स्तवामृतलहरी सङ्ग्रहः Stavamritalahari Waves of Hymns of Nectar by Vishwanatha Chakravarti Thakkur

श्रीविश्वनाथचक्रवर्तिठक्कुरविरचिताछोन्तेन्त्स् अनुक्रमणिका(१) ष्रि ग़ुरुदेवश्तकम् (१) श्रीगुरुदेवाष्टकम्(२) ष्रि ग़ुरुचरनस्मरनश्तकम् (२) श्रीगुरुचरणस्मरणाष्टकम्(४) ष्रि ग़न्गनरयनदेवश्तकम् (४) श्रीगङ्गानारायणदेवाष्टकम्(५) ष्रि णरोत्तमश्तकम् (५) श्रीनरोत्तमाष्टकम्(६) ष्रि ळोकनथप्रभुवरश्तकम् (६) श्रीलोकनाथप्रभुवराष्टकम्(७) ष्रि षचिनन्दनविजयश्तकम् (७) श्रीशचीनन्दनविजयाष्टकम्(८) ष्रि ंअन्महप्रभोरश्तकम् ष्वरुपचरितम्रितम्(८) श्रीमन्महाप्रभोरष्टकम् श्रीस्वरूपचरितामृतम्(९) ष्रि ष्वप्नविलसम्रितश्तकम् (९) श्रीस्वप्नविलासामृताष्टकम्(१०) ष्रि ग़ोपलदेवश्तकम् (१०) श्रीगोपालदेवाष्टकम्(११) ष्रि ंअदनगोपलश्तकम् (११) श्रीमदनगोपालाष्टकम्(१२) ष्रि ग़ोविन्ददेवश्तकम् (१२) श्रीगोविन्ददेवाष्टकम्(१३) ष्रि ग़ोपिनथदेवश्तकम् (१३) श्रीगोपिनाथदेवाष्टकम्(१४) ष्रि ग़ोकुलनन्दगोविन्ददेवश्तकम् (१४) श्रीगोकुलनन्दगोविन्ददेवाष्टकम्(१५) ष्रि ष्वयम्भगवत्त्वश्तकम् (१५) श्रीस्वयंभगवत्त्वाष्टकम्(१६) ष्रि ज़गन्मोहनश्तकम् (१६) श्रीजगन्मोहनाष्टकम्(१७) ष्रि आनुरगवल्लिह् (१७) श्रीअनुरागवल्लिः(१९) ष्रि ऱधिकध्यनम्रितस्तोत्रम् (१९) श्रीराधिकाध्यानामृतस्तोत्रम्(२०) ष्रि ऱुपचिन्तमनिह् (२०) श्रीरूपचिन्तामणिः(२१) ष्रि षन्कल्पकल्पद्रुमह् (२१) श्रीसङ्कल्पकल्पद्रुमः(२२) णिकुन्जकेलिविरुदवलि (२२) निकुञ्जकेलिविरुदावली(२३) षुरतकथम्रितम् आर्यशतकम् (२३) सुरतकथामृतं आर्यशतकम्(२४) ष्रि णन्दिश्वरश्तकम् (२४) श्रीनन्दीश्वराष्टकम्(२६) ष्रि ग़ोवर्धनश्तकम् (२६) श्रीगोवर्धनाष्टकम्(२७) ष्रि ख़्रिश्नकुन्दश्तकम् (२७) श्रीकृष्णकुण्डाष्टकम्(२८) ष्रि ग़ितवलि २ (२८) श्रीगीतावली २संसारदावानललीढलोकत्राणाय कारुण्यघनाघनत्वम् ।प्राप्तस्य कल्याणगुणार्णवस्यवन्दे गुरोः श्रीचरणारविन्दम् ॥ १॥

śrīviśvanāthacakravartiṭhakkuraviracitāchontents anukramaṇikā(1) ṣri ग़urudevaśtakam (1) śrīgurudevāṣṭakam(2) ṣri ग़urucaranasmaranaśtakam (2) śrīgurucaraṇasmaraṇāṣṭakam(4) ṣri ग़nganarayanadevaśtakam (4) śrīgaṅgānārāyaṇadevāṣṭakam(5) ṣri ṇarottamaśtakam (5) śrīnarottamāṣṭakam(6) ṣri ḷokanathaprabhuvaraśtakam (6) śrīlokanāthaprabhuvarāṣṭakam(7) ṣri ṣacinandanavijayaśtakam (7) śrīśacīnandanavijayāṣṭakam(8) ṣri ṃanmahaprabhoraśtakam ṣvarupacaritamritam(8) śrīmanmahāprabhoraṣṭakam śrīsvarūpacaritāmṛtam(9) ṣri ṣvapnavilasamritaśtakam (9) śrīsvapnavilāsāmṛtāṣṭakam(10) ṣri ग़opaladevaśtakam (10) śrīgopāladevāṣṭakam(11) ṣri ṃadanagopalaśtakam (11) śrīmadanagopālāṣṭakam(12) ṣri ग़ovindadevaśtakam (12) śrīgovindadevāṣṭakam(13) ṣri ग़opinathadevaśtakam (13) śrīgopināthadevāṣṭakam(14) ṣri ग़okulanandagovindadevaśtakam (14) śrīgokulanandagovindadevāṣṭakam(15) ṣri ṣvayambhagavattvaśtakam (15) śrīsvayaṃbhagavattvāṣṭakam(16) ṣri ज़ganmohanaśtakam (16) śrījaganmohanāṣṭakam(17) ṣri ānuragavallih (17) śrīanurāgavalliḥ(19) ṣri radhikadhyanamritastotram (19) śrīrādhikādhyānāmṛtastotram(20) ṣri rupacintamanih (20) śrīrūpacintāmaṇiḥ(21) ṣri ṣankalpakalpadrumah (21) śrīsaṅkalpakalpadrumaḥ(22) ṇikunjakelivirudavali (22) nikuñjakelivirudāvalī(23) ṣuratakathamritam āryaśatakam (23) suratakathāmṛtaṃ āryaśatakam(24) ṣri ṇandiśvaraśtakam (24) śrīnandīśvarāṣṭakam(26) ṣri ग़ovardhanaśtakam (26) śrīgovardhanāṣṭakam(27) ṣri ख़riśnakundaśtakam (27) śrīkṛṣṇakuṇḍāṣṭakam(28) ṣri ग़itavali 2 (28) śrīgītāvalī 2saṃsāradāvānalalīḍhalokatrāṇāya kāruṇyaghanāghanatvam |prāptasya kalyāṇaguṇārṇavasyavande guroḥ śrīcaraṇāravindam || 1||

महाप्रभोः कीर्तननृत्यगीतवादित्रमद्यन्मनसो रसेन ।रोमाञ्चकम्पाश्रुतरङ्गभाजोवन्दे गुरोः श्रीचरणारविन्दम् ॥ २॥

mahāprabhoḥ kīrtananṛtyagītavāditramadyanmanaso rasena |romāñcakampāśrutaraṅgabhājovande guroḥ śrīcaraṇāravindam || 2||

श्रीविग्रहाराधननित्यनानाशृङ्गारतन्मन्दिरमार्जनादौ ।युक्तस्य भक्तांश्च नियुञ्जतोऽपिवन्दे गुरोः श्रीचरणारविन्दम् ॥ ३॥

śrīvigrahārādhananityanānāśṛṅgāratanmandiramārjanādau |yuktasya bhaktāṃśca niyuñjato'pivande guroḥ śrīcaraṇāravindam || 3||

चतुर्विधश्रीभगवत्प्रसादस्वाद्वन्नतृप्तान् हरिभक्तसङ्घान् ।कृत्वैव तृप्तिं भजतः सदैववन्दे गुरोः श्रीचरणारविन्दम् ॥ ४॥

caturvidhaśrībhagavatprasādasvādvannatṛptān haribhaktasaṅghān |kṛtvaiva tṛptiṃ bhajataḥ sadaivavande guroḥ śrīcaraṇāravindam || 4||

श्रीराधिकामाधवयोरपारमाधुर्यलीलागुणरूपनाम्नाम् ।प्रतिक्षणास्वादनलोलुपस्यवन्दे गुरोः श्रीचरणारविन्दम् ॥ ५॥

śrīrādhikāmādhavayorapāramādhuryalīlāguṇarūpanāmnām |pratikṣaṇāsvādanalolupasyavande guroḥ śrīcaraṇāravindam || 5||

निकुञ्जयूनो रतिकेलिसिद्ध्यैया यालिभिर्युक्तिरपेक्षणीया ।तत्रातिदाक्ष्यादतिवल्लभस्यवन्दे गुरोः श्रीचरणारविन्दम् ॥ ६॥

nikuñjayūno ratikelisiddhyaiyā yālibhiryuktirapekṣaṇīyā |tatrātidākṣyādativallabhasyavande guroḥ śrīcaraṇāravindam || 6||

साक्षाद्धरित्वेन समस्तशास्त्रैरुक्तस्तथा भाव्यत एव सद्भिः ।किन्तो प्रभोर्यः प्रिय एव तस्यवन्दे गुरोः श्रीचरणारविन्दम् ॥ ७॥

sākṣāddharitvena samastaśāstrairuktastathā bhāvyata eva sadbhiḥ |kinto prabhoryaḥ priya eva tasyavande guroḥ śrīcaraṇāravindam || 7||

यस्य प्रसादाद्भगवत्प्रसादोयस्याप्रसादान् न गतिः कुतोऽपि ।ध्यायन् स्तुवंस्तस्य यशस्त्रिसन्ध्यंवन्दे गुरोः श्रीचरणारविन्दम् ॥ ८॥

yasya prasādādbhagavatprasādoyasyāprasādān na gatiḥ kuto'pi |dhyāyan stuvaṃstasya yaśastrisandhyaṃvande guroḥ śrīcaraṇāravindam || 8||

श्रीमद्गुरोरष्टकमेतदुच्चैर्ब्राह्मे मुहूर्ते पठति प्रयत्नात् ।यस्तेन वृन्दावननाथ साक्षात्सेवैव लभ्या जुषणोऽन्त एव ॥ ९॥

śrīmadguroraṣṭakametaduccairbrāhme muhūrte paṭhati prayatnāt |yastena vṛndāvananātha sākṣātsevaiva labhyā juṣaṇo'nta eva || 9||

इति श्रीमद्विश्वनाथचक्रवर्तिविरचितं श्रीगुरुदेवाष्टकं सम्पूर्णम् ।प्रातः श्रीतुलसीनतिः स्वकरतस्तत्पिण्डिकालेपनंतत्साम्मुख्यमथ स्थितिं स्मृतिरथ स्वस्वामिनोः पादयोः ।तत्सेवार्थबहुप्रसूनचयनं नित्यं स्वयं यस्य तंश्रीराधारमणं मुदा गुरुवरं वन्दे निपत्यावनौ ॥ १॥

iti śrīmadviśvanāthacakravartiviracitaṃ śrīgurudevāṣṭakaṃ sampūrṇam |prātaḥ śrītulasīnatiḥ svakaratastatpiṇḍikālepanaṃtatsāmmukhyamatha sthitiṃ smṛtiratha svasvāminoḥ pādayoḥ |tatsevārthabahuprasūnacayanaṃ nityaṃ svayaṃ yasya taṃśrīrādhāramaṇaṃ mudā guruvaraṃ vande nipatyāvanau || 1||

मध्याह्ने तु निजेशपादकमलध्यानार्चनान्नार्पणप्रादक्षिणानतिस्तुतिप्रणयिता नृत्यं सतां सङ्गतिः ।श्रीमद्भागवतार्थसीधुमधुरास्वादः सदा यस्य तंश्रीराधारमणं मुदा गुरुवरं वन्दे निपत्यावनौ ॥ २॥

madhyāhne tu nijeśapādakamaladhyānārcanānnārpaṇaprādakṣiṇānatistutipraṇayitā nṛtyaṃ satāṃ saṅgatiḥ |śrīmadbhāgavatārthasīdhumadhurāsvādaḥ sadā yasya taṃśrīrādhāramaṇaṃ mudā guruvaraṃ vande nipatyāvanau || 2||

प्रक्षाल्याङ्घ्रियुगं नतिस्तुतिजयं कर्तुं मनोऽत्युत्सुकंसायं गोष्ठमुपागतं वनभुवो द्रष्टुं निजस्वामिनम् ।प्रेमानन्दभरेण नेत्रपुटयोर्धारा चिराद्यस्य तंश्रीराधारमणं मुदा गुरुवरं वन्दे निपत्यावनौ ॥ ३॥

prakṣālyāṅghriyugaṃ natistutijayaṃ kartuṃ mano'tyutsukaṃsāyaṃ goṣṭhamupāgataṃ vanabhuvo draṣṭuṃ nijasvāminam |premānandabhareṇa netrapuṭayordhārā cirādyasya taṃśrīrādhāramaṇaṃ mudā guruvaraṃ vande nipatyāvanau || 3||

रात्रौ श्रीजयदेवपद्यपठनं तद्गीतगानं रसास्वादो भक्तजनैः कदाचिदभितः सङ्कीर्तने नर्तनम् ।राधाकृष्णविलासकेल्यनुभवादुन्निद्रता यस्य तंश्रीराधारमणं मुदा गुरुवरं वन्दे निपत्यावनौ ॥ ४॥

rātrau śrījayadevapadyapaṭhanaṃ tadgītagānaṃ rasāsvādo bhaktajanaiḥ kadācidabhitaḥ saṅkīrtane nartanam |rādhākṛṣṇavilāsakelyanubhavādunnidratā yasya taṃśrīrādhāramaṇaṃ mudā guruvaraṃ vande nipatyāvanau || 4||

निन्देत्यक्षरयोर्द्वयं परिचयं प्राप्तं न यत्कर्णयोःसाधूनां स्तुतिमेव यः स्वरसनामास्वादयत्यन्वहम् ।विश्वास्यं जगदेव यस्य न पुनः कुत्रापि दोषग्रहःश्रीराधारमणं मुदा गुरुवरं वन्दे निपत्यावनौ ॥ ५॥

nindetyakṣarayordvayaṃ paricayaṃ prāptaṃ na yatkarṇayoḥsādhūnāṃ stutimeva yaḥ svarasanāmāsvādayatyanvaham |viśvāsyaṃ jagadeva yasya na punaḥ kutrāpi doṣagrahaḥśrīrādhāramaṇaṃ mudā guruvaraṃ vande nipatyāvanau || 5||

यः कोऽप्यस्तु पदाब्जयोर्निपतितो यः स्वीकरोत्येव तंशीघ्रं स्वीयकृपाबलेन कुरुते भक्तौ तु मत्वास्पदम् ।नित्यं भक्तिरहस्यशिक्षणविधिर्यस्य स्वभृत्येषु तंश्रीराधारमणं मुदा गुरुवरं वन्दे निपत्यावनौ ॥ ६॥

yaḥ ko'pyastu padābjayornipatito yaḥ svīkarotyeva taṃśīghraṃ svīyakṛpābalena kurute bhaktau tu matvāspadam |nityaṃ bhaktirahasyaśikṣaṇavidhiryasya svabhṛtyeṣu taṃśrīrādhāramaṇaṃ mudā guruvaraṃ vande nipatyāvanau || 6||

सर्वाङ्गैर्नतभृत्यमूर्ध्नि कृपया स्वपादार्पणंस्मित्वा चारु कृपावलोकसुधया तन्मानसोदासनम् ।तत्प्रेमोदयहेतवे स्वपदयोः सेवोपदेशः स्वयंश्रीराधारमणं मुदा गुरुवरं वन्दे निपत्यावनौ ॥ ७॥

sarvāṅgairnatabhṛtyamūrdhni kṛpayā svapādārpaṇaṃsmitvā cāru kṛpāvalokasudhayā tanmānasodāsanam |tatpremodayahetave svapadayoḥ sevopadeśaḥ svayaṃśrīrādhāramaṇaṃ mudā guruvaraṃ vande nipatyāvanau || 7||

राधे ! कृष्ण ! इति प्लुतस्वरयुतं नामामृतं नाथयोर्जिह्वाग्रे नटयन् निरन्तरमहो नो वेत्ति वस्तु क्वचित् ।यत्किञ्चिद्व्यवहारसाधकमपि प्रेम्नैव मग्नोऽस्ति यःश्रीराधारमणं मुदा गुरुवरं वन्दे निपत्यावनौ ॥ ८॥

rādhe ! kṛṣṇa ! iti plutasvarayutaṃ nāmāmṛtaṃ nāthayorjihvāgre naṭayan nirantaramaho no vetti vastu kvacit |yatkiñcidvyavahārasādhakamapi premnaiva magno'sti yaḥśrīrādhāramaṇaṃ mudā guruvaraṃ vande nipatyāvanau || 8||

त्वत्पादाम्बुजसीधुसूचकतया पद्याष्टकं सर्वथायातं यत्परमाणुतां प्रभुवर प्रोद्यत्कृपावारिधे ।मच्चेतोभ्रमरोऽवलम्बा तदिदं प्राप्याविलम्बं भवत्सङ्गं मञ्जुनिकुञ्जधाम्नि जुषतां तत्स्वामिनोः सौरभम् ॥ ९॥

tvatpādāmbujasīdhusūcakatayā padyāṣṭakaṃ sarvathāyātaṃ yatparamāṇutāṃ prabhuvara prodyatkṛpāvāridhe |maccetobhramaro'valambā tadidaṃ prāpyāvilambaṃ bhavatsaṅgaṃ mañjunikuñjadhāmni juṣatāṃ tatsvāminoḥ saurabham || 9||

इति श्रीमद्विश्वनाथचक्रवर्तिविरचितं श्रीगुरुचरणस्मरणाष्टकं सम्पूर्णम् ।प्रपन्नजननीवृति ज्वलति संसृतिर्ज्वालयायदीयनयनोदितातुलकृपातिवृष्टिर्द्रुतम् ।विधूय दवथुं करोत्यमलभक्तिवाप्यौचितींस कृष्णचरणः प्रभुः प्रदिशतु स्वपादामृतम् ॥ १॥

iti śrīmadviśvanāthacakravartiviracitaṃ śrīgurucaraṇasmaraṇāṣṭakaṃ sampūrṇam |prapannajananīvṛti jvalati saṃsṛtirjvālayāyadīyanayanoditātulakṛpātivṛṣṭirdrutam |vidhūya davathuṃ karotyamalabhaktivāpyaucitīṃsa kṛṣṇacaraṇaḥ prabhuḥ pradiśatu svapādāmṛtam || 1||

यदास्यकमलोदिता व्रजभुवो महिम्नां ततिःश्रुता बत विसर्जयेत्पतिकलत्रपुत्रालयान् ।कलिन्दतनयातटी वनकुटीरवासं नयेत्स कृष्णचरणः प्रभुः प्रदिशतु स्वपादामृतम् ॥ २॥

yadāsyakamaloditā vrajabhuvo mahimnāṃ tatiḥśrutā bata visarjayetpatikalatraputrālayān |kalindatanayātaṭī vanakuṭīravāsaṃ nayetsa kṛṣṇacaraṇaḥ prabhuḥ pradiśatu svapādāmṛtam || 2||

व्रजाम्बुजदृशां कथं भवति भावभूमा कथंभवेदनुगतिः कथं किमिह साधनं कोऽधिकृत् ।इति स्फुटमवैति को यदुपदेशभाग्यं विनास कृष्णचरणः प्रभुः प्रदिशतु स्वपादामृतम् ॥ ३॥

vrajāmbujadṛśāṃ kathaṃ bhavati bhāvabhūmā kathaṃbhavedanugatiḥ kathaṃ kimiha sādhanaṃ ko'dhikṛt |iti sphuṭamavaiti ko yadupadeśabhāgyaṃ vināsa kṛṣṇacaraṇaḥ prabhuḥ pradiśatu svapādāmṛtam || 3||

तपस्वियतिकर्मिणां सदसि तार्किकानां तथाप्रतिस्वमतवैदुषीप्रकटनोढगर्वश्रियाम् ।विराजति रविर्यथा तमसि यः स्वभक्त्योजसास कृष्णचरणः प्रभुः प्रदिशतु स्वपादामृतम् ॥ ४॥

tapasviyatikarmiṇāṃ sadasi tārkikānāṃ tathāpratisvamatavaiduṣīprakaṭanoḍhagarvaśriyām |virājati raviryathā tamasi yaḥ svabhaktyojasāsa kṛṣṇacaraṇaḥ prabhuḥ pradiśatu svapādāmṛtam || 4||

किमद्य परिधास्यते किमथ भोज्यते राधयासमं मदनमोहनो मदनकोटिनिमज्जितः ।इतीष्टवरिवस्यया नयति योऽष्टयामान् सदास कृष्णचरणः प्रभुः प्रदिशतु स्वपादामृतम् ॥ ५॥

kimadya paridhāsyate kimatha bhojyate rādhayāsamaṃ madanamohano madanakoṭinimajjitaḥ |itīṣṭavarivasyayā nayati yo'ṣṭayāmān sadāsa kṛṣṇacaraṇaḥ prabhuḥ pradiśatu svapādāmṛtam || 5||

मृदङ्गकरतालिकामधुरकीर्तने नर्तयन्जनान् सुकृतिनो नटन् स्वयमपि प्रमोदाम्बुधौ ।निमज्जति दृगम्बुभिःपुलकसङ्कुलःस्नाति यःस कृष्णचरणः प्रभुः प्रदिशतु स्वपादामृतम् ॥ ६॥

mṛdaṅgakaratālikāmadhurakīrtane nartayanjanān sukṛtino naṭan svayamapi pramodāmbudhau |nimajjati dṛgambubhiḥpulakasaṅkulaḥsnāti yaḥsa kṛṣṇacaraṇaḥ prabhuḥ pradiśatu svapādāmṛtam || 6||

समं भगवतो जनैः प्रवरभक्तिशास्त्रोदितंरसं सुरसयन्मुहुः परिजनांश्च यः स्वादयन् ।स्वशिष्यशतवेष्टितो जयति चक्रवर्त्याख्ययास कृष्णचरणः प्रभुः प्रदिशतु स्वपादामृतम् ॥ ७॥

samaṃ bhagavato janaiḥ pravarabhaktiśāstroditaṃrasaṃ surasayanmuhuḥ parijanāṃśca yaḥ svādayan |svaśiṣyaśataveṣṭito jayati cakravartyākhyayāsa kṛṣṇacaraṇaḥ prabhuḥ pradiśatu svapādāmṛtam || 7||

स्थितिः सुरसरित्तटे मदनमोहनो जीवनंस्पृहा रसिकसङ्गमे चतुरिमा जनोद्धारणे ।घृणा विषयिषु क्षमा झटिति यस्य चानुव्रजेस कृष्णचरणः प्रभुः प्रदिशतु स्वपादामृतम् ॥ ८॥

sthitiḥ surasarittaṭe madanamohano jīvanaṃspṛhā rasikasaṅgame caturimā janoddhāraṇe |ghṛṇā viṣayiṣu kṣamā jhaṭiti yasya cānuvrajesa kṛṣṇacaraṇaḥ prabhuḥ pradiśatu svapādāmṛtam || 8||

इदं प्रभुवराष्टकं पठति यस्तदीयो जनस्तदङ्घ्रिकमलेष्टधीः स खलु रङ्गवत्प्रेमभाक् ।विलासभृतमञ्जुल्याल्यतिकृपैकपात्रीभवन्निकुञ्जनिलयाधिपावचिरमेव तौ सेवते ॥ ९॥

idaṃ prabhuvarāṣṭakaṃ paṭhati yastadīyo janastadaṅghrikamaleṣṭadhīḥ sa khalu raṅgavatpremabhāk |vilāsabhṛtamañjulyālyatikṛpaikapātrībhavannikuñjanilayādhipāvacirameva tau sevate || 9||

इति श्रीमद्विश्वनाथचक्रवर्तिविरचितं श्रीश्रीपरमगुरुप्रभुवराष्टकं सम्पूर्णम् ।कुलस्थितान् कर्मिण उद्दिधीर्षुर्गङ्गैव यस्मिन् कृपयाविशेष ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ १॥

iti śrīmadviśvanāthacakravartiviracitaṃ śrīśrīparamaguruprabhuvarāṣṭakaṃ sampūrṇam |kulasthitān karmiṇa uddidhīrṣurgaṅgaiva yasmin kṛpayāviśeṣa |śrīcakravartī dayatāṃ sa gaṅgānārāyaṇaḥ premarasāmbudhirmām || 1||

नरोत्तमो भक्त्यवतार एवयस्मिन् स्वभक्तिं निदधौ मुदैव ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ २॥

narottamo bhaktyavatāra evayasmin svabhaktiṃ nidadhau mudaiva |śrīcakravartī dayatāṃ sa gaṅgānārāyaṇaḥ premarasāmbudhirmām || 2||

वृन्दावने यस्य यशः प्रसिद्धंअद्यापि गीयते सतां सदःसु ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ ३॥

vṛndāvane yasya yaśaḥ prasiddhaṃadyāpi gīyate satāṃ sadaḥsu |śrīcakravartī dayatāṃ sa gaṅgānārāyaṇaḥ premarasāmbudhirmām || 3||

श्रीगोविन्ददेवद्विभुजत्वशंसिश्रुतिं वदन् सद्विपदं निरास्थत् ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ ४॥

śrīgovindadevadvibhujatvaśaṃsiśrutiṃ vadan sadvipadaṃ nirāsthat |śrīcakravartī dayatāṃ sa gaṅgānārāyaṇaḥ premarasāmbudhirmām || 4||

सौशील्ययुक्तो गुणरत्नराशिःपाण्डित्यसारः प्रतिभाविवस्वान् ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ ५॥

sauśīlyayukto guṇaratnarāśiḥpāṇḍityasāraḥ pratibhāvivasvān |śrīcakravartī dayatāṃ sa gaṅgānārāyaṇaḥ premarasāmbudhirmām || 5||

जनान् कृपादृष्टिभिरेव सद्यःप्रपद्यमानान् स्वपदेऽकरोद्यः ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ ६॥

janān kṛpādṛṣṭibhireva sadyaḥprapadyamānān svapade'karodyaḥ |śrīcakravartī dayatāṃ sa gaṅgānārāyaṇaḥ premarasāmbudhirmām || 6||

लोके प्रभुत्वं स्थिरभक्तियोगंयस्मै स्वयं गौरहरिर्व्यतानीत् ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ ७॥

loke prabhutvaṃ sthirabhaktiyogaṃyasmai svayaṃ gauraharirvyatānīt |śrīcakravartī dayatāṃ sa gaṅgānārāyaṇaḥ premarasāmbudhirmām || 7||

वृन्दावनीयातिरहस्यभक्तेर्ज्ञानंविना यः न कुतोऽपि सिद्ध्येत् ।श्रीचक्रवर्ती दयतां स गङ्गानारायणः प्रेमरसाम्बुधिर्माम् ॥ ८॥

vṛndāvanīyātirahasyabhakterjñānaṃvinā yaḥ na kuto'pi siddhyet |śrīcakravartī dayatāṃ sa gaṅgānārāyaṇaḥ premarasāmbudhirmām || 8||

विश्रम्भवान् यश्चरणेषुगङ्गानारायणप्रेमाम्बुराशेः ।एतत्पठेदष्टकमेकचित्तःस तत्परीवारपदं प्रयाति ॥ ९॥

viśrambhavān yaścaraṇeṣugaṅgānārāyaṇapremāmburāśeḥ |etatpaṭhedaṣṭakamekacittaḥsa tatparīvārapadaṃ prayāti || 9||

इति श्रीमद्विश्वनाथचक्रवर्तिविरचितं श्रीश्रीगङ्गानारायणदेवाष्टकं सम्पूर्णम् ॥श्रीकृष्णनामामृतवर्षिवक्त्रचन्द्रप्रभाध्वस्ततमोभराय ।गौराङ्गदेवानुचराय तस्मैनमो नमः श्रीलनरोत्तमाय ॥ १॥

iti śrīmadviśvanāthacakravartiviracitaṃ śrīśrīgaṅgānārāyaṇadevāṣṭakaṃ sampūrṇam ||śrīkṛṣṇanāmāmṛtavarṣivaktracandraprabhādhvastatamobharāya |gaurāṅgadevānucarāya tasmainamo namaḥ śrīlanarottamāya || 1||

सङ्कीर्तनानन्दजमन्दहास्यदन्तद्युतिद्योतितदिङ्मुखाय ।स्वेदाश्रुधारास्नपिताय तस्मैनमो नमः श्रीलनरोत्तमाय ॥ २॥

saṅkīrtanānandajamandahāsyadantadyutidyotitadiṅmukhāya |svedāśrudhārāsnapitāya tasmainamo namaḥ śrīlanarottamāya || 2||

मृदङ्गनादश्रुतिमात्रचञ्चत्पदाम्बुजामन्दमनोहराय ।सद्यः समुद्यत्पुलकाय तस्मैनमो नमः श्रीलनरोत्तमाय ॥ ३॥

mṛdaṅganādaśrutimātracañcatpadāmbujāmandamanoharāya |sadyaḥ samudyatpulakāya tasmainamo namaḥ śrīlanarottamāya || 3||

गन्धर्वगर्वक्षपणस्वलास्यविस्मापिताशेषकृतिव्रजाय ।स्वसृष्टगानप्रथिताय तस्मैनमो नमः श्रीलनरोत्तमाय ॥ ४॥

gandharvagarvakṣapaṇasvalāsyavismāpitāśeṣakṛtivrajāya |svasṛṣṭagānaprathitāya tasmainamo namaḥ śrīlanarottamāya || 4||

आनन्दमूर्च्छावनिपातभातधूलीभरालङ्कृतविग्रहाय ।यद्दर्शनं भाग्यभरेण तस्मैनमो नमः श्रीलनरोत्तमाय ॥ ५॥

ānandamūrcchāvanipātabhātadhūlībharālaṅkṛtavigrahāya |yaddarśanaṃ bhāgyabhareṇa tasmainamo namaḥ śrīlanarottamāya || 5||

स्थले स्थले यस्य कृपाप्रपाभिःकृष्णान्यतृष्णा जनसंहतीनाम् ।निर्मूलिता एव भवन्ति तस्मैनमो नमः श्रीलनरोत्तमाय ॥ ६॥

sthale sthale yasya kṛpāprapābhiḥkṛṣṇānyatṛṣṇā janasaṃhatīnām |nirmūlitā eva bhavanti tasmainamo namaḥ śrīlanarottamāya || 6||

यद्भक्तिनिष्ठा पलरेखिकेवस्पर्शः पुनः स्पर्शमणीव यस्य ।प्रामाण्यमेवं श्रुतिवद्यदीयंतस्मै नमः श्रीलनरोत्तमाय ॥ ७॥

yadbhaktiniṣṭhā palarekhikevasparśaḥ punaḥ sparśamaṇīva yasya |prāmāṇyamevaṃ śrutivadyadīyaṃtasmai namaḥ śrīlanarottamāya || 7||

मूर्तैव भक्तिः किमयं किमेषवैराग्यसारस्तनुमान् नृलोके ।सम्भाव्यते यः कृतिभिः सदैवतस्मै नमः श्रीलनरोत्तमाय ॥ ८॥

mūrtaiva bhaktiḥ kimayaṃ kimeṣavairāgyasārastanumān nṛloke |sambhāvyate yaḥ kṛtibhiḥ sadaivatasmai namaḥ śrīlanarottamāya || 8||

राजन्मृदङ्गकरतालकलाभिरामंगौराङ्गगानमधुपानभराभिरामम् ।श्रीमन्नरोत्तमपदाम्बुजमञ्जुनृत्यंभृत्यं कृतार्थयतु मां फलितेष्टकृत्यम् ॥ ९॥

rājanmṛdaṅgakaratālakalābhirāmaṃgaurāṅgagānamadhupānabharābhirāmam |śrīmannarottamapadāmbujamañjunṛtyaṃbhṛtyaṃ kṛtārthayatu māṃ phaliteṣṭakṛtyam || 9||

इति श्रीमद्विश्वनाथचक्रवर्तिविरचितं श्रीनरोत्तमाष्टकं सम्पूर्णम् ।यः कृष्णचैतन्यकृपैकवित्तस्तत्प्रेमहेमाभरणाढ्यचित्तः ।निपत्य भूमौ सततं नमामस्तं लोकनाथं प्रभुमाश्रयामः ॥ १॥

iti śrīmadviśvanāthacakravartiviracitaṃ śrīnarottamāṣṭakaṃ sampūrṇam |yaḥ kṛṣṇacaitanyakṛpaikavittastatpremahemābharaṇāḍhyacittaḥ |nipatya bhūmau satataṃ namāmastaṃ lokanāthaṃ prabhumāśrayāmaḥ || 1||

यो लब्धवृन्दावननित्यवासःपरिस्फुरत्कृष्णविलासरासः ।स्वाचारचर्यसतताविरामस्तं लोकनाथं प्रभुमाश्रयामः ॥ २॥

yo labdhavṛndāvananityavāsaḥparisphuratkṛṣṇavilāsarāsaḥ |svācāracaryasatatāvirāmastaṃ lokanāthaṃ prabhumāśrayāmaḥ || 2||

सदोल्लसद्भागवतानुरक्त्यायः कृष्णराधाश्रवणादिभक्त्या ।अयातयामीकृतसर्वयामस्तं लोकनाथं प्रभुमाश्रयामः ॥ ३॥

sadollasadbhāgavatānuraktyāyaḥ kṛṣṇarādhāśravaṇādibhaktyā |ayātayāmīkṛtasarvayāmastaṃ lokanāthaṃ prabhumāśrayāmaḥ || 3||

वृन्दावनाधीशपदाब्जसेवास्वादेऽनुमज्जन्ति न हन्त के वा ।यस्तेष्वपि श्लाघातमोऽभिरामस्तं लोकनाथं प्रभुमाश्रयामः ॥ ४॥

vṛndāvanādhīśapadābjasevāsvāde'numajjanti na hanta ke vā |yasteṣvapi ślāghātamo'bhirāmastaṃ lokanāthaṃ prabhumāśrayāmaḥ || 4||

यः कृष्णलीलारस एव लोकान्अनुन्मुखान्वीक्ष्य बिभर्ति शोकान् ।स्वयं तदास्वादनमात्रकामस्तं लोकनाथं प्रभुमाश्रयामः ॥ ५॥

yaḥ kṛṣṇalīlārasa eva lokānanunmukhānvīkṣya bibharti śokān |svayaṃ tadāsvādanamātrakāmastaṃ lokanāthaṃ prabhumāśrayāmaḥ || 5||