गोपालदेवाष्टकम् Shri Gopaladevashtakam

मधुरमृदुलचित्तः प्रेममात्रैकवित्तःस्वजनरचितवेषः प्राप्तशोभाविशेषः ।विविधमणिमयालङ्कारवान् सर्वकालंस्फुरतु हृदि स एव श्रीलगोपालदेवः ॥ १॥

madhuramṛdulacittaḥ premamātraikavittaḥsvajanaracitaveṣaḥ prāptaśobhāviśeṣaḥ |vividhamaṇimayālaṅkāravān sarvakālaṃsphuratu hṛdi sa eva śrīlagopāladevaḥ || 1||

निरुपमगुणरूपः सर्वमाधुर्यभूपःश्रिततनुरुचिदास्यः कोटिचन्द्रस्तुतास्यः ।अमृतविजयिहास्यः प्रोच्छलच्चिल्लिलास्यःस्फुरतु हृदि स एव श्रीलगोपालदेवः ॥ २॥

nirupamaguṇarūpaḥ sarvamādhuryabhūpaḥśritatanurucidāsyaḥ koṭicandrastutāsyaḥ |amṛtavijayihāsyaḥ procchalaccillilāsyaḥsphuratu hṛdi sa eva śrīlagopāladevaḥ || 2||

धृतनवपरभागः सव्यहस्तस्थितागःप्रकटितनिजकक्षः प्राप्तलावण्यलक्षः ।कृतनिजजनरक्षः प्रेमविस्तारदक्षःस्फुरतु हृदि स एव श्रीलगोपालदेवः ॥ ३॥

dhṛtanavaparabhāgaḥ savyahastasthitāgaḥprakaṭitanijakakṣaḥ prāptalāvaṇyalakṣaḥ |kṛtanijajanarakṣaḥ premavistāradakṣaḥsphuratu hṛdi sa eva śrīlagopāladevaḥ || 3||

क्रमवलदनुरागस्वप्रियापाङ्गभागध्वनितरसविलासज्ञानविज्ञापिहासः ।स्मृतरतिपतियागः प्रीतिहंसीतडागःस्फुरतु हृदि स एव श्रीलगोपालदेवः ॥ ४॥

kramavaladanurāgasvapriyāpāṅgabhāgadhvanitarasavilāsajñānavijñāpihāsaḥ |smṛtaratipatiyāgaḥ prītihaṃsītaḍāgaḥsphuratu hṛdi sa eva śrīlagopāladevaḥ || 4||

मधुरिमभरमग्ने भात्यसव्येऽवलग्नेत्रिवलिरलसवत्त्वात्यस्य पुष्टानतत्वात् ।इतरत इह तस्या माररेखेव रस्यास्फुरतु हृदि स एव श्रीलगोपालदेवः ॥ ५॥

madhurimabharamagne bhātyasavye'valagnetrivaliralasavattvātyasya puṣṭānatatvāt |itarata iha tasyā mārarekheva rasyāsphuratu hṛdi sa eva śrīlagopāladevaḥ || 5||

वहति वलितहर्षं वाहयंश्चानुवर्षंभजति च सगणं स्वं भोजयन् योऽर्पयन् स्वम् ।गिरिमुकुटमणिं श्रीदामवन्मित्रताश्रीःस्फुरतु हृदि स एव श्रीलगोपालदेवः ॥ ६॥

vahati valitaharṣaṃ vāhayaṃścānuvarṣaṃbhajati ca sagaṇaṃ svaṃ bhojayan yo'rpayan svam |girimukuṭamaṇiṃ śrīdāmavanmitratāśrīḥsphuratu hṛdi sa eva śrīlagopāladevaḥ || 6||

अधिधरमनुरागं माधवेन्द्रस्य तन्वंस्तदमलहृदयोत्थां प्रेमसेवां विवृण्वन् ।प्रकटितनिजशक्त्या वल्लभाचार्यभक्त्यास्फुरतु हृदि स एव श्रीलगोपालदेवः ॥ ७॥

adhidharamanurāgaṃ mādhavendrasya tanvaṃstadamalahṛdayotthāṃ premasevāṃ vivṛṇvan |prakaṭitanijaśaktyā vallabhācāryabhaktyāsphuratu hṛdi sa eva śrīlagopāladevaḥ || 7||

प्रतिदिनमधुनापि प्रेक्ष्यते सर्वदापिप्रणयसुरसचर्या यस्य वर्या सपर्या ।गणयतु कति भोगान् कः कृती तत्प्रयोगान्स्फुरतु हृदि स एव श्रीलगोपालदेवः ॥ ८॥

pratidinamadhunāpi prekṣyate sarvadāpipraṇayasurasacaryā yasya varyā saparyā |gaṇayatu kati bhogān kaḥ kṛtī tatprayogānsphuratu hṛdi sa eva śrīlagopāladevaḥ || 8||

गिरिधरवरदेवस्याष्टकेनेममेवस्मरति निशि दिने वा यो गृहे वा वने वा ।अकुटिलहृदयस्य प्रेमदत्वेन तस्यस्फुरतु हृदि स एव श्रीलगोपालदेवः ॥ ९॥

giridharavaradevasyāṣṭakenemamevasmarati niśi dine vā yo gṛhe vā vane vā |akuṭilahṛdayasya premadatvena tasyasphuratu hṛdi sa eva śrīlagopāladevaḥ || 9||

इति श्रीविश्वनाथचक्रवर्तिठक्कुरविरचितस्तवामृतलहर्यांश्रीगोपालदेवाष्टकं सम्पूर्णम् ।

iti śrīviśvanāthacakravartiṭhakkuraviracitastavāmṛtalaharyāṃśrīgopāladevāṣṭakaṃ sampūrṇam |