अम्बास्तोत्रम् १ Ambastotram By Shvami Vivekanand

का त्वं शुभकरे सुखदुःखहस्तेआघूर्णितं भवजलं प्रबलोर्मिभङ्गैः ।शांतिं विधातुमिह किं बहुधा विभग्नाम्मतः प्रयत्नपरमासि सदैव विश्वे ॥ १॥

kā tvaṃ śubhakare sukhaduḥkhahasteāghūrṇitaṃ bhavajalaṃ prabalormibhaṅgaiḥ |śāṃtiṃ vidhātumiha kiṃ bahudhā vibhagnāmmataḥ prayatnaparamāsi sadaiva viśve || 1||

सम्पादयत्यविरतं त्वविरामवृताया वै स्थिता कृतफलं त्वकृतस्य नेत्री ।सा मे भवत्वनिदिनं वरदा भवानीजानाम्यहं ध्रुवमिदं धृतकर्मपाशा ॥ २॥

sampādayatyavirataṃ tvavirāmavṛtāyā vai sthitā kṛtaphalaṃ tvakṛtasya netrī |sā me bhavatvanidinaṃ varadā bhavānījānāmyahaṃ dhruvamidaṃ dhṛtakarmapāśā || 2||

को वा धर्मः किमकृतं क्वः कपाललेखःकिंवादृष्टं फलमिहास्ति हि यां विना भोः ।इच्छापाशैर्नियमिता नियमाः स्वतंत्रैःयस्या नेत्री भवति सा शरणं ममाद्या ॥ ३॥

ko vā dharmaḥ kimakṛtaṃ kvaḥ kapālalekhaḥkiṃvādṛṣṭaṃ phalamihāsti hi yāṃ vinā bhoḥ |icchāpāśairniyamitā niyamāḥ svataṃtraiḥyasyā netrī bhavati sā śaraṇaṃ mamādyā || 3||

सन्तानयन्ति जलधिं जनिमृत्युजालम्सम्भावयन्त्यविकृतं विकृतं विभग्नम् ।यस्या विभूतय इहामितशक्तिपालाःनाश्रित्य तां वद कुत शरणं व्रजामः ॥ ४॥

santānayanti jaladhiṃ janimṛtyujālamsambhāvayantyavikṛtaṃ vikṛtaṃ vibhagnam |yasyā vibhūtaya ihāmitaśaktipālāḥnāśritya tāṃ vada kuta śaraṇaṃ vrajāmaḥ || 4||

मित्रे रिपौ त्वविषमं तव पद्मनेत्रम्स्वस्थे दुःस्थे त्ववितथं तव हस्तपातः ।मृत्युच्छाया तव दया त्वमृतञ्च मातःमा मां मुञ्चन्तु परमे शुभदृष्टयस्ते ॥ ५॥

mitre ripau tvaviṣamaṃ tava padmanetramsvasthe duḥsthe tvavitathaṃ tava hastapātaḥ |mṛtyucchāyā tava dayā tvamṛtañca mātaḥmā māṃ muñcantu parame śubhadṛṣṭayaste || 5||

क्वाम्बा सर्वा क्व गणनं मम हीनबुद्धेःधत्तुं दोर्भ्यामिव मतिर्जगदेकधात्रीम् ।श्रीसञ्चिन्त्यं सुचरणमभयपतिष्ठम्सेवासारैरभिनुतं शरणं प्रपद्ये ॥ ६॥

kvāmbā sarvā kva gaṇanaṃ mama hīnabuddheḥdhattuṃ dorbhyāmiva matirjagadekadhātrīm |śrīsañcintyaṃ sucaraṇamabhayapatiṣṭhamsevāsārairabhinutaṃ śaraṇaṃ prapadye || 6||

या मामा जन्म विनयत्यतिदुःखमार्गैःआसंसिद्धेः स्वकलितैर्ल्ललितैर्विलासैः ।या मे बुद्धिं सुविदधे सततं धरण्यम्साम्बा सर्वा मम गतिः सफले फले वा ॥ ७॥

yā māmā janma vinayatyatiduḥkhamārgaiḥāsaṃsiddheḥ svakalitairllalitairvilāsaiḥ |yā me buddhiṃ suvidadhe satataṃ dharaṇyamsāmbā sarvā mama gatiḥ saphale phale vā || 7||

इति अम्बास्तोत्रं सम्पूर्णम् ।

iti ambāstotraṃ sampūrṇam |