कमलाम्बिकास्तवः २ Kamalambikastavah 2

कमलालयतीरस्या चिद्घना कमलाम्बिका ।कमलासनसम्पूज्या भाति कामकलात्मिका ॥अन्वैच्छस्तपसा श्रमणऋषयो मन्त्रार्थसंवेदिनःवाग्देवीं वरदे मनीषिण उमे देवाश्च यां त्वां शिवे ।सा त्वं श्रीकमलालये परशिवाभिन्नात्मिके चिद्घनेकिं प्राप्तुं कमलाम्बिके वरतपोवेषा विभास्यम्बिके ॥ १॥

kamalālayatīrasyā cidghanā kamalāmbikā |kamalāsanasampūjyā bhāti kāmakalātmikā ||anvaicchastapasā śramaṇaṛṣayo mantrārthasaṃvedinaḥvāgdevīṃ varade manīṣiṇa ume devāśca yāṃ tvāṃ śive |sā tvaṃ śrīkamalālaye paraśivābhinnātmike cidghanekiṃ prāptuṃ kamalāmbike varatapoveṣā vibhāsyambike || 1||

मातः किं मधुकैटभासुहरणात्कासारदैत्यार्दनात्किं धूम्राम्बकचण्डमुण्डहननात् किं रक्तबीजाशनात् ।किं वा शुम्भनिशुम्भदैत्यहननात् पापं किमासादितंकूले श्रीकमलालयस्य कुरुषे दुर्गे किमर्थं तपः ॥ २॥

mātaḥ kiṃ madhukaiṭabhāsuharaṇātkāsāradaityārdanātkiṃ dhūmrāmbakacaṇḍamuṇḍahananāt kiṃ raktabījāśanāt |kiṃ vā śumbhaniśumbhadaityahananāt pāpaṃ kimāsāditaṃkūle śrīkamalālayasya kuruṣe durge kimarthaṃ tapaḥ || 2||

अव्यक्तं परमेश्वराकृतिरहो व्यक्तं त्वदाकारकंदृश्यं यद्धि चराचरात्मकमिदं विश्वं विभात्यम्बिके ।तद्बोधस्य विधायिनी परशिवाभिन्ने त्वमेव स्वयंश्रीमातः कमलाम्बिके श्रुतिशिरस्त्वेवं ब्रवीतीश्वरि ॥ ३॥

avyaktaṃ parameśvarākṛtiraho vyaktaṃ tvadākārakaṃdṛśyaṃ yaddhi carācarātmakamidaṃ viśvaṃ vibhātyambike |tadbodhasya vidhāyinī paraśivābhinne tvameva svayaṃśrīmātaḥ kamalāmbike śrutiśirastvevaṃ bravītīśvari || 3||

करब्रह्माकृतिमन्त्रिणीपरिनमद्यल्लाङ्गलिन्याश्रितंबिन्द्वन्ते स्थितिकारणात्मकमिति स्वैकानुभूत्या बुधाः ।मातः श्रीकमलाम्बिकेति विलसन्नामाक्षरार्थं तवप्राहुस्त्वेवमगात्मजे परचिदानन्दस्वरूपे शिवे ॥ ४॥

karabrahmākṛtimantriṇīparinamadyallāṅgalinyāśritaṃbindvante sthitikāraṇātmakamiti svaikānubhūtyā budhāḥ |mātaḥ śrīkamalāmbiketi vilasannāmākṣarārthaṃ tavaprāhustvevamagātmaje paracidānandasvarūpe śive || 4||

मूलाधारतले परमिति शिवे नादात्मिकां त्वां बुधाःपश्यन्तीमिति नाभिपद्मविवरे त्वां वै महान्तो विदुः ।हृत्पद्मे कमलाम्बिके परशिवे त्वां मध्यमां ज्ञानिनःकण्ठे व्यक्तरवां वराक्षरतनो त्वां वैखरीं सञ्जगुः ॥ ५॥

mūlādhāratale paramiti śive nādātmikāṃ tvāṃ budhāḥpaśyantīmiti nābhipadmavivare tvāṃ vai mahānto viduḥ |hṛtpadme kamalāmbike paraśive tvāṃ madhyamāṃ jñāninaḥkaṇṭhe vyaktaravāṃ varākṣaratano tvāṃ vaikharīṃ sañjaguḥ || 5||

ये त्वामक्षरपीठगां हृदयगाम्भोजस्थितां सर्वदाध्यायन्त्यक्षररूपिणीं भवमहापाशाद्विमुच्य स्वयम् ।चिन्मुद्राङ्कितसद्गुरोः करुणया बोधं समासाद्य तेसानन्दं विहरन्ति सत्सुखमहाम्भोधौ निमग्नाशयाः ॥ ६॥

ye tvāmakṣarapīṭhagāṃ hṛdayagāmbhojasthitāṃ sarvadādhyāyantyakṣararūpiṇīṃ bhavamahāpāśādvimucya svayam |cinmudrāṅkitasadguroḥ karuṇayā bodhaṃ samāsādya tesānandaṃ viharanti satsukhamahāmbhodhau nimagnāśayāḥ || 6||

मूलाधारगताम्बुजाद्विधिबिलस्थाम्भोजपर्यन्तगांतन्वीं त्वां बिसतन्तुवद्रविशतानेकद्युतिं भास्वराम् ।ये त्वां श्रीकमलाम्बिके हृदि सदा शीताम्शुवच्छीतलांतेजोदण्डसमाकृतिं परशिवे ध्यायन्ति धन्या हि ते । ७॥

mūlādhāragatāmbujādvidhibilasthāmbhojaparyantagāṃtanvīṃ tvāṃ bisatantuvadraviśatānekadyutiṃ bhāsvarām |ye tvāṃ śrīkamalāmbike hṛdi sadā śītāmśuvacchītalāṃtejodaṇḍasamākṛtiṃ paraśive dhyāyanti dhanyā hi te | 7||

चिच्चन्द्रबिम्बोत्थसुधास्वरूपपञ्चोपचारैः परमर्चयन्ति ।त्वां पञ्चभूतानि हि मूर्तिमन्ति मातः शिवे श्रीकमलालयस्थे ॥ ८॥

ciccandrabimbotthasudhāsvarūpapañcopacāraiḥ paramarcayanti |tvāṃ pañcabhūtāni hi mūrtimanti mātaḥ śive śrīkamalālayasthe || 8||

भूतानि जातानि परेशि तत्तन्मात्रासमं त्वत्कमलालयस्थे ।भूम्यन्तरिक्षानिलवह्निकानि त्वय्येव लीनानि भवन्ति मातः ॥ ९॥

bhūtāni jātāni pareśi tattanmātrāsamaṃ tvatkamalālayasthe |bhūmyantarikṣānilavahnikāni tvayyeva līnāni bhavanti mātaḥ || 9||

ज्योतिर्मयाया हृदयत्रिकोणमध्यस्थितायास्तव पादपद्मे ।लीनं विचिन्त्य स्वमहो महान्तः नयन्ति कालं कमलालयस्थे ॥ १०॥

jyotirmayāyā hṛdayatrikoṇamadhyasthitāyāstava pādapadme |līnaṃ vicintya svamaho mahāntaḥ nayanti kālaṃ kamalālayasthe || 10||

श्रीकादिविद्ये कमलालयस्थे त्वन्मूलविद्याजपतो महान्तः ।ज्योतिर्मयं ते परचित्स्वरूपं भजन्ति विश्वोत्थविकारहीनम् ॥ ११॥

śrīkādividye kamalālayasthe tvanmūlavidyājapato mahāntaḥ |jyotirmayaṃ te paracitsvarūpaṃ bhajanti viśvotthavikārahīnam || 11||

तेजोरूपविराजिते परशिवाभिन्नप्रकाशात्मिकेत्वं मातर्वियदादिविश्वजननी सर्वावभासिन्युमे ।स्वाभेदप्रविराजमानपरचिन्मात्रा त्वया प्रेरिताःमान्याः श्रीकमलाम्बिके बुधवराः कर्माचरन्त्यम्बिके ॥ १२॥

tejorūpavirājite paraśivābhinnaprakāśātmiketvaṃ mātarviyadādiviśvajananī sarvāvabhāsinyume |svābhedapravirājamānaparacinmātrā tvayā preritāḥmānyāḥ śrīkamalāmbike budhavarāḥ karmācarantyambike || 12||

विश्वाकृती राजसि जाग्रति त्वं स्वप्ने शिवे तैजसरूपधर्व्री ।प्राज्ञस्वरुपासि सुषुप्तिकाले तुरीयरूपा कमलालयस्थे ॥ १३॥

viśvākṛtī rājasi jāgrati tvaṃ svapne śive taijasarūpadharvrī |prājñasvarupāsi suṣuptikāle turīyarūpā kamalālayasthe || 13||

इदन्तया श्रीजगदीश्वरि त्वं सामान्यतः श्रीपरचित्स्वरुपे ।अहन्तया श्रीकमलालयस्थे विशेषतो भासि सदाशिवे त्वम् ॥ १४॥

idantayā śrījagadīśvari tvaṃ sāmānyataḥ śrīparacitsvarupe |ahantayā śrīkamalālayasthe viśeṣato bhāsi sadāśive tvam || 14||

शक्त्याकृतिः श्रीकमलालयस्थे जगत्सिसृक्षासमये शिवस्य ।तत्पूर्वकाले निजरूपतस्त्वं विराजसे विश्वतनो परेशि ॥ १५॥

śaktyākṛtiḥ śrīkamalālayasthe jagatsisṛkṣāsamaye śivasya |tatpūrvakāle nijarūpatastvaṃ virājase viśvatano pareśi || 15||

त्वत्पादपद्मं वरदे प्रणन्तुं स्तोतुं महेश्यर्चयितुं ह्यशक्तः ।कथं भविष्यामि शिवे भवाब्धेः शक्तः परं पारमुमे सुतर्तुम् ॥ १६॥

tvatpādapadmaṃ varade praṇantuṃ stotuṃ maheśyarcayituṃ hyaśaktaḥ |kathaṃ bhaviṣyāmi śive bhavābdheḥ śaktaḥ paraṃ pāramume sutartum || 16||

अज्ञानदुष्टग्रहपीडितानां नृणामपाङ्गेक्षणसद्विभूतिः ।महौषधिर्मन्त्रविदस्तवेति प्राहुर्महान्तो गुरुरूपधर्त्रि ॥ १७॥

ajñānaduṣṭagrahapīḍitānāṃ nṛṇāmapāṅgekṣaṇasadvibhūtiḥ |mahauṣadhirmantravidastaveti prāhurmahānto gururūpadhartri || 17||

कमलालयतटशोभितविमलालयविलसत्कमलापतिकमलासनकमलार्चितविभवम् ।कमलाङ्घ्रिककमलाननकमलाम्बकविलसत्कमलाभिधमह आन्तरकमले मम कलये ॥ १८॥

kamalālayataṭaśobhitavimalālayavilasatkamalāpatikamalāsanakamalārcitavibhavam |kamalāṅghrikakamalānanakamalāmbakavilasatkamalābhidhamaha āntarakamale mama kalaye || 18||

मातः परेशि कमलालयहंसिरूपेनातः परं गदितुमस्ति हि किञ्चिदम्ब ।मच्चित्तपङ्कजतले कमलाम्बिके त्वंसच्चित्तनो विहर हंसिवदम्बुजे त्वम् ॥ १९॥

mātaḥ pareśi kamalālayahaṃsirūpenātaḥ paraṃ gaditumasti hi kiñcidamba |maccittapaṅkajatale kamalāmbike tvaṃsaccittano vihara haṃsivadambuje tvam || 19||

कटकमासगतार्यमोडुनि कनकरत्नभूषिताकटितटोल्लसदिन्दुकुन्दसुकान्तिभृद्धवलाम्बरा ।कुटिलकुन्तलकोमला ग्रथितप्रलम्बकचाग्रकाकुटजकुन्दसुमाल्यका कमलाम्बिका प्रविराजते ॥ २०॥

kaṭakamāsagatāryamoḍuni kanakaratnabhūṣitākaṭitaṭollasadindukundasukāntibhṛddhavalāmbarā |kuṭilakuntalakomalā grathitapralambakacāgrakākuṭajakundasumālyakā kamalāmbikā pravirājate || 20||

कमलतटनिवासां कामितार्थप्रदात्रींसमलमतिसुदूरां सामगानप्रियां ताम् ।शमलगिरिसुवज्रां श्यामलादिप्रपूज्यांविमलहृदयवासां व्योमरूपां भजेऽहम् ॥ २१॥

kamalataṭanivāsāṃ kāmitārthapradātrīṃsamalamatisudūrāṃ sāmagānapriyāṃ tām |śamalagirisuvajrāṃ śyāmalādiprapūjyāṃvimalahṛdayavāsāṃ vyomarūpāṃ bhaje'ham || 21||

यजनपरमनुजवरशिववदनजार्चितांभजनपरसनकमुखमुनिहृदयसंस्थिताम् ।अजजनकहयवदनहरिहयसुपूजितांभज हृदय रविजलजगुरुवरदशङ्करीम् ॥ २२॥

yajanaparamanujavaraśivavadanajārcitāṃbhajanaparasanakamukhamunihṛdayasaṃsthitām |ajajanakahayavadanaharihayasupūjitāṃbhaja hṛdaya ravijalajaguruvaradaśaṅkarīm || 22||

करे विराजत्कमनीयपङ्कजां नरेन्द्रयोगीन्द्रनमत्पदाम्बुजाम् ।धराधरेन्द्रस्य तपःप्रभावजां वरेण्यरुपां कलये शिवामजाम् ॥ २३॥

kare virājatkamanīyapaṅkajāṃ narendrayogīndranamatpadāmbujām |dharādharendrasya tapaḥprabhāvajāṃ vareṇyarupāṃ kalaye śivāmajām || 23||

स्वाभेदतः श्रीकमलाम्बिके त्वां स्वान्तस्थहृत्पद्मतले महान्तः ।ध्यायन्ति ये ते परचित्स्वरूपे स्वानन्दवाराम्निधिं सन्निमग्नाः ॥ २४॥

svābhedataḥ śrīkamalāmbike tvāṃ svāntasthahṛtpadmatale mahāntaḥ |dhyāyanti ye te paracitsvarūpe svānandavārāmnidhiṃ sannimagnāḥ || 24||

मुद्राक्षमालाम्बुजपाशहस्तां स्ववामजानूर्ध्वगतान्यजानुम् ।योगासनस्थां कमलालयस्थां भजे सदा श्रीकमलाम्बिके त्वाम् ॥ २५॥

mudrākṣamālāmbujapāśahastāṃ svavāmajānūrdhvagatānyajānum |yogāsanasthāṃ kamalālayasthāṃ bhaje sadā śrīkamalāmbike tvām || 25||

वीणावादनतत्परां विधिनुतामेणाङ्कतुल्याननांवाणीनिर्जितकीरकोकिलखगश्रेणिं सुगानप्रियाम् ।वेणीबन्धलसत्सुमां वरमहामाणिक्यभूषान्वितांवाणीस्थां कमलाम्बिकां मम शिवप्राणात्मिकां संश्रये ॥ २६॥

vīṇāvādanatatparāṃ vidhinutāmeṇāṅkatulyānanāṃvāṇīnirjitakīrakokilakhagaśreṇiṃ sugānapriyām |veṇībandhalasatsumāṃ varamahāmāṇikyabhūṣānvitāṃvāṇīsthāṃ kamalāmbikāṃ mama śivaprāṇātmikāṃ saṃśraye || 26||

ईशानकोणे कमलालयस्य श्रीत्यागराजस्य तु वायुकोणे ।ईशानदृष्टिः कमलाम्बिकाख्या या भाति सा श्रीरमृता सतां हि ॥ २७॥

īśānakoṇe kamalālayasya śrītyāgarājasya tu vāyukoṇe |īśānadṛṣṭiḥ kamalāmbikākhyā yā bhāti sā śrīramṛtā satāṃ hi || 27||

अबलालयवद्विराजित श्रीकमलालयसंस्थितां कुमारीम् ।सफले लयहीनमूर्तिमम्बां जनिरप्यवलोकयतां नृणां दृक् ॥ २८॥

abalālayavadvirājita śrīkamalālayasaṃsthitāṃ kumārīm |saphale layahīnamūrtimambāṃ janirapyavalokayatāṃ nṛṇāṃ dṛk || 28||

तवैव भासा कमलालयस्थे सम्प्राप्तवान्भास्करतां दिनेशः ।त्वत्पादपद्मोत्थसुधाब्धिमग्नः सुधांशुतां प्राप निशापतिर्हि ॥ २९॥

tavaiva bhāsā kamalālayasthe samprāptavānbhāskaratāṃ dineśaḥ |tvatpādapadmotthasudhābdhimagnaḥ sudhāṃśutāṃ prāpa niśāpatirhi || 29||

श्रीकामराजाख्यसुमन्त्रलक्ष्ये नाकाधिराजस्तुतपादपद्मे ।एकापि भक्तावलिरक्षणार्थं नैकासि मातः कमलालयस्थे ॥ ३०॥

śrīkāmarājākhyasumantralakṣye nākādhirājastutapādapadme |ekāpi bhaktāvalirakṣaṇārthaṃ naikāsi mātaḥ kamalālayasthe || 30||

वर्णादिरूपे शिवशक्त्यभेदमूर्ते चिदानन्दरसप्रदात्रि ।मातः शिवे त्वं शिवशक्तिभेदवर्णस्वरूपेण विराजितासि ॥ ३१॥

varṇādirūpe śivaśaktyabhedamūrte cidānandarasapradātri |mātaḥ śive tvaṃ śivaśaktibhedavarṇasvarūpeṇa virājitāsi || 31||

त्वत्पादपद्मोथसुधासुपानात् सदा निजानन्दरसैकनिष्ठाःमदादिहीनाः कमलालयस्थे माद्यन्ति मर्त्यास्तव भक्तवर्याः ॥ ३२॥

tvatpādapadmothasudhāsupānāt sadā nijānandarasaikaniṣṭhāḥmadādihīnāḥ kamalālayasthe mādyanti martyāstava bhaktavaryāḥ || 32||

अनुग्रहस्ते यदि सत्यमम्ब न मे भयं श्रीकमलालयस्थे ।अनुग्रहो नो यदि सत्यमम्ब न मेऽभयं कामकलास्वरूपे ॥ ३३॥

anugrahaste yadi satyamamba na me bhayaṃ śrīkamalālayasthe |anugraho no yadi satyamamba na me'bhayaṃ kāmakalāsvarūpe || 33||

मदम्बिका हृत्कमलान्तरस्था चिदम्बिका श्रीकमलालयस्था ।अनन्तसौख्यं कमलासनस्था तनोतु देवी कमलाम्बिका मे ॥ ३४॥

madambikā hṛtkamalāntarasthā cidambikā śrīkamalālayasthā |anantasaukhyaṃ kamalāsanasthā tanotu devī kamalāmbikā me || 34||

यत्सङ्कल्पविकल्पबीजजनितं त्वन्तर्महीसम्भवंकृत्याकृत्यजलप्रवर्धितमुमे जन्मादिहेतुं परम् ।धर्माधर्मफलप्रदं तव वरज्ञानासिना ये नराःपुण्यापुण्यमहाद्रुमं नगसुते छिन्दन्ति धीरा हि ते ॥ ३५॥

yatsaṅkalpavikalpabījajanitaṃ tvantarmahīsambhavaṃkṛtyākṛtyajalapravardhitamume janmādihetuṃ param |dharmādharmaphalapradaṃ tava varajñānāsinā ye narāḥpuṇyāpuṇyamahādrumaṃ nagasute chindanti dhīrā hi te || 35||

अनिन्धनं समेधिते निरन्तरं हृदन्तरेचिदाशुशुक्षणौ महाविमोहरात्रिनाशके ।अवाच्यवैभवे परे विचित्रभाविकासितेजुहोम्यहं धरादिमं शिवान्ततत्त्वमम्बिके ॥ ३६॥

anindhanaṃ samedhite nirantaraṃ hṛdantarecidāśuśukṣaṇau mahāvimoharātrināśake |avācyavaibhave pare vicitrabhāvikāsitejuhomyahaṃ dharādimaṃ śivāntatattvamambike || 36||

लाक्षारसारक्तपदाम्बुजाढ्या द्राक्षासुमाधुर्यवचोविधात्री ।आक्षारूपा कमलालयेऽम्ब साक्षाद्विभाति स्वकभक्तपक्षा ॥ ३७॥

lākṣārasāraktapadāmbujāḍhyā drākṣāsumādhuryavacovidhātrī |ākṣārūpā kamalālaye'mba sākṣādvibhāti svakabhaktapakṣā || 37||

अक्षरत्रयरूपिणीमखिलाक्षवृत्तिविनाशिनींऋक्षराजसुभाविताममृताक्षराङ्घ्रियुगां भजे ।अक्षरासनसंस्थितामजशिक्षकेभमुखप्रियांचिक्षुरादिविनाशिनीं वरलक्षणां कमलाम्बिकाम् ॥ ३८॥

akṣaratrayarūpiṇīmakhilākṣavṛttivināśinīṃṛkṣarājasubhāvitāmamṛtākṣarāṅghriyugāṃ bhaje |akṣarāsanasaṃsthitāmajaśikṣakebhamukhapriyāṃcikṣurādivināśinīṃ varalakṣaṇāṃ kamalāmbikām || 38||

अदीक्षितानां हि मनोऽक्ष्यलक्ष्या सुदीक्षितानां तु मनोऽक्षिलक्ष्यासदीक्षिता श्रीकमलालयस्था मदीक्षणस्यास्तु हृदोऽपि लक्ष्या ॥ ३९॥

adīkṣitānāṃ hi mano'kṣyalakṣyā sudīkṣitānāṃ tu mano'kṣilakṣyāsadīkṣitā śrīkamalālayasthā madīkṣaṇasyāstu hṛdo'pi lakṣyā || 39||

कमलेति तवाक्षरत्रयाणि कमनीयतमानि शुभप्रदानि ।कमलालयगे मलत्रयाणि कमलादिनुते हरन्ति मातः ॥ ४०॥

kamaleti tavākṣaratrayāṇi kamanīyatamāni śubhapradāni |kamalālayage malatrayāṇi kamalādinute haranti mātaḥ || 40||

मातर्देवि त्वत्पराभक्तिमार्गं हित्वा मोक्षस्यैकहेतुं मृडानि ।अन्यः पन्था विद्यते नायनायेत्येवं वेदो व्यक्तमेव ब्रवीति ॥ ४१॥

mātardevi tvatparābhaktimārgaṃ hitvā mokṣasyaikahetuṃ mṛḍāni |anyaḥ panthā vidyate nāyanāyetyevaṃ vedo vyaktameva bravīti || 41||

स्वाराज्यमाप्नोति स एव नूनम् स्वाभेदतः श्रीकमलालयस्थाम् ।स्वान्ताम्बुजे यो विमले ह्युपास्ते स्वाचार्यसन्दर्शितमार्गनिष्ठः ॥ ४२॥

svārājyamāpnoti sa eva nūnam svābhedataḥ śrīkamalālayasthām |svāntāmbuje yo vimale hyupāste svācāryasandarśitamārganiṣṭhaḥ || 42||

विद्याप्रपञ्चे विहरन्ति सन्तोऽविद्याप्रपञ्चे विहरन्ति मूढाः ।विद्याकृते श्रीकमलालयस्थेऽविद्याकृते त्वत्कृपयैव नूनम् ॥ ४३॥

vidyāprapañce viharanti santo'vidyāprapañce viharanti mūḍhāḥ |vidyākṛte śrīkamalālayasthe'vidyākṛte tvatkṛpayaiva nūnam || 43||

मकारवर्जं तव वामनेत्रबिन्द्वाढ्यमाद्ये कमलेति नाम ।श्रीकामराजाख्यवरार्णरूपं भजन्ति मान्याः स्वकबोधसिध्यै ॥ ४४॥

makāravarjaṃ tava vāmanetrabindvāḍhyamādye kamaleti nāma |śrīkāmarājākhyavarārṇarūpaṃ bhajanti mānyāḥ svakabodhasidhyai || 44||

उमेति वर्णद्वयमादिशक्ते नवाकृते तेऽक्षरतां हि मातः ।प्रदर्शयत्येव परास्वरूपे गुरुस्वरूपे कमलालयस्थे ॥ ४५॥

umeti varṇadvayamādiśakte navākṛte te'kṣaratāṃ hi mātaḥ |pradarśayatyeva parāsvarūpe gurusvarūpe kamalālayasthe || 45||

चतुर्भिराद्यैः समुपास्यमानां चतुर्विधैक्यानुभवैकवेद्याम् ।चतुःश्रुतीनामपि सारभूतां चतुर्मुखेड्यां कमलां भजेऽहम् ॥ ४६॥

caturbhirādyaiḥ samupāsyamānāṃ caturvidhaikyānubhavaikavedyām |catuḥśrutīnāmapi sārabhūtāṃ caturmukheḍyāṃ kamalāṃ bhaje'ham || 46||

श्रीनाथनामक्रिययैव नामविकारहीनं हि तव स्वरूपम् ।आनन्दभैरव्यगभाग्यभूते स्वानन्दमाप्नोति नरो विपाप्मा ॥ ४७॥

śrīnāthanāmakriyayaiva nāmavikārahīnaṃ hi tava svarūpam |ānandabhairavyagabhāgyabhūte svānandamāpnoti naro vipāpmā || 47||

भीरुं रक्षतु भैरवी भयहरा घोराद्भवाम्भोनिधेःकल्याणी कमलाम्बिका विहरतु स्वान्तस्थपद्मे सदा ।कां भो जात भजस्व कादिमनुराड्रूपां कुलाम्भोजगांअम्बां विश्वविमोहिनीं विधिनुतां पश्यान्तरे रागिणीम् ॥ ४८॥

bhīruṃ rakṣatu bhairavī bhayaharā ghorādbhavāmbhonidheḥkalyāṇī kamalāmbikā viharatu svāntasthapadme sadā |kāṃ bho jāta bhajasva kādimanurāḍrūpāṃ kulāmbhojagāṃambāṃ viśvavimohinīṃ vidhinutāṃ paśyāntare rāgiṇīm || 48||

मम चेतः कमलं मलत्रयाढ्यं विमलाङ्घ्रिद्वयसन्निवेशनात्ते ।अमलं कमलाम्ब कुरुष्व तस्मान्मम लाभः परमो न तेऽम्ब हानिः ॥ ४९॥

mama cetaḥ kamalaṃ malatrayāḍhyaṃ vimalāṅghridvayasanniveśanātte |amalaṃ kamalāmba kuruṣva tasmānmama lābhaḥ paramo na te'mba hāniḥ || 49||

स्वरेशचन्द्रद्वयशक्तिबीजत्रयाढ्यमाद्ये कमलेति नाम ।मकारवर्जं तव मूलविद्यां विद्योतयत्येव गुरुस्वरूपे ॥ ५०॥

svareśacandradvayaśaktibījatrayāḍhyamādye kamaleti nāma |makāravarjaṃ tava mūlavidyāṃ vidyotayatyeva gurusvarūpe || 50||

शान्तस्वरूपा विमलप्रकाशा त्वमात्मरूपा च गुहान्तरस्था ।मातश्चिदानन्दतनुर्विभासि त्वमम्बिकेऽनन्तसुखप्रदात्रि ॥ ५१॥

śāntasvarūpā vimalaprakāśā tvamātmarūpā ca guhāntarasthā |mātaścidānandatanurvibhāsi tvamambike'nantasukhapradātri || 51||

अनन्तसूत्रग्रथिता सुवर्णमालाऽतिमाधुर्यवचस्सुमाढ्या ।गुरुस्वरूपा कमलाम्बिका या तदङ्घ्रिपद्मं समलङ्करोतु ॥ ५२॥

anantasūtragrathitā suvarṇamālā'timādhuryavacassumāḍhyā |gurusvarūpā kamalāmbikā yā tadaṅghripadmaṃ samalaṅkarotu || 52||

इति श्रीगुहानन्दमण्डलीसंस्थापकतदध्यक्षश्रीमच्चिदानन्दनाथाख्यसद्गुरुपादाब्जामृतपायिनाअनन्तानन्दनाथेन रचितः श्रीकमलाम्बिकास्तवः सम्पूर्णः ॥

iti śrīguhānandamaṇḍalīsaṃsthāpakatadadhyakṣaśrīmaccidānandanāthākhyasadgurupādābjāmṛtapāyināanantānandanāthena racitaḥ śrīkamalāmbikāstavaḥ sampūrṇaḥ ||