षड्गोस्वाम्यष्टकम् Shadgosvamyashtakam

ष्रि ऱघुनथ दस ग़ोस्वमि, ष्रि ज़िव ग़ोस्वमि,कृष्णोत्कीर्तनगाननर्तनपरौ प्रेमामृताम्भोनिधीधीराधीरजनप्रियौ प्रियकरौ निर्मत्सरौ पूजितौ ।श्रीचैतन्यकृपाभरौ भुवि भुवो भारावहन्तारकौवन्दे रूपसनातनौ रघुयुगौ श्रीजीवगोपालकौ ॥ १॥

ṣri raghunatha dasa ग़osvami, ṣri ज़iva ग़osvami,kṛṣṇotkīrtanagānanartanaparau premāmṛtāmbhonidhīdhīrādhīrajanapriyau priyakarau nirmatsarau pūjitau |śrīcaitanyakṛpābharau bhuvi bhuvo bhārāvahantārakauvande rūpasanātanau raghuyugau śrījīvagopālakau || 1||

नानाशास्त्रविचारणैकनिपुणौ सद्धर्मसंस्थापकौलोकानां हितकारिणौ त्रिभुवने मान्यौ शरण्याकरौ ।राधाकृष्णपदारविन्दभजनानन्देन मत्तालिकौवन्दे रूपसनातनौ रघुयुगौ श्रीजीवगोपालकौ ॥ २॥

nānāśāstravicāraṇaikanipuṇau saddharmasaṃsthāpakaulokānāṃ hitakāriṇau tribhuvane mānyau śaraṇyākarau |rādhākṛṣṇapadāravindabhajanānandena mattālikauvande rūpasanātanau raghuyugau śrījīvagopālakau || 2||

श्रीगौराङ्गगुणानुवर्णनविधौ श्रद्धासमृद्।ह्ध्यन्वितौपापोत्तापनिकृन्तनौ तनुभृतां गोविन्दगानामृतैः ।आनन्दाम्बुधिवर्धनैकनिपुणौ कैवल्यनिस्तारकौवन्दे रूपसनातनौ रघुयुगौ श्रीजीवगोपालकौ ॥ ३॥

śrīgaurāṅgaguṇānuvarṇanavidhau śraddhāsamṛd|hdhyanvitaupāpottāpanikṛntanau tanubhṛtāṃ govindagānāmṛtaiḥ |ānandāmbudhivardhanaikanipuṇau kaivalyanistārakauvande rūpasanātanau raghuyugau śrījīvagopālakau || 3||

त्यक्त्वा तूर्णमशेषमण्डलपतिश्रेणीं सदा तुच्छवत्भूत्वा दीनगणेशकौ करुणया कौपीनकन्थाश्रितौ ।गोपीभावरसामृताब्धिलहरीकल्लोलमग्नौ मुहुर्वन्दे रूपसनातनौ रघुयुगौ श्रीजीवगोपालकौ ॥ ४॥

tyaktvā tūrṇamaśeṣamaṇḍalapatiśreṇīṃ sadā tucchavatbhūtvā dīnagaṇeśakau karuṇayā kaupīnakanthāśritau |gopībhāvarasāmṛtābdhilaharīkallolamagnau muhurvande rūpasanātanau raghuyugau śrījīvagopālakau || 4||

कूजत्कोकिलहंससारसगणाकीर्णे मयूराकुलेनानारत्ननिबद्धमूलविटपश्रीयुक्तवृन्दावने ।राधाकृष्णमहर्निशं प्रभजतौ जीवार्थदौ यौ मुदावन्दे रूपसनातनौ रघुयुगौ श्रीजीवगोपालकौ ॥ ५॥

kūjatkokilahaṃsasārasagaṇākīrṇe mayūrākulenānāratnanibaddhamūlaviṭapaśrīyuktavṛndāvane |rādhākṛṣṇamaharniśaṃ prabhajatau jīvārthadau yau mudāvande rūpasanātanau raghuyugau śrījīvagopālakau || 5||

सङ्ख्यापूर्वकनामगाननतिभिः कालावसानीकृतौनिद्राहारविहारकादिविजितौ चात्यन्तदीनौ च यौ ।राधाकृष्णगुणस्मृतेर्मधुरिमाऽऽनन्देन सम्मोहितौवन्दे रूपसनातनौ रघुयुगौ श्रीजीवगोपालकौ ॥ ६॥

saṅkhyāpūrvakanāmagānanatibhiḥ kālāvasānīkṛtaunidrāhāravihārakādivijitau cātyantadīnau ca yau |rādhākṛṣṇaguṇasmṛtermadhurimā''nandena sammohitauvande rūpasanātanau raghuyugau śrījīvagopālakau || 6||

राधाकुण्डतटे कलिन्दतनयातीरे च वंशीवटेप्रेमोन्मादवशादशेषदशया ग्रस्तौ प्रमत्तौ सदा ।गायन्तौ च कदा हरेर्गुणवरं भावाभिभूतौ मुदावन्दे रूपसनातनौ रघुयुगौ श्रीजीवगोपालकौ ॥ ७॥

rādhākuṇḍataṭe kalindatanayātīre ca vaṃśīvaṭepremonmādavaśādaśeṣadaśayā grastau pramattau sadā |gāyantau ca kadā harerguṇavaraṃ bhāvābhibhūtau mudāvande rūpasanātanau raghuyugau śrījīvagopālakau || 7||

हे राधे व्रजदेवीके च ललिते हे नन्दसूनो कुतःश्रीगोवर्धनकल्पपादपतले कालिन्दीवने कुतः ।घोषन्ताविति सर्वतो व्रजपुरे खेदैर्महाविह्वलौवन्दे रूपसनातनौ रघुयुगौ श्रीजीवगोपालकौ ॥ ८॥

he rādhe vrajadevīke ca lalite he nandasūno kutaḥśrīgovardhanakalpapādapatale kālindīvane kutaḥ |ghoṣantāviti sarvato vrajapure khedairmahāvihvalauvande rūpasanātanau raghuyugau śrījīvagopālakau || 8||

इति श्रीश्रीनिवासाचार्यविरचितं षड्गोस्वाम्यष्टकं सम्पूर्णम् ।

iti śrīśrīnivāsācāryaviracitaṃ ṣaḍgosvāmyaṣṭakaṃ sampūrṇam |