शरणागतिगद्यम् Sharanagati Gadyam

॥ श्रीमते रामानुजाय नमः ॥

|| śrīmate rāmānujāya namaḥ ||

॥ शरणागति गद्यम् ॥

|| śaraṇāgati gadyam ||

॥ श्रीमते रामानुजाय नमः ॥

|| śrīmate rāmānujāya namaḥ ||

यो नित्यमच्युतपदाम्बुजयुग्मरुक्मव्यामोहतस्तदितराणि तृणाय मेने ।अस्मद्गुरोर्भगवतोऽस्य दयैकसिन्धोःरामानुजस्य चरणौ शरणं प्रपद्ये ॥

yo nityamacyutapadāmbujayugmarukmavyāmohatastaditarāṇi tṛṇāya mene |asmadgurorbhagavato'sya dayaikasindhoḥrāmānujasya caraṇau śaraṇaṃ prapadye ||

वन्दे वेदान्तकर्पूरचामीकरकरण्डकम्रामानुजार्यमार्याणां चूडामणिमहर्निशम् ॥

vande vedāntakarpūracāmīkarakaraṇḍakamrāmānujāryamāryāṇāṃ cūḍāmaṇimaharniśam ||

श्रीरङ्गनायिकारामानुजसंवादः ॥

śrīraṅganāyikārāmānujasaṃvādaḥ ||

श्रीरामानुजः

śrīrāmānujaḥ

भगवन्नारायणाभिमतानुरूपस्वरूपरूपगुणविभवऐश्वर्यशीलाद्यनवधिकातिशय असङ्ख्येयकल्याणगुणगणां पद्मवनालयांभगवतीं श्रियं देवीं नित्यानपायिनीं निरवद्यां देवदेवदिव्यमहिषींअखिलजगन्मातरमस्मन्मातरमशरण्यशरण्यामनन्यशरणःशरणमहं प्रपद्ये ॥पारमार्थिक भगवच्चरणारविन्दयुगळऐकान्तिकात्यन्तिक परभक्ति परज्ञानपरमभक्तिकृत परिपूर्णानवरत नित्यविशदतम अनन्यप्रयोजनअनवधिकातिशयप्रिय भगवदनुभवजनित अनवधिकातिशय प्रीतिकारितअशेषावस्थोचित अशेषशेषतैकरतिरूप नित्यकैङ्कर्यप्राप्त्यपेक्षयापारमार्थिकी भगवच्चरणारविन्दशरणागतिःयथावस्थिता अविरताऽस्तु मे ॥

bhagavannārāyaṇābhimatānurūpasvarūparūpaguṇavibhavaaiśvaryaśīlādyanavadhikātiśaya asaṅkhyeyakalyāṇaguṇagaṇāṃ padmavanālayāṃbhagavatīṃ śriyaṃ devīṃ nityānapāyinīṃ niravadyāṃ devadevadivyamahiṣīṃakhilajaganmātaramasmanmātaramaśaraṇyaśaraṇyāmananyaśaraṇaḥśaraṇamahaṃ prapadye ||pāramārthika bhagavaccaraṇāravindayugaḷaaikāntikātyantika parabhakti parajñānaparamabhaktikṛta paripūrṇānavarata nityaviśadatama ananyaprayojanaanavadhikātiśayapriya bhagavadanubhavajanita anavadhikātiśaya prītikāritaaśeṣāvasthocita aśeṣaśeṣataikaratirūpa nityakaiṅkaryaprāptyapekṣayāpāramārthikī bhagavaccaraṇāravindaśaraṇāgatiḥyathāvasthitā aviratā'stu me ||

श्रीरङ्गनायिका

śrīraṅganāyikā

अस्तु ते । तयैव सर्वं सम्पत्स्यते ॥

astu te | tayaiva sarvaṃ sampatsyate ||

॥ श्रीरङ्गनाथरामानुजसंवादः ॥

|| śrīraṅganātharāmānujasaṃvādaḥ ||

श्रीरामानुजः

śrīrāmānujaḥ

अखिलहेयप्रत्यनीककल्याणैकतान ! स्वेतरसमस्तवस्तुविलक्षणअनन्तज्ञानानन्दैकस्वरूप ! स्वाभिमतानुरूप एकरूप अचिन्त्य दिव्याद्भुतनित्यनिरवद्य निरतिशय औज्ज्वल्य सौन्दर्य सौगन्ध्य सौकुमार्य लावण्ययौवनाद्यनन्तगुणनिधिदिव्यरूप !

akhilaheyapratyanīkakalyāṇaikatāna ! svetarasamastavastuvilakṣaṇaanantajñānānandaikasvarūpa ! svābhimatānurūpa ekarūpa acintya divyādbhutanityaniravadya niratiśaya aujjvalya saundarya saugandhya saukumārya lāvaṇyayauvanādyanantaguṇanidhidivyarūpa !

स्वाभाविकानवधिकातिशय ज्ञानबलैश्वर्य वीर्यशक्तितेजस्सौशील्यवात्सल्य मार्दव आर्जव सौहार्द साम्य कारुण्य माधुर्य गाम्भीर्य औदार्यचातुर्यस्थैर्यधैर्यशौर्यपराक्रमसत्यकामसत्यसङ्कल्पकृतित्वकृतज्ञताद्यसङ्ख्येयकल्याणगुणगणौघमहार्णव !

svābhāvikānavadhikātiśaya jñānabalaiśvarya vīryaśaktitejassauśīlyavātsalya mārdava ārjava sauhārda sāmya kāruṇya mādhurya gāmbhīrya audāryacāturyasthairyadhairyaśauryaparākramasatyakāmasatyasaṅkalpakṛtitvakṛtajñatādyasaṅkhyeyakalyāṇaguṇagaṇaughamahārṇava !

स्वोचितविविधविचित्रानन्ताश्चर्यनित्यनिरवद्यनिरतिशयसुगन्धनिरतिशयसुखस्पर्शनिरतिशयौज्ज्वल्यकिरीटमकुटचूडावतंसमकरकुण्डलग्रैवेयकहारकेयूरकटकश्रीवत्सकौस्तुभमुक्तादामोदरबन्धनपीताम्बरकाञ्चीगुणनूपुराद्यपरिमितदिव्यभूषण !

svocitavividhavicitrānantāścaryanityaniravadyaniratiśayasugandhaniratiśayasukhasparśaniratiśayaujjvalyakirīṭamakuṭacūḍāvataṃsamakarakuṇḍalagraiveyakahārakeyūrakaṭakaśrīvatsakaustubhamuktādāmodarabandhanapītāmbarakāñcīguṇanūpurādyaparimitadivyabhūṣaṇa !

स्वानुरूप अचिन्त्यशक्तिशङ्खचक्रगदासिशार्ङ्गाद्यसङ्ख्येयनित्यनिरवद्यनिरतिशयकल्याणदिव्यायुध !

svānurūpa acintyaśaktiśaṅkhacakragadāsiśārṅgādyasaṅkhyeyanityaniravadyaniratiśayakalyāṇadivyāyudha !

स्वाभिमतनित्यनिरवद्यानुरूपस्वरूपरूपगुणविभवैश्वर्यशीलाद्यनवधिकातिशयासङ्ख्येयकल्याणगुणगणश्रीवल्लभ !एवम्भूतभूमिनीळानायक !

svābhimatanityaniravadyānurūpasvarūparūpaguṇavibhavaiśvaryaśīlādyanavadhikātiśayāsaṅkhyeyakalyāṇaguṇagaṇaśrīvallabha !evambhūtabhūminīḷānāyaka !

स्वच्छन्दानुवर्तिस्वरूपस्थितिप्रवृत्तिभेदाशेषशेषतैकरतिरूपनित्यनिरवद्यनिरतिशयज्ञानक्रियैश्चर्याद्यनन्तकल्याणगुणगणशेषशेषाशनगरुडप्रमुखनानाविधानन्तपरिजनपरिचारिकापरिचरितचरणयुगळ !

svacchandānuvartisvarūpasthitipravṛttibhedāśeṣaśeṣataikaratirūpanityaniravadyaniratiśayajñānakriyaiścaryādyanantakalyāṇaguṇagaṇaśeṣaśeṣāśanagaruḍapramukhanānāvidhānantaparijanaparicārikāparicaritacaraṇayugaḷa !

परमयोगिवाङ्मनसाऽपरिच्छेद्यस्वरूपस्वभावस्वाभिमतविविधविचित्रानन्तभोग्यभोगोपकरणभोगस्थानसमृद्धानन्ताश्चर्यानन्तमहाविभवानन्तपरिमाणनित्यनिरवद्यनिरतिशयश्रीवैकुण्ठनाथ !

paramayogivāṅmanasā'paricchedyasvarūpasvabhāvasvābhimatavividhavicitrānantabhogyabhogopakaraṇabhogasthānasamṛddhānantāścaryānantamahāvibhavānantaparimāṇanityaniravadyaniratiśayaśrīvaikuṇṭhanātha !

स्वसङ्कल्पानुविधायि स्वरूपस्थितिप्रवृत्तिस्वशेषतैकस्वभाव प्रकृति पुरुषकालात्मक विविध विचित्रानन्त भोग्य भोक्तृवर्ग भोगोपकरणभोगस्थानरूप निखिलजगदुदय विभव लयलील !

svasaṅkalpānuvidhāyi svarūpasthitipravṛttisvaśeṣataikasvabhāva prakṛti puruṣakālātmaka vividha vicitrānanta bhogya bhoktṛvarga bhogopakaraṇabhogasthānarūpa nikhilajagadudaya vibhava layalīla !

सत्यकाम! सत्यसङ्कल्प ! परब्रह्मभूत ! पुरुषोत्तम महाविभूते !श्रीमन्! नारायण! वैकुण्ठनाथ !

satyakāma! satyasaṅkalpa ! parabrahmabhūta ! puruṣottama mahāvibhūte !śrīman! nārāyaṇa! vaikuṇṭhanātha !

अपारकारुण्य सौशील्य वात्सल्य औदार्य ऐश्वर्य सौन्दर्य महोदधे !अनालोचितविशेष अशेषलोकशरण्य ! प्रणतार्तिहर !आश्रितवात्सल्यैकजलधे! अनवरतविदित निखिलभूतजातयाथात्म्य!अशेषचराचरभूत निखिलनियमननिरत! अशेषचिदचिद्वस्तुशेषिभूत!निखिलजगदाधार! अखिलजगत्स्वामिन्! अस्मत्स्वामिन्! सत्यकाम!सत्यसङ्कल्प! सकलेतरविलक्षण! अर्थिकल्पक! आपत्सख! श्रीमन्!नारायण! अशरण्यशरण्य! अनन्यशरणःत्वत्पादारविन्दयुगळं शरणमहं प्रपद्ये ॥

apārakāruṇya sauśīlya vātsalya audārya aiśvarya saundarya mahodadhe !anālocitaviśeṣa aśeṣalokaśaraṇya ! praṇatārtihara !āśritavātsalyaikajaladhe! anavaratavidita nikhilabhūtajātayāthātmya!aśeṣacarācarabhūta nikhilaniyamananirata! aśeṣacidacidvastuśeṣibhūta!nikhilajagadādhāra! akhilajagatsvāmin! asmatsvāmin! satyakāma!satyasaṅkalpa! sakaletaravilakṣaṇa! arthikalpaka! āpatsakha! śrīman!nārāyaṇa! aśaraṇyaśaraṇya! ananyaśaraṇaḥtvatpādāravindayugaḷaṃ śaraṇamahaṃ prapadye ||

अत्र द्वय(मनुसन्देय)म् ।

atra dvaya(manusandeya)m |

पितरं मातरं दारान् पुत्रान् बन्धून् सखीन् गुरून् ।रत्नानि धनधान्यानि क्षेत्राणि च गृहाणि च ॥

pitaraṃ mātaraṃ dārān putrān bandhūn sakhīn gurūn |ratnāni dhanadhānyāni kṣetrāṇi ca gṛhāṇi ca ||

सर्वधर्मांश्च सन्त्यज्य सर्वकामांश्च साक्षरान् ।लोकविक्रान्तचरणौ शरणं तेऽव्रजं विभो! ॥

sarvadharmāṃśca santyajya sarvakāmāṃśca sākṣarān |lokavikrāntacaraṇau śaraṇaṃ te'vrajaṃ vibho! ||

त्वमेव माता च पिता त्वमेव त्वमेव बन्धुश्च गुरुस्त्वमेव ।त्वमेव विद्या द्रविणं त्वमेव त्वमेव सर्वं मम देवदेव ॥

tvameva mātā ca pitā tvameva tvameva bandhuśca gurustvameva |tvameva vidyā draviṇaṃ tvameva tvameva sarvaṃ mama devadeva ||

पिताऽसि लोकस्य चराचरस्य त्वमस्य पूज्यश्च गुरुर्गरीयान् ।न त्वत्समोऽस्त्यभ्यधिकः कुतोऽन्यो लोकत्रयेऽप्यप्रतिमप्रभाव ! ॥

pitā'si lokasya carācarasya tvamasya pūjyaśca gururgarīyān |na tvatsamo'styabhyadhikaḥ kuto'nyo lokatraye'pyapratimaprabhāva ! ||

तस्मात् प्रणम्य प्रणिधाय कायं प्रसादये त्वामहमीशमीड्यम् ।पितेव पुत्रस्य सखेव सख्युः प्रियः प्रियायार्हसि देव सोढुम् ॥

tasmāt praṇamya praṇidhāya kāyaṃ prasādaye tvāmahamīśamīḍyam |piteva putrasya sakheva sakhyuḥ priyaḥ priyāyārhasi deva soḍhum ||

मनोवाक्कायैरनादिकालप्रवृत्त अनन्त अकृत्यकरणकृत्याकरण भगवदपचारभागवतापचार असह्यापचाररूप नानाविध अनन्तापचारान्आरब्धकार्यान्\, अनारब्धकार्यान्\, कृतान्\, क्रियमाणान्\, करिष्यमाणांश्चसर्वान् अशेषतः क्षमस्व ।

manovākkāyairanādikālapravṛtta ananta akṛtyakaraṇakṛtyākaraṇa bhagavadapacārabhāgavatāpacāra asahyāpacārarūpa nānāvidha anantāpacārānārabdhakāryān\, anārabdhakāryān\, kṛtān\, kriyamāṇān\, kariṣyamāṇāṃścasarvān aśeṣataḥ kṣamasva |

अनादिकालप्रवृत्तविपरीतज्ञानं\, आत्मविषयं कृत्स्नजगद्विषयं च\,विपरीतवृत्तं च अशेषविषयं\,अद्यापि वर्तमानं वर्तिष्यमाणं च सर्वं क्षमस्व ॥

anādikālapravṛttaviparītajñānaṃ\, ātmaviṣayaṃ kṛtsnajagadviṣayaṃ ca\,viparītavṛttaṃ ca aśeṣaviṣayaṃ\,adyāpi vartamānaṃ vartiṣyamāṇaṃ ca sarvaṃ kṣamasva ||

मदीयानादिकर्मप्रवाहप्रवृत्तां\, भगवत्स्वरूपतिरोधानकरीं\,विपरीतज्ञानजननीं\, स्वविषयायाश्च भोग्यबुद्धेर्जननीं\,देहेन्द्रियत्वेन ??भोग्यत्वेन सूक्ष्मरूपेण च अवस्थितां\, दैवीं गुणमयीं मायां\,दासभूतः शरणागतोऽस्मि तवास्मि दासः\,इति वक्तारं मां तारय ।

madīyānādikarmapravāhapravṛttāṃ\, bhagavatsvarūpatirodhānakarīṃ\,viparītajñānajananīṃ\, svaviṣayāyāśca bhogyabuddherjananīṃ\,dehendriyatvena ??bhogyatvena sūkṣmarūpeṇa ca avasthitāṃ\, daivīṃ guṇamayīṃ māyāṃ\,dāsabhūtaḥ śaraṇāgato'smi tavāsmi dāsaḥ\,iti vaktāraṃ māṃ tāraya |

तेषां ज्ञानी नित्ययुक्तः एकभक्तिर्विशिष्यते ।प्रियो हि ज्ञानिनोऽत्यर्थमहं स च मम प्रियः ॥

teṣāṃ jñānī nityayuktaḥ ekabhaktirviśiṣyate |priyo hi jñānino'tyarthamahaṃ sa ca mama priyaḥ ||

उदाराः सर्व एवैते ज्ञानी त्वात्मैव मे मतम् ।आस्थितः स हि युक्तात्मा मामेवानुत्तमां गतिम् ॥

udārāḥ sarva evaite jñānī tvātmaiva me matam |āsthitaḥ sa hi yuktātmā māmevānuttamāṃ gatim ||

बहूनां जन्मनामन्ते ज्ञानवान् मां प्रपद्यते ।वासुदेवः सर्वमिति स महात्मा सुदुर्लभः ॥

bahūnāṃ janmanāmante jñānavān māṃ prapadyate |vāsudevaḥ sarvamiti sa mahātmā sudurlabhaḥ ||

इति श्लोकत्रयोदितज्ञानिनं मां कुरुष्व ।

iti ślokatrayoditajñāninaṃ māṃ kuruṣva |

पुरुषः स परः पार्थ ! भक्त्या लभ्यस्त्वनन्यया \,भक्त्या त्वनन्यया शक्यः\, मद्भक्तिं लभते पराम्

puruṣaḥ sa paraḥ pārtha ! bhaktyā labhyastvananyayā \,bhaktyā tvananyayā śakyaḥ\, madbhaktiṃ labhate parām

इति स्थानत्रयोदितपरभक्तियुक्तं मां कुरुष्व ।

iti sthānatrayoditaparabhaktiyuktaṃ māṃ kuruṣva |

परभक्तिपरज्ञानपरमभक्त्येकस्वभावं मां कुरुष्व ।

parabhaktiparajñānaparamabhaktyekasvabhāvaṃ māṃ kuruṣva |

परभक्ति परज्ञान परमभक्तिकृत परिपूर्णानवरत नित्यविशदतमअनन्यप्रयोजन अनवधिकातिशयप्रिय भगवदनुभवोऽहं\, तथाविधभगवदनुभवजनित अनवधिकातिशय प्रीतिकारित अशेषावस्थोचितअशेषशेषतैकरतिरूप नित्यकिङ्करो भवानि ।

parabhakti parajñāna paramabhaktikṛta paripūrṇānavarata nityaviśadatamaananyaprayojana anavadhikātiśayapriya bhagavadanubhavo'haṃ\, tathāvidhabhagavadanubhavajanita anavadhikātiśaya prītikārita aśeṣāvasthocitaaśeṣaśeṣataikaratirūpa nityakiṅkaro bhavāni |

श्रीरङ्गनाथःएवम्भूत मत्कैङ्कर्यप्राप्त्युपायतया अवकॢप्तसमस्तवस्तुविहीनोऽपि\,अनन्त तद्विरोधिपापाक्रान्तोऽपि\, अनन्त मदपचारयुक्तोऽपि\,अनन्त मदीयापचारयुक्तोऽपि\, अनन्त असह्यापचारयुक्तोऽपि\,एतत्कार्यकारणभूत अनादि विपरीताहङ्कार विमूढात्मस्वभावोऽपि\,एतदुभयकार्यकारणभूत अनादि विपरीतवासनासम्बद्धोऽपि\,एतदनुगुण प्रकृतिविशेषसम्बद्धोऽपि\,एतन्मूल आध्यात्मिक आधिभौतिक आधिदैविक सुखदुःख तद्धेतुतदितरोपेक्षणीय विषयानुभव ज्ञानसङ्कोचरूप मच्चरणारविन्दयुगळएकान्तिकात्यन्तिक परभक्ति परज्ञान परमभक्तिविघ्नप्रतिहतोऽपि\,येनकेनापि प्रकारेण द्वयवक्ता त्वम्\,केवलं मदीययैव दयया\, निश्शेषविनष्टसहेतुक मच्चरणारविन्दयुगळ एकान्तिकात्यन्तिक परभक्ति परज्ञानपरमभक्तिविघ्नः\, मत्प्रसादलब्ध मच्चरणारविन्दयुगळ एकान्तिकात्यन्तिकपरभक्ति परज्ञान परमभक्तिः\, मत्प्रसादादेव साक्षात्कृत यथावस्थितमत्स्वरूपरूपगुणविभूति लीलोपकरणविस्तारः\, अपरोक्षसिद्ध मन्नियाम्यतामद्दास्यैकरसात्मस्वभावात्मस्वरूपः\, मदेकानुभवः\, मद्दास्यैकप्रियः\,परिपूर्णानवरत नित्यविशदतम अनन्यप्रयोजन अनवधिकातिशयप्रियमदनुभवस्त्वं तथाविध मदनुभवजनित अनवधिकातिशय प्रीतिकारितअशेषावस्थोचित अशेषशेषतैकरतिरूप नित्यकिङ्करो भव ।

śrīraṅganāthaḥevambhūta matkaiṅkaryaprāptyupāyatayā avakḷptasamastavastuvihīno'pi\,ananta tadvirodhipāpākrānto'pi\, ananta madapacārayukto'pi\,ananta madīyāpacārayukto'pi\, ananta asahyāpacārayukto'pi\,etatkāryakāraṇabhūta anādi viparītāhaṅkāra vimūḍhātmasvabhāvo'pi\,etadubhayakāryakāraṇabhūta anādi viparītavāsanāsambaddho'pi\,etadanuguṇa prakṛtiviśeṣasambaddho'pi\,etanmūla ādhyātmika ādhibhautika ādhidaivika sukhaduḥkha taddhetutaditaropekṣaṇīya viṣayānubhava jñānasaṅkocarūpa maccaraṇāravindayugaḷaekāntikātyantika parabhakti parajñāna paramabhaktivighnapratihato'pi\,yenakenāpi prakāreṇa dvayavaktā tvam\,kevalaṃ madīyayaiva dayayā\, niśśeṣavinaṣṭasahetuka maccaraṇāravindayugaḷa ekāntikātyantika parabhakti parajñānaparamabhaktivighnaḥ\, matprasādalabdha maccaraṇāravindayugaḷa ekāntikātyantikaparabhakti parajñāna paramabhaktiḥ\, matprasādādeva sākṣātkṛta yathāvasthitamatsvarūparūpaguṇavibhūti līlopakaraṇavistāraḥ\, aparokṣasiddha manniyāmyatāmaddāsyaikarasātmasvabhāvātmasvarūpaḥ\, madekānubhavaḥ\, maddāsyaikapriyaḥ\,paripūrṇānavarata nityaviśadatama ananyaprayojana anavadhikātiśayapriyamadanubhavastvaṃ tathāvidha madanubhavajanita anavadhikātiśaya prītikāritaaśeṣāvasthocita aśeṣaśeṣataikaratirūpa nityakiṅkaro bhava |

एवम्भूतोऽसि ।

evambhūto'si |

आध्यात्मिक आधिभौतिक आधिदैविक दुःखविघ्नगन्धरहितस्त्वंद्वयमर्थानुसन्धानेन सह सदैवं वक्ता यावच्छरीरपातंअत्रैव श्रीरङ्गे सुखमास्व ॥

ādhyātmika ādhibhautika ādhidaivika duḥkhavighnagandharahitastvaṃdvayamarthānusandhānena saha sadaivaṃ vaktā yāvaccharīrapātaṃatraiva śrīraṅge sukhamāsva ||

शरीरपातसमये तु केवलं मदीययैव दयया अतिप्रबुद्धः\, मामेवावलोकयन्\,अप्रच्युत पूर्वसंस्कारमनोरथः\, जीर्णमिव वस्त्रं सुखेन इमां प्रकृतिंस्थूलसूक्ष्मरूपां विसृज्य\, तदानीमेव मत्प्रसादलब्ध मच्चरणारविन्दयुगळएकान्तिकात्यन्तिक परभक्ति परज्ञान परमभक्तिकृत परिपूर्णानवरत नित्यविशदतम अनन्यप्रयोजन अनवधिकातिशयप्रिय मदनुभवस्त्वं तथाविधमदनुभवजनित अनवधिकातिशय प्रीतिकारित अशेषावस्थोचितअशेषशेषतैकरतिरूप नित्यकिङ्करो भविष्यसि ॥

śarīrapātasamaye tu kevalaṃ madīyayaiva dayayā atiprabuddhaḥ\, māmevāvalokayan\,apracyuta pūrvasaṃskāramanorathaḥ\, jīrṇamiva vastraṃ sukhena imāṃ prakṛtiṃsthūlasūkṣmarūpāṃ visṛjya\, tadānīmeva matprasādalabdha maccaraṇāravindayugaḷaekāntikātyantika parabhakti parajñāna paramabhaktikṛta paripūrṇānavarata nityaviśadatama ananyaprayojana anavadhikātiśayapriya madanubhavastvaṃ tathāvidhamadanubhavajanita anavadhikātiśaya prītikārita aśeṣāvasthocitaaśeṣaśeṣataikaratirūpa nityakiṅkaro bhaviṣyasi ||

मा तेऽभूदत्र संशयः ।अनृतं नोक्तपूर्वं मे न च वक्ष्ये कदाचन ।रामो द्विर्नाभिभाषते ।सकृदेव प्रपन्नाय तवास्मीति च याचते ।अभयं सर्वभूतेभ्यो ददाम्येतद्व्रतं मम ॥सर्वधर्मान् परित्यज्य मामेकं शरणं व्रज ।अहं त्वा सर्वपापेभ्यो मोक्षयिष्यामि मा शुचः ॥इति मयैव ह्युक्तम् ।

mā te'bhūdatra saṃśayaḥ |anṛtaṃ noktapūrvaṃ me na ca vakṣye kadācana |rāmo dvirnābhibhāṣate |sakṛdeva prapannāya tavāsmīti ca yācate |abhayaṃ sarvabhūtebhyo dadāmyetadvrataṃ mama ||sarvadharmān parityajya māmekaṃ śaraṇaṃ vraja |ahaṃ tvā sarvapāpebhyo mokṣayiṣyāmi mā śucaḥ ||iti mayaiva hyuktam |

अतस्त्वं तव तत्त्वतो मद्ज्ञानदर्शनप्राप्तिषु निःसंशयः सुखमास्व ॥

atastvaṃ tava tattvato madjñānadarśanaprāptiṣu niḥsaṃśayaḥ sukhamāsva ||

अन्त्यकाले स्मृतिर्यातु तव कैङ्कर्यकारिता ।तामेनां भगवन्नद्य क्रियामाणां कुरुष्व मे ॥

antyakāle smṛtiryātu tava kaiṅkaryakāritā |tāmenāṃ bhagavannadya kriyāmāṇāṃ kuruṣva me ||

इति श्री भगवद्रामानुजविरचिते गद्यत्रयप्रबन्धे शरणागति गद्यम् ॥

iti śrī bhagavadrāmānujaviracite gadyatrayaprabandhe śaraṇāgati gadyam ||

सर्वं श्रीकृष्णार्पणमस्तु

sarvaṃ śrīkṛṣṇārpaṇamastu