नवग्रहध्यानम् Navagraha Dhyanam

श्रीगणेशाय नमः ।अथ सूर्यस्य ध्यानं त्रिपुरासर्वस्वेप्रत्यक्षदेवं विशदं सहस्रमरीचिभिः शोभितभूमिदेशम् ।सप्ताश्वगं सद्ध्वजहस्तमाद्यं देवं भजेऽहं मिहिरं हृदब्जे ॥ १॥

śrīgaṇeśāya namaḥ |atha sūryasya dhyānaṃ tripurāsarvasvepratyakṣadevaṃ viśadaṃ sahasramarīcibhiḥ śobhitabhūmideśam |saptāśvagaṃ saddhvajahastamādyaṃ devaṃ bhaje'haṃ mihiraṃ hṛdabje || 1||

अथ चन्द्रस्य ध्यानं निःसृतमागमेशङ्खप्रभमेणप्रियं शशाङ्कमीशानमौलिस्थितमीड्यवृत्तम् ।तमीपतिं नीरजयुग्महस्तं ध्याये हृदब्जे शशिनं ग्रहेशम् ॥ २॥

atha candrasya dhyānaṃ niḥsṛtamāgameśaṅkhaprabhameṇapriyaṃ śaśāṅkamīśānamaulisthitamīḍyavṛttam |tamīpatiṃ nīrajayugmahastaṃ dhyāye hṛdabje śaśinaṃ graheśam || 2||

अथ भौमस्य ध्यानं आगमामृतमञ्जर्याम्प्रतप्तगाङ्गेयनिभं ग्रहेशं सिंहासनस्थं कमलासिहस्तम् ।सुरासुरैः पूजितपादपद्मं भौमं दयालुं हृदये स्मरामि ॥ ३॥

atha bhaumasya dhyānaṃ āgamāmṛtamañjaryāmprataptagāṅgeyanibhaṃ graheśaṃ siṃhāsanasthaṃ kamalāsihastam |surāsuraiḥ pūjitapādapadmaṃ bhaumaṃ dayāluṃ hṛdaye smarāmi || 3||

अथ सौम्यस्य ध्यानं भैरवतन्त्रेसोमात्मजं हंसगतं द्विबाहुं शङ्खेन्दुरूपं ह्यसिपाशहस्तम् ।दयानिधिं भूषणभूषिताङ्गं बुधं स्मरे मानसपङ्कजेऽहम् ॥ ४॥

atha saumyasya dhyānaṃ bhairavatantresomātmajaṃ haṃsagataṃ dvibāhuṃ śaṅkhendurūpaṃ hyasipāśahastam |dayānidhiṃ bhūṣaṇabhūṣitāṅgaṃ budhaṃ smare mānasapaṅkaje'ham || 4||

अथ जीवस्य ध्यानं भैरवतन्त्रेतेजोमयं शक्तित्रिशूलहस्तं सुरेन्द्रज्येष्ठैः स्तुतपादपद्मम् ।मेधानिधिं हस्तिगतं द्विबाहुं गुरुं स्मरे मानसपङ्कजेऽहम् ॥ ५॥

atha jīvasya dhyānaṃ bhairavatantretejomayaṃ śaktitriśūlahastaṃ surendrajyeṣṭhaiḥ stutapādapadmam |medhānidhiṃ hastigataṃ dvibāhuṃ guruṃ smare mānasapaṅkaje'ham || 5||

अथ शुक्रस्य ध्यानं कुब्जिकासर्वस्वेसन्तप्तकाञ्चननिभं द्विभुजं दयालुंपीताम्बरं धृतसरोरुहद्वन्द्वशूलम् ।क्रौञ्चासनं ह्यसुरसेवितपादपद्मंशुक्रं स्मरे द्विनयनं हृदि पङ्कजेऽहम् ॥ ६॥

atha śukrasya dhyānaṃ kubjikāsarvasvesantaptakāñcananibhaṃ dvibhujaṃ dayāluṃpītāmbaraṃ dhṛtasaroruhadvandvaśūlam |krauñcāsanaṃ hyasurasevitapādapadmaṃśukraṃ smare dvinayanaṃ hṛdi paṅkaje'ham || 6||

अथ शनेर्ध्यानं शुभदमागमामृतेनीलाञ्जनाभं मिहिरेष्टपुत्रं ग्रहेश्वरं पाशभुजङ्गपाणिम् ।सुरासुराणां भयदं द्विबाहुं शनिं स्मरे मानसपङ्कजेऽहम् ॥ ७॥

atha śanerdhyānaṃ śubhadamāgamāmṛtenīlāñjanābhaṃ mihireṣṭaputraṃ graheśvaraṃ pāśabhujaṅgapāṇim |surāsurāṇāṃ bhayadaṃ dvibāhuṃ śaniṃ smare mānasapaṅkaje'ham || 7||

अथ सैंहिकेयस्य ध्यानं वामकेश्वर तन्त्रेशीतांशुमित्रान्तकमीड्यरूपं घोरं च वैडुर्यनिभं विबाहुम् ।त्रैलोक्यरक्षाप्रदंमिष्टदं च राहुं ग्रहेन्द्रं हृदये स्मरामि ॥ ८॥

atha saiṃhikeyasya dhyānaṃ vāmakeśvara tantreśītāṃśumitrāntakamīḍyarūpaṃ ghoraṃ ca vaiḍuryanibhaṃ vibāhum |trailokyarakṣāpradaṃmiṣṭadaṃ ca rāhuṃ grahendraṃ hṛdaye smarāmi || 8||

अथ केतोश्च ध्यानं तन्त्रसागरेलाङ्गुलयुक्तं भयदं जनानां कृष्णाम्बुभृत्सन्निभमेकवीरम् ।कृष्णाम्बरं शक्तित्रिशूलहस्तं केतुं भजे मानसपङ्कजेऽहम् ॥ ९॥

atha ketośca dhyānaṃ tantrasāgarelāṅgulayuktaṃ bhayadaṃ janānāṃ kṛṣṇāmbubhṛtsannibhamekavīram |kṛṣṇāmbaraṃ śaktitriśūlahastaṃ ketuṃ bhaje mānasapaṅkaje'ham || 9||

॥ इति नवग्रहध्यानं सम्पूर्णम् ॥

|| iti navagrahadhyānaṃ sampūrṇam ||