दक्षस्तोत्रम् देवैः कृतं Devaih Kritam Daksha Stotram

देवा ऊचुःप्रसीद सीदतां ब्रह्मन्नस्माकं बहुदुःखिनाम् ।उद्धरस्व महाबुद्धे त्राहि नः शोकसागरात् ॥ ५॥

devā ūcuḥprasīda sīdatāṃ brahmannasmākaṃ bahuduḥkhinām |uddharasva mahābuddhe trāhi naḥ śokasāgarāt || 5||

यद्रूपं ब्रह्मसंज्ञन्तु सृष्टिकृत् परमात्मनः ।तदंशस्त्वं परं ज्योतिर्विप्ररूप नमोऽस्तुते ॥ ६॥

yadrūpaṃ brahmasaṃjñantu sṛṣṭikṛt paramātmanaḥ |tadaṃśastvaṃ paraṃ jyotirviprarūpa namo'stute || 6||

रक्षणात् सर्वजगतां प्रजापालनकारणात् ।दक्षः प्रजापतिश्चेति योगेशस्तं नुमो वयम् ॥ ७॥

rakṣaṇāt sarvajagatāṃ prajāpālanakāraṇāt |dakṣaḥ prajāpatiśceti yogeśastaṃ numo vayam || 7||

दक्षाय सर्वजगतां दक्षाय कुशलात्मनाम् ।दक्षायात्महितायाशु नमस्तुभ्यं महात्मने ॥ ८॥

dakṣāya sarvajagatāṃ dakṣāya kuśalātmanām |dakṣāyātmahitāyāśu namastubhyaṃ mahātmane || 8||

सततं चिन्त्यमानस्य योगिभिर्नियतेन्द्रियैः ।सारस्य सारभूतस्त्वं दक्षाय परमात्मने ॥ ९॥

satataṃ cintyamānasya yogibhirniyatendriyaiḥ |sārasya sārabhūtastvaṃ dakṣāya paramātmane || 9||

योगिवृत्तिरनाधृष्य पारगाणां परायणः ।आद्यन्तमुक्तः साहसा तस्मै नित्यं नमो नमः ॥ १०॥

yogivṛttiranādhṛṣya pāragāṇāṃ parāyaṇaḥ |ādyantamuktaḥ sāhasā tasmai nityaṃ namo namaḥ || 10||

इति कालिकापुराणे एकविंशाध्यायान्तर्गतंदेवैः कृतं दक्षस्तोत्रं सम्पूर्णम् ।

iti kālikāpurāṇe ekaviṃśādhyāyāntargataṃdevaiḥ kṛtaṃ dakṣastotraṃ sampūrṇam |