अम्बास्तवम् Ambastavam

अम्बिके! प्रणमामि त्वामायरे ग्रामदेवते ।सर्वशक्ते, प्रसीद त्वं सच्चिदानन्दरूपिणि ॥ १॥

ambike! praṇamāmi tvāmāyare grāmadevate |sarvaśakte, prasīda tvaṃ saccidānandarūpiṇi || 1||

ग्रामरक्षाबद्धदीक्षे, ग्रामपुष्टिप्रदायिनि! ।आपन्निवारके देवि! दयामयि, नमोऽस्तु ते ॥ २॥

grāmarakṣābaddhadīkṣe, grāmapuṣṭipradāyini! |āpannivārake devi! dayāmayi, namo'stu te || 2||

प्रसन्नकरुणापूर्णविलोलनयनाम्बुजाम् ।आकुञ्चितमनोहारिस्फुरच्चिल्लीमत्लिकाम् ॥ ३॥

prasannakaruṇāpūrṇavilolanayanāmbujām |ākuñcitamanohārisphuraccillīmatlikām || 3||

सिन्दूरतिलकोद्भासिविशालनिटिलाञ्चिताम् ।कपोलबिम्बितारम्यमणिकुण्डलभूषिताम् ॥ ४॥

sindūratilakodbhāsiviśālaniṭilāñcitām |kapolabimbitāramyamaṇikuṇḍalabhūṣitām || 4||

मन्दस्मितमनोहारि मधुराधरशोभिताम् ।आनीलपट्टवसनसमावृतकलेवराम् ॥ ५॥

mandasmitamanohāri madhurādharaśobhitām |ānīlapaṭṭavasanasamāvṛtakalevarām || 5||

प्रशान्तदिव्यमहसा परिवेषितविग्रहाम् ।ध्यायामि त्वां महादेवीं श्रीविद्याशक्तिरूपिणीम् ॥ ६॥

praśāntadivyamahasā pariveṣitavigrahām |dhyāyāmi tvāṃ mahādevīṃ śrīvidyāśaktirūpiṇīm || 6||

प्रसीद त्वं शिवे, देवि, लक्ष्मि, दुर्गे, सरस्वति ।रम्यं भवद्रूपमिदं भासतां हृदये सदा ॥ ७॥

prasīda tvaṃ śive, devi, lakṣmi, durge, sarasvati |ramyaṃ bhavadrūpamidaṃ bhāsatāṃ hṛdaye sadā || 7||

विपदस्त्राहि नो देवि! सम्पदो देहि नः शिवे! ।अस्मासु धेहि करुणां भक्तान् नः पाहि सर्वदा ॥ ८॥

vipadastrāhi no devi! sampado dehi naḥ śive! |asmāsu dhehi karuṇāṃ bhaktān naḥ pāhi sarvadā || 8||

ग्रामाम्बिकास्तोत्रमिदं ये पठन्ति समाहिताः ।शृण्वन्ति वा तथा तेषु प्रसीदति महेश्वरी! ॥ ९॥

grāmāmbikāstotramidaṃ ye paṭhanti samāhitāḥ |śṛṇvanti vā tathā teṣu prasīdati maheśvarī! || 9||

इति श्रीवासुदेवन् एलयथेन विरचितं अम्बास्तवं सम्पूर्णम् ।

iti śrīvāsudevan elayathena viracitaṃ ambāstavaṃ sampūrṇam |