गुरुवातपुरनाथपञ्चरत्नस्तोत्रम् Shri Guruvatapuranatha Pancharatna Stotram

आदित्यादिप्रभृतिकमिदं चक्षुराद्यं च तेजोज्ञानाज्ञाने स्फुरितमखिलं येन नित्यं विभाति ।तत्तादृक्षे सकलवचनागोचरे स्वप्रकाशेत्वद्रूपेऽस्मिन् किमिव कथये वातगेहाधिनाथ ॥ १॥

ādityādiprabhṛtikamidaṃ cakṣurādyaṃ ca tejojñānājñāne sphuritamakhilaṃ yena nityaṃ vibhāti |tattādṛkṣe sakalavacanāgocare svaprakāśetvadrūpe'smin kimiva kathaye vātagehādhinātha || 1||

आकाशान्तं जगदखिलमप्यंशमात्रं यदीयंमाया सेयं मरुदधिपते त्वत्स्वरूपैकदेशे ।स त्वं कोणे क्वचन धरणेस्तिष्ठसे देहधारीकारुण्यं ते जगति कथये नाथ तादृक् कथं वा ॥ २॥

ākāśāntaṃ jagadakhilamapyaṃśamātraṃ yadīyaṃmāyā seyaṃ marudadhipate tvatsvarūpaikadeśe |sa tvaṃ koṇe kvacana dharaṇestiṣṭhase dehadhārīkāruṇyaṃ te jagati kathaye nātha tādṛk kathaṃ vā || 2||

दृश्यं सर्वं वरद भवतो देह इत्यामनन्त्यांश्रुत्यां सत्यामपि बत नृणां जायते नैव बुद्धिः ।इत्थङ्कारं कमपिच नवं कल्पयन् देहभेदंभासि स्पष्टं तदपि भगवन् भाग्यहीनो जनोऽयम् ॥ ३॥

dṛśyaṃ sarvaṃ varada bhavato deha ityāmanantyāṃśrutyāṃ satyāmapi bata nṛṇāṃ jāyate naiva buddhiḥ |itthaṅkāraṃ kamapica navaṃ kalpayan dehabhedaṃbhāsi spaṣṭaṃ tadapi bhagavan bhāgyahīno jano'yam || 3||

मर्त्यामर्त्यप्रमुखमखिलं क्षेत्रजातं त्वदीयामायैव श्रीगुरुपुरपते साऽपि नास्ति त्वदन्या ।एको देवस्त्वमसि सकलक्षेत्र साक्षी चिदात्मातत्वं किञ्चित् पृथगिह विभो त्वां विना नैव जाने ॥ ४॥

martyāmartyapramukhamakhilaṃ kṣetrajātaṃ tvadīyāmāyaiva śrīgurupurapate sā'pi nāsti tvadanyā |eko devastvamasi sakalakṣetra sākṣī cidātmātatvaṃ kiñcit pṛthagiha vibho tvāṃ vinā naiva jāne || 4||

सद्रूपाढ्यं भवति भवताऽधिष्ठितं सर्वमेतत्भानं नाम क्वचिदपि जडे नो भवन्तं विनाऽन्यम् ।प्रेम श्रीमन् जगति भवति त्वत्प्रतिच्छाययाऽस्मिन्वातेशासावहमपि भवान् सच्चिदानन्दरूपः ॥ ५॥

sadrūpāḍhyaṃ bhavati bhavatā'dhiṣṭhitaṃ sarvametatbhānaṃ nāma kvacidapi jaḍe no bhavantaṃ vinā'nyam |prema śrīman jagati bhavati tvatpraticchāyayā'sminvāteśāsāvahamapi bhavān saccidānandarūpaḥ || 5||

इति श्रीगुरुवातपुरनाथपञ्चरत्नस्तोत्रं सम्पूर्णम् ।

iti śrīguruvātapuranāthapañcaratnastotraṃ sampūrṇam |