शर्वमूर्तिमान् ।नागवेणी नागभूषो मन्त्रिणी मन्त्रदैवतः ॥ २८॥

ugratārā ghorarūpaśśarvāṇī śarvamūrtimān |nāgaveṇī nāgabhūṣo mantriṇī mantradaivataḥ || 28||

ज्वलज्जिह्वा ज्वलन्नेत्रो दण्डनाथा दृगायुधः ।पार्थाञ्जनास्त्रसन्दात्री पार्थपाशुपतास्त्रदः ॥ २९॥

jvalajjihvā jvalannetro daṇḍanāthā dṛgāyudhaḥ |pārthāñjanāstrasandātrī pārthapāśupatāstradaḥ || 29||

पुष्पवच्चक्रताटङ्का फणिराजसुकुण्डलः ।बाणपुत्रीवरोद्धात्री बाणासुरवरप्रदः ॥ ३०॥

puṣpavaccakratāṭaṅkā phaṇirājasukuṇḍalaḥ |bāṇaputrīvaroddhātrī bāṇāsuravarapradaḥ || 30||

व्यालकञ्चुकसंवीता व्यालयज्ञोपवीतवान् ।नवलावण्यरूपाढ्या नवयौवनविग्रहः ॥ ३१॥

vyālakañcukasaṃvītā vyālayajñopavītavān |navalāvaṇyarūpāḍhyā navayauvanavigrahaḥ || 31||

नाट्यप्रिया नाट्यमूर्तिस्त्रिसन्ध्या त्रिपुरान्तकः ।तन्त्रोपचारसुप्रीता तन्त्रादिमविधायकः ॥ ३२॥

nāṭyapriyā nāṭyamūrtistrisandhyā tripurāntakaḥ |tantropacārasuprītā tantrādimavidhāyakaḥ || 32||

नववल्लीष्टवरदा नववीरसुजन्मभूः ।भ्रमरज्या वासुकिज्यो भेरुण्डा भीमपूजितः ॥ ३३॥

navavallīṣṭavaradā navavīrasujanmabhūḥ |bhramarajyā vāsukijyo bheruṇḍā bhīmapūjitaḥ || 33||

निशुम्भशुम्भदमनी नीचापस्मारमर्दनः ।सहस्राम्बुजारूढा सहस्रकमलार्चितः ॥ ३४॥

niśumbhaśumbhadamanī nīcāpasmāramardanaḥ |sahasrāmbujārūḍhā sahasrakamalārcitaḥ || 34||

गङ्गासहोदरी गङ्गाधरो गौरी त्र्यम्बकः ।श्रीशैलभ्रमराम्बाख्या मल्लिकार्जुनपूजितः ॥ ३५॥

gaṅgāsahodarī gaṅgādharo gaurī tryambakaḥ |śrīśailabhramarāmbākhyā mallikārjunapūjitaḥ || 35||

भवतापप्रशमनी भवरोगनिवारकः ।चन्द्रमण्डलमध्यस्था मुनिमानसहंसकः ॥ ३६॥

bhavatāpapraśamanī bhavaroganivārakaḥ |candramaṇḍalamadhyasthā munimānasahaṃsakaḥ || 36||

प्रत्यङ्गिरा प्रसन्नात्मा कामेशी कामरूपवान् ।स्वयम्प्रभा स्वप्रकाशः कालरात्री कृतान्तहृत् ॥ ३७॥

pratyaṅgirā prasannātmā kāmeśī kāmarūpavān |svayamprabhā svaprakāśaḥ kālarātrī kṛtāntahṛt || 37||

सदान्नपूर्णा भिक्षाटो वनदुर्गा वसुप्रदः ।सर्वचैतन्यरूपाढ्या सच्चिदानन्दविग्रहः ॥ ३८॥

sadānnapūrṇā bhikṣāṭo vanadurgā vasupradaḥ |sarvacaitanyarūpāḍhyā saccidānandavigrahaḥ || 38||

सर्वमङ्गलरूपाढ्या सर्वकल्याणदायकः ।राजेराजेश्वरी श्रीमद्राजराजप्रियङ्करः ॥ ३९॥

sarvamaṅgalarūpāḍhyā sarvakalyāṇadāyakaḥ |rājerājeśvarī śrīmadrājarājapriyaṅkaraḥ || 39||

अर्धनारीश्वरस्येदं नाम्नामष्टोत्तरं शतम् ।पठन्नर्चन्सदा भक्त्या सर्वसाम्राज्यमाप्नुयात् ॥ ४०॥

ardhanārīśvarasyedaṃ nāmnāmaṣṭottaraṃ śatam |paṭhannarcansadā bhaktyā sarvasāmrājyamāpnuyāt || 40||

इति स्कान्दमहापुराणे अर्धनीरीश्वर्यष्टोत्तरशतनामस्तोत्रं सम्पूर्णम् ।

iti skāndamahāpurāṇe ardhanīrīśvaryaṣṭottaraśatanāmastotraṃ sampūrṇam |