शुक्रस्तवराजस्तोत्रम् Shukra Stava

अस्य श्रीशुक्रस्तवराजस्य प्रजापतिः ऋषिः अनुष्टुप् छन्दःशुक्रो देवता श्रीशुक्रप्रीत्यर्थे पाठे विनियोगः ॥नमस्ते भार्गवश्रेष्ठ दैत्यदानवपूजित ।वृष्टिरोधप्रकर्त्रे च वृष्टिकर्त्रे नमो नमः ॥ १॥

asya śrīśukrastavarājasya prajāpatiḥ ṛṣiḥ anuṣṭup chandaḥśukro devatā śrīśukraprītyarthe pāṭhe viniyogaḥ ||namaste bhārgavaśreṣṭha daityadānavapūjita |vṛṣṭirodhaprakartre ca vṛṣṭikartre namo namaḥ || 1||

देवयानिपितस्तुभ्यं वेदवेदाङ्गपारग ।परेण तपसा शुद्धः शङ्करो लोकसुन्दरः ॥ २॥

devayānipitastubhyaṃ vedavedāṅgapāraga |pareṇa tapasā śuddhaḥ śaṅkaro lokasundaraḥ || 2||

प्राप्तौ विद्यां जीवनाख्यां तस्मै शुक्रात्मने नमः ।नमस्तस्मै भगवते भृगुपुत्राय वेधसे ॥ ३॥

prāptau vidyāṃ jīvanākhyāṃ tasmai śukrātmane namaḥ |namastasmai bhagavate bhṛguputrāya vedhase || 3||

तारामण्डलमध्यस्थ स्वभासाभासिताम्बरः ।यस्योदये जगत्सर्वं मङ्गलार्हं भवेदिह ॥ ४॥

tārāmaṇḍalamadhyastha svabhāsābhāsitāmbaraḥ |yasyodaye jagatsarvaṃ maṅgalārhaṃ bhavediha || 4||

अस्तं याते ह्यरिष्टं स्यात्तस्मै मङ्गलरूपिणे ।त्रिपुरावासिनो दैत्यान् शिवबाणप्रपीडितान् ॥ ५॥

astaṃ yāte hyariṣṭaṃ syāttasmai maṅgalarūpiṇe |tripurāvāsino daityān śivabāṇaprapīḍitān || 5||

विद्ययाऽजीवयच्छुक्रो नमस्ते भृगुनन्दन ।ययातिगुरवे तुभ्यं नमस्ते कविनन्दन ॥ ६॥

vidyayā'jīvayacchukro namaste bhṛgunandana |yayātigurave tubhyaṃ namaste kavinandana || 6||

वलिराज्यप्रदो जीवस्तस्मै जीवात्मने नमः ।भार्गवाय नमस्तुभ्यं पूर्वगीर्वाणवन्दित ॥ ७॥

valirājyaprado jīvastasmai jīvātmane namaḥ |bhārgavāya namastubhyaṃ pūrvagīrvāṇavandita || 7||

जीवपुत्राय यो विद्यां प्रादात्तस्मै नमो नमः ।नमः शुक्राय काव्याय भृगुपुत्राय धीमहि ॥ ८॥

jīvaputrāya yo vidyāṃ prādāttasmai namo namaḥ |namaḥ śukrāya kāvyāya bhṛguputrāya dhīmahi || 8||

नमः कारणरूपाय नमस्ते कारणात्मने ।स्तवराजमिमं पुण्यं भार्गवस्य महात्मनः ॥ ९॥

namaḥ kāraṇarūpāya namaste kāraṇātmane |stavarājamimaṃ puṇyaṃ bhārgavasya mahātmanaḥ || 9||

यः पठेच्छृणुयाद्वापि लभते वाञ्छितं फलम् ।पुत्रकामो लभेत्पुत्रान् श्रीकामो लभते श्रियम् ॥ १०॥

yaḥ paṭhecchṛṇuyādvāpi labhate vāñchitaṃ phalam |putrakāmo labhetputrān śrīkāmo labhate śriyam || 10||

राज्यकामो लभेद्राज्यं स्त्रीकामः स्त्रियमुत्तमाम् ।भृगुवारे प्रयत्नेन पठितव्यं समाहितेः ॥ ११॥

rājyakāmo labhedrājyaṃ strīkāmaḥ striyamuttamām |bhṛguvāre prayatnena paṭhitavyaṃ samāhiteḥ || 11||

अन्यवारे तु होरायां पूजयेद्।ह्भृगुनन्दनम् ।रोगार्तो मुच्यते रोगाद्।ह्भयार्तो मुच्यते भयात् ॥ १२॥

anyavāre tu horāyāṃ pūjayed|hbhṛgunandanam |rogārto mucyate rogād|hbhayārto mucyate bhayāt || 12||

यद्यत्प्रार्थयते जन्तुस्तत्तत्प्राप्नोति सर्वदा ।प्रातःकाले प्रकर्तव्या भृगुपूजा प्रयत्नतः ।सर्वपापविनिर्मुक्तः प्राप्नुयाच्छिवसन्निधिम् ॥ १३॥

yadyatprārthayate jantustattatprāpnoti sarvadā |prātaḥkāle prakartavyā bhṛgupūjā prayatnataḥ |sarvapāpavinirmuktaḥ prāpnuyācchivasannidhim || 13||

इति श्रीब्रह्मयामले शुक्रस्तवराजः सम्पूर्णः ॥

iti śrībrahmayāmale śukrastavarājaḥ sampūrṇaḥ ||