त्रैलोक्यविजयकवचस्तोत्रम् Vasishthamuniproktam Trailokyavijayakavacha Stotram

सगर उवाच ।श्रुतं सर्वं मुनिश्रेष्ठ कीर्त्यमानं त्वया विभो ।कवचं वद सर्वत्र त्रैलोक्यविजयप्रदम् ॥ २, ३३\।१॥वसिष्ठ उवाच ।शृणु वत्स प्रवक्ष्यामि कवचं परमाद्भुतम् ।मन्त्रं च सिद्धिदं शश्वत्साधकानां सुखावहम् ॥ २, ३३\।२॥गोपीजनपदस्यान्ते वल्लभाय समुच्चरेत् ।स्वाहान्तोऽयं महामन्त्रो दशार्णो भुक्तिमुक्तिदः ॥ २, ३३\।३॥सदाशिवस्त्वस्य ऋषिः पङ्क्तिश्छन्द उदाहृतम् ।देवता कृष्ण उदितो विनियोगोऽखिलाप्तये ॥ २, ३३\।४॥त्रैलोक्यविजयस्याथ कवचस्य प्रजापतिः ।ऋषिश्छन्दश्च जगती देवो राजेश्वरः स्वयम् ॥ २, ३३\।५॥त्रैलोक्यविजयप्राप्तौ विनियोगः प्रकीर्त्तितः ।प्रणवो मे शिरः पातु श्रीकृष्णाय नमः सदा ॥ २, ३३\।६॥पायात्कपालं कृष्णाय स्वाहेति सततं मम ।कृष्णेति पातु नेत्रे मे कृष्णस्वाहेति तारकाम् ॥ २, ३३\।७॥हरये नम इत्येष भ्रूलतां पातु मे सदा ।ॐ गोविन्दाय स्वाहेति नासिकां पातु सन्ततम् ॥ २, ३३\।८॥गोपालाय नमो गण्डं पातु मे सततं मनुः ।क्लीं कृष्णाय नमः कर्णौं पातु कल्पतरुर्मम ॥ २, ३३\।९॥श्रीं कृष्णाय नमः पातु नित्यं मेऽधरयुग्मकम् ।ॐ गोपीशाय स्वाहेति दन्तपङ्क्तिं ममावतु ॥ २, ३३\।१०॥श्रीकृष्णेति रदच्छिद्रं पातु मे त्र्यक्षरो मनुः ।ॐ श्रीकृष्णाय स्वाहेति जिह्विकां पातु मे सदा ॥ २, ३३\।११॥रामेश्वराय स्वाहेति तालुकं पातु मे सदा ।राधिकेशाय स्वाहेति कण्ठं मे पातु सर्वदा ॥ २, ३३\।१२॥नमो गोपीगणेशाय ग्रीवां मे पातु सर्वदा ।ॐ गोपेशाय स्वाहेति स्कन्धौ पातु सदा मम ॥ २, ३३\।१३॥नमः किशोरवेषाय स्वाहा पृष्ठं ममावतु ।उदरं पातु मे नित्यं मुकुन्दाय नमो मनुः ॥ २, ३३\।१४॥ह्रीं श्रीङ्क्लीङ्कृष्णाय स्वाहा करौ पातु सदा मम ।ॐ विष्णवे नमः स्वाहा बाहुयुग्मं ममावतु ॥ २, ३३\।१५॥ॐ ह्रीम्भगवते स्वाहा नखपङ्क्तिं ममावतु ।नमो नारायणायेति नखरन्ध्रं ममावतु ॥ २, ३३\।१६॥ॐ ह्रींश्रीम्पद्मनाभाय नाभिं पातु सदा मम ।ॐ सर्वेशाय स्वाहेति केशान्मम सदावतु ॥ २, ३३\।१७॥नमः कृष्णाय स्वाहेति ब्रह्मरन्ध्रं सदावतु ।ॐ माधवाय स्वाहेति भालं मे सर्वदावतु ॥ २, ३३\।१८॥ॐ ह्रींश्रींरसिकेशाय कटिं मम सदावतु ।नमो गोपीजनेशाय ऊरू पातु सदा मम ॥ २, ३३\।१९॥ॐ नमो दैत्यनाशाय स्वाहेत्यवतु जानुनी ।यशोदानन्दनायेति नमोऽन्तो जङ्घकेऽवतु ॥ २, ३३\।२०॥रासारम्भप्रियायेति स्वाहान्तो ह्रीं ममावतु ।वृन्दाप्रियाय स्वाहेति सकलाङ्गानि मेऽवतु ॥ २, ३३\।२१॥परिपूर्णमनाः कृष्णः प्राच्यां मां सर्वदावतु ।स्वयं गोलोकनाथो मामाग्नेय्यां दिशि रक्षतु ॥ २, ३३\।२२॥पूर्णब्रह्मस्वरूपश्च दक्षिणे मां सदावतु ।नैरृत्यां पातु मां कृष्णाः पश्चिमे पातु मां हरिः ॥ २, ३३\।२३॥गोविन्दः पातु वायव्यामुत्तरे रसिकेश्वरः ।ऐशान्यां मे सदा पातु वृन्दावनविहारकृत् ॥ २, ३३\।२४॥वृन्दाप्राणेश्वरः शश्वत्पातु मामूर्द्ध्वदेशतः ।सदैव मामधः पातु बलिध्वंसी महाबलः ॥ २, ३३\।२५॥जले स्थले चान्तरिक्षे नृसिंहः पातु मां सदा ।स्वप्ने जागरणे चैव पातु मां माधवः स्वयम् ॥ २, ३३\।२६॥सर्वान्तरात्मा निर्लिप्तः पातु मां सर्वतो विभुः ।इति ते कथितं भूप सर्वाघौघविनाशनम् ॥ २, ३३\।२७॥त्रैलोक्यविजयं नाम कवचं परमेशितुः ।मया श्रुतं शिवमुखात्प्रवक्तव्यं न कस्यचित् ॥ २, ३३\।२८॥(फलश्रुतिः)गुरुमभ्यर्च्य विधिवत्कवचं धारयेत्तु यः ।कण्ठे वा दक्षिणे बाहौ सोऽपि विष्णुर्न संशयः ॥ २, ३३\।२९॥स साधकोऽवसद्यत्र तत्र वाणीरमे स्थिते ।यदि स्यात्सिद्धकवचो जीवन्मुक्तो न संशयः ॥ २, ३३\।३०॥निश्चितं कोटिवर्षाणां पूजायाः फलमाप्नुयात् ।राजसूयसहस्राणि वाजपेयशतानि च ॥ २, ३३\।३१॥महादानानि यान्येव भुवश्चापि प्रदक्षिणा ।त्रैलोक्यविजयस्यास्य कलां नार्हन्ति षोडशीम् ॥ २, ३३\।३२॥व्रतोपवासनियमाः स्वाध्यायाध्ययने तथा ।स्नानं च सर्वतीर्थेषु नास्यार्हन्ति कलामपि ॥ २, ३३\।३३॥सिद्धत्वममरत्वं च दासत्वं श्रीहरेरपि ।यदि स्यात्सिद्धकवचः सर्वं प्राप्नोति निश्चितम् ॥ २, ३३\।३४॥स भवेत्सिद्धकवचो दशलक्षं जपेत्तु यः ।यो भवेत्सिद्धकवचो विजयी स भवेद्ध्रुवम् ॥ २, ३३\।३५॥राज्यं देयं शिरो देयं प्राणा देयाश्च भूपते ।एतत्तु कवचं वत्स न देयं सङ्कटेऽपि च ॥ २, ३३\।३६॥मया प्रकाशितं यत्ते चैतेषां त्राणकारणात् ।ममाज्ञाकरणाच्चैव तद्विद्धि कुलभास्कर ।इदं धृत्वा तु कवचं चक्रवर्त्ती भवान्भव ॥ २, ३३\।३७॥

sagara uvāca |śrutaṃ sarvaṃ muniśreṣṭha kīrtyamānaṃ tvayā vibho |kavacaṃ vada sarvatra trailokyavijayapradam || 2, 33\|1||vasiṣṭha uvāca |śṛṇu vatsa pravakṣyāmi kavacaṃ paramādbhutam |mantraṃ ca siddhidaṃ śaśvatsādhakānāṃ sukhāvaham || 2, 33\|2||gopījanapadasyānte vallabhāya samuccaret |svāhānto'yaṃ mahāmantro daśārṇo bhuktimuktidaḥ || 2, 33\|3||sadāśivastvasya ṛṣiḥ paṅktiśchanda udāhṛtam |devatā kṛṣṇa udito viniyogo'khilāptaye || 2, 33\|4||trailokyavijayasyātha kavacasya prajāpatiḥ |ṛṣiśchandaśca jagatī devo rājeśvaraḥ svayam || 2, 33\|5||trailokyavijayaprāptau viniyogaḥ prakīrttitaḥ |praṇavo me śiraḥ pātu śrīkṛṣṇāya namaḥ sadā || 2, 33\|6||pāyātkapālaṃ kṛṣṇāya svāheti satataṃ mama |kṛṣṇeti pātu netre me kṛṣṇasvāheti tārakām || 2, 33\|7||haraye nama ityeṣa bhrūlatāṃ pātu me sadā |oṃ govindāya svāheti nāsikāṃ pātu santatam || 2, 33\|8||gopālāya namo gaṇḍaṃ pātu me satataṃ manuḥ |klīṃ kṛṣṇāya namaḥ karṇauṃ pātu kalpatarurmama || 2, 33\|9||śrīṃ kṛṣṇāya namaḥ pātu nityaṃ me'dharayugmakam |oṃ gopīśāya svāheti dantapaṅktiṃ mamāvatu || 2, 33\|10||śrīkṛṣṇeti radacchidraṃ pātu me tryakṣaro manuḥ |oṃ śrīkṛṣṇāya svāheti jihvikāṃ pātu me sadā || 2, 33\|11||rāmeśvarāya svāheti tālukaṃ pātu me sadā |rādhikeśāya svāheti kaṇṭhaṃ me pātu sarvadā || 2, 33\|12||namo gopīgaṇeśāya grīvāṃ me pātu sarvadā |oṃ gopeśāya svāheti skandhau pātu sadā mama || 2, 33\|13||namaḥ kiśoraveṣāya svāhā pṛṣṭhaṃ mamāvatu |udaraṃ pātu me nityaṃ mukundāya namo manuḥ || 2, 33\|14||hrīṃ śrīṅklīṅkṛṣṇāya svāhā karau pātu sadā mama |oṃ viṣṇave namaḥ svāhā bāhuyugmaṃ mamāvatu || 2, 33\|15||oṃ hrīmbhagavate svāhā nakhapaṅktiṃ mamāvatu |namo nārāyaṇāyeti nakharandhraṃ mamāvatu || 2, 33\|16||oṃ hrīṃśrīmpadmanābhāya nābhiṃ pātu sadā mama |oṃ sarveśāya svāheti keśānmama sadāvatu || 2, 33\|17||namaḥ kṛṣṇāya svāheti brahmarandhraṃ sadāvatu |oṃ mādhavāya svāheti bhālaṃ me sarvadāvatu || 2, 33\|18||oṃ hrīṃśrīṃrasikeśāya kaṭiṃ mama sadāvatu |namo gopījaneśāya ūrū pātu sadā mama || 2, 33\|19||oṃ namo daityanāśāya svāhetyavatu jānunī |yaśodānandanāyeti namo'nto jaṅghake'vatu || 2, 33\|20||rāsārambhapriyāyeti svāhānto hrīṃ mamāvatu |vṛndāpriyāya svāheti sakalāṅgāni me'vatu || 2, 33\|21||paripūrṇamanāḥ kṛṣṇaḥ prācyāṃ māṃ sarvadāvatu |svayaṃ golokanātho māmāgneyyāṃ diśi rakṣatu || 2, 33\|22||pūrṇabrahmasvarūpaśca dakṣiṇe māṃ sadāvatu |nairṛtyāṃ pātu māṃ kṛṣṇāḥ paścime pātu māṃ hariḥ || 2, 33\|23||govindaḥ pātu vāyavyāmuttare rasikeśvaraḥ |aiśānyāṃ me sadā pātu vṛndāvanavihārakṛt || 2, 33\|24||vṛndāprāṇeśvaraḥ śaśvatpātu māmūrddhvadeśataḥ |sadaiva māmadhaḥ pātu balidhvaṃsī mahābalaḥ || 2, 33\|25||jale sthale cāntarikṣe nṛsiṃhaḥ pātu māṃ sadā |svapne jāgaraṇe caiva pātu māṃ mādhavaḥ svayam || 2, 33\|26||sarvāntarātmā nirliptaḥ pātu māṃ sarvato vibhuḥ |iti te kathitaṃ bhūpa sarvāghaughavināśanam || 2, 33\|27||trailokyavijayaṃ nāma kavacaṃ parameśituḥ |mayā śrutaṃ śivamukhātpravaktavyaṃ na kasyacit || 2, 33\|28||(phalaśrutiḥ)gurumabhyarcya vidhivatkavacaṃ dhārayettu yaḥ |kaṇṭhe vā dakṣiṇe bāhau so'pi viṣṇurna saṃśayaḥ || 2, 33\|29||sa sādhako'vasadyatra tatra vāṇīrame sthite |yadi syātsiddhakavaco jīvanmukto na saṃśayaḥ || 2, 33\|30||niścitaṃ koṭivarṣāṇāṃ pūjāyāḥ phalamāpnuyāt |rājasūyasahasrāṇi vājapeyaśatāni ca || 2, 33\|31||mahādānāni yānyeva bhuvaścāpi pradakṣiṇā |trailokyavijayasyāsya kalāṃ nārhanti ṣoḍaśīm || 2, 33\|32||vratopavāsaniyamāḥ svādhyāyādhyayane tathā |snānaṃ ca sarvatīrtheṣu nāsyārhanti kalāmapi || 2, 33\|33||siddhatvamamaratvaṃ ca dāsatvaṃ śrīharerapi |yadi syātsiddhakavacaḥ sarvaṃ prāpnoti niścitam || 2, 33\|34||sa bhavetsiddhakavaco daśalakṣaṃ japettu yaḥ |yo bhavetsiddhakavaco vijayī sa bhaveddhruvam || 2, 33\|35||rājyaṃ deyaṃ śiro deyaṃ prāṇā deyāśca bhūpate |etattu kavacaṃ vatsa na deyaṃ saṅkaṭe'pi ca || 2, 33\|36||mayā prakāśitaṃ yatte caiteṣāṃ trāṇakāraṇāt |mamājñākaraṇāccaiva tadviddhi kulabhāskara |idaṃ dhṛtvā tu kavacaṃ cakravarttī bhavānbhava || 2, 33\|37||

इति श्रीब्रह्माण्डे महापुराणे मध्यमभागे त्रयस्त्रिंशत्तमाध्यायान्तर्गतंवसिष्ठमुनिप्रोक्तं त्रैलोक्यविजयकवचस्तोत्रं समाप्तम् ।

iti śrībrahmāṇḍe mahāpurāṇe madhyamabhāge trayastriṃśattamādhyāyāntargataṃvasiṣṭhamuniproktaṃ trailokyavijayakavacastotraṃ samāptam |

ब्रह्माण्डपुराण ।मध्यभाग ।उपोद्धात ।अध्याय ३३/१३६॥

brahmāṇḍapurāṇa |madhyabhāga |upoddhāta |adhyāya 33/136||

ब्रह्माण्डपुराण ।मध्यभाग ।उपोद्धात ।अध्याय ३३/१-३६॥

brahmāṇḍapurāṇa |madhyabhāga |upoddhāta |adhyāya 33/1-36||