मीनाक्षीमणिमालाष्टकम् Shriminakshimanimalashtakam

मधुरापुरिनायिके नमस्तेमधुरालापिशुकाभिरामहस्ते ।मलयध्वजपाण्ड्यराजकन्येमयि मीनाक्षि कृपां विधेहि धन्ये ॥ १॥

madhurāpurināyike namastemadhurālāpiśukābhirāmahaste |malayadhvajapāṇḍyarājakanyemayi mīnākṣi kṛpāṃ vidhehi dhanye || 1||

कचनिर्जितकालमेघकान्तेकमलासेवितपादपङ्कजान्ते ।मधुरापुरवल्लभेष्टकान्तेमयि मीनाक्षि कृपां विधेहि शान्ते ॥ २॥

kacanirjitakālameghakāntekamalāsevitapādapaṅkajānte |madhurāpuravallabheṣṭakāntemayi mīnākṣi kṛpāṃ vidhehi śānte || 2||

कुचयुग्मविधूतचक्रवाकेकृपयापालितसर्वजीवलोके ।मलयध्वजसन्ततेः पताकेमयि मीनाक्षि कृपां निधेहि पाके ॥ ३॥

kucayugmavidhūtacakravākekṛpayāpālitasarvajīvaloke |malayadhvajasantateḥ patākemayi mīnākṣi kṛpāṃ nidhehi pāke || 3||

विधिवाहनजेतृकेलियानेविमतामोटनपूजितापदाने ।मधुरेक्षणभावभूतमीनेमयि मीनाक्षि कृपां विधेहि दीने ॥ ४॥

vidhivāhanajetṛkeliyānevimatāmoṭanapūjitāpadāne |madhurekṣaṇabhāvabhūtamīnemayi mīnākṣi kṛpāṃ vidhehi dīne || 4||

तपनीयपयोजिनीतटस्थेतुहिनप्रायमहीधरोदरस्थे ।मदनारिपरिग्रहे कृतार्थेमयि मीनाक्षि कृपां विधेहि सार्थे ॥ ५॥

tapanīyapayojinītaṭasthetuhinaprāyamahīdharodarasthe |madanāriparigrahe kṛtārthemayi mīnākṣi kṛpāṃ vidhehi sārthe || 5||

कलकीरकलोक्तिनाददक्षेकलितानेकजगन्निवासिरक्षे ।मदनाशुगहल्लकान्तपाणेमयि मीनाक्षि कृपां कुरु प्रवीणे ॥ ६॥

kalakīrakaloktinādadakṣekalitānekajagannivāsirakṣe |madanāśugahallakāntapāṇemayi mīnākṣi kṛpāṃ kuru pravīṇe || 6||

मधुवैरिविरिञ्चिमुख्यसेव्येमनसा भावितचन्द्रमौलिसव्ये ।तरसा परिपूरितयज्ञहव्येमयि मीनाक्षि कृपां विधेहि भव्ये ॥ ७॥

madhuvairiviriñcimukhyasevyemanasā bhāvitacandramaulisavye |tarasā paripūritayajñahavyemayi mīnākṣi kṛpāṃ vidhehi bhavye || 7||

जगदम्ब कदम्बमूलवासेकमलामोदमुखेन्दुमन्दहासे ।मदमन्दिरहारिदृग्विलासेमयि मीनाक्षि कृपां विधेहि दासे ॥ ८॥

jagadamba kadambamūlavāsekamalāmodamukhendumandahāse |madamandirahāridṛgvilāsemayi mīnākṣi kṛpāṃ vidhehi dāse || 8||

पठतामनिशं प्रभातकालेमणिमालाष्टकमष्टभूतिदायी ।घटिताशतचातुरीं प्रदद्यात्करुणापूर्णकटाक्षसन्निवेशात ॥ ९॥

paṭhatāmaniśaṃ prabhātakālemaṇimālāṣṭakamaṣṭabhūtidāyī |ghaṭitāśatacāturīṃ pradadyātkaruṇāpūrṇakaṭākṣasanniveśāta || 9||

इति श्रीमीनाक्षीमणिमालाष्टकं सम्पूर्णम् ।श्रीमीनाक्षीमणिमालाष्टकम् ।मधुरापुरनायिके नमस्ते मधुरालापशुकाभिरामहस्ते ।मलयध्वजपाण्ड्यराजकन्ये मयि मीनाक्षि कृपां निधेहि धन्ये ॥ १॥

iti śrīmīnākṣīmaṇimālāṣṭakaṃ sampūrṇam |śrīmīnākṣīmaṇimālāṣṭakam |madhurāpuranāyike namaste madhurālāpaśukābhirāmahaste |malayadhvajapāṇḍyarājakanye mayi mīnākṣi kṛpāṃ nidhehi dhanye || 1||

कचनिर्जितकालमेघकान्ते कमलासेवितपादपङ्कजान्ते ।मधुरापुरवल्लभेष्टकान्ते मयि मीनाक्षि कृपां निधेहि दान्ते ॥ २॥

kacanirjitakālameghakānte kamalāsevitapādapaṅkajānte |madhurāpuravallabheṣṭakānte mayi mīnākṣi kṛpāṃ nidhehi dānte || 2||

कुचयुग्मविभिन्नचक्रवाके कृपया पालितसर्वजीवलोके ।मलयध्वजसन्ततेः पताके मयि मीनाक्षि कृपां निधेहि पाके ॥ ३॥

kucayugmavibhinnacakravāke kṛpayā pālitasarvajīvaloke |malayadhvajasantateḥ patāke mayi mīnākṣi kṛpāṃ nidhehi pāke || 3||

तपनीयसरोजिनीतटस्थे तुहिनप्रायमहीधरोदरस्थे ।मदनारिपरिग्रहे कृतार्थे मपि मीनाक्षि कृपां निधेहि सार्थे ॥ ४॥

tapanīyasarojinītaṭasthe tuhinaprāyamahīdharodarasthe |madanāriparigrahe kṛtārthe mapi mīnākṣi kṛpāṃ nidhehi sārthe || 4||

मधुवैरिविरिञ्चिमुख्यसेव्ये मनसा भावितचन्द्रमौलिलव्ये ।मनसापनिहीतयज्ञहव्ये मयि मीनाक्षि कृपां निधेहि भव्ये ॥ ५॥

madhuvairiviriñcimukhyasevye manasā bhāvitacandramaulilavye |manasāpanihītayajñahavye mayi mīnākṣi kṛpāṃ nidhehi bhavye || 5||

कलकीरकलोक्तिनाददक्षे कलितानेकजगन्निवासकुक्षे ।मदनाशुगहल्लकान्तपाणे मयि मीनाक्षि कृपां निधेहि शोणे ॥ ६॥

kalakīrakaloktinādadakṣe kalitānekajagannivāsakukṣe |madanāśugahallakāntapāṇe mayi mīnākṣi kṛpāṃ nidhehi śoṇe || 6||

विधिवाहनचैत्रकेलियाने विमतामोटनपूजितापदाने ।मधुरेक्षणभावपूतमीने मयि मीनाक्षि कृपां निधेहि दीने ॥ ७॥

vidhivāhanacaitrakeliyāne vimatāmoṭanapūjitāpadāne |madhurekṣaṇabhāvapūtamīne mayi mīnākṣi kṛpāṃ nidhehi dīne || 7||

जगदम्ब कदन्बमूलवासे मधुरामोदमुखेन्दुमन्दहासे ।मदमन्दिरचारुदृग्विलासे मयि मीनाक्षि कृपां निधेहि दासे ॥ ८॥

jagadamba kadanbamūlavāse madhurāmodamukhendumandahāse |madamandiracārudṛgvilāse mayi mīnākṣi kṛpāṃ nidhehi dāse || 8||

पठतामनिशं प्रभातकाले मणिमालाष्टकमष्टभूतिदायि ।घटिकाशतचातुरी समिन्धे करुणापूर्णकटाक्षसन्निवेशात् ॥ ९॥

paṭhatāmaniśaṃ prabhātakāle maṇimālāṣṭakamaṣṭabhūtidāyi |ghaṭikāśatacāturī samindhe karuṇāpūrṇakaṭākṣasanniveśāt || 9||