लक्ष्मीनारायणकवचम् Shrilakshminarayanakavacham

श्रीगणेशाय नमः ।श्रीभैरव उवाच ।अधुना देवि वक्ष्यामि लक्ष्मीनारायणस्य ते ।कवचं मन्त्रगर्भं च वज्रपञ्जरकाख्यया ॥ १॥

śrīgaṇeśāya namaḥ |śrībhairava uvāca |adhunā devi vakṣyāmi lakṣmīnārāyaṇasya te |kavacaṃ mantragarbhaṃ ca vajrapañjarakākhyayā || 1||

श्रीवज्रपञ्जरं नाम कवचं परमाद्भुतम् ।रहस्यं सर्वदेवानां साधकानां विशेषतः ॥ २॥

śrīvajrapañjaraṃ nāma kavacaṃ paramādbhutam |rahasyaṃ sarvadevānāṃ sādhakānāṃ viśeṣataḥ || 2||

यं धृत्वा भगवान् देवः प्रसीदति परः पुमान् ।यस्य धारणमात्रेण ब्रह्मा लोकपितामहः ॥ ३॥

yaṃ dhṛtvā bhagavān devaḥ prasīdati paraḥ pumān |yasya dhāraṇamātreṇa brahmā lokapitāmahaḥ || 3||

ईश्वरोऽहं शिवो भीमो वासवोऽपि दिवस्पतिः ।सूर्यस्तेजोनिधिर्देवि चन्द्रर्मास्तारकेश्वरः ॥ ४॥

īśvaro'haṃ śivo bhīmo vāsavo'pi divaspatiḥ |sūryastejonidhirdevi candrarmāstārakeśvaraḥ || 4||

वायुश्च बलवांल्लोके वरुणो यादसाम्पतिः ।कुबेरोऽपि धनाध्यक्षो धर्मराजो यमः स्मृतः ॥ ५॥

vāyuśca balavāṃlloke varuṇo yādasāmpatiḥ |kubero'pi dhanādhyakṣo dharmarājo yamaḥ smṛtaḥ || 5||

यं धृत्वा सहसा विष्णुः संहरिष्यति दानवान् ।जघान रावणादींश्च किं वक्ष्येऽहमतः परम् ॥ ६॥

yaṃ dhṛtvā sahasā viṣṇuḥ saṃhariṣyati dānavān |jaghāna rāvaṇādīṃśca kiṃ vakṣye'hamataḥ param || 6||

कवचस्यास्य सुभगे कथितोऽयं मुनिः शिवः ।त्रिष्टुप् छन्दो देवता च लक्ष्मीनारायणो मतः ॥ ७॥

kavacasyāsya subhage kathito'yaṃ muniḥ śivaḥ |triṣṭup chando devatā ca lakṣmīnārāyaṇo mataḥ || 7||

रमा बीजं परा शक्तिस्तारं कीलकमीश्वरि ।भोगापवर्गसिद्ध्यर्थं विनियोग इति स्मृतः ॥ ८॥

ramā bījaṃ parā śaktistāraṃ kīlakamīśvari |bhogāpavargasiddhyarthaṃ viniyoga iti smṛtaḥ || 8||

ॐ अस्य श्रीलक्ष्मीनारायणकवचस्य शिवः ऋषिः \,त्रिष्टुप् छन्दः \, श्रीलक्ष्मीनारायण देवता \,श्रीं बीजं \, ह्रीं शक्तिः \, ॐ कीलकं \,भोगापवर्गसिद्ध्यर्थे पाठे विनियोगः ।अथ ध्यानम् ।पूर्णेन्दुवदनं पीतवसनं कमलासनम् ।लक्ष्म्या श्रितं चतुर्बाहुं लक्ष्मीनारायणं भजे ॥ ९॥

oṃ asya śrīlakṣmīnārāyaṇakavacasya śivaḥ ṛṣiḥ \,triṣṭup chandaḥ \, śrīlakṣmīnārāyaṇa devatā \,śrīṃ bījaṃ \, hrīṃ śaktiḥ \, oṃ kīlakaṃ \,bhogāpavargasiddhyarthe pāṭhe viniyogaḥ |atha dhyānam |pūrṇenduvadanaṃ pītavasanaṃ kamalāsanam |lakṣmyā śritaṃ caturbāhuṃ lakṣmīnārāyaṇaṃ bhaje || 9||

अथ कवचम् ।ॐ वासुदेवोऽवतु मे मस्तकं सशिरोरुहम् ।ह्रीं ललाटं सदा पातु लक्ष्मीविष्णुः समन्ततः ॥ १०॥

atha kavacam |oṃ vāsudevo'vatu me mastakaṃ saśiroruham |hrīṃ lalāṭaṃ sadā pātu lakṣmīviṣṇuḥ samantataḥ || 10||

ह्सौः नेत्रेऽवताल्लक्ष्मीगोविन्दो जगतां पतिः ।ह्रीं नासां सर्वदा पातु लक्ष्मीदामोदरः प्रभुः ॥ ११॥

hsauḥ netre'vatāllakṣmīgovindo jagatāṃ patiḥ |hrīṃ nāsāṃ sarvadā pātu lakṣmīdāmodaraḥ prabhuḥ || 11||

श्रीं मुखं सततं पातु देवो लक्ष्मीत्रिविक्रमः ।लक्ष्मी कण्ठं सदा पातु देवो लक्ष्मीजनार्दनः ॥ १२॥

śrīṃ mukhaṃ satataṃ pātu devo lakṣmītrivikramaḥ |lakṣmī kaṇṭhaṃ sadā pātu devo lakṣmījanārdanaḥ || 12||

नारायणाय बाहू मे पातु लक्ष्मीगदाग्रजः ।नमः पार्श्वौ सदा पातु लक्ष्मीनन्दैकनन्दनः ॥ १३॥

nārāyaṇāya bāhū me pātu lakṣmīgadāgrajaḥ |namaḥ pārśvau sadā pātu lakṣmīnandaikanandanaḥ || 13||

अं आं इं ईं पातु वक्षो ॐ लक्ष्मीत्रिपुरेश्वरः ।उं ऊं ऋं ॠं पातु कुक्षिं ह्रीं लक्ष्मीगरुडध्वजः ॥ १४॥

aṃ āṃ iṃ īṃ pātu vakṣo oṃ lakṣmītripureśvaraḥ |uṃ ūṃ ṛṃ ṝṃ pātu kukṣiṃ hrīṃ lakṣmīgaruḍadhvajaḥ || 14||

ऌं ॡं एं ऐं पातु पृष्ठं ह्सौः लक्ष्मीनृसिंहकः ।ओं औं अं अः पातु नाभिं ह्रीं लक्ष्मीविष्टरश्रवः ॥ १५॥

ḷṃ ḹṃ eṃ aiṃ pātu pṛṣṭhaṃ hsauḥ lakṣmīnṛsiṃhakaḥ |oṃ auṃ aṃ aḥ pātu nābhiṃ hrīṃ lakṣmīviṣṭaraśravaḥ || 15||

कं खं गं घं गुदं पातु श्रीं लक्ष्मीकैटभान्तकः ।चं छं जं झं पातु शिश्र्नं लक्ष्मी लक्ष्मीश्वरः प्रभुः ॥ १६॥

kaṃ khaṃ gaṃ ghaṃ gudaṃ pātu śrīṃ lakṣmīkaiṭabhāntakaḥ |caṃ chaṃ jaṃ jhaṃ pātu śiśrnaṃ lakṣmī lakṣmīśvaraḥ prabhuḥ || 16||

टं ठं डं ढं कटिं पातु नारायणाय नायकः ।तं थं दं धं पातु चोरू नमो लक्ष्मीजगत्पतिः ॥ १७॥

ṭaṃ ṭhaṃ ḍaṃ ḍhaṃ kaṭiṃ pātu nārāyaṇāya nāyakaḥ |taṃ thaṃ daṃ dhaṃ pātu corū namo lakṣmījagatpatiḥ || 17||

पं फं बं भं पातु जानू ॐ ह्रीं लक्ष्मीचतुर्भुजः ।यं रं लं वं पातु जङ्घे ह्सौः लक्ष्मीगदाधरः ॥ १८॥

paṃ phaṃ baṃ bhaṃ pātu jānū oṃ hrīṃ lakṣmīcaturbhujaḥ |yaṃ raṃ laṃ vaṃ pātu jaṅghe hsauḥ lakṣmīgadādharaḥ || 18||

शं षं सं हं पातु गुल्फौ ह्रीं श्रीं लक्ष्मीरथाङ्गभृत् ।ळं क्षः पादौ सदा पातु मूलं लक्ष्मीसहस्रपात् ॥ १९॥

śaṃ ṣaṃ saṃ haṃ pātu gulphau hrīṃ śrīṃ lakṣmīrathāṅgabhṛt |ḷaṃ kṣaḥ pādau sadā pātu mūlaṃ lakṣmīsahasrapāt || 19||

ङं ञं णं नं मं मे पातु लक्ष्मीशः सकलं वपुः ।इन्द्रो मां पूर्वतः पातु वह्निर्वह्नौ सदावतु ॥ २०॥

ṅaṃ ñaṃ ṇaṃ naṃ maṃ me pātu lakṣmīśaḥ sakalaṃ vapuḥ |indro māṃ pūrvataḥ pātu vahnirvahnau sadāvatu || 20||

यमो मां दक्षिणे पातु नैरृत्यां निरृतिश्च माम् ।वरुणः पश्चिमेऽव्यान्मां वायव्येऽवतु मां मरुत् ॥ २१॥

yamo māṃ dakṣiṇe pātu nairṛtyāṃ nirṛtiśca mām |varuṇaḥ paścime'vyānmāṃ vāyavye'vatu māṃ marut || 21||

उत्तरे धनदः पायादैशान्यामीश्वरोऽवतु ।वज्रशक्तिदण्डखड्ग पाशयष्टिध्वजाङ्किताः ॥ २२॥

uttare dhanadaḥ pāyādaiśānyāmīśvaro'vatu |vajraśaktidaṇḍakhaḍga pāśayaṣṭidhvajāṅkitāḥ || 22||

सशूलाः सर्वदा पान्तु दिगीशाः परमार्थदाः ।अनन्तः पात्वधो नित्यमूर्ध्वे ब्रह्मावताच्च माम् ॥ २३॥

saśūlāḥ sarvadā pāntu digīśāḥ paramārthadāḥ |anantaḥ pātvadho nityamūrdhve brahmāvatācca mām || 23||

दशदिक्षु सदा पातु लक्ष्मीनारायणः प्रभुः ।प्रभाते पातु मां विष्णुर्मध्याह्ने वासुदेवकः ॥ २४॥

daśadikṣu sadā pātu lakṣmīnārāyaṇaḥ prabhuḥ |prabhāte pātu māṃ viṣṇurmadhyāhne vāsudevakaḥ || 24||

दामोदरोऽवतात् सायं निशादौ नरसिंहकः ।सङ्कर्षणोऽर्धरात्रेऽव्यात् प्रभातेऽव्यात् त्रिविक्रमः ॥ २५॥

dāmodaro'vatāt sāyaṃ niśādau narasiṃhakaḥ |saṅkarṣaṇo'rdharātre'vyāt prabhāte'vyāt trivikramaḥ || 25||

अनिरुद्धः सर्वकालं विश्वक्सेनश्च सर्वतः ।रणे राजकुले द्युते विवादे शत्रुसङ्कटेॐ ह्रीं ह्सौः ह्रीं श्रीं मूलं लक्ष्मीनारायणोऽवतु ॥ २६॥

aniruddhaḥ sarvakālaṃ viśvaksenaśca sarvataḥ |raṇe rājakule dyute vivāde śatrusaṅkaṭeoṃ hrīṃ hsauḥ hrīṃ śrīṃ mūlaṃ lakṣmīnārāyaṇo'vatu || 26||

ॐॐॐरणराजचौररिपुतः पायाच्च मां केशवःह्रींह्रींह्रींहह्हाह्सौः ह्सह्सौः वह्नेर्वतान्माधवः ।ह्रींह्रींह्रींजलपर्वताग्निभयतः पायादनन्तो विभुःश्रींश्रींश्रींशशशाललं प्रतिदिनं लक्ष्मीधवः पातु माम् ॥ २७॥

oṃoṃoṃraṇarājacaurariputaḥ pāyācca māṃ keśavaḥhrīṃhrīṃhrīṃhahhāhsauḥ hsahsauḥ vahnervatānmādhavaḥ |hrīṃhrīṃhrīṃjalaparvatāgnibhayataḥ pāyādananto vibhuḥśrīṃśrīṃśrīṃśaśaśālalaṃ pratidinaṃ lakṣmīdhavaḥ pātu mām || 27||

इतीदं कवचं दिव्यं वज्रपञ्जरकाभिधम् ।लक्ष्मीनारायणस्येष्टं चतुर्वर्गफलप्रदम् ॥ २८॥

itīdaṃ kavacaṃ divyaṃ vajrapañjarakābhidham |lakṣmīnārāyaṇasyeṣṭaṃ caturvargaphalapradam || 28||

सर्वसौभाग्यनिलयं सर्वसारस्वतप्रदम् ।लक्ष्मीसंवननं तत्त्वं परमार्थरसायनम् ॥ २९॥

sarvasaubhāgyanilayaṃ sarvasārasvatapradam |lakṣmīsaṃvananaṃ tattvaṃ paramārtharasāyanam || 29||

मन्त्रगर्भं जगत्सारं रहस्यं त्रिदिवौकसाम् ।दशवारं पठेद्रात्रौ रतान्ते वैष्णवोत्तमः ॥ ३०॥

mantragarbhaṃ jagatsāraṃ rahasyaṃ tridivaukasām |daśavāraṃ paṭhedrātrau ratānte vaiṣṇavottamaḥ || 30||

स्वप्ने वरप्रदं पश्येल्लक्ष्मीनारायणं सुधीः ।त्रिसन्ध्यं यः पठेन्नित्यं कवचं मन्मुखोदितम् ॥ ३१॥

svapne varapradaṃ paśyellakṣmīnārāyaṇaṃ sudhīḥ |trisandhyaṃ yaḥ paṭhennityaṃ kavacaṃ manmukhoditam || 31||

स याति परमं धाम वैष्णवं वैष्णवेश्वरः ।महाचीनपदस्थोऽपि यः पठेदात्मचिन्तकः ॥ ३२॥

sa yāti paramaṃ dhāma vaiṣṇavaṃ vaiṣṇaveśvaraḥ |mahācīnapadastho'pi yaḥ paṭhedātmacintakaḥ || 32||

आनन्दपूरितस्तूर्णं लभेद् मोक्षं स साधकः ।गन्धाष्टकेन विलिखेद्रवौ भूर्जे जपन्मनुम् ॥ ३३॥

ānandapūritastūrṇaṃ labhed mokṣaṃ sa sādhakaḥ |gandhāṣṭakena vilikhedravau bhūrje japanmanum || 33||

पीतसूत्रेण संवेष्ट्य सौवर्णेनाथ वेष्टयेत् ।धारयेद्गुटिकां मूर्ध्नि लक्ष्मीनारायणं स्मरन् ॥ ३४॥

pītasūtreṇa saṃveṣṭya sauvarṇenātha veṣṭayet |dhārayedguṭikāṃ mūrdhni lakṣmīnārāyaṇaṃ smaran || 34||

रणे रिपुन् विजित्याशु कल्याणी गृहमाविशेत् ।वन्ध्या वा काकवन्ध्या वा मृतवत्सा च याङ्गना ॥ ३५॥

raṇe ripun vijityāśu kalyāṇī gṛhamāviśet |vandhyā vā kākavandhyā vā mṛtavatsā ca yāṅganā || 35||

सा बध्नीयान् कण्ठदेशे लभेत् पुत्रांश्चिरायुषः ।गुरुपदेशतो धृत्वा गुरुं ध्यात्वा मनुं जपन् ॥ ३६॥

sā badhnīyān kaṇṭhadeśe labhet putrāṃścirāyuṣaḥ |gurupadeśato dhṛtvā guruṃ dhyātvā manuṃ japan || 36||

वर्णलक्षपुरश्चर्या फलमाप्नोति साधकः ।बहुनोक्तेन किं देवि कवचस्यास्य पार्वति ॥ ३७॥

varṇalakṣapuraścaryā phalamāpnoti sādhakaḥ |bahunoktena kiṃ devi kavacasyāsya pārvati || 37||

विनानेन न सिद्धिः स्यान्मन्त्रस्यास्य महेश्वरि ।सर्वागमरहस्याढ्यं तत्त्वात् तत्त्वं परात् परम् ॥ ३८॥

vinānena na siddhiḥ syānmantrasyāsya maheśvari |sarvāgamarahasyāḍhyaṃ tattvāt tattvaṃ parāt param || 38||

अभक्ताय न दातव्यं कुचैलाय दुरात्मने ।दीक्षिताय कुलीनाय स्वशिष्याय महात्मने ॥ ३९॥

abhaktāya na dātavyaṃ kucailāya durātmane |dīkṣitāya kulīnāya svaśiṣyāya mahātmane || 39||

महाचीनपदस्थाय दातव्यं कवचोत्तमम् ।गुह्यं गोप्यं महादेवि लक्ष्मीनारायणप्रियम् ।वज्रपञ्जरकं वर्म गोपनीयं स्वयोनिवत् ॥ ४०॥

mahācīnapadasthāya dātavyaṃ kavacottamam |guhyaṃ gopyaṃ mahādevi lakṣmīnārāyaṇapriyam |vajrapañjarakaṃ varma gopanīyaṃ svayonivat || 40||

॥ इति श्रीरुद्रयामले तन्त्रे श्रीदेवीरहस्येलक्ष्मीनारायणकवचं सम्पूर्णम् ॥

|| iti śrīrudrayāmale tantre śrīdevīrahasyelakṣmīnārāyaṇakavacaṃ sampūrṇam ||