श्यामदेवस्तवः Shrishyamadevastavah

ॐ अस्य श्रीश्यामदेवस्तोत्रमन्त्रस्य ब्रह्मा ऋषिः ।अत्यष्टिः (शिखरिणी) छन्दः । श्रीश्यामो देवता ।सकलमनोरथसिद्ध्यर्थे श्रीश्यामदेवताप्रीत्यर्थे च जपे विनियोगः ।शिवब्रह्मेन्द्राद्यैरखिलसुरवर्यैरिह सदामुनीन्द्रैः सिद्धेन्द्रैर्भृगुकपिलमुख्यैः स्तुतपदम् ।दयायुक्तं नाथं नरकपतितोद्धारणपरंभजेऽहं श्रीश्यामं भवभयहरं भक्तवरदम् ॥ १॥

oṃ asya śrīśyāmadevastotramantrasya brahmā ṛṣiḥ |atyaṣṭiḥ (śikhariṇī) chandaḥ | śrīśyāmo devatā |sakalamanorathasiddhyarthe śrīśyāmadevatāprītyarthe ca jape viniyogaḥ |śivabrahmendrādyairakhilasuravaryairiha sadāmunīndraiḥ siddhendrairbhṛgukapilamukhyaiḥ stutapadam |dayāyuktaṃ nāthaṃ narakapatitoddhāraṇaparaṃbhaje'haṃ śrīśyāmaṃ bhavabhayaharaṃ bhaktavaradam || 1||

महोत्साहं विष्णुं शुभशशिमुखं पद्मनयनंकिरीटाढ्यं कान्त्यावृततनुमनन्तं गुणनिधिम् ।विना प्राक्पुण्योघैर्दुरधिगमनिःसीमविभवंभजेऽहं श्रीश्यामं भवभयहरं भक्तवरदम् ॥ २॥

mahotsāhaṃ viṣṇuṃ śubhaśaśimukhaṃ padmanayanaṃkirīṭāḍhyaṃ kāntyāvṛtatanumanantaṃ guṇanidhim |vinā prākpuṇyoghairduradhigamaniḥsīmavibhavaṃbhaje'haṃ śrīśyāmaṃ bhavabhayaharaṃ bhaktavaradam || 2||

सदा वंशीवाद्यं सजलजलदाभं सुचरितंमुदा गोपीगोपाद्यभयवरदं दुष्टदमनम् ।बकीनाशं कृष्णं ह्यघवकतृणावर्तकरिपुंभजेऽहं श्रीश्यामं भवभयहरं भक्तवरदम् ॥ ३॥

sadā vaṃśīvādyaṃ sajalajaladābhaṃ sucaritaṃmudā gopīgopādyabhayavaradaṃ duṣṭadamanam |bakīnāśaṃ kṛṣṇaṃ hyaghavakatṛṇāvartakaripuṃbhaje'haṃ śrīśyāmaṃ bhavabhayaharaṃ bhaktavaradam || 3||

मनोज्ञं कंसारिं करिकुवलयापीडदमनंहरिं रङ्गे यान्तं कठिनतरचाणूप्रशमनम् ।स्वपित्रोरानन्दं ददतमधिकं प्रीतिजनकंभजेऽहं श्रीश्यामं भवभयहरं भक्तवरदम् ॥ ४॥

manojñaṃ kaṃsāriṃ karikuvalayāpīḍadamanaṃhariṃ raṅge yāntaṃ kaṭhinataracāṇūpraśamanam |svapitrorānandaṃ dadatamadhikaṃ prītijanakaṃbhaje'haṃ śrīśyāmaṃ bhavabhayaharaṃ bhaktavaradam || 4||

मुदाभिर्नारीभिर्मदितनटनाट्यैकनिपुणंक्वणत्काञ्चीकान्तिक्वणितसुखसङ्गीतकवरम् ।शुभं तं कौशेयाम्बरधरमुदारं वनगतंभजेऽहं श्रीश्यामं भवभयहरं भक्तवरदम् ॥ ५॥

mudābhirnārībhirmaditanaṭanāṭyaikanipuṇaṃkvaṇatkāñcīkāntikvaṇitasukhasaṅgītakavaram |śubhaṃ taṃ kauśeyāmbaradharamudāraṃ vanagataṃbhaje'haṃ śrīśyāmaṃ bhavabhayaharaṃ bhaktavaradam || 5||

सुकालिन्दीकूले घनतरतरौ स्वच्छरजसिस्फुटज्जातीपद्मे सुरभिणि सदा कुञ्जनिलये ।लसन्तं गोपीभिः शरदि सुरनारीभिरमलंभजेऽहं श्रीश्यामं भवभयहरं भक्तवरदम् ॥ ६॥

sukālindīkūle ghanataratarau svaccharajasisphuṭajjātīpadme surabhiṇi sadā kuñjanilaye |lasantaṃ gopībhiḥ śaradi suranārībhiramalaṃbhaje'haṃ śrīśyāmaṃ bhavabhayaharaṃ bhaktavaradam || 6||

पिबन्तं दावाग्निं शमनमखिलानां च विपदांपदं तत्सौख्यानां प्रचुरतरकालीयदमनम् ।हरन्तं सन्तापं व्रजजनवराणां सुतपसांभजेऽहं श्रीश्यामं भवभयहरं भक्तवरदम् ॥ ७॥

pibantaṃ dāvāgniṃ śamanamakhilānāṃ ca vipadāṃpadaṃ tatsaukhyānāṃ pracuratarakālīyadamanam |harantaṃ santāpaṃ vrajajanavarāṇāṃ sutapasāṃbhaje'haṃ śrīśyāmaṃ bhavabhayaharaṃ bhaktavaradam || 7||

सुशैलेन्द्रं हस्ते दधतमनिशं सप्तदिवसंजनानां स्वीयानां विविधविपदां सङ्क्षयकरम् ।गवां त्राणार्थं वै गिरिवरधरं नन्दतनयंभजेऽहं श्रीश्यामं भवभयहरं भक्तवरदम् ॥ ८॥

suśailendraṃ haste dadhatamaniśaṃ saptadivasaṃjanānāṃ svīyānāṃ vividhavipadāṃ saṅkṣayakaram |gavāṃ trāṇārthaṃ vai girivaradharaṃ nandatanayaṃbhaje'haṃ śrīśyāmaṃ bhavabhayaharaṃ bhaktavaradam || 8||

सुरेशं गोविन्दं मणिकनकहाराङ्गदधरंसुपिच्छापीडं कौस्तुभरुचिरवक्षःपरिसरम् ।रमेशं लोकानां हितकरमलं विश्वजनकंभजेऽहं श्रीश्यामं भवभयहरं भक्तवरदम् ॥ ९॥

sureśaṃ govindaṃ maṇikanakahārāṅgadadharaṃsupicchāpīḍaṃ kaustubharuciravakṣaḥparisaram |rameśaṃ lokānāṃ hitakaramalaṃ viśvajanakaṃbhaje'haṃ śrīśyāmaṃ bhavabhayaharaṃ bhaktavaradam || 9||

चिदानन्दाकारं मुनिवरहृदि प्राप्तनिलयंयजुःसामाथर्वप्रभृतिषु तथा ऋक्षु विदितम् ।अचिन्त्यं दुर्बोधं प्रकृतिगुणयुक्तैश्च पुरुषैर्भजेऽहं श्रीश्यामं भवभयहरं भक्तवरदम् ॥ १०॥

cidānandākāraṃ munivarahṛdi prāptanilayaṃyajuḥsāmātharvaprabhṛtiṣu tathā ṛkṣu viditam |acintyaṃ durbodhaṃ prakṛtiguṇayuktaiśca puruṣairbhaje'haṃ śrīśyāmaṃ bhavabhayaharaṃ bhaktavaradam || 10||

स्तवः श्यामदेवस्य विष्णोर्मयाऽयंकृतो दिङ्मितैः शुद्धभावेन पद्यैः ।सुरामप्रसादाभिधानेन यायात्पठेद्यो नरः श्यामदेवप्रसादम् ॥ ११॥

stavaḥ śyāmadevasya viṣṇormayā'yaṃkṛto diṅmitaiḥ śuddhabhāvena padyaiḥ |surāmaprasādābhidhānena yāyātpaṭhedyo naraḥ śyāmadevaprasādam || 11||

॥ इति श्रीश्यामदेवस्तवः सम्पूर्णः ॥

|| iti śrīśyāmadevastavaḥ sampūrṇaḥ ||