श्रीकृष्णस्तोत्रम् (वामदेवभरद्वाजकृतं हरिवंशान्तर्गतम् इदानीमपि देवेश देवदेव यदोः कुले) Vamadevabharadvajakritam Shri Krishna Stotram
śrīkṛṣṇastotram (vāmadevabharadvājakṛtaṃ harivaṃśāntargatam idānīmapi deveśa devadeva yadoḥ kule)
Vamadevabharadvajakritam Shri Krishna Stotram (श्रीकृष्णस्तोत्रम् (वामदेवभरद्वाजकृतं हरिवंशान्तर्गतम् इदानीमपि देवेश देवदेव यदोः कुले)): a stotra to Kṛṣṇa. 11 verses in Sanskrit with Devanagari and IAST.
- Stotra
- Stotra
- Kṛṣṇa
- Stotra
श्रीकृष्णस्तोत्रम् (वामदेवभरद्वाजकृतं हरिवंशान्तर्गतम् इदानीमपि देवेश देवदेव यदोः कुले)
1 / 11
इदानीमपि देवेश देवदेव यदोः कुले ।अवतीर्य हरे विष्णो देवपक्षविरोधिनः ॥ १॥
idānīmapi deveśa devadeva yadoḥ kule |avatīrya hare viṣṇo devapakṣavirodhinaḥ || 1||
गोपालवेषमास्थाय कृष्णोऽसि शुभवेषवान् ।प्रलम्बं केशिनं हत्वा हन्ता कंसस्य माधव ॥ २॥
gopālaveṣamāsthāya kṛṣṇo'si śubhaveṣavān |pralambaṃ keśinaṃ hatvā hantā kaṃsasya mādhava || 2||
अहो रम्यमिदं विष्णो वपुर्नीलोत्पलच्छवि ।नीलकुञ्चितकेशाढ्यमुन्निद्रकमलेक्षणम् ॥ ३॥
aho ramyamidaṃ viṣṇo vapurnīlotpalacchavi |nīlakuñcitakeśāḍhyamunnidrakamalekṣaṇam || 3||
वनमालाकृतोरस्कं रज्जुयज्ञोपवीतिनम् ।शिक्यालम्बिघटीकक्षं करीषप्रोक्षितोदरम् ॥ ४॥
vanamālākṛtoraskaṃ rajjuyajñopavītinam |śikyālambighaṭīkakṣaṃ karīṣaprokṣitodaram || 4||
किंकिणीजालसंच्छन्नकटिशोभिप्रभामयम् ।दामकीलसमासक्तं भुजद्वयविभूषितम् ॥ ५॥
kiṃkiṇījālasaṃcchannakaṭiśobhiprabhāmayam |dāmakīlasamāsaktaṃ bhujadvayavibhūṣitam || 5||
वेणुवीणारवं कुर्वन् पर्णवाद्यमनोहरम् ।अहो मनोरमं रूपं पश्यामस्तव माधव ॥ ६॥
veṇuvīṇāravaṃ kurvan parṇavādyamanoharam |aho manoramaṃ rūpaṃ paśyāmastava mādhava || 6||
गोपालास्ते चिरं धन्या ये रूपमिदमीदृशम् ।पश्यन्ति नित्यशो विष्णो नमस्ते पुरुषोत्तम ॥ ७॥
gopālāste ciraṃ dhanyā ye rūpamidamīdṛśam |paśyanti nityaśo viṣṇo namaste puruṣottama || 7||
नमः कृष्णवपुर्धात्रे गोपवेषविलासिने ।अचिन्त्यविभवे तुभ्यं सर्वगाय नमो नमः ॥ ८॥
namaḥ kṛṣṇavapurdhātre gopaveṣavilāsine |acintyavibhave tubhyaṃ sarvagāya namo namaḥ || 8||
नमः सकलकल्याण कल्याणाय नमो नमः ।नमः परमतत्त्वाय नमः परमयोगिने ॥ ९॥
namaḥ sakalakalyāṇa kalyāṇāya namo namaḥ |namaḥ paramatattvāya namaḥ paramayogine || 9||
देवदेव जगद्वास सर्वकारणकारण ।भूयः पुनर्नमस्यामस्तव योगपदं हरे ।साधयामो नमस्तेऽस्तु तीर्थाय जगतां पते ॥ १०॥
devadeva jagadvāsa sarvakāraṇakāraṇa |bhūyaḥ punarnamasyāmastava yogapadaṃ hare |sādhayāmo namaste'stu tīrthāya jagatāṃ pate || 10||
इति हरिवंशान्तर्गतं वामदेव-भरद्वाजकृतं श्रीकृष्णस्तोत्रं सम्पूर्णम् ।हरिवंश । अनुबन्ध परिशिष्ट । अध्याय अ१३\।६०॥हरिवंश । अनुबन्ध – परिशिष्ट । अध्याय अ१३।६०॥
iti harivaṃśāntargataṃ vāmadeva-bharadvājakṛtaṃ śrīkṛṣṇastotraṃ sampūrṇam |harivaṃśa | anubandha pariśiṣṭa | adhyāya a13\|60||harivaṃśa | anubandha – pariśiṣṭa | adhyāya a13|60||
॥ इति श्रीकृष्णस्तोत्रम् (वामदेवभरद्वाजकृतं हरिवंशान्तर्गतम् इदानीमपि देवेश देवदेव यदोः कुले) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Vamadevabharadvajakritam Shri Krishna Stotram?
Vamadevabharadvajakritam Shri Krishna Stotram has 11 verses on this page, each shown with its number, Devanagari text and transliteration, and meaning where available.
Can I read Vamadevabharadvajakritam Shri Krishna Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Vamadevabharadvajakritam Shri Krishna Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
