गोपालस्तोत्रम् Shri Gopala Stotram

वक्षस्थले मणिमयाभरणाभिरामेकल्याणकल्पलतिकां कमलां वहन्तम् ।वक्त्रे दधानमतिसुन्दरमन्दहासंसञ्चिन्तयामि नृपगोपकुमारवेषम् ॥ १॥

vakṣasthale maṇimayābharaṇābhirāmekalyāṇakalpalatikāṃ kamalāṃ vahantam |vaktre dadhānamatisundaramandahāsaṃsañcintayāmi nṛpagopakumāraveṣam || 1||

वेदान्तमस्तकगिरां प्रथमाभिधेयंगोपालबालवनिताभवने निधेयम् ।नन्दाङ्गनानयनपङ्कजभागधेयंसञ्चिन्तयामि नृपगोपकुमारवेषम् ॥ २॥

vedāntamastakagirāṃ prathamābhidheyaṃgopālabālavanitābhavane nidheyam |nandāṅganānayanapaṅkajabhāgadheyaṃsañcintayāmi nṛpagopakumāraveṣam || 2||

काञ्चीकलापकमनीयकटिप्रदेशंकान्तासहस्रकुचमण्डलमण्डनीयम् ।कामं विशालनयनं करुणैकसिन्धुंसञ्चिन्तयामि नृपगोपकुमारवेषम् ॥ ३॥

kāñcīkalāpakamanīyakaṭipradeśaṃkāntāsahasrakucamaṇḍalamaṇḍanīyam |kāmaṃ viśālanayanaṃ karuṇaikasindhuṃsañcintayāmi nṛpagopakumāraveṣam || 3||

आजानुदीर्घभुजमञ्चितकञ्जनाभंआलोलनेत्रमसितोत्पलकर्णपूरम् ।आरूढपक्षिपतिमाश्रितकालमेघंसञ्चिन्तयामि नृपगोपकुमारवेषम् ॥ ४॥

ājānudīrghabhujamañcitakañjanābhaṃālolanetramasitotpalakarṇapūram |ārūḍhapakṣipatimāśritakālameghaṃsañcintayāmi nṛpagopakumāraveṣam || 4||

फुल्लातसीकुसुमकान्तिमुषं कुमारंसौन्दर्यशेवधिमुदारगुणाभिरामम् ।लक्ष्म्यालयं कलितकौस्तुभमम्बुजाक्षंसञ्चिन्तयामि नृपगोपकुमारवेषम् ॥ ५॥

phullātasīkusumakāntimuṣaṃ kumāraṃsaundaryaśevadhimudāraguṇābhirāmam |lakṣmyālayaṃ kalitakaustubhamambujākṣaṃsañcintayāmi nṛpagopakumāraveṣam || 5||

हस्तारविन्दयुगलीधृतशङ्खचक्रंपीताम्बरं मकरकुण्डलदीप्तगण्डम् ।हाराभिराममभिरामकराङ्गुलीयंसञ्चिन्तयामि नृपगोपकुमारवेषम् ॥ ६॥

hastāravindayugalīdhṛtaśaṅkhacakraṃpītāmbaraṃ makarakuṇḍaladīptagaṇḍam |hārābhirāmamabhirāmakarāṅgulīyaṃsañcintayāmi nṛpagopakumāraveṣam || 6||

कन्दर्पकान्तिमरुणाधरमायताक्षंकस्तूरिकातिलकशोभितफालभागम् ।पूर्णेन्दुबिम्बवदनं मधुरावलोकंसञ्चिन्तयामि नृपगोपकुमारवेषम् ॥ ७॥

kandarpakāntimaruṇādharamāyatākṣaṃkastūrikātilakaśobhitaphālabhāgam |pūrṇendubimbavadanaṃ madhurāvalokaṃsañcintayāmi nṛpagopakumāraveṣam || 7||

बालं बालं बालमेव स्मरामःनीलं नीलं नीलमालोकयामः ।गोपं गोपं गोपमेवाश्रयामःबालं नीलं गोपवेषं भजामः ॥ ८॥

bālaṃ bālaṃ bālameva smarāmaḥnīlaṃ nīlaṃ nīlamālokayāmaḥ |gopaṃ gopaṃ gopamevāśrayāmaḥbālaṃ nīlaṃ gopaveṣaṃ bhajāmaḥ || 8||

वीक्षा नीला लकावृतमुखं तव कुण्डलश्रीगण्डस्थलाधरसुधां सदयावलोकम् ।दत्ताभयं च भुजदण्डयुगं विलोक्यवक्षः श्रियो विहरणं च भवाम दासाः ॥ ९॥

vīkṣā nīlā lakāvṛtamukhaṃ tava kuṇḍalaśrīgaṇḍasthalādharasudhāṃ sadayāvalokam |dattābhayaṃ ca bhujadaṇḍayugaṃ vilokyavakṣaḥ śriyo viharaṇaṃ ca bhavāma dāsāḥ || 9||

इति श्रीगोपालस्तोत्रं सम्पूर्णम् ।

iti śrīgopālastotraṃ sampūrṇam |