पार्वतीस्तोत्रम् ३ Andhakakritam Parvati Stotram

अथान्धको महेश्वरीं ददर्श देवपार्श्वगाम् ।पपात दण्डवत्क्षितौ ननाम पादपद्मयोः ॥अन्धकोवाच ।नमामि देववल्लभामनादिमद्रिजामिमाम् ।यतः प्रधानपूरुषौ निहन्ति याऽखिलं जगत् ॥ १॥

athāndhako maheśvarīṃ dadarśa devapārśvagām |papāta daṇḍavatkṣitau nanāma pādapadmayoḥ ||andhakovāca |namāmi devavallabhāmanādimadrijāmimām |yataḥ pradhānapūruṣau nihanti yā'khilaṃ jagat || 1||

विभाति या शिवासने शिवेन साकमव्ययाहिरण्मयेऽतिनिर्मले नमामि तां हिमाद्रिजाम् ।यदन्तराखिलं जगज्जगन्ति यान्ति सङ्क्षयंनमामि यत्र तामुमामशेषभेदवर्जिताम् ॥ २॥

vibhāti yā śivāsane śivena sākamavyayāhiraṇmaye'tinirmale namāmi tāṃ himādrijām |yadantarākhilaṃ jagajjaganti yānti saṅkṣayaṃnamāmi yatra tāmumāmaśeṣabhedavarjitām || 2||

न जायते न हीयते न वर्द्धते च तामुमांनमामि या गुणातिगां गिरीशपुत्रिकामिमाम् ।क्षमस्व देवि शैलजे कृतं मया विमोहितंसुरासुरैर्नमस्कृतं नमामि ते पदाम्बुजम् ॥ ३॥

na jāyate na hīyate na varddhate ca tāmumāṃnamāmi yā guṇātigāṃ girīśaputrikāmimām |kṣamasva devi śailaje kṛtaṃ mayā vimohitaṃsurāsurairnamaskṛtaṃ namāmi te padāmbujam || 3||

इत्थं भगवती दिवी भक्तिनम्रेण पार्वती ।संस्तुता दैत्यपतिना पुत्रत्वे जगृहेऽन्धकम् ॥ ४॥

itthaṃ bhagavatī divī bhaktinamreṇa pārvatī |saṃstutā daityapatinā putratve jagṛhe'ndhakam || 4||

इति कूर्मपुराणे पूर्वभागे षोडशाध्यायान्तर्गतंअन्धककृतं पार्वतीस्तोत्रं समाप्तम् ।कूर्मपुराणे पूर्वभागे १६/२१६२१९

iti kūrmapurāṇe pūrvabhāge ṣoḍaśādhyāyāntargataṃandhakakṛtaṃ pārvatīstotraṃ samāptam |kūrmapurāṇe pūrvabhāge 16/216219